Сотир Лукровски, еден од најекстремните претставници на движењето против нашата држава, кој требаше да учествува на настан на наводното ‘македонско’ малцинство, му беше забранет влез во нашата земја“,пишува грчкиот весник „То Парон.“

Во весникот се истакнува и тоа дека за прославата на Македонците во Овчарани се користи македонскиот топоним, а не грчкиот, Мелити.

Весникот протестира поради однесувањето на Атина и на владата на Мицотакис кои одвреме-навреме само изјавуваат дека господинот Мицкоски ќе наиде на пречки на европскиот пат на неговата земја.

https://www.youtube.com/watch?v=_7bERgOwaew&t=1s

Се споменува и „континуираната употреба на терминот ‘Македонија’… a тoa покажува дека има потреба од итна мобилизација на власта… Очигледно е дека Скопје работите ги турка кон Меѓународниот суд на правдата за меѓународно да ја легитимираат употребата на терминот ‘Македонија’ и ќе ја принудат Грција да помине низ долгиот и проблематичен процес на жалба во Хаг… Се ​​надеваме дека сепак, ако нѐ одведат во Хаг, владата и МНР навреме ќе се погрижат да регрутираат сериозна група адвокати од Грција и од странство и нема нема да се задоволат со сопственото ‘правно знаење’ и полузнаење…“, пишува весникот „То парон“.

Извор То Парон

The post Грчките медиуми го прогласија првиот човек на Здружението „Вмбел Егеј“, Лукровски за екстремист appeared first on Република.

Сотир Лукровски, претседателот на македонското патриотско здружение В’мбел Егеј, од вчера, па во наредните три години веќе нема да може да влезе во Грција, да го посети селото на неговите родители. „Регистрован је као непожељни“, му пишува на лош српски јазик во документот со лого на ЕУ, што го добил Лукровски од грчката полиција на граничниот премин Меџитлија.

После 15 години активизам за Егејското прашање вчера на моја огромна жал моето патување за Овчарани заврши на границата помеѓу Вардарска и Егејска Македонија. Без никакво образложение добив документ дека во наредните три години сум непожелен на територијта на Република Грција, колевката на демократијата. Се повторува репресијата врз моето семејсто и по цели 76 години од убиствата и прогонот на моите дедовци, татко и чичковци, во модерна Европа во 21-от век. Чемер и жал во душата што најверојатно никогаш повеќе нема да го видам мојот В’мбел како и моите баба и дедо кои починаа без уште еднаш да си го видат родното огниште.

Горд сум и среќен што на времено им го покажав патот на стотици потомци од В’мбел до нивните корени меѓу кои и на моите деца. Тие ќе продолжат да се враќаат онаму каде што тежиме, тие ќе го одржуваат огнот на нашите гробови и црква. Вистинта за Егејот и В’мбел ќе живее се дур нѐ има до последниот Љукра. Егејот е душата на Македонија, напиша Лукровски на својот фејсбук-профил.

The post „Регистрован је као непожељни“: Грција на српски јазик му забрани влез на Сотир Лукровски од Здружението „В’мбел Егеј“ appeared first on Република.

На 12 мај ќе се одржат „Беломорски видувања“. Настан кој можеби е најмасовен во Македонија со над 500 гости. Покрај од политичкиот живот ќе има гости од дијаспората,претставници од Црквата.

Собирот го поздравува Сотир Лукровски,кординатор на Здруженијата на Македонците од Егејскиот дел на Македонија.

Во музичкиот дел ќе учествуваат Бојана Скендеровски,Миле Кузмановски, Огнен Здравковски, хорот и оркестарот при гимназијата Св.Климент Охридски, Ансамбл „Јонче Христовски и оркестарот „Бравос“.

https://www.youtube.com/watch?v=_7bERgOwaew&embeds_referring_euri=https%3A%2F%2Frepublika.mk%2F&source_ve_path=MjM4NTE&feature=emb_title

The post На 12 мај се одржуваат „Беломорски видувања“ appeared first on Република.

Денеска во центарот на Скопје беше отворен Беломорскиот клуб и читална. На отворањето пристуствуваа здруженија на Македонците од Егејскиот дел на Македонија, а дојде и лидерот на ВМРО-ДПМНЕ Христијан Мицкоски.

