СВР Тетово поднесе кривична пријава против К.М.(35) од Тетово поради постоење основи на сомнение за сторени кривични дела „загрозување на сигурноста“ и „телесна повреда“ во врска со семејно насилство.

На 22.10.2024 додека го управувал своето патничко возило, пријавениот започнал расправија со својата сопруга, по што таа се обидела да излезе од возилото, но тој ја зголемил брзината и таа паднала на асфалтот и се здобила со повреди, објави МВР.

The post Намерно забрзал кога жена му излегувала од автомобил appeared first on Република.

Вчеравечер во 20.00 часот во Скопје, полициски службеници од СВР Скопје го лишиле од слобода М.А.(36) од Скопје, постапувајќи по претходна пријава дека во домот на подрачјето на општина Аеродром физички ја нападнал неговата 35-годишна сопруга, оштетил дел од покуќнината и ѝ се заканувал со остар предмет, а потоа се заканувал и на нејзината мајка.

По целосно документирање на случајот ќе следува соодветен поднесок, велат од МВР.

The post Уапсен насилен сопруг од Аеродром appeared first on Република.

Две жени вчера пријавиле дека биле физички нападнати од нивните сопруг и партнер, а од Министерството за внатрешни работи информираат дека се преземаат мерки за расчистување на случаите.

Едниот случај е во Скопје, каде што 53-годишна жена пријавила дека вчера во домот на подрачјето на Карпош била физички нападната од нејзиниот сопруг М.И. Додека, другиот во Прилеп, каде што 33-годишна жена пријавила дека на 19. месецов околу 21 часот била физички нападната од нејзиниот партнер А.В. кој исто така ѝ се заканувал со остар предмет.

Дополнително, Од МВР информираат дека вчера во СВР Струмица М.Г.(38) од село Василево пријавил дека околу 21 часот бил физички нападнат од неговиот сосед Д.Р. и неговата сопруга, а претходно му оштетиле и стакло од неговиот дом. И за овој случај се преземаат мерки за расчистување на случајот.

The post Две жени пријавиле дека биле натепани од партнерот, односно сопругот appeared first on Република.

Денеска (24.08.2024) во 02:11 часот во СВР Скопје 23-годишна жена пријавила дека околу 00:30 часот на подрачјето на Ѓорче Петров била физички нападната од нејзиниот сопруг Ф.К.

Се преземаат мерки за расчистување на случајот.

The post Скопјанка пријавила дека сопругот ја тепал appeared first on Република.

Даг Емхоф, сопруг на американската потпретседателка Камила Харис, призна дека ја изневерувал својата прва сопруга, после шокантното откритие дека наводно и направил дете на семејната дадилка.

Емхоф, кој сега има 59 години, тогашната сопруга Керстин пред повеќе од деценија ипол ја изневерувал со плавокосата дадилка Најен Нејлор, која наводно останала бремена.

Нејлор не го задржала бебето - рекол на британски Дејли мејл, извор директно упатен во аферата.

Емхоф призна дека имал афера, меѓутоа не го навел името на Нејлор или нејзината наводна бременост.

Извор на британскиот медиум исто така екол дека Емхоф, кој инаку е познат адвокат, и признала на Камила дека имал вонбрачна афера пред да се венчаат и дека врската со дадилката е прекината пред да почнат за излегуваат.

The post Скандал ја тресе Америка: Испливаа шокантни детали од минатото на сопругот на Камила Харис appeared first on Република.

Триесет и шестгодишната жена, жртва на семејно насилство, која ги уби својот сопруг и свекорот во семејната куќа во Кратово доби правна помош и адвокатска канцеларија која ќе ја застапува Pro bono во случајот и на судскиот процес.

Сe rработи за многу ситна жена која сè уште има траги од критичниот ден. Сметам дека ниедно семејство не треба да го помине ова што го помина обвинетата и нејзините малолетни дечиња. Ни претстои долга правна битка, вели за „Телма“ адвокатот Христијан Георгиевски.

Адвокатот Георгиевски и неговиот тим веќе поднеле жалба да се замени мерката притвор. Од полицијата во Скопје Куманово и Кратово како и од центрите за социјална работа побарале комплетна документација за сите досега поднесени пријави од осомничената како и против неа. Неколку соседи веќе се пријавиле како сведоци, а не откриваат дали е побарано психијатриско вештачење и дали во моментот на кривичното дело таа била физички нападната и од свекорот.

