Двајца малолетници се тешко повредени во две одделни сообраќајни несреќи во кои автомобил управувале токму малоленти лица.

Прво, вчера наутро во 08.40 часот во СВР Битола било пријавено дека на регионалниот пат  Битола-с.Бистрица се случила сообраќајна несреќа помеѓу патничко возило „опел“ со битолски регистарски ознаки, управувано од малолетник од с.Канино, битолско и товарно возило  „ман“ со скопски регистарски ознаки, управувано од Б.В.(53) од Битола.

Во несреќата со тешки телесни повреди се здобил малолетникот, констатирани во Клиничката болница Битола. Извршен бил увид од увидна екипа од СВР Битола.

Во 16.10 часот во ОВР Гостивар, пак, било пријавено дека на улица „Фазенерија 2“ се случила сообраќајна несреќа помеѓу патничко возило „рено“ со гостиварски регистерски таблици,
управувано од малолетник од Гостивар и велосипед управуван од малолетно лице од Гостивар.

Во незгодата со тешки телесни повреди се здобил велосипедистот, констатирани во Ургентен центар- Гостивар. Увид на лице место извршила екипа од ОВР Гостивар.

The post Двајца малолетници возеле коли, и двајцата направија сообраќајка appeared first on Република.

Четири деца се повредени, од кои три се здобиле со тешки повреди, во три одделни сообраќајќи што се случија вчера низ Скопје.

Прво, во 15.45 часот во СВР Скопје било пријавено дека на бул.„АСНОМ“ во Скопје, патничко возило „тојота“ со скопски регистарски ознаки, управувано од С.М.(20) од Скопје, удрило во велосипед управуван од малолетник од Скопје.

Во несреќата со тешки телесни повреди се здобил малолетникот, а со телесни повреди се здобил и малолетен сопатник од велосипедот, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.

Во 20.15 часот во СВР Скопје било пријавено дека на ул.„Серава“ во Скопје, велосипедист удрил во пешак-малолетничка, по што го напуштил местото. Во несреќата со тешки телесни повреди се здобила малолетничката, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.

Во 21.03 часот во СВР Скопје било пријавено дека на крстосница од ул.„Хасан Приштина“ и бул.„Словенија“ во Скопје, патничко возило удрило во малолетен пешак и го напуштило местото. Во несреќата со тешки телесни повреди се здобил малолетникот, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.

The post Три деца со тешки повреди во три одделни сообраќајќи вчера низ Скопје appeared first on Република.

Четири тешки сообраќајни несреќи се случиле во текот на вчерашниот празничен ден. За среќа, нема загинати, но повредени се шест лица од кои четворица тешко.

Прво во 11.00 часот во СВР Тетово било пријавено дека на регионален пат Тетово - с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.

Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово. Увид на местото извршила екипа од СВР Тетово.

Во 15.00 часот, повторно во СВР Тетово било пријавено дека од шумски земјен пат во атар на село Галичник, на место викано „Горно стопанче“, излетал четирицикл со скопски регистарски ознаки, управуван од Б.Л.(22) од Скопје.

Во несреќата со тешки телесни повреди се здобила сопатничката А.Ц.(23) од Скопје, додека возачот се здобил со телесни повреди, констатирани во Општа болница „8 Септември“ во Скопје. Увид на местото извршила екипа од ОВР Гостивар.

Вечерта во 20.40 часот во Полициската станица Кочани било пријавено дека на локалниот пат Кочани - брана Гратче, кај место викано „Гоцева шума“, мопед со штипски регистарски ознаки, управуван од В.П.(56) од Кочани, излетал надвор од патот.

Во несреќата со тешки телесни повреди се здобил В.П., констатирани во Општа болница Кочани. Извршен бил увид од увидна екипа од ОВР Кочани.

Ноќта, пак, во 00.15 часот во СВР Струмица било пријавено дека на бул.„Гоце Делчев“ во Струмица, патничко возило „цитроен“ со струмички регистарски ознаки, управувано од И.Н.(56) од Струмица, излетало надвор од патот.

Во несреќата со тешки телесни повреди се здобил сопатникот Ж.А., констатирани во Медицински центар Струмица.

Увид на местото извршила екипа на Полициската станица Струмица.

The post Четири тешки сообраќајки за 1 Мај, четворица тешко повредени appeared first on Република.

Две лица се тешко повредени во слични сообраќајни несреќи кои се случија вчера по македонските патишта.