Најзаслужен за отворањето на овој клуб е Сотир Лукровски, претседател на здружението „Вмбел Егеј“ како и координатор на здруженијата на Македонците од Егејот.

Погледнете каква беше атмосферата на отворањето.

https://www.youtube.com/watch?v=_7bERgOwaew&embeds_referring_euri=https%3A%2F%2Frepublika.mk%2F&source_ve_path=MjM4NTE&feature=emb_title

The post Oтворен Беломорскиот клуб и читална во центарот на Скопје appeared first on Република.

Во сабота во 12 часот во центарот на Скопје ќе се отворат просториите на Македонците по потекло од Егејскиот дел на Македонија- Беломорски клуб и читална. 

По тој повод разговараме со Сотир Лукровски, претседател на Македонското патриотско Здружение Вмбел Егеј и координатор на здруженијата на Македонците по потекло од Егејот.

Лукровски вели дека сѐ е подготвено за отворањето на клубот кој треба да прерасне во едно сврталиште на повозрасните, но и да привлече помлади членови.

Во клубот ќе има над 300 книги и читална и секој ќе може да дојде да прочита тоа што го интересира, да пронајде податоци и документи за роднини и пријатели каде избегале и која година.

Лукровски ја открива и крајната цел на отворањето на вакви здруженија.

Крајната цел е да го одржиме отворено прашањето на Македонците по потекло од Егејскиот дел на Македонија. Поселдниве години не одат во полза на Македонија и Македонецот.Сега правиме нешто и зад границата но ни се случува полека изумираме и во сопствената држава.Ние она што можеме да го направиме е на децата да им ја пренесеме вистината. Како јас што сум ја слушал  од моите баба и дедо кои ми оставиле аманет дека сум Македонец треба и ние да им го пренесеме на децата.За жал децата не знаат речиси ништо, но треба да се прашаме колку ние зборуваме за тоа и колку сме им пренеле-вели Лукровски за „Република“.

Лукровски нагласува дека и денеска се случува Македонци по потекло од Егејот да имаат проблеми при влез во Грција.

И тоа не само од постарата генерација туку и помлади имаат забрана за влез од необјаснети причини.Проблемот е што овие луѓе немаат поддршка од нашето министерство и тоа не се актуелизира.

Лукровски за „Република“ говори и за селото Вмбел од каде што потекнува.

Моето село не постои.Во 1949 година тоа е разрушено и бомбардирано и така бегаат последните жители на селото.Сега се вика Москохори кое е на неколку километри од селото Смрдеш или по грчки Кристалопиги каде има луѓе кои зборуваат македонски јазик. Но, нашето село не постои бидејќи е направено чистење.

Лукровски ја објаснува положбата на Македонците во Грција и колку тие го знаат македонскиот јазик.

Постои природна асимилација но факт е дека последните години се охрабруваат сѐ повеќе да се здружуваат и да говорат македонски јазик.Но, сепак тоа треба да биде државна политика-посочува Лукровски за „Република“.

За Македонците по потекло од Егејскиот дел на Македонија важен датум е и 12 мај.

На 12 мај организираме Беломорски видувања.Настан кој можеби е најмасовен во Македонија.Покрај од политичкиот живот ќе имаме гости од Пирин, од Егеј и настанот ќе биде програмски богата.Го очекуваме и гимназискиот хор од Охрид.Ќе биде една убава средба-најавува Лукровски.

https://www.youtube.com/watch?v=_7bERgOwaew

The post Лукровски: Беломорски клуб во центарот на Скопје за Македонците од Егејот appeared first on Република.

Во сабота во 12 часот во центарот на Скопје ќе се отворат просториите на Здружението на Македонците по потекло од Егејскиот дел на Македонија - Беломорски клуб и читална.

Сотир Лукровски координатор на Здруженијата на Македонците со потекло од Егејот, во интервју за „Република“ кое ќе биде објавено утре вели дека сѐ е подготвено за отворањето на клубот кој треба да прерасне во едно сврталиште, на повозрасните, но и да привлече помлади членови.

@republika.onlineСотир Лукровски здружение „В'мбел“♬ original sound - Republika online

Во клубот ќе има над 300 книги и читална и секој ќе може да дојде да прочита тоа што го интересира, да пронајде податоци и документи за роднини и пријатели каде избегале и која година.

The post Лукровски: Македонците од Егејот во сабота добиваат свое катче во центарот на Скопје appeared first on Република.