Сега осомничената стапува во брак во 2011 година и се сели во Кратово кај сопругот со кого има две малолетни деца. Физичките и психички тортури почнуваат по раѓањето на двете деца, и често се случувало пред нивните очи.

The post Соседите се пријавуваат за сведоци: Адвокатски тим бесплатно ќе ја брани жената која им пресуди на сопругот и свекорот appeared first on Република.

Вчера во 01.00 часот во СВР Скопје, 42 - годишна жена пријавила дека во домот на подрачјето на Бутел била физички нападната од нејзиниот сопруг Ф.Ч. и од нејзиниот свекор Ј.Ч., при што сопругот употребил и тврд предмет.

Од СВР Скопје велат дека преземаат мерки за расчистување на случајот.

The post Жена претепана од сопругот и свекорот appeared first on Република.

Женско лице е убиено во градот Пеќ во Косово, а осомничен за злосторот е нејзиниот сопруг, кој, како што јавија медиумите, ѝ се предал на полицијата, јави дописникот на МИА од Приштина.

Случајот за медиумите го потврди портпаролот на Основното обвинителство во Пеќ, Шкодран Никчи, кој информира дека убиството се случило со огнено оружје. Осомничениот е уапсен, а на местото на настанот пристигнале соодветни екипи.

Во Пеќ се случи убиство, при што се сомнева дека сопругот ѝ го одзел животот на сопругата во стан во центарот на градот. Во моментов на местото на настанот се главниот обвинител, обвинител и сите релевантни екипи. Осомничениот е уапсен, изјави Никчи.

[caption id="attachment_766711" align="aligncenter" width="696"] фото: Дукаѓини[/caption]

Полицијата соопшти дека инцидентот се случил денеска во 8 часот и 15 минути.

Денеска околу 08:15 часот полицијата е известена дека на улицата „Бил Клинтон“ во Пеќ се случил инцидент, полицијата веднаш излегла на местото на настанот, како и лекарска екипа, која констатирала смрт кај жртвата (женска ), осомничениот во овој случај е уапсен и се наоѓа во просториите на Полициската станица во Пеќ, се наведува во соопштението на портпаролот на полицијата за регионот на Пеќ, Дритон Ругова.

Според медиумите, се работи за брачна двојка на околу 45-годишна возраст кои заеднички имаат три деца.  Мотивите за убиството се уште не се познати.

Ова е втор случај на фемицид за неколку дена на Косово.

Во петокот (12 април) 21-годишна жена беше застрелана во Урошевац во Центарот за социјална работа од страна на поранешниот сопруг. Притоа беше ранет и 15-годишниот брат на жртвата.

Медиумите известуваат дека и двајцата сторители на убиствата веќе биле пријавувани во неколку наврати за семејно насилство.

Вчера во Приштина се одрза протест на невладини организации со барање до институциите да преземат мерки за заштита на девојките и жените.

The post Маж си ја уби сопругата, претходно неколку пати бил пријавуван за семејно насилство appeared first on Република.

На 15.02.2024 во 19.44 часот во СВР Скопје, 60 – годишна жена од Скопје пријавила дека во домот на подрачје на Кисела Вода, нејзината 27-годишна ќерка физички била нападната од сопругот Д.Ј.(30) од Скопје.

По целосно документирање на случајот ќе следува соодветен поднесок.

The post Баба си го пријавила зетот дека ја истепал ќерка ѝ во нивниот дом appeared first on Република.

Турскиот суд издал дозвола за развод на брачна двојка од Анкара поради лошата хигиена на сопругот и тој на својата сопруга треба да и плати отштета во износ од 500.000 турски лири (16.475 долари), пренесува „Хуриет дејли њуз“.

Судот ја прифати причината на сопругата за несоодветната хигиена на сопругот како доволна основа за раскинување на нивниот брак и го смета сопругот целосно одговорен за неговиот распад.

Сопругата поднела барање за развод, обвинувајќи го нејзиниот сопруг дека ја занемарувал личната хигиена, дека не се капел со денови, ги миел забите само еднаш или двапати неделно и дека ја користи истата облека со денови.

Првичната пресуда за случајот, издадена од семеен суд во Анкара, конечно беше потврдена од Апелацискиот суд, кој потврди дека сопругот како странка која ја занемарила личната хигиена сноси целосна вина за околностите кои довеле до развод.

