Националниот координатор за реформи во високото образование, Проф. д-р Солза Грчева, оствари средба со претставници на студентските организации од државните и приватните универзитети во Македонија.

На средбата која беше наменета првично за меѓусебно запознавање, беа опфатени и актуелни теми за кои се засегнати студентите како студентскиот стандард, квалитетот на наставата, нивната вклученост во научно истражувачката работа и слично.

Националната координаторка стави акцент на унифицирањето на критериумите на напредување на професорите, студиските програми, предностите на професионалните студии и дигитализирање на услугите во универзитетите, теми кои се поставени како цели на нејзино делување. За сите овие прашања студентите изразија заинтересираност, информираа од Владата.

Соработката со студентите е повеќе од неопходна, тие се главниот чинител и само со постојаната отворена комуникација со нив, може да се постигне подобрување на високото образование во нашата држава и да се спречи одливот на мозоци.

Оваа перцепција беше прифатена и од двете страни, а комуникацијата ќе продолжи да се интензивира во блиска иднина.

The post Националниот координатор за реформи во високото образование, Грчева на средба со студентските организации appeared first on Република.

Група ентузијасти деновиве организираа еко-акција за чистење на Скопскиот Аквадукт. За ова место во околината на Скопје, кое неправдано е запоставено од надлежните, се огласи и професорката и политичарка Солза Грчева.

Вака изгледа во Скопје римскиот аквадукт. Наместо атракција за туристите и за нас, рушевина сред буниште.
СДС имаше во програмата за култура, негова реставрација. Ништо од тоа!
Важно ветуваат иднина, а систематски ни ја бришат историјата и историското наследство.
На 8-ми ќе си одат и самите тие во историја!, вели Грчева.

The post Грчева: СДС во програмата за култура имаше реставрација на аквадуктот, ништо од тоа! appeared first on Република.

Кај нас има големи недостатоци во Изборниот законик, не само во изборниот процес. Малите партии се онеправдани за начинот на кој се третираат и се принудени да одат во коалиции затоа што немаат финансиска сила да одат на избори сами. Тоа е штета затоа што има мали партии кои имаат голем интелектуален потенцијал. Нам во ИЕ1 на минатите избори ни беа украдени два пратеника. Сега постои и уште еден момент, а тоа е да се обединиме што е можно повеќе партии за да ја тргнеме оваа власт која остави пустош во овие 7 години владеење. Тоа ни е заедничкиот именител со сите 24 партии што ја сочинуваат сега опозицијата. Анкетите велат дека луѓето сакаат промени, вели Солза Грчева, претседателка на „Глас за Македонија“, во СТУДИО 10 на ТВ 24.

СДСМ за нас е невозможна опција за коалицирање после се она што го направија за деградација на македонското ткиво и се она што го направија зад затворени врати без консултации со опозицијата, вели Грчева.

Грчева вели дека е вештачки создаден наратив дека ако си за СДСМ си за ЕУ, ако си за ВМРО-ДПМНЕ си против ЕУ. Таа додава дека процесот за интеграција го започна токму ВМРО-ДПМНЕ, но сега јасно кажува дека е против влегување во ЕУ на недостоинствен начин.

Ова е само влезница, овие барања што ги испорачува Бугарија со францускиот предлог. И Европа е во криза. Можеби нема повеќе да се гласа со консензус со оглед дека веќе го прекршија кога Унгарија не гласаше за Украина. Процесот на преговори трае со години, па ништо не значи една година повеќе, но многу значи да се испреговара добро. И Ескобар рече дека билатерален проблем не треба да биде услов за членство во ЕУ, вели Грчева и додава дека ова владеење досега е во целост неевропско.

Грчева вели дека не е проблем уште еден народ да влезе во Уставот, но проблем е начинот на условување на Македонија.

Не можат СДСМ да испорачаат добри резултати за македонскиот народ затоа што тие се сосема „откачени“ од македонскиот народ. Тие се согласуваат на се што ќе им биде дадено. Само во окупација може да се согласите дека вашиот јазик постои од 1945 година, а се и сите архиви треба да и бидат предадени на Бугарија. Солидна дипломатија сигурно нема да најави што ќе прави, но кога ќе стапне на власт мора да бидат транспарентни, вели Грчева.

Грчева вели дека не се согласува дека губиме време, а младите секако одат на студии во странство заради девастација на нашиот образовен систем.

