СОНК Archives - Република

Јаневска во Собрание: Наставниците се задоволни од договорот со СОНК

Билјана — Thu, 31 Oct 2024 17:34:34 +0000

Просветните работници овој месец ќе добијат плата поголема за 5%, што е резултат на договорот на Владата и СОНК за континуиран раст на нивните приходи во следните 4 години во износ кој ќе зависи од висината на инфлацијата, рече министерката за образование и наука проф. д-р Весна Јаневска во Собранието, одговарајќи на прашање од пратеничката Јованка Тренчевска.

„Постигнавме договор за покачување на платите во оваа година, согласно можностите кои се создадоа во буџетот. Да не беа заостанатите долгови кои ги остави претходната Влада, зголемувањето ќе беше поголемо. Но, за жал, недостигаа 1,5 милијарди денари за исплата на плати на вработените во високото образование. Недостигаа 900 милиони денари за исплата на плати во основното и средното образование и ние приоритетно моравме да ги обезбедиме“, рече Јаневска, додавајќи дека не беа исплатени ниту многу права од областа на ученичкиот и студентскиот стандард.

Министерката додаде дека наставниците се задоволни што во февруари ќе се потпише договор според кој нивните плати загарантирано ќе растат секоја година, во зависност од инфлацијата.

„Наставниците се задоволни од односот на новата Влада. Претходната ја третираа како власт која владее, а сегашната како Влада со мандат за работа, соработка и остварување резултати“, реплицираше министерката Јаневска, додавајќи дека во изминатите четири месеци немаше штрајк на наставници, туку само еден обид на СДСМ да штрајкува во нивно име, собирајќи педесеттина партиски членови пред МОН, на чело со нивниот лидер.

The post Јаневска во Собрание: Наставниците се задоволни од договорот со СОНК appeared first on Република.

Пет по пет посто, платите на наставниците за четири години ќе се зголемат за 50 проценти

Игор Чавески — Sun, 13 Oct 2024 08:36:31 +0000

Koга се сака може да се најде решение. Во ситуација кога државната каса е празна и кога минатата власт остави буџет за да се истурка едвај половина од годинава, државата најде начин да ги зголеми платите на наставниците во основните и средните училишта.

На прв поглед може да се каже дека пет посто е малку, но ако се размисли во каква финансиска состојба е државата и ова е добар чекор.

Успешно завршија преговорите меѓу владата и СОНК. Она што е важно е дека покачувањето на платите ќе оди скалесто па така од октомвриската плата која што ќе биде исплатена во ноември па се до февруарската плата којашто ќе биде исплатена март 2025 година ќе има покачување од 5% на платите, потоа во март 2025 година ќе има покачување од 7%, во март 2026 година во зависност од состојбата на Буџетот ќе имаме покачување помеѓу 7 ипол и 10%.

Планирано е во март 2027 година да има помеѓу 7,5 и 10% а во март 2028 година помеѓу 10 и 12,5 посто покачување на платата.

Кога сето ова ќе се пресмета излегува дека за четири години од сега зголемувањето за наставниците ќе биде близу 50 проценти.

Затоа премиерот Мицкоски овој договор го нарече „исторски“. Зголемувањето на платите СДСМ не го поздрави. Наместо, тоа пред неколку недели организираа т.н протест пред министерството за образование кој не го поддржа ниту еден наставник освен партиските „учители“

Во нивно време платите на наставниците народски кажано не мрднаа и затоа сега за опозицијата е тешко да признае дека друг ги решава наталожените проблеми како во образованието така и во другите сектори.

The post Пет по пет посто, платите на наставниците за четири години ќе се зголемат за 50 проценти appeared first on Република.

Успех во преговорите на СОНК со Владата: Наставниците ќе добијат зголемување на платите

Александрија — Sat, 12 Oct 2024 12:02:23 +0000

На денешната прес-конференција по средбата со премиерот Христијан Мицкоски претседателот на Самостојниот синдикат за образование, наука и култура (СОНК) Јаким Неделков потврди дека и оваа година, поточно од овој месец, ќе има зголемување на платите во основно и средно образование за пет проценти.

Тоа значи дека од овој месец, односно од октомвриската плата, вработените во основното и средно образование ќе имаат зголемена плата за пет проценти. Задоволството е уште поголемо што се договоривме за континуиран раст на платите во основно и средно образование во период од четири години, каде според нашите заеднички математики, конечно вработените во основно и средно образование, носителите на дејност наставниците и професорите ќе имаат плата во висина од просечна или нешто над просечна плата - рече Неделков.