The post Турчинка се развела од сопругот бидејќи не се капел со денови, ја носел истата облека и миел заби еднаш неделно appeared first on Република.

Половина година по убиството на Гордана Ч. (45), која наводно била убиена со голи раце од нејзиниот сопруг Роберт Ч. (52) од Петриња, жупаниското државно обвинителство во Сисак поднесе обвинителен акт против мажот.

Тој се товари за тешко убиство што го извршил на 17 мај годинава во нивниот семеен дом.

Во обвинителниот акт, државното обвинителство предложи мажот да остане во истражен затвор поради ризик од повторување на делото.

Обвинителниот совет го прифати предлогот и 52-годишникот сепак ќе остане во затвор, а доколку судот ја докаже вината му се закануваат девет години затвор.

Роберт работеше во Германија и дојде во Петриња на одмор. Гордана не се дружеше премногу, ја гледавме само кога одела во град. Пред нив во куќата живееше нејзиниот брат, а со Роберт не сме се виделе три години“, велат соседите за „Јутарњи лист“.

The post Сопругот е осомничен за убиството на Гордана од Петриња, ја задавил со голи раце appeared first on Република.

По професија сум дипломиран машински инженер, со мојата диплома работев и во Германија, а веќе две години сум наставник во основно училиште во Неготино и предавам во околните села.

https://republika.mk/vesti/crna-hronika/privedena-nastavnichka-od-negotino-prijavena-bila-deka-psihichki-maltretirala-uchenitsi/

Мојата сопруга, која беше вчера приведена во полиција работи како наставничка околу 20 години. Случајот со приведувањето и образложенијата дека таа психички ги малтертирала учениците е главна тема во Неготино, но и пошироко, па би сакал да појаснам за јавноста која е позадината – за „Фокус“ раскажува М.С., видно вознемирен од настанот. Како што појаснува, и тој и сопругата биле под постојани притисоци, а таа на почетокот на годината користела еден месец боледување и и била поставена дијагноза, која тој вели дека не би ја откривал во јавност, но не крие дека станува збор за нарушено здравје поради стресни ситуации поврзани со работата.

Во последните неколку дена, односно од петокот, па до вчера, беше очигледно дека мојата сопруга падна во депресија. Плачеше, се жалеше дека е сама, дека никој не ја разбира. Истото однесување, колку што сега знам, го имала и на училиште, па поради тоа и ги вознемирила учениците и нивните родители. Но, наместо мене да ме контактираат, да ја пратат на боледување, па да бараме здравствена помош, се случи да ни дојде полиција дома, и тоа вчера, кога дома имавме слава Свети Димитрија, кога масата ни беше поставена… Многу немили сцени, вели наставникот.

Раскажува дека сопругата го однела во маркет да испазари пред да дојдат гостите, а таа заминала дома. Додека бил во маркет му се јавиле од полиција и му кажале дека мора да разговараат со него.

Ги замолив од полиција да не доаѓаат по мене во маркетот, да не гледа народ, и веднаш заминав во станицата која е во близина на маркетот. Не знаев зошто ме викнаа, ме распрашуваа за однесувањето на сопругата, им појаснив дека таа има здравствено нарушување и е депресивна последниот период. Не ми кажаа ништо, си заминав дома, не ја најдов сопругата.

Целата исповед на „Фокус“

The post Место да ме контактираат и да побараме здравствена помош, се случи на слава да ни дојде полиција дома appeared first on Република.

74-годишната Оскаровска, Мерил Стрип и прославениот 74-годишен скулптор Дон Гамер се разделени повеќе од шест години, потврди во ексклузивната изјава за Page Six, портпаролот на Стрип.

Парот последен пат беше виден заедно на Оскарите во 2018 година.

Двојката има четири деца: кантавторот Хенри Волф (43) и актерките Меми Гамер (40), Грејс Гамер (37) и Луиза Џејкобсон (30), кои ги израснаа на нивниот имот во Конектикат во мирниот, историски град Солсбери. Имаат и пет внуци. Нивниот син Хенри има две деца со сопругата Тамрин Сторм Хокер, а Меми има две деца со сопругот Мехар Сети.

Двојката често беше присутна на доделувањето на Оскарите заедно бидејќи Мерил Стрип беше номинирана за рекордни 21 Оскар, освојувајќи три статуетки.

