Вчеравечер во 22.30 часот во СВР Скопје, 50 - годишен маж од Скопје пријавил дека околу 18.30 часот во трговски центар на подрачјето на Центар бил физички нападнат од неговата 36 - годишна сопруга.

Исто така, и сопругата пријавила дека била физички нападната од нејзиниот сопруг, кој и упатувал и закани, а потоа и го одзел мобилниот телефон и го фрлил.

Се преземаат мерки за расчистување на случајот, велат од СВР Скопје.

The post Сопружници од Скопје меѓусебно се пријавија за насилство appeared first on Република.

Вчеравечер во 22.00 часот во СВР Скопје било пријавено дека во домот на подрачјето на Ѓорче Петров, по претходно недоразбирање, бил нарушен јавниот ред и мир со физичка пресметка помеѓу двајца сопружници на 26-годишна возраст од Скопје, при што сопругата употребила стаклен предмет.

По целосно документирање на случајот ќе следува соодветен поднесок, велат од МВР.

The post Млади сопружници се истепале во домот, скопската полиција морала да интервенира appeared first on Република.

Вчера во Виница биле приведени сопружниците С.Ѓ. (37) и С.Ѓ. (25) откако било пријавено дека најпрво сопругот физички ја нападнал неговата сопруга, а потоа и таа со остар предмет упатила закани кон партнерот.

По целосно документирање на случајот ќе следува соодветен поднесок.

The post Сопружници се истепале, па завршиле во притвор appeared first on Република.

Вчера во 14.30 часот во СВР Скопје, 36-годишна жена пријавила дека во семејниот дом на подрачјето на Карпош, по претходна расправија, била физички нападната од нејзиниот 39-годишен сопруг.

Во 19.30 часот, пак, нејзиниот сопруг во СВР Скопје пријавил дека во семејниот дом, по претходна расправија, бил физички нападнат од неа.

По целосно документирање на случајот ќе следува соодветен поднесок, велат од МВР.

The post Сопружници од Карпош се пријавиле меѓусебно за семејно насилство appeared first on Република.

А. Ј. (33) од селото Булачани пред два дена во полицијата пријавил дека неговата сопруга Д. Ј. (28) од непознати причини си отишла од нивниот дом и со себе си земала свои лични работи.

Следниот ден во 06.30 часот во кујната пронашол писмо кое сопругата го оставила во кое пишува причини поради кои заминала, велат од МВР. Пријавителот појаснил дека не е прв пат Д.Ј да се оддалечи од домот. Се преземаат мерки за пронаоѓање на лицето.

The post Жена си заминала од дома и на сопругот му оставила писмо, тој пријавил во полиција appeared first on Република.

Во штипскиот Основен суд заврши доказната постапка, но и завршните зборови против еден од обвинетите за сообраќајната несреќа, што се случи лани на регионалниот пат кој поминува низ населбата Балканска, а животот го загубија брачна двојка.

https://republika.mk/vesti/crna-hronika/divi-trkachi-im-presudija-na-sopruznicite-koi-so-nivnoto-jugo-zaginaa-vo-shtip/

За несреќата беа обвинети две лица, едното од нив ја има признато вината и за него е донесена пресуда со казна затвор од пет години.

На денешното рочишто исказ дададе обвинетиот кој не признал вина за учеството во несреќата. Судијата кривичар во Основниот суд во Штип, Ацо Тасев најави дека деновиве ќе биде донесена пресудата за обвинетиот.

Инаку, несреќата се случи на 31 мај меѓу возила „југо“ и „опел астра“, на лице место загинаа две лица. МИА тогаш информираше дека во „југото“ на лице место од силниот удар починале возачот 68 годишниот Г.П и 62 годишната сопатничка Ј.П. Од Основното јавно обвинителство- Штип тогаш беше донесена Наредба за спроведување истражна постапка против две лица, осомничени дека сториле кривично дело „тешки дела против безбедноста на луѓето и имотот во сообраќајот“.

Двајцата осомничени, во вечерните часови на 31 мај, предизвикале тешка сообраќајна несреќа со смртни последици. Првиот осомничен управувал автомобил „опел астра“, а вториот осомничен – автомобил „сеат леон“, тргнувајќи истовремено од бензинска пумпа на кружниот тек на влезот на Штип. Со брзина поголема од максимално дозволената се движеле по улицата „Брегалничка“, еден позади друг. Доближувајќи се до крстосница, наместо да ја намалат брзината, едното возило започнало да го претекнува другото и навлегло во коловозна лента за сообраќај од спротивна насока. Во тој момент, во таа лента се движел автомобил „југо“, во кој се превезувале двајца сопружници. Возачот на автомобилот „југо“ се обидел да го избегне автомобилот кој му доаѓал во неговата лента, но притоа директно удрил во другиот престигнуван автомобил. Како резултат на сударот и здобиените повреди, во несреќата починале двајцата сопружници, известија ОЈО-Штип.

The post Едниот осуден доби пет години затвор, се чека втора пресуда за тешката сообраќајка во која загинаа штипски сопружници appeared first on Република.

Во Нови Сад, во населбата Ветерник, во шахта се пронајдени тела на маж и жена.

„Камера го сними целиот настан. На видеото се гледа како прво маж влегол во шахта, па женаta, но не излегле повеќе. Што се случило со нив ќе утврди истрагата“, вели изворот на српски Курир.

Како што се наведува, нема сомнеж дека се работи за кривично дело

The post Хорор во Нови Сад: Сопружници пронајдени мртви во шахта, истрагата е во тек appeared first on Република.

Дебарското одделение за внатрешни работи поднесе кривична пријава против сопружници од Дебар за измама на нивна сограѓанка, со што се стекнале со противправна имотна корист од над 770 илјади денари.

Како што информираше Стефан Димоски, портпарол на Секторот за внатрешни работи-Охрид, пријавата е поднесена против А.Ц.(39) и Ќ.Ц.(46), двајцата од Дебар, поради постоење основи на сомнение за сторени кривични дела „измама“ и „злоупотреба на лични податоци“.

Пријавените сопружници, во периодот од 2010 до 2022 година, свесно и со умисла, во неколку наврати довеле во заблуда повозрасна жителка од Дебар која, од една банка и 2 финансиски друштва, подигнала кредити и како заем им ги дала на пријавените кои и ветиле дека парите ќе ѝ ги враќале на рати, изјави Димоски.

Додаде дека пријавените, злоупотребувајќи ги личните податоци од личната карта на оштетената и од нејзината е-маил адреса, до едно финансиско друштво, поднеле онлајн апликација за добивање брз кредит.

Пријавените потоа парите ги подигнале од нејзината трансакциска сметка. Со ваквите нивни незаконски активности, се стекнале со противправна имотна корист од 777 000 денари, рече Димоски.

Ова е прв ваков случај во поширокото подрачје, кое со својата активност го покрива Одделението за внатрешни работи-Дебар.

The post Сопружници од Дебар 12 години лажеле жена за пари appeared first on Република.