Како што додаде, ова е голем успех во преговорите, во социјалниот дијалог и партнерство и е доказ дека со заемно почитување и разбирање како социјални партнери, може да се дојде до прифатливи решенија.

Премиерот Христијан Мицкоски денеска на прес-конференцијата посочи дека после неколку неделни преговори и анализи, и врз основа на она што го имаат како информација како се полни буџетот и кои се проекциите за годините кои следат, сакале да постигнат договор кој ќе биде долгорочен и ќе биде во насока на подобрување на финансиска состојба на наставниците.

The post Успех во преговорите на СОНК со Владата: Наставниците ќе добијат зголемување на платите appeared first on Република.

ВО ЖИВО: Прес-конференција на премиерот Мицкоски по средбата со претставниците на СОНК

Александрија — Sat, 12 Oct 2024 11:36:41 +0000

Следете ја во живо прес-конференција на премиерот Христијан Мицкоски по средбата со претставниците на СОНК

The post ВО ЖИВО: Прес-конференција на премиерот Мицкоски по средбата со претставниците на СОНК appeared first on Република.

Наскоро договор меѓу МОН и СОНК за платите на наставниците

Марина — Mon, 07 Oct 2024 11:09:11 +0000

Министерката за образование и наука Весна Јаневска соопшти дека ќе има поголем буџет за образование и наука во 2025-та, а најави и наскоро дека ќе биде постигнат договор со СОНК и покачување на платите на наставниците годинава.

На прес-конференција за сто дена од работењето на Владата, Јаневска рече дека МОН дискутира со Министерството за финансии за поголем буџет за идната година за кога, рече, е предвидено зголемување и на средствата за наука, пред се за научните институции.

Се работи на правилникот, се надевам дека тоа ќе биде по изработени проекти, за дополнителни стипендии за постдипломски и докторски студии со објавување на научни проекти кои во минатото ги немаше, од идната година ги предвидуваме, така што средствата за наука ќе се зголемуваат, а ќе се зголеми и севкупниот буџет на Министерството за образование и наука, рече Јаневска одговарајќи на новинарски прашања.

Во однос на преговорите со Самостојниот синдикат за образование, наука и култура (СОНК) одговори дека тие се во тек и очекува за релативно кратко време да биде постигнат сериозен договор, најавувајќи дека постојат можности наставниците да добијат покачување на платите оваа година.

Се уште сме во фаза на преговори. Очекувам за релативно време дека ќе постигнеме договор и тој ќе биде сериозен и повеќегодишен. Се уште разговараме за можностите во буџетот, но она што СОНК го бара мислам дека ќе можеме да го реализираме со тек на време. Очекувам дека и годинава ќе има покачување на платите на наставниците за разлика од пред неколку месеци кога можностите речиси беа исцрпени, сега веќе се појавуваат реално можности за покачување на платите на наставниците, рече министерката за образование и наука.

Соопшти дека МОН прави анализи како да продолжи градењето на објектите за ФИНКИ и Факултетот за физичка култура во близина на Ректоратот на УКИМ и дека до крајот на мандатот „ако не целосно, градбата секако ќе продолжи на двете згради“.

Стручните служби ни велат дека овој процес нема да биде релативно брзо завршен затоа што таму имаше проблеми кои не зависат во моментот од Министерството. Една фирма банкротирала, па ја нема, па надзорот...Во комуникација сме со Министерството за транспорт кое исто така треба да се вклучи во овој процес. Тој е почнат и планираме до крајот на овој мандат ако не целосно, градбата секако ќе продолжи на двете згради, рече Јаневска.

The post Наскоро договор меѓу МОН и СОНК за платите на наставниците appeared first on Република.

Премиерот Мицкоски се сретна со раководството на СОНК

Сани — Mon, 30 Sep 2024 12:43:43 +0000

Претседателот на Владата, Христијан Мицкоски денеска се сретнал со раководството на Самостојниот синдикат за образование, наука и култура (СОНК). Како што објави на својот профил на социјалните мрежи било разговарано за сет одлуки и сисметски мерки кои ќе бидат одржливи на долг рок.