Ако ЕУ реши, може да се случи да донесат политичка одлука за Македонија, како што сега донесоа за Босна и Украина и Молдавија, а на времето за Бугарија и Романија. Ако ЕУ почувствува геополитички интерес тогаш целиот Западен Балкан ќе влезе во ЕУ, вели Грчева и додава дека во ВМРО-ДПМНЕ се размислува за продолжување на преговорите, а уште сме далеку од приклучување во ЕУ.

Грчева појаснува дека изгласување уставни измени но не под бугарски диктат значи дека не се спорни уставните измени, но не насилно. На времето, вели Грчева, така насила и со уцени беше изгласан и Преспанскиот договор во Собранието. Таа додава дека ние го спроведовме Преспанскиот договор, а Грција не го спроведува договорот иако има само три протоколи кои треба да поминат во нивното собрание.

Ние и онака не можеме да влеземе во ЕУ со олку корумпирана власт, вели Грчева.

Грчева вели дека нејзината партија не се пазарела за влез во коалицијата, дури нема ни пратеничко место, но можно е учество во владата.

The post Грчева: Мора да се обединиме за да ја тргнеме оваа власт која остави пустош во овие 7 години appeared first on Република.

Моите лични документи (лична карта, пасош и возачка дозвола) со името „Република Македонија“ се важечки уште неколку години и не мислам да ги менувам, вели Солза Грчева, додавајќи го она што и пошироката јавност постојано го повторува -  Ако некој не ги усогласил на време, нека одговара!

И ќе одговара, вели Грчева, бидејќи г-ѓа Олгица Трајковска им поднела тужби на Заев и Спасовски. Алал да и е.

https://republika.mk/vesti/makedonija/krivichna-protiv-spasovski-za-prechekoruvane-na-sluzhbenite-ovlastuvana-i-proglasuvane-za-nevazhechki-na-lichnite-dokumenti-na-graganite/

Во најмала рака, за оние кои ќе решат да ги менуваат, менувањето треба да биде бесплатно, бидејќи им менуваат важечки документи.
Наместо тоа, луѓе со денови се обидуваат да добијат термин (по телефон или електронски) и никој не им одговара.
Нема институции, ниту одговорност во демонтирана држава. Самоволие и собирање пари од сиромаштијава, вели Грчева.

The post Грчева: Менувањето на важечките документи треба да биде бесплатно, јас не мислам да ги менувам appeared first on Република.

Поранешната пратеничка и актуелен лидер на партијата „Глас за Македонија“, Солза Грчева, реагира на преименувањето на улицата „Втора македонска ударна бригада“ во скопски Чаир, со името на кособскиот Албанец, Адем Демачи.

„Очекувам една улица во Холандија да биде крстена со моето име. Сум живеела и работела таму некоја година.

Ете толку има врска со Македонија Адем Демачи, косовски Албанец, борец за Голема Албанија.

Втората македонска ударна бригада летна од историјата, како што набргу ќе лета се што е поврзано со антифашистичката борба.

Но, доста со плачење. Никој не ни е крив. Се сети некој да именува нешто по имињата на масакрираните од Вејце, Карпалак, полицајците од Диво Насеље?

Или се плашиме да не го нарушиме “братството и единството“, фалсификувајќи ја и запретувајќи ги во заборав оние кои ја бранеа државата“, пишува Грчева на Фејсбук.

The post Грчева: Се сети ли некој да именува нешто по имињата на масакрираните од Вејце, Карпалак… appeared first on Република.

Манифестот на СДСM е фаќање за сламка на давеник пред избори, смета Солза Грчева, додавајќи дека оние кои го исфрлија од преамбулата на Уставот манифестот на АСНОМ, сега се вадат со трошка „патриотизам“ кој реално „не им личи“.

Најмногу ми се бендисува во Манифестот формулацијата: „Најшироката јавност да биде во можност да го изрази своето мислење по однос на условите за членство во Европската унија“. Молам?
Го послушаа ли иститиот тој народ кој најјасно си кажа “не“ на референдумот за името?
Е толку и сега ќе го послушаат.
Туку до каде сме со корупцијата и дали се проширува Идризово?, прашува Грчева.

The post Јавноста ќе можела да изрази мислење… А го послушаа ли истиот народ за она „НЕ“? appeared first on Република.