Прво во 17.40 часот во СВР Куманово било пријавено дека на автопатот „Пријателство“, во насока кон Куманово, атар на с.Романовце, кумановско, патничко возило „бмв“ со велешки регистарски ознаки, управувано од Г.Г.(35) од Велес, удрило во патничко возило „ланд ровер“ со скопски регистарски ознаки, паркирано од М.Џ.(33) од Скопје, кое пак по инерција удрило во товарно возило „ивеко“ и приколка со битолски регистарски ознаки, паркирано од Т.П.(47) од Прилеп.

Во несреќата со тешки телесни повреди се здобил М.Џ., констатирани во Општата болница Куманово. Извршен бил увид од увидна екипа од СВР Куманово.

Во 21.55 часот, пак, во Полициската станица Гевгелија било пријавено дека на ул.„Маршал Тито“ во село Сретеново, општина Стар Дојран, патничко возило „опел“ со грчки национални ознаки, управувано од грчкиот државјанин Р.Н.(70), удрило во паркирано патничко возило „шкода“ со кумановски регистарски ознаки и во патничко возило „опел“ со грчки национални ознаки, управувано од грчкиот државјанин А.Л.(61).

Во несреќата со тешки телесни повреди се здобил возачот Р.Н., констатирани во Медицински центар Гевгелија. Увид на местото извршила екипа на Полициската станица Гевгелија.

The post Две слични сообраќајки вчера: Автомобили се забиле во возила паркирани крај пат appeared first on Република.

Во текот на годинава заклучно ноември, на македонските патишта се случиле вкупно 106 сообраќајни незгоди со смртни последици, во кои животот го загубиле 114 лица, информираше претседателката на Републичкиот совет за безбедност на сообраќајот на патиштата (РСБСП), Гордана Кожуваровска, на брифинг со медиумите.

Посочи дека се бележи намалување на бројот на сообраќајни незгоди со загинати лица во однос на претходната 2022 година во која се случиле вкупно 109 сообраќајни незгоди со 116 загинати лица.

Безбедноста во сообраќајот е императив на сите субјекти од областа на сообраќајот, но е значајна и за секој човек бидејќи секој на свој начин е учесник во сообраќајот. Секојдневно сме сведоци на голем број сообраќајни незгоди кои често имаат и несакани последици. За жал сѐ уште не можеме да речеме дека сообраќајната култура и етиката во сообраќајот се на задоволително ниво, порача Кожуваровска.

Во делот на превенција, Кожуваровска вели клучно е да се работи на подигање на свеста на сите учесници во сообраќајот, како и на изградување на систем на општествени вредности во кој безбедноста и етиката во сообраќајот ќе заземат соодветно место.

Во 2023 година РСБСП реализираше голем број на превентивни и едукативни кампањи од кои како позначајни се издвојуваат „Зимска и новогодишна кампања“, кампањата „Возете внимателно за празникот на љубовта и виното“, кампањата за 8 март „Биди горда што возиш безбедно“, потоа кампањите „Стави појас“, „И јас и ти сите сме пешаци“, „Јас внимавам и безбедно возам“, кампања за поголема безбедност на децата во сообраќајот, кампања за матуранти „На матурска вечер без автомобил“, како и кампања „Да ја победиме сообраќајната некултура, изјави Кожуваровска.

Кампањите биле поддржани и реализирани во соработка со Министерството за внатрешни работи и Факултетот за безбедност Скопје, како и со општинските совети за безбедност на сообраќајот на патиштата.

The post Годинава 114 лица загинаа во 106 тешки сообраќајки низ Македонија appeared first on Република.

Возете одговорно и безбедно и дадете свој придонес за намалување на сообраќајните незгоди, со што ќе се намали и бројот на загинати и повредени лица! Стоп за смртта на патиштата! – апелираат од Републичкиот совет за безбедност на сообраќајот на патиштата (РСБСП) по повод Светскиот ден на сеќавање на жртвите во сообраќајни незгоди што се одбележува денеска.

„Светскиот ден на сеќавање на жртвите од сообраќајни незгоди се одбележува од 1993 година, а во 2005 година ООН го прогласи за светски ден кој се одбележува секогаш во недела во третата седмица од месецот ноември. Оваа година на 19 ноември бројни релевантни институции и организации од целиот свет се ангажираат за да се потсети јавноста на милионите лица кои загинале или биле повредени во сообраќајни незгоди, да им се даде помен на истите, но и за да се подигне свеста кај учесниците во сообраќајот за последиците од сообраќајните незгоди со цел да се намали бројот на загинати и повредени“ – потсетуваат од РСБСП.

Овој ден е посветен и на членовите на семејствата на загинатите и повредените во сообраќајни незгоди, како и на сите оние кои се соочуваат со физички или психички последици од сообраќајни незгоди, а признание им се оддава и на службите за итна медицинска помош, противпожарните единици и сиот медицински персонал, но и на сите општествени чинители кои пружаат помош на повредените и на семејствата на загинатите и повредените лица.