На средбата разговаравме за унапредување на работничките права, состојбата во образованието, науката и културата, колективните договори како и состојбата со платите и нашата тенденција тие да растат согласно реалните можности на економијата. Стандардот на вработените ќе го подобруваме преку заеднички дијалог и мерки кои ќе дадат резултати.
Разговараме за сет одлуки и системски мерки кои ќе бидат одржливи на долг рок, објави Мицкоски.

The post Премиерот Мицкоски се сретна со раководството на СОНК appeared first on Република.

Членовите на СОНК не дозволија СДСМ да ги заведе: Филипче и 20 партиски активисти протестираа пред МОН

Катерина — Sun, 01 Sep 2024 12:35:40 +0000

Десетина наставици излегоа на протестот на просветните работници што го организира СДСМ.

Самостојниот синдикат за образование, наука и култура на Република Македонија - СОНК, како најголем синдикат за образование и наука, во кој членуваат над 20 000 просветни работници, уште вчера најави дека членовите на СОНК нема да учествуваат на никакви партиски организирани протести и строго ќе внимаваат на мешањето на политиката во синдикатот.

Денешниот протест, на кој се обрати и претседателот на СДСМ Венко Филипче, за ВМРО-ДПМНЕ бил „фијаско“.

Фијаско на СДС пред МОН, само дваесетина активисти на партијата дојдоа на најавениот голем партиски протест. Филипче ја нема поддршката ниту на своите членови, а не пак на народот, изјави пратеникот на ВМРО-ДПМНЕ Сергеј Попов за протестот на наставниците поттикнат од СДСМ.

Ако СДСМ беше на власт ќе имаше пари и за покачување на плати и за почитување на сите колективни договори. Никој не верува дека нема пари за покачување на платите на наставниците за 12%. Гледаме дека има пари за нови четири министерства и цела армија партиски вработувања, има пари за луксузирања со скапи авионски карти, има пари измислување на нови директорски места во Царина и така натаму.

Буџетот има пари, но платите не се приоритет. Ако имаше средства во времето на СДСМ, и тоа во најголемите светски кризи, здравствена, економска, енергетска како нема пари овој септември за да се покачат платите на просветните работници, изјави Филипче од Паркот на новинарите кај МОН.

За ВМРО-ДПМНЕ, пак, фактите се други. Според Попов, факт и реалност е дека СДС беше на власт до пред 2 месеци.

Тие ги имаа сите можности да ги зголемат платите на наставниците и тоа не го направија. Наставниците знаат дека од СДС се лицемерни, вели во изјавата Попов.

Овој собир пред почетокот на учебната година е алармирање на власта за погрешните политики во образованието.

Апелирам Владата да се соземе и сфати дека без редовно покачување на платите, во услови кога цените растат и тие не ги контролираат како тоа што го правеше СДСМ, животниот стандард ќе паѓа. Економијата нема да расте како што најавуваат и ќе создадат се потежок живот за граѓаните и работниците, изјави Филипче, на што Попов одговори дека наставниот кадар не наседнал на политиканството на СДС.

Кога СДС беа на власт платите доцнеа, направија хаос со програмите, ги деградираа наставниците. Сега сето тоа е различно ВМРО-ДПМНЕ го враќа дигнитетот на наставниот кадар, а платите ќе се зголемат од март 2025 година. Наставниците ја гледаат посветеноста на ВМРО-ДПМНЕ.

Наставниот кадар ќе добие зголемување на платите во првата година од мандатот на ВМРО-ДПМНЕ, многу нови инвестиции во образованието и подобрување на неговиот квалитет“, вели Попов.

The post Членовите на СОНК не дозволија СДСМ да ги заведе: Филипче и 20 партиски активисти протестираа пред МОН appeared first on Република.

Шамар за СДСМ: СОНК се оградува од секаков вид на политички влијанија и нема да учествуваат на никакви партиски организирани протести

Ана — Sat, 31 Aug 2024 12:26:27 +0000

Самостојниот синдикат за образование, наука и култура на Република Македонија – СОНК, како најголем синдикат за образование и наука, во кој членуваат над 20 000 просветни работници, се оградува од секаков вид на политички влијанија и дејствија во образованието, пишува на социјалната мрежа на Фејсбук претседателот на СОНК Јаким Неделков.

-Во период на интензивни преговори за изнаоѓање решение и средства за подигнување на социјалниот статус на вработените во образованието, делувањето на политичките партии и преземањето на улогата на синдикатите, упатува на купување на ситни политички поени и може да има сосема спротивен ефект, пишува Неделков во својата реакција по најавениот утрешен собир на СДСМ.