Треба да си со ампутиран мозок, па да поверуваш на ваквите „жими мајка“ ветувања, вели Солза Грчева за вчерашните изјави на евроспките министри кои во Скопје со порачаа дека Македонија треба да направи уставни измени, а другите земји ќе направат сè за да нема веќе нови барања од Бугарија.

„Ќе направиме се што е во наша моќ да не добивате нови блокади“ - министрите за надворешни работи на Австрија, Чешка и Словачка!
На ваквата фраза можам само да се изнасмеам. НЕ МОЖАТ НИШТО.
Турција отвори 26 од 33 поглавја и доби вето (вета) од Кипар кој едвај се гледа на карта. Во 2019 ги прекина преговорите. Турција, втора армија во НАТО.
Треба да си со ампутиран мозок, па да поверуваш на ваквите „жими мајка“ ветувања, порача Грчева.

The post Грчева: Треба да си со ампутиран мозок да веруваш дека „жими мајка, ќе нема нови блокади“ appeared first on Република.

Среќни беа генерациите кои учеа историја. Без тој предмет, луѓето ќе бидат со исплакнати мозоци. И такви ќе водат (веќе водат) држави, реагира на Фејсбук професорката и претседателка на партијата „Глас“ Солза Грчева за најавеното укинување / поделба на досегашниот предмет историја за учениците од 6-то одделение.

Таквите ќе бидат само неоколонијални, глобалистички кукли на конци. Нивните граѓани ќе им служат скоро како робови, за ништо нема да одлучуваат, а земјите ќе им бидат ограбувани од “газдите“, од тие надвор и од „елитите“ дома. Историјата мора да се врати на голема врата. И целото образование да се реформира. Не според умот на НВО министри, туку од луѓе кои знаат што прават! Тоа е темелот на една држава, тоа е силата и критичката размисла на секој поединец. Со молчеливи, исплашени луѓе, со неуки луѓе, секој ќе манипулира, предупредува Грчева.

The post Грчева: Без историја луѓето ќе бидат со исплакнати мозоци appeared first on Република.

Нашиот Соборен храм, од каде штотуку доаѓам, ни го затворија пред нос во 19 часот. На нашиот најголем празник, објави на својот фејсбук профил Солза Грчева, лидерката на Глас за Македонија,

Сите што чекаа да влезат и купат свеќи и остават пари и ја помагаат со тоа и црквата, бевме избркани со зборовите:” Ајде тргајте се од тука”.

На Велигден затворен главниот храм. Цел свет прошетав, ниту една црква затворена на празник не сум начекала.

А се жалат дека се намалил бројот на верници.

Срамота за црквата, греота за луѓето!

The post Солза Грчева: На Велигден затворен главниот храм, ни го затворија пред нос во 19 часот appeared first on Република.

Овие од власта ги пробиваат сите плафони, овие нивни вакви криминогени работи се уникатни. Ваква една зделка од милијарда и триста милиони евра значи на самиот уште почеток има контроверза до контроверза, и станува збор за матна до матна зделка, рече Солза Грчева, претседател на Глас за Македонија на гостување во емисијата За или против што се емитува на телевизија Алфа.

Грчева наведе какви се пропусти се направени од страна на Владата при постигнување на овој договор со Бехтел и Енка.

„Прво, заобиколен е Законот за јавни набавки, замислете за зделка од 1,3 милијарди евра, второ, се работи за делчиња од коридори, а не цели коридори, што значи ќе треба уште милијарди за да дојдеме до коридори. Дополнително ние како граѓани ги плаќаме овие проекти и треба да ни дадат низа на детали за изградбата“, посочи Грчева.

Грчева се осврна и на тајноста на договорот за изградба на коридорите 8 и 10Д.

-Не може да потпишат договор на непостоечки закон, Артан груби прави прес и не одговара на прашања и упатува на надзорот. Ова значи дека на Бехтел и Енка им кажувате дека газите на правната држава. Тие поднесуваат измени на девет закони и измените се крајно контроверзни, и ем се контроверзни ем нема никаква дебата за измените на овие закони, вели Грчева.

Според Грчева, потребно е да се објават стандардите по кои ќе се работи на овие патишта, колку ленти ќе имаат, дали секаде е автопат или експресен пат кој е многу поефтин.

„И на крај еден ваков договор премиерот Ковачевски вели дека е класифициран, а го плаќаме од наши пари“, заклучи Грчева.