„Годишно, во светот, околу 1,35 милиони луѓе го губат животот во сообраќајни незгоди, а околу 50 милиони лица се здобиваат со повреди. Во Република Македонија, минатата година, 124 лица го загубија животот во сообраќајни незгоди, а 3.834 биле повредени. Според податоците за 2023 год., до месец август бројот на загинати во сообраќајни незгоди изнесува 85, додека бројот на повредени лица изнесува 2805 што е значително помалку во споредба со последните четири години. Сепак, според светската визија за нула жртви во сообраќајот, сите заеднички треба да преземаме суштински активности за зголемување на безбедноста на сообраќајот на патиштата.

Затоа РСБСП упатува апел: „Возете одговорно и безбедно и дадете свој придонес за намалување на сообраќајните незгоди, со што ќе се намали и бројот на загинати и повредени лица! СТОП ЗА СМРТТА НА ПАТИШТАТА!“ – истакнуваат од РСБСП.

The post СТОП за смртта на патиштата! appeared first on Република.

Од Град Скопје информираат дека продолжува проектот за поставување ЛЕД светлосни дигитални сообраќајни знаци со пиктограм, на локации каде имало сообраќајни незгоди и кои се нотирани како високо ризични за пешаците, со цел зголемување на видливоста. Поставени се нови знаци на булеварот „Партизански одреди“ кај „Палма“ и на улицата „Јордан Мијалков“.

ЛЕД светлосните дигитални сообраќајни знаци со пиктограм се поставуваат во близина на училишта, градинки и фреквентните булевари и улици, а целта е да се зголеми видливоста на пешачките премини, со што се зголемува внимателноста на возачите при движење во сообраќајот. ЛЕД сообраќајните и ретрорефлективни знаци можат да ја зголемат видливоста до 60 проценти, што може директно да влијае на безбедноста и времето за маневрирање при возење, со што се намалува или избегнува можноста за сообраќајни несреќи, предизвикани од реакција при недоволно растојание. Овие ЛЕД сообраќајни знаци можат да ги намалат сообраќајните незгоди на локалните патишта за повеќе од 70 отсто, се додава во соопштението.

Во соопштението се додава дека контрастот на клучните информации на ЛEД сообраќајните знаци во текот на ноќта и при тешки временски услови е зголемен за 35 проценти.

Како што се посочува, со овој вид сигнализација, функцијата за предупредување е значително подобрена и истата има позитивна улога во зголемување на безбедноста во сообраќајот на патиштата.

The post Поставување ЛЕД знаци на места каде што имало сообраќајки во Скопје appeared first on Република.

Преземање дополнителни построги полициски мерки за справување со зголемениот број сообраќајни несреќи со возила на криумчари со мигранти, кои го прекршуваат законот за безбедност на сообраќајот на патиштата во североисточниот дел на Грција, била темата на состанокот што го свикал новиот министер за заштита на граѓаните, надлежен за полицијата Јанис Иконому, јави дописничката на МИА од Атина.

Сообраќајните несреќи се случуваат на автопатот Егнатија, откако возила на криумчари со мигранти влегуваат на грчка територија од копнената граница со Турција, а доста често возат во спртивна насока или со голема брзина.

Од надлежното грчко Министерство соопштија дека на состанокот било одлучено да се интензивира надзорот на грчката полиција, да се достават предлози до компанијата одговорна за автопатот, а ќе се разгледа и „секое друго соодветно средство за техничка интервенција. во рамките на актуелното законодавство“.

Строгите безбедносни мерки што се применуваат на границите за справување со нелегалниот влез на мигранти во земјата, ги натераа криумчарите да усвојат нови практики, како што се движење по споредни патишта или дури и возење во спротивна насока на автопатот Егнатиа, со што ги ставаат во опасност животите на возачите и патниците во возилата, соопштија од Министерството за заштита на граѓаните на Грција.

На состанокот учествувале и заменик-министерот за инфраструктура и транспорт, заменик- префектот на областа Еврос, пратеници од Еврос, градоначалникот на Александруполи, началникот на грчката полиција како и претставник од компанијата надлежна за автопатот Егнатија.

The post Грција ќе преземе построги полициски мерки за справување со сообраќајните несреќи на криумчарите со мигранти appeared first on Република.

Утрово на бул. „Киро Глигоров“ во близина на ФОН се случиле две сообраќајни несреќи.

Според информациите на „Инфомакс“, едната несреќа се случила меѓу патничко возило „фиат пунто“ со скопски регистерски ознаки и едно непознато возило кое заминало од местото на сообраќајката, додека втората се случила меѓу автомобил и мотоцикл кој паднал пред камион.