The post Мерил Стрип и сопругот веќе шест години не живеат заедно appeared first on Република.

Дваесет и девет годишна жена од Гостивар го пријавила сопругот за физички напад, соопшти Министерството за внатрешни работи.

Како што се појаснува во соопштението, рано изутринава во два часот во Полициска станица Гостивар, пријавено е дека околу 20.30 часот во градот, гостиварката била физички нападната од нејзиниот сопруг со иницијали С.Ш.

Се преземаат мерки за расчистување на случајот.

The post Гостиварка го пријавила сопругот за физички напад appeared first on Република.

Завчера во 12.00 часот во СВР Скопје, 30-годишна жена од Скопје пријавила дека во домот на подрачјето на Центар била физички нападната од нејзиниот сопруг А.В.(40) од Скопје.

Тој ѝ упатил и закани со остар предмет.

Полицијата соопшти дека се преземаат мерки за расчистување на случајот.

The post 30-годишна жена претепана од нејзиниот сопруг во Скопје, се заканувал и со нож appeared first on Република.

Бритни Спирс му плаќа луксузен стан во Лос Анџелес на својот сопруг Сем Асгари, дури и по објавата дека се разведуваат. Месечниот наем за ваков стан е 10.000 долари. Наводно, тоа го предложила самата пејачка.

Според брачниот договор, Асгари може да бара милион долари за секои две години брак. Бритни и Сем се во брак само 14 месеци. Имотот на американската поп-ѕвезда се проценува на вкупно околу 60 милиони долари, а Асгари не може да бара дел. Тој, исто така, нема права на нејзините песни и нивниот дом во Таузенд Оукс вреден 11,8 милиони долари, пишува „Ти-ем-зи“.

Претходно во западните медиуми се појавија податоци дека Асгари барал ревизија на брачниот договор, заканувајќи се во спротивно дека ќе објави инкриминирачки докази за Спирс. Неговиот претставник Брендон Коен ги одрече тие наводи.

https://republika.mk/scena/estrada/britni-go-izneveruvala-soprugot-so-vraboteniot/

За разводот на Бритни Спирс и Сем Асгари се објави на 17 август. Се наведува дека причината е изневерувањето на Спирс со една од куќните помошнички во нивниот дом во Калифорнија. Наводно, Асгари имал и видео што го потврдува тоа. Покрај тоа, пејачката, која според познаници, е во „кревка хиперсексуална состојба“, побарала вработената да ја слика гола.

Според некои извои, Асгари страда од депресија.

Асгари и Бритни Спирс се во врска од 2016 година, а се венчаа минатиот јуни. Пред свадбата склучиле предбрачен договор.

The post И по разделбата, Бритни Спирс му плаќа луксузен стан на поранешниот сопруг appeared first on Република.

Жена која ја обожава серијата „Stranger Things“ стана жртва на измама во која започнала онлајн романса, се разделила од сопругот и испратила пари во вредност од 10.000 долари на некој што се претставува како актер од серијата.

Мекејла е филмаџија и самохрана мајка од Кентаки, која вели дека имала „многу токсични“ односи со нејзиниот сопруг, па затоа се приклучила на форумот за филмаџии за да запознае нови луѓе, според видеото на каналот „Јутјуб“ „Катфишед“.

„Неверојатно сум возбудена што можам да се поврзам со колеги филмаџии кои ја делат истата страст за уметноста на снимање филмови. Моментално барам можност за креативна соработка и верувам дека заедно можеме да создадеме нешто извонредно“, напиша таа на форумот.

Таа доби порака од корисник по име DK.MH кој сакал да разговара со неа и тврдел дека е познатиот актер Дејкре Монтгомери кој го глумеше Били Харгроув во серијата „Stranger Things“. Инаку, „D K M H“ е името на збирката поезија на Монтгомери.

„Ептен кликнавме, но секако бев сомничава додека не почна да прави работи што ме натераа да му верувам“, изјави Мекејла.

Иако никогаш не се запознале лично, Мекејла вели дека „Монтгомери“ секогаш се жалел на неговите љубовни проблеми. Некои од нив се дека неговата девојка Лив Полок ги контролирала сите негови банкарски сметки и дека имал финансиски проблеми, што на крајот довело до тоа Мекејла да му испрати на „Монтгомери“ 10.000 долари.