The post Грчева: Власта ги проби сите плафони, не може зделка од 1,3 милијарди да биде тајна appeared first on Република.

Oштетено е возилото на лидерката на Глас за Македонија Солза Грчева. Таа на „Фејсбук“ сподели фотографија од автомобилот на која се гледа дека му е откорната регистерската табличка.

Секој мој жесток настап, како оној пред три дена на Алфа, има своја цена со која морам да живеам. И не е прв, ниту последен пат. Среќа што се уште насочени (на разни начини) на колата. Можат да станат и поинвентивни. Ама ич нема да ме замолчат. Напротив, вели таа.

The post „Ама ич нема да ме замолчат“: Солза Грчева откако непознати сторители и го оштетиле автомобилот appeared first on Република.

Еу најави дека ќе прави донаторска конференција за Турција во март, на што реагираше Солза грчева, лидер на „Глас за Македонија“.

Таа на фејсбук посочи:

Над 22.000 загинати во земјотресот во Турција и Сирија. Околу 80.000 повредени и не се знае бројот под урнатините.

Овој бездушен, богат свет ги остави луѓето без полски болници, без загреани шатори, без лекови и со мал број спасувачи. Поготово во Сирија, но и во Турција. Луѓето со раце се обидуваат да дојдат до своите под урнатините. Попотресно, здравје.

ЕУ ќе правела донаторска конференција во март!!!

Толку ми е доволно да не бидам европски фундаменталист.

The post Солза Грчева за Турција: Толку ми е доволно да не бидам европски фундаменталист appeared first on Република.

„За жал живееме во една држава во која што не се казнува еден огромен криминал кој што ни се случува, една држава која што држи затвореници за 27-ми април со години во зандани и нема намера да го обнови тој процес колку што гледам, а истовремено се амнестираше кого стигнаа. Што може да се каже за една таква држава, освен дека не работат институциите“, истакна Солза Грчева, претседател на партијата „Глас за Македонија“ во гостување во емисијата „Што не е јасно“ на Алфа телевизија.

Грчева додаде дека во врхушката на власта работат полуписмени луѓе кои се дојдени од разно разни невладини организации кои се од сомнителен карактер. И за жал токму тие луѓе изигруваат министри и државата поради нив пропаѓа секој ден.

Таа се осврна и на отворањето на културните клубови во Македонија од страна на Бугарија, и нагласи дека власта за да спречи отворање на ваков вид клубови требаше веднаш да реагира и да донесе закон со кој што не може културен клуб да се именува со скандалозни имиња.

„Институциите се криви, крива е и оваа држава која што навреме не донесе закон да не може кој што сака и со какво име сака да се именува клубот, со каква провиненција не е битно само името туку и намерата односно што работи тој клуб. Односно каква пропаганда шири тој клуб итн. Значи не се спречија тие појави, а сега слушаме Бујар Османи ги охрабрува да отвораат уште културни клубови во Македонија. Но, дали се тоа културни клубови, ние не знаеме. Ние не знаеме што навистина што се случува во тие клубови, а особено во овој „Ванчо Михајлов“ во Битола“, нагласи Грчева.

Таа посочи дека во Битола се кажува дека се носат на големо архиви во клубот „Ванчо Михајлов“, со што никој не е запознаен какви книги се тоа, со какви содржини се истите тие книги. А, власта нема намера за жал тоа да го спречи.

„Оваа е толку тенка Влада што нема зад себе политички капитал. Нема политички капитал во вид на големи рејтинзи и големо гласачко тело. А, кога нема такво нешто таа не смее да се дрзне да прави вакви капитални грешки, капитални проекти што ја чинат Македонија многу и по националните прашања, по идентитет, и по носење на лоши закони“, појасни Грчева.

Таа нагласи дека оваа Влада не може да бори против корупцијата бидејќи кој криминалец се бори против корупција.

The post Грчева предупредува: „Ванчо Михајлов“ во Битола се полни со книги, никој не знае какви се и што содржат appeared first on Република.

Професорката Солза Грчева како професор состојбите во образованието ги оценува како катастрофални.Таа за „Република“ ги објаснува кои се најголемите пропусти кои ги направивме од деведесеттите години до денеска.

Според неа, образованието е поставено на погрешни темели почнувајќи од градинките па се до високото образование.