Неделков вели дека членовите на СОНК нема да учествуваат на никакви партиски организирани протести и строго ќе внимаваат на мешањето на политиката во синдикатот.

-Политичките партии имаа и имаат можност да докажат колку се загрижени за просветните работници, а тие знаат тоа најдобро да го оценат.

СОНК ќе продолжи да делува со сите расположиви синдикални средства во натамошниот период, се до остварувањето на својата цел.

Членовите на СОНК нема да учествуваат на никакви партиски организирани протести и строго ќе внимаваат на мешањето на политиката во синдикатот, пишува меѓудругото Неделков во својата објава.

The post Шамар за СДСМ: СОНК се оградува од секаков вид на политички влијанија и нема да учествуваат на никакви партиски организирани протести appeared first on Република.

Јаневска: Отворени сме за дијалог со СОНК

Александрија — Fri, 23 Aug 2024 12:09:58 +0000

Ќе разговараме со сите социјални партнери и секако дека ќе бараме начин да ги измотивираме наставниците на сите можни начини, порача министерката за образование и наука Весна Јаневска, која по посетата на Штип одговараше на прашањето дека од Синдикатот за образование и наука (СОНК) велат дека по Закон на наставниците им следува 12 проценти зголемување на платите, оставаат простор за дијалог до 15 септември.

Ние сме отворени за разговор и дијалог. Јас уште еднаш велам, мора реално да ја согледаме можноста, повторувам, сите вие знаете каква девастирана држава наследивме не само во образованието. Ние сега треба да го спречиме слободниот пад на државата, да ја стабилизираме, да го придвижиме кон нулата и од тука да почнеме да градиме нанапред. Со сите мои сили образложувам зошто е потребно, грчовито се борам и ќе се борам, но реалните можности се реални. Доколку изнајдеме некое решение кое не зависи само од министерот за образование и нашите желби, доколку се отвори некоја можност, се доаѓа во обѕир. Но, во овој момент јас таа можност не ја гледам - изјави Јаневска.

Министерката истакна дека наставниците не се депримирани само поради средствата со кои се покрива нивниот труд, туку, како што вели, има и многу други елементи кои ги вознемируваат и ги прават незадоволни, меѓу кои се почитта од страна на родителите, учениците, општеството итн.

Што се однесува за недостиг на наставници по математика, хемија, биологија, историја, македонски јазик, министерката Јаневска рече дека државата ќе ги стипендира студентите кои ќе се запишат на овие факултети и ќе ги користи сите механизми за да го привлече овој кадар да работи во училиштата. Посочи дека проблемот е комплексен, бидејќи во одредени општини има вишок на наставници, а во одредени има недостиг. Вишокот на наставници се појавува поради „белата чума“ односно иселување на младите од државата - рече Јаневска, посочувајќи дека „тоа се гледа и низ бројот на намалени ученици и првачиња во земјава“.

Од тие причини, рече, се воведува и едносменско работење на училиштата. Според Јаневска, веќе 142 училишта во земјава можат да воведат едносменско работење.

Бројот се приближува на 142, расте секојдневно, но ние исто така преземаме големи напори во догледно релативно брзо време да прошириме одреден број на училиштата, некаде со доградба на училници, според пријавувањето на училиштата колку им се потребни. Но, за жал, има општини, главно се тоа скопските општини, каде што ќе треба да се градат училишта и тоа ќе го преземеме и ќе го направиме - изјави Јаневска.

Прашана за ревизијата на работењето на универзитетите во земјава, Јаневски одговори дека е почната на неколку универзитети.

Неколку од нив конечно се снајдоа со колективните договори мислејќи дека ние можеби ќе се откажеме. Не, не се откажуваме, завршија одморите и продолжува ревизијата. Формирани се комисии во МОН кои исто така ќе се појават да проверат одредени услови и конечно оваа година, после ребалансот, успеавме да одвоиме средства за да направиме неколку евалуации во неколку универзитети, затоа што претходно за такво нешто воопшто немаше предвидено средства. Процесот продолжува - рече Јаневска.

Министерката за образование и наука денеска во Штип оствари средба со градоначалникот на Општина Штип, Иван Јорданов, и со ректорот на Универзитетот „Гоце Делчев“-Штип, Дејан Мираковски. На средбата разговарале за унапредување на дуалното образование во средните стручни училишта, но и воведување вакво образование и за студентите на универзитетите во земјава.

