Деветгодишно момче од Крапина во Хрватска заврши во болница откако со татко си испило малку „сок“ од јаболко во локален ресторан. Полицијата и обвинителството истражуваат како во шишето со сок е пронајдено средство за одмастување, од кое момчето се здобило со оштетување на слузокожата, хранопроводникот и усната шуплина.

Инцидентот се случил на почетокот на септември, според мајката на момчето, сопругот и синот оделе на технички преглед на автомобилот и додека чекале седнале во ресторан да се напијат нешто.

„Синот нарача сок од јаболко во стаклено шише. Келнерката го зеде пијалакот од фрижидерот, сопругот го видел тоа, го отвори, го донесе на масата. Синот почна да пие. По првата голтка почна да вика кисело, кисело. По една минута го поврати сокот, а потоа таткото го проба, исто така доби реакција“, раскажала мајката, пренесува Вечерњи лист.

Момчето ден и пол се жалело на болки во стомакот, а потоа добило треска. Го однеле во болница, а таму ги дочекало нов шок – констатирано е дека момчето испило опасна течност.

„Направена е анализа. Детето со дијагноза ерозивен гастритис по неколку дена е отпуштено на домашна нега со обврска за следење за да се избегнат доцните последици од оваа состојба“, изјави директорот на Детската болница, Горан Роиќ.

Адвокатот на семејството на Јована Пухало смета дека тоа никој не го направил намерно, но доколку се потврди – тоа е кривично дело поради невнимание.

„Нему му беше послужено средство за одмастување во шише со сок – база PH 13, поради што претрпе оштетување на слузокожата, хранопроводникот и усната шуплина. Се надеваме дека надлежните органи, во случајов полициската станица Крапина, и надлежното државно обвинителство во најкраток можен рок ќе ги преземат сите потребни дејствија за утврдување одговорност“, рече адвокатката.

The post Скандал во хрватски ресторан: На деветгодишно момче наместо сок од јаболку му послужиле средство за домастување appeared first on Република.

Се повлекува од продажба сокот од јаболка за деца на „Хип“ поради постење опасност од присуство на туѓо тело, соопшти Агенцијата за храна и ветеринарство (АХВ). Агенцијата информацијата ја добила преку Системот за брзо предупредување за храна и храна за исхрана на животни (РАССФ) на Европската унија.

Утрово, врз основи на извршена вонредна инспекциска контрола, АХВ на компанијата увозник ѝ издаде решение и ѝ забрани пуштање во промет на небезбеден производ – органски био сок од јаболко, во пакување од 0,2 литри, со лот А98967, од брендот „хип“ (HIPP), со рок на траење 31.10.2023.

Бидејќи како небезбедна се смета целата серија од овој производ, на увозникот му е наредено да изврши и повлекување/отповикување на овој производ со наведениот лот од прометот. Се повикуваат потрошувачите кои го имаат купено посочениот производ истиот да не го употребуваат, односно да го вратат на местото каде е купен, велат од Агенцијата за храна и ветеринарство.

Од Агенцијата додаваа дека секоја недоследност за безбедноста на храната може да се пријави лично до Одделението за заштита на потрошувачите при АХВ, на бесплатната телефонска линија наменета за потрошувачите 0800 3 22 22, или електронски на info@fva.gov.mk.

The post Се повлекува од продажба сокот од јаболка „Хип“ поради опасност од присуство на туѓо тело appeared first on Република.