Затоа вели таа, немаме квалитетни доктори но и фризери, елетричари водоводџии...

Ако првите десет години после растурањето на Југославија имаве горе-долу некој систем што го влечевме по инерција сега веќе немаме ништо. Замислете го стандардот во кој живеат нашите студенти.Со скафандер никој од нас нема да може да помине повеќе од една недела во студентиски дом.Посегнаа дури и по субвенционираниот студентски оброк.Јас имав предлог да се потпишат договори со градовите што се студентски центри кои ќе гарантираат нутристионистички добар оброк направени од македонски производи.Потребно е да се субвенционираат оние студенти што живеат на едно а студираат на друго и плаќање по 2000 денари по легло.Не е добро што имаме само академски студии а никој не оди на стручни.Немаме ни национални стандарди кој смее да биде професор а не ги укинавме ни дисперзираните студии кој се извор на неквалитет и ги упропастуваме способни млади деца.Тоа не се студии.Немаме средно образоване кое ќе трае две, три или четири години.За некои занаети се потребни две години, за некои три.Треба да одиме на занаети.Затоа веќе немаме водоводџии, електричари, фризери…

https://www.youtube.com/watch?v=_60rwPxrLY8&t=556s

The post Зошто останавме без фризери, електричари, водоводџии, заварувачи..? appeared first on Република.

За лидерот на „Глас за Македонија“ Солза Грчева е неразбирливо што власта се „крсти“ во меѓународните договори и се надева дека тие ќе се почитуваат.

Треба да имаш дефицитит во паметот ако се „крстиш“ во такви договор.После она што го кажа Меркел дека не планирале да го почитуваат Договорот од Минск како и веруваме на истата Меркел кога доаѓаше кај нас и велеше дека на брз колосек ќе ја спроведеме Македонија кон Европа. Каде е сега Македонија? прашува Грчева во интервјуто за „Република“.

https://www.youtube.com/watch?v=_60rwPxrLY8&t=556s

https://republika.mk/vesti/makedonija/grcheva-kovachevski-e-nadgradena-promashena-investicija-na-zaev/

The post Грчева: Треба да имаш дефицит во паметот за да се „крстиш“ во меѓународни договори appeared first on Република.

„Глас за Македонија“ ја сочинуваат вредни и чесни луѓе кои си ја сакаат државата.Бевме дрско искрадени на парламентарнте избори за околу 40.000 гласови што ќе значеше два до три пратеници што не осакати како партија и сега повторно влегува во друштвото на т.н мали парти а ќе бевме парламентарна партија која ќе направеше разлика како што нашите советници сега прават огромна разлика, вели професорката Солза Грчева во интервју за „Република“.

Таа е разочарана што не се реализира идејата за една изборна единица која сигурно ќе им донесеше повеќе пратеници.

Баравме и да нема праг или да има природен праг од 0,8 посто.Заев рекол да им дадеме една изборна единица но со 3 до 5 посто праг.

Грчева вели дека нема кој да го стисне копчето за ресет на државата бидејќи овие кои се сега на власт стискаат копче што им носи многу пари и моќ.

Какво копче стисна СЈО?. Нивното копче беше политичко а не борба против корупцијата.Не може да имаме борба против корупцијата туку треба да имаме системско спречување а тоа бара големи политички промени и резови.Тие политички резови може да ги најдат во нашата политичка програма. Потребни ни се стручни луѓе.Пример ако некој го води Мепсо тој треба да е врвен енергетичар, ако некој води образование треба да некој кој водел образовни процеси.Ни требаат квалификувани луѓе. А под политички резови треба да имаме отповикливост на фукционери, референдум за секое отворање на Устав, импичмет на Влада преку референдум. Како можеме да го заклучиме тој сет на политички резови ако криминалот ни се крие во самите резови.Додека не добиеме независни инстутуции не можеме ништо да направиме.

Грчева е разочарана што речиси сите големи случаи немаат судска разрешница и настрадува некоја ситна риба а големите се извлекуваат секогаш.

Не знам од каде надежта на американската амбасадорка дека може да се воспостави ред иако немерата е добра. Меѓутоа треба да ги открие изворите на корупција.

Грчева нема дилема дека ДУИ е полугата која што создава власт и дека то мора да се промени

Мора да се знае дека државотврен народ во Македонија се Македонците иако тоа го избришаа со АСНОМ но убедена сум дека тоа ќе се врати.Не може државата да зависи од ДУИ но тоа како власта зависи од ДУИ.