The post Јаневска: Отворени сме за дијалог со СОНК appeared first on Република.

Јаневска на средба со раководството на СОНК: Повисоки плати и подобри услови за работа се приоритет

Ана — Thu, 27 Jun 2024 15:57:13 +0000

Министерството за образование и наука и Самостојниот синдикат за образование, наука и култура (СОНК) ќе продолжат да се заложуваат за унапредување на правата и подигнување на општествениот и материјалниот статус на наставниците, стручните соработници и другите вработени во училиштата, потврдија денеска на работна средба министерката за образование и наука Весна Јаневска и претседателот на СОНК, Јаким Неделков.

-Вработените во образованието, а особено просветните работници се клучна алка во процесот на создавање генерации од кои многу очекуваме. Затоа, тие треба да бидат мотивирани, а мотивацијата најмногу зависи од грижата на државата кон нив. Зголемувањето на платите и подобрувањето на условите за работа во училиштата се програмски определби на новата Влада и уверувам дека целосно ќе ги реализираме, рече министерката Јаневска.

Претседателот на СОНК, Неделков рече дека министерката доаѓа од наставничката фела и дека таа добро знае што им недостасува на наставниците и каква е состојбата во образовните установи. Очекувајќи поголеми промени од тој аспект во следниот период Неделков изрази надеж за успешна соработка со новата Влада.

The post Јаневска на средба со раководството на СОНК: Повисоки плати и подобри услови за работа се приоритет appeared first on Република.

СОНК не ја прифаќа одлуката на МОН училиштата да ги одработуваат неработните денови

Nena — Fri, 19 Apr 2024 16:03:07 +0000

Самостојниот синдикат за образование, наука и култура (СОНК) реагира на известувањето на Министерството за образование и наука за одработувањето на деновите 24 април и 8 мај, кои Владата ги прогласи за неработни без одработување, поради одржувањето на претседателските и парламентарните избори.

Откако вчера претседателот на СОНК, Јаким Неделков го објави известувањето на МОН кое било испратено до училиштата, денеска следува и реакција од Синдикатот.

-СОНК е организација која се бори и е поборник за почитување на законите, но во овој случај, мора да реагира со неприфаќање на ваквата Ваша одлука, проследена преку известувањето, се вели во реакцијата на Синдикатот.

The post СОНК не ја прифаќа одлуката на МОН училиштата да ги одработуваат неработните денови appeared first on Република.

СОНК контра МОН: Од кога неработните денови стануваат работни за училиштата?

Александрија — Fri, 19 Apr 2024 08:01:23 +0000

Од кога неработните денови преку ноќ стануваат работни, прашува претседателот на СОНК, Јаким Неделков, објавувајќи известување од МОН, според кое деновите на одржување на изборите, 24 април и 8 мај, кои беа прогласени за неработни, да се одработат други денови.

Впрочем, и други учебни години завршувале и биле верифицирани од страна на министерот со помалку од 180 работни денови, како на пример учебната 2021/22 година - истакна Неделков.

Со цел да се исполни одредбата од Законот со кој учебната година се остварува во 180 наставни денови, а притоа да не се продолжи учебната година, деновите кога се одржуваат изборите ќе се надоместат со организирање на настава во следните денови:

-18 мај (сабота) со часови од денот 24 април 2024 година и 1 јуни (сабота) со часови за денот 8 мај 2024 година

Воедно за училиштата кои се наоѓаат на територија на Град Скопје за денот 30 ноември 2023 (четврток), кога согласно Нацрт записникот од 199 седница на Владата на Република Македонија, одржана на 14 ноември 2023 година, се одреди како неработен ден за учениците од основните училишта на територија на Град Скопје, наставниот ден ќе се одработи на 15 јуни (сабота) во часови од денот 30 ноември 2023, се вели во известувањето пратено од МОН, а кое го објави Неделков.

МОН вчера информира дека 23 април и 7 мај, односно деновите пред гласањето ќе бидат работни за сите училишта. При тоа, во училиштата во кои ќе се одвива изборниот процес, наставата ќе се реализира од 7:00 до 11:00 часот, со скратени наставни часови за сите одделенија, односно класови. Во останатите училишта каде не се спроведува гласање, наставата се реализира вообичаено и согласно предвидениот дневен распоред.

The post СОНК контра МОН: Од кога неработните денови стануваат работни за училиштата? appeared first on Република.