„Тоа е тема со која се зближивме, со месеци ми велеше дека партнерката го контролира и дека не ги прави работите што сака, дека таа е секогаш тука и се грижи за него“, вели Мекејла, која се поистоветувала со овој човек. .

Сочувствував со него затоа што мојот поранешен сопруг беше таков“, рече таа.

По една година допишување, „Монтгомери“ ја праша Мекејла дали ќе му биде девојка, иако никогаш лично не се запознале.Тој и кажал дека врската ќе биде тајна бидејќи се уште е во врска со Полок.

Во еден момент, измамникот и поставил ултиматум на Мекеј да избере меѓу него и нејзиниот сопруг.

„Слушај, ова не функционира. Не ми дозволуваш да бидам јас, не сум слободна, мора да си одиш“, му рекла Мекејла на својот сопруг тогаш, а откако го оставила, измамникот побарал од неа нешто друго.

„Можеби ми треба мала помош со парите на мојата кралица...Лив ги контролира сите мои сметки и јас немам пристап до нив“, напиша „Монтгомери“, а Мекејла му праќаше картички за подарок, плати 100 и 200 долари преку апликации и криптовалути, што е тактика што ја користат измамниците за да го отежнат следењето на парите. Збирот на овие суми со текот на времето достигнал и до 10.000 долари.

Откако ја разгледале приказната на МекКејла, истражувачите откриле дека за жал се работи за личност која е „романтичен измамник“ Тие воспоставуваат врска со некого за да ги направат ранливи и си играат со чувствата на другите луѓе за да добијат финансиска корист од таквата врска.
Мекејла сега не сака другите луѓе да станат жртви на ваков вид на измама.

The post Поради мажот со кој се допишувала, го оставила сопругот и останала без пари: „Ме излажа дека е познат актер“ appeared first on Република.

Ноќеска (28 јули) во 02.50 часот во СВР Тетово, 38-годишна жителка на Тетово, со привремена адреса на живеење во Германија, пријавила дека во домот во Тетово нејзиниот сопруг Б.Р.(47) од Тетово ѝ го одзел малолетниот син, по што физички ја нападнал.

Се преземаат мерки за расчистување на случајот, по што ќе следува соодветен поднесок, велат од СВР Тетово.

The post Тетовец ѝ го зел синот на сопругата, па ја претепал appeared first on Република.

Скопјанка го пријавила поранешниот сопруг дека недолично се однесувал и се соблекол пред нивните две малолетни деца.

На 01.06.2023 околу 13.00 часот во Полициска станица Чаир, 42-годишна скопјанка пријавила дека нејзиниот поранешен сопруг, пред околу три месеци, недолично се однесувал и се соблекол пред нивните две малолетни деца, додека биле на викенд посета кај него во скопската населба Аеродром, велат од МВР.

За случајот е известен Центарот за социјални работи и се преземаат мерки за расчистување на случајот.

The post Скопјанка го пријавила поранешниот сопруг дека се соблекол гол пред нивните малолетни деца appeared first on Република.

Жена осомничена дека го убила сопругот во семејната куќа е уапсена во Добој, Република Српска.

Како што неофицијално дознава порталот Nezavisne.com, Ханифа Мујезиновиќ (59) наводно со кујнски нож го исекла својот сопруг Хасан (55) во надлактицата, погодувајќи го во крвните садови, по што тој искрварил до смрт. На убиството му претходела расправија во семејниот дом.

Откако починал, таа ја исчистила куќата, го пресоблекла сопругот и поставила нови теписи. Потоа повикала полиција и им рекла дека се скарала со сопругот и дека тој сам си ги нанел повредите од кои починал.

Но, полицијата ги пронашла крвавите теписи.

Полициската управа Добој извести дека во понеделникот била уапсена жена поради сомнение дека сторила кривично дело убиство.

Постои сомнение дека дотичната истиот ден во семејниот дом му го одзела животот на сопругот на Х.М., по што го сменила местото на злосторот и потоа побарала интервенција на полициски службеници, наведуваат од полицијата.

Оттаму додаваат дека таа вчера била предадена во надлежност на Окружното јавно обвинителство Добој заедно со пријава за стореното кривично дело.

The post Го убила сопругот, па зачистила и сменила теписи пред да викне полиција appeared first on Република.