Грчева останува на ставот дека Заев е промашена инвестиција а сега Ковачевски го смета за надградена промашена инвестиција.

Заев направи големи бељи за државата, за среќа не се непоправливи. Толкав број на грешки и пропусти направи Заев туркајќи ја насила преспанската агенда и договор што сето тоа се поправа исто така на правен начин.Ковачевски пак влегува во договор со Бугарија загазува се повеќе и повеќе .Тој е една бледа и анемична личност кој неправи ништо друго освен што ја продолжува таа политика на немоќ, сервилност и губење на последни атоми на сувереност.

За Грчева е неразбирливо што власта се уште се „крсти“ во меѓународните договори.

Треба да имаш дефицитит во паметот ако се „крстиш“ во такви договор.После она што го кажа Меркел дека не планирале да го почитуваат Договорот од Минск како и веруваме на истата Меркел кога доаѓаше кај нас и велеше дека на брз колосек ќе ја спроведеме Македонија кон Европа. Каде е сега Македонија? прашува Грчева.

Лидерката на „Глас за Македонија“ останува на ставот дека промената на името е направено коруптивно.

Заев се фалеше со тоа, тој не ги криеше тие работи.Ние извршивме промени во Кривичниот законик за еден од тие пратеници да не влезе во затвор. На братот од еден пратеник му се давани тендери, а пак синот на една пратеничка не влезе во затвор порад коруптивна зделка за да гласа за уставните промени. Сето тоа е евидентирано.Јоханес Хан побара тоа да се реши на балкански начин и така го решија.

Според неа, промената на Уставот за да влезат Бугари ја отвора вратата на пеколот.

Албанците во склад со лажниот попис за кој не можам да им простам на дузина квази политичари што повикуваа на бојкот.Македонците излегоа мала разлика со Албанците и тогаш тие ќе бараат Уставот да се редефинира.Ако ја имате читано преговарачката рамка таа не се базира само на договорот со Бугарија туку ја инкорпорира во целост декларацијата донесена во бугарскиот парлемент.Згора на тоа немаме никаква гаранција дека тоа ќе биде последна блокада а немаме ни гаранција дека нема да продолжи со блокадите.

Грчева како професор состојбите во образованието ги оценува како катастрофални.

Образованието е поставено на погрешни темели.Ако првите десет години после растурањето на Југославија имаве горе-долу некој систем што го влечевме по инерција сега веќе немаме ништо. Замислете го стандардот во кој живеат нашите студенти.Со скафандер никој од нас нема да може да помине повеќе од една недела во студентиски дом.Посегнаа дури и по субвенционираниот студентски оброк.Јас имав предлог да се потпишат договори со градовите што се студентски центри кои ќе гарантираат нутристионистички добар оброк направени од македонски производи.Потребно е да се субвенционираат оние студенти што живеат на едно а студираат на друго и плаќање по 2000 денари по легло.Не е добро што имаме само академски студии а никој не оди на стручни.Немаме ни национални стандарди кој смее да биде професор а не ги укинавме ни дисперзираните студии кој се извор на неквалитет и ги упропастуваме способни млади деца.Тоа не се студии.Немаме средно образоване кое ќе трае две, три или четири години.За некои занаети се потребни две години, за некои три.Треба да одиме на занаети.Затоа веќе немаме водоводџии, електричари, фризери...

Таа е убедена дека власта по секоја цена ќе сака да го истурка мандатот до крај.

Секој ден на власта и значи некоја коруптивна зделка со неограничена моќ на сметка на осромашување на граѓаните кои зимава ги чека осиромашување.Ако многу бидат притиснати од незадоволството на народот ќе вршат срамни уцени кон опозицијата да глаасаат за уставни измени за да има предвремени избори.Кон тоа одат и изјавите на странските мисионери кои доаѓаат но се помалку.Веќе не сме интересни бидејќи Европа не мисли да се шири.

Целиот разговор слушнете го во видеоинтервјуто кое го водеше Игор Чавески

https://www.youtube.com/watch?v=_60rwPxrLY8

The post Грчева: Ковачевски е надградена промашена инвестиција на Заев appeared first on Република.