Неработните 24 април и 8 мај, училиштата сепак ќе ги одработуваат – МОН контра владината одлука

Билјана — Thu, 18 Apr 2024 19:39:55 +0000

Деновите на одржување на изборите, 24 април и 8 мај, Владата ги прогласи за неработни и денови кои нема да се одработуваат. И покрај одлуката на владината седница одржана во вторникот, дека истата ќе важи за сите граѓани на територијата на државата, очигледно ова не важи за Министерството за образование.

Од МОН, како што објави претседателот на СОНК, Јаким Неделков, до училиштата испратиле известување во кое се наведува дека овие денови сепак ќе се одработуваат со одржување на часови.

-Со цел да се исполни одредбата од Законот со кој учебната година се остварува во 180 наставни денови, а притоа да не се продолжи учебната година, деновите кога се одржуваат изборите ќе се надоместат со организирање на настава во следните денови:

-18 мај (сабота) со часови од денот 24 април 2024 година и 1 јуни (сабота) со часови за денот 8 мај 2024 година

Воедно за училиштата кои се наоѓаат на територија на Град Скопје за денот 30 ноември 2023 (четврток), кога согласно Нацрт записникот од 199 седница на Владата на Република Македонија, одржана на 14 ноември 2023 година, се одреди како неработен ден за учениците од основните училишта на територија на Град Скопје, наставниот ден ќе се одработи на 15 јуни (сабота) во часови од денот 30 ноември 2023, се вели во известувањето пратено од МОН, а кое го објави Неделков.

Во неговата реакција тој го повика Министерството веднаш да го повлече испратеното известување до училиштата.

-Од кога неработните денови преку ноќ стануваат работни? Министерот за образование веднаш да го повлече Известувањето до училиштата, со кое се задолжуваат да ги одработат ,,неработните” денови, прогласени од Владата, заради одржување на престојните избори, пишува Неделков.

Претседателот на СОНК потсетува дека и други учебни години завршувале и биле верифицирани од страна на министерот со помалку од 180 работни денови, како на пример учебната 2021/22 година.

The post Неработните 24 април и 8 мај, училиштата сепак ќе ги одработуваат – МОН контра владината одлука appeared first on Република.

Околу 3.000 вработени без плата за март – СОНК во понеделник излегува на протест пред Министерството за култура

Билјана — Thu, 18 Apr 2024 15:34:12 +0000

Советот на Самостојниот синдикат за образование, наука и култура (СОНК) на денешната вонредна седница едногласно донел одлука в понеделник, 22 април, во 11 часот да организира протест пред Министерството за култура поради неисплата на плата за март за околу три илјади вработени во културата.

Одлуката на Фејсбук ја соопшти претседателот на СОНК Јаким Неделков кој денеска на прес-конференција и најави дека ќе се одржи вонредна седница на членството за да се одлучи за натамошни чекори.

Исто така, на седницата на Советот на СОНК е одлучено да се отпочне и процедура и организација за генерален штрајк во сите установи од дејноста култура.

-Советот на СОНК изрази огромна разочараност од непостоењето, односно едностраното прекинување на социјалниот дијалог од страна на Министерството за култура. СОНК постои, силата на СОНК ќе ја почувствувате наскоро, напиша претседателот на СОНК на Фејсбук.

На прес-конференцијата денеска, на која присуствуваа и вработени во културата, СОНК изрази незадоволство од доцнењето на платата за март која, според Општиот колективен и Колективниот договор во областа култура, вработените треба да ја примат до 15-ти односно до 10-ти во месецот.

Согласно усогласувањето на платите со минималната плата во државава, мартовската плата треба да им биде зголемена за 12 отсто. Пресметките се изготвени од установите за култура, но нема одобрување од Министерството за финансии и покрај ветувањата на ресорната министерка.

-Иако министерката излезе и кажа дека ќе нема проблем со платите, во дејноста култура сепак има проблем за исплата на мартовските плати. Проблемот датира уште од октомври лани за септемвриската плата, кога вработените во културата добија решенија за плата со ограничена важечка вредност. Тоа значеше дека до март ќе важат тие решенија, од март ќе се применува систематизацијата минимална плата по коефициент, не сметајќи ги во меѓувреме зголемувањето на платите за 10 проценти по основ на Општ колективен договор. Тоа ни беше јасен сигнал што може да се случи во април за мартовската плата и, еве, навистина, нашата загриженост и реакции беа оправдани во однос на тоа што Министерството за култура на чело со министерката за култура имаа план, стратегија и цел платите наместо 12,55 проценти да се зголемат само за 2,5 проценти, истакна денеска Неделков, нагласувајќи дека СОНК нема да дозволи исплата на плата спротивно на Колективниот договор за дејноста култура.