Не се знае дали сообраќајните несреќи има повредени и загинати, повеќе детали се очекуваат од МВР во текот на денот.

The post Утрово две сообраќајки на бул.„Киро Глигоров“ appeared first on Република.

На 24.05.2022 во 18:05 во СВР Штип било пријавено дека на улица „Маршал Тито“, мопед „априлија“ со струмички регистарски ознаки, управуван од малолетник од Штип, удрил во полициски службеник при вршење службена дејност.

Со тешки телесни повреди се здобил полицискиот службеник, додека со телесни повреди се здобил малолетниот возач на мопедот, констатирани во Клиничка болница Штип.

Увид на местото извршила екипа на СВР Штип.

The post Малолетник со мопед удрил во полицаец, двајцата се повредени appeared first on Република.

Во интервал од само неколку часа, вчера попладне во Косово се случија четири потешки сообраќајни несреќи, во кои животот го загубија две лица, а повеќе од 20 други се повредени и пренесени во локалните болници и во Клиничкиот и универзитетски центар на Косово, јави дописникот на МИА од Приштина.

Несреќата во која загинаа две лица и уште три други се повредени, се случила околу 14 часот меѓу две патнички возила на патот Приштина – Глоговац (Дренас), кај глоговачкото село Глобар. Како што јавија косовските медиуми, во несреќата загинала млада жена и нејзиниот 7-годишен син.

Само еден час подоцна, исто така во општина Глоговац, кај селото Абриа, се случила друга собраќајна несреќа, во која се повредни 10 лица. Во оваа несреќа биле инволвирани дури пет возила.

Медиумите јавија дека околу 16 часот се случила уште една сообраќајка на магастралниот пат Приштина – Гњилане. Во судирот на две патнички возила се повредени седум лица, кои се пренесени во блиските, но и во државната болница во Приштина.

Две возила вчера се судрија и на патот Приштина – Митровица, при што беа повредени три лица, кои побарале лекарска помош.

Сите четири несреќи, во изјави за косовските медиуми ги потврдија портпаролите на полицијата за приштинскиот и митровичкиот регион, Агрон Бороци и Авни Захити, кои информираа дека, покрај болничките тимови, на местата на несреќите се излезени и надлежните полициски единици.

The post Двајца загинати и над 20 повредени во 4 тешки сообраќајки во Косово appeared first on Република.

На 24.04.2022 околу 19.00 часот во Полициската станица Струга било пријавено дека на улица „Маркс Енгелсова“ во Струга се случила сообраќајна несреќа помеѓу патничко возило „форд фокус“ со струшки регистарски ознаки, управувано од Б.С.(46).од Струга и мотоцикл „јамаха“ со струшки регистарски ознаки, управуван од Х.П.(25) од Струга. Во несреќата со тешки телесни повреди со здобил мотоциклистот, констатирани во Медицински центар Струга. Увид на местото извршила екипа од Полициската станица Струга.

На 24.04.2022 во 09.25 часот во СВР Струмица било пријавено дека на крстосницата од ул.„Крушевска Република“, ул.„Младинска“ во Струмица, патничко возило „пежо“ со струмички регистарски ознаки, управувано од Б.Ј.(68) од Струмица, удрило во З.Ј.(65) од Струмица. Во несреќата. З.Ј. се здобила со тешки телесни повреди, констатирани во Медицински центар Струмица. Увид на местото извршила екипа од СВР Струмица.

The post Две тешки сообраќајни несреќи на првиот ден од Велигден во Македонија appeared first on Република.

Три сообраќајни несреќи на патните правци од Скопје кон Штип и Велес се пријавени попладнево во полиција, инфромираат од СВР Скопје за „Република“. Од нив две сообраќајни несреќи се случиле на патниот правец Скопје - Штип, а третата на патниот правец Скопје - Велес.

Според пријавеното во сообраќајките учествувале две товарни и едно патничко моторно возило.

Полициски службеници се упатени кон местата каде се случиле овие несреќи и подетални информации ќе имаме подоцна. Апелираме до возачите да возат внимателно и да ја прилагодат брзината на условите на патот, особено поради врнежите од снег, велат од СВР Скопје.

Се очекува полициски службеници да извршат увид и во сообраќајката која предмалку се случи во Скопје, на крстосницата после главната Железничка станица на влезот во Аеродром:

https://republika.mk/vesti/crna-hronika/se-sudrija-vozila-kaj-zeleznichka/

The post Првиот снег донесе три сообраќајки по македонските патишта, една во Скопје appeared first on Република.