Претседателката на Глас за Македонија Солза Грчева ја коментира информацијата дека Македонија е една од педесетте земји кои гласале против Резолуцијата до ОН за осуда на фашизмот, употреба на нацистички симболи, осуда на секој вид ксенофобија, исламофобија, антисемитизам. Резолуцијата е предлог на Русија, а Македонија, Јапонија, Австралија и Либерија освен што биле против, предложиле амандман за осуда на Русија.

Поголема брука од оваа наша држава, нема. НЕМА!
Русија даде Резолуција до ОН за осуда на фашизмот, употреба на нацистички симболи, осуда на секој вид ксенофобија, исламофобија, анти-семитизам итн.
Резолуцијата е усвоена со 105 гласа за и околу 50 против, меѓу кои и НИЕ. Во “против” се пазете сите наши “пријатели” од колективниот Запад.
Уште повеќе, четири земји, само четири: Либерија, Јапонија, Австралија и Македонија дадоа амандман во кој велат дека иако се анти-фашистички расположени, уште повеќе се анти-руски.
Па вие чудете се зошто Бугарија само не “администрирала” и зошто ни отвораат клубови со имиња на фашистички соработници.
Вазаливе на кои им нема рамни, со скршени кичми, ни ја менуваат историјата, не прават нецивилизирани, не прават земја на зомбирана младина и народ.
Фуј, да си во друштво на оние кои го поддржуваат фашизмот и други екстремни идеологии. Се срамам во име на мојата Македонија која веќе не ја познавам.
P.S. И лани на иста ваква резолуција, против биле само САД и Украина (значи дале поддршка на фашизмот), а Севернава била воздржана!!!
Боже, добро е што ми се починати родителите, чичковците и сите можни роднини кои биле од прв ден партизани, во рамки на Народноослободителниот фронт. Барем не го видоа ова злосторство.

The post Грчева: Се срамам од мојата Македонија која поддржува фашизам и други екстремни идеологии appeared first on Република.

Солза Грчева од Глас за Македонија ја коментира изјавата на министерката за одбрана Славнака Петровска дека ќе правела сојуз за зањдничка безбедност со Косово и Албанија. Македонија ќе го обучувала косовските војници.

Генералицана Славјанка ќе правела сојуз за заедничка безбедност со Косово и Албанија. Згора на тоа ние, ние кои не оставија без еден авион и тенк, ќе сме ги обучувале Косоварите.
Ќор фишеку од министерке!
Зарем не знаеш дека тие можат да те обучуваат, тие се тренирани со години од НАТО да се борат против нас и против Србите? Против Словените?
И кој ќе ни ја загрозува “заедничката безбедност”? Србите со кои не скаравте, Русите кои ни признаа се живо, а вие слугинчиња кусогледи не направивте “непријателска држава”?
Вие и ти ли бре недоветна послушничке, смеете да го изолирате македонскиот народ од сите пријатели? Кој ви го дозволил тоа, акмаци???
Продадовте се. Да не ме читаат студенти, сочно ќе ве опсуев. Ама сочно!

The post Славјанка ќе правела сојуз за безбедност со Косово и Албанија: Па тие се тренирани со години да се борат против нас и Србите appeared first on Република.

Претседателката на “Глас за Македонија”, Солза Грчева од пред Собранието на Република Македонија денеска побара да се протера евроамбасадорот од Македонија.

– За ова треба да одговараат и ви ветувам дека ќе одговараат, нема веќе циле миле. Договорите се хартија која секој момент може да заврши во Вардар. Не треба преговори, треба да се протера евроамбасадорот од Македонија, порача Грчева од пред Собранието.

The post Солза Грчева пред Собрание бара да се протера евроамбасадорот од Македонија appeared first on Република.

Солза Грчева од Глас за Македонија не верува дека модификуваниот француски предлог е толку добар колку што го пофали претседателот Стево Пендаровски. Иако Пендаровски немаше многу пофални зборови, но рече дека е далеку поповолен за Македонија од претходниот.

Мофификуваниот француски предлог сигурно не е “толку” добар штом: Не е јавен!   Не оди на Комисија за надворешни работи во Собранието! Не оди на гласање во Собранието! Не видов некој да спомне дека има гаранции кои ќе ги спречат натамошните уцени! Веднаш го поддржаа Радев и Петков! Божем стигна во последен момент! Не им верувам!

The post Грчева: Модификуваниот француски предлог сигурно не може да е „толку“ добар штом… appeared first on Република.