The post Околу 3.000 вработени без плата за март – СОНК во понеделник излегува на протест пред Министерството за култура appeared first on Република.

Неделков: Колективниот договор за високо образование и наука е исполнет во целост

Катерина — Wed, 21 Jun 2023 12:16:21 +0000

Со колективниот договор претходните две години имаше зголемување на платите за десет проценти во високото образование и наука и последнава година, односно мајската плата на вработените во високото образование беше зголемена за приближно 18 проценти, изјави претседателот на Самостојниот синдикат за образование, наука и култура на Република Македонија – СОНК, Јаким Неделков, кој денеска одржа прес-конференција во врска со имплементација на Колективниот договор за високо образование и наука заедно со Независниот академски синдикат - НАкС.

- За жал имаме работни места кои што не се вклопија во ова зголемување, а тоа е едноставна причина што спаѓаат во групата на зголемување на плати врз основа на порастот на минимална плата и кај нив имаше зголемување во март месец, односно април со мартовска плата, каде имаше зголемување за 12,55 проценти, рече тој.

Неделков информираше дека колективниот договор е исполнет во целост, а, како што рече, успехот го припишува на двата синдиката.

- Ни останува сите оние недостатоци кои што ги утврдивме при реализација на колективниот договор во однос на работните места, во однос на непостоечки работни места во колективниот договор, а практично ги има на терен, секаде онаму каде што минималната плата ја прави онаа, како што рече таканаречена „урамниловка“, сите тие работи треба да се коригираат, рече тој.

Дополни дека не станува збор само за тие работни места. - Се разбира и не само тие работни места, туку тоа што беше договарано, работа во фази на овој колективен договор останува подигнување на коефициентите по работни места, или, така како што беше договарано, распонот на работни места од најниската плата до највисокото образование да биде 1 спрема 5, рече тој, дополнувајќи дека тоа е втората фаза за која што, како што рече, ќе работат во наредниот период.

- Јас сум уверен дека во преговорите кои што ќе отпочнат многу скоро со Министерството за образование и наука, дека овие коефициенти ќе бидат искорегирани, така како што беше, дополни тој.

Претседателката на Независниот академски синдикат, Елена Џукеска, истакна дека пред потпишувањето на овој гранков колективен договор платите во високото образование многу долг период не само што не биле покачени, туку и буквално се раководеле по некои документи создадени во времето на СФРЈ.

- Ова е прво сеопфатно воведување на регулација на нашата дејност. Се разбира дека за две години не можеме да очекуваме да бидат сите проблеми што произлегуваат од имплементацијата, но е многу важно како почеток, рече таа.

Дополни дека констатацијата после две години имплементација на договорот е дека е неопходно системско решение.

Она што го констатиравме после две години имплементација на овој договор е дека всушност најдобро за сите нас е да има едно системско решение кое што ќе биде основа која што ќе може да се имплементира за сите јавни високообразовни и научни установи, наспроти парцијалните решенија кои што можат да се склучат на ниво на работодавач, рече таа.

The post Неделков: Колективниот договор за високо образование и наука е исполнет во целост appeared first on Република.

Вработените во градинките ќе добијат 15 отсто повисоки плати

Билјана — Thu, 13 Oct 2022 11:59:22 +0000

Зголемување на платите на вработените во градинките за 15 отсто и нивен континуиран раст со секое зголемување на минималната плата е новината која е дел од колективниот договор што го потпишаа министерката за труд и социјална политика, Јована Тренчевска и Јаким Неделков, претседател на Самостојниот синдикат за образование, наука и култура (СОНК).

Со договорот се предвидува и зголемување на додатоците и надоместоците на плата и се зголемуваат правата на работниците за време на штрајк.

Со колективниот договор, исто така, се надминува проблемот со работното време на воспитувачите и негователите за реализирање на другите програмски активности во други просторни услови во установата или надвор од неа.

„Се обезбедува регрес за годишен одмор, четири часовно платено отсуство од работа во текот на месецот за извршување на итни, лични и неодложни потреби, се зголемуваат правата за слободни платени работни денови во текот на календарската година, се воведуваат јубилејни награди за работа во градинката“, се наведува во соопштението од Министерството.

The post Вработените во градинките ќе добијат 15 отсто повисоки плати appeared first on Република.

СОНК: Онлајн настава не е прифатлива опција, најдете начин училиштата да не се затворат зимава

Александрија — Thu, 22 Sep 2022 08:39:42 +0000

Самостојниот синдикат за образование, наука и култура (СОНК) денеска на својот Фејсбук-профил објави дека Владата и Заедницата на единиците на локалната самоуправа (ЗЕЛС) треба заедно да изнајдат прифатливо решение за надминување или ублажување на енергетската криза во училиштата.

Наставата од далечина не е прифатлива опција на најзасегнатите: учениците, родителите и наставниците, наведува СОНК.

The post СОНК: Онлајн настава не е прифатлива опција, најдете начин училиштата да не се затворат зимава appeared first on Република.

СОНК и МТСП уште ги усогласуваат ставовите за нов Колективен договор во градинките

Марина — Thu, 01 Sep 2022 15:11:33 +0000

Работните групи на СОНК и Министерството за труд и социјална политика ги усогласуваат различните ставови во текстот на новиот Колективен договор за вработените во градинките, објавија попладнево на фејсбук-профилот на СОНК.

Зголемување на платите за 15 проценти од септември не е спорно како и другите придобивки кои се вградени во нацрт текстот кој што по усогласувањето ќе биде предмет на јавната расправа пред членовите на СОНК, стои во објавата.

The post СОНК и МТСП уште ги усогласуваат ставовите за нов Колективен договор во градинките appeared first on Република.

Неделков: Новата учебна година да отпочне со нова енергија, нова надеж, нови синдикални искуства и успеси

Сани — Thu, 01 Sep 2022 09:03:01 +0000

Лидерот на Самостојниот синдикат за образование, наука и култура (СОНК) Јаким Неделков на вработените во образованието им посака успешна нова учебна година.

Почитувани колеги, Дозволете ни да Ви посакаме оваа нова учебна година да отпочне со нова енергија, нова надеж, нови синдикални искуства и успеси … Да ги научиме учениците за работи што не ги знаеле досега. Посакуваме да го извлечеме најдоброто од учениците во оваа претстојна година со нашата напорна работа и трпение. Сѐ најдобро! Среќен почеток!, напиша Неделков на Фејсбук.

Наставниците со платата за септември ќе добијат зголемување од 15 отсто договорено меѓу МОН и СОНК по организираниот штрајк пролетта.

The post Неделков: Новата учебна година да отпочне со нова енергија, нова надеж, нови синдикални искуства и успеси appeared first on Република.

Шаќири: Од септември повисоки плати за 15 отсто на вработените во основно и средно образование

Сани — Tue, 07 Jun 2022 10:34:20 +0000

Повисоки плати за 15 отсто за вработените во основно и во средно образование ќе има од септември, како што е договорено со Самостојниот синдикат за образование и наука (СОНК). Тоа е предвидено во ребалансот на Буџетот, што треба да биде усвоен во Собранието, изјави денеска министерот за образование и наука Јетон Шаќири.

Со СОНК ја потпишавме спогодбата која произлезе од процесот на помирување. Очекуваме да помине ребалансот на Буџетот за да подготвиме информација во Владата, за да се потпише конечната спогодба за 15 отсто. Значи, преговорите имаат потпишана спогодба, договорени се сите работи со СОНК и го чекаме ребалансот. Очекувам да помине и сѐ да биде добро за од септември да има повисоки плати во основно и во средно образование, рече Шаќири одговарајќи на новинарско прашање на обуката за прва помош за ученици во рамки на кампањата на Црвен крст „Првата помош спасува живот“.

Конечниот договор за зголемување на платите за 15 отсто за вработените во образовните установи МОН и СОНК го постигнаа на 17 мај со посредство на помирувач и по 12 дена прекината настава поради генерален штрајк во училиштата од 11 до 28 април.

Претставниците на двете страни во спогодбата се согласија платите на вработените во основните и средните да бидат зголемени за 15 проценти, почнувајќи од септември годинава. МОН и СОНК ги усогласија и ставовите за потпишување нови колективни договори за основно и средно образование, како и нова методологија што ќе обезбеди постојан раст на платите во образованието.

The post Шаќири: Од септември повисоки плати за 15 отсто на вработените во основно и средно образование appeared first on Република.