СДС нека се зафати да си го исчисти својот двор, нека го заврши отчетниот конгрес за своите претходни седум години работа, нека одржи еден нормален состанок, а потоа нека се зафаќа со работата на новата Влада“, изјави Софија Куновска на гостување на телевизија Канал 5 во емисијата Само вистина.

Според Куновска, ако правиме една оценка ова се всушност последици од владеењето на СДС и ДУИ.

Куновска додава дека, оттука, е потребно да дојде нов свеж бран т.е. да се даде простор на новата Влада да ги санира истите и да покаже дека ги реализира своите ветувања.

Зоран Димитровски, заменик министер за надворешни работи, кој исто така гостуваше во емисијата изјави дека очекувањата се високо подигнати, довербата во судството мора да се поврати, но реално дали е можно за само три месеци да се реформира судството.

Пребрзо е за да видиме дали има резултати од борбата против корупција и организиран криминал. Прекраток е периодот за да се подигнат тие покрупни процеси во правосудсвото и довербата во истото беше некои 3% и ВМРО и коалицијата излезе со едни сериозни реформи во тој дел“, додава Димитровски.

Димитровски укажа дека јасна е добрата волја на новата Влада не само да ги реши заостанатите проблеми и да стави крај на неспособноста на СДС, туку и да се посвети на иднината.

The post Куновска: СДС да се зафати да го исчисти својот двор, а потоа нека ја коментира актуелната Влада appeared first on Република.

Софија Куновска на социјалните мрежи прашува дали СДСМ има градоначалник во Општина Центар? Таа ja коментира изјавата  градоначалникот на Центар дека треба да се доградат законските објекти од Скопје 2014.

Сега, слушам нова изјава на градоначалникот на Центар од редовите на СДСМ?! Сега дава поддршка на идејата на ЗЕЛС (читај ВМРО-ДПМНЕ) за одземање на надлежностите на градоначалникот на Скопје. Тоа било “возможно и неопходно”. Како, како? Има две можни толкувања за ова поведение на градоначалникот на Центар. Или СДСМ одлучил да му помогне на ВМРО-ДПМНЕ во намерите да се амнестира пред Скопјани што ја кандидираше Данела Арсовска или СДСМ нема веќе градоначалник во Центар бидејќи истиот можеби решил да се бори за втор мандат како кандидат на друга партија?
И втора дилема: дали се од иста политичка партија членовите на Советот на Град Скопје и градоначалникот на Центар? Со оглед на фактот дека едните ги поддржуваат програмите на градоначалничката Данела Арсовска, а другиов ќе и ги одземал ингеренциите?

The post Софија Куновска: Има ли СДСМ градоначалник во Општина Центар? appeared first on Република.

Немам конкретни информации, но од страна гледано изгледа дека целата ситуација е резултат на раслојување, апатија и револт од потенцијални партиски пазарења со кои поединци ќе си го продолжат партискиот живот на вискоки позиции, не водејќи сметка за тоа дека местото за опозициско делување нема да остане долго непополнето. Ако не е СДСМ силна опозиција, ќе биде некој друг, во разговор за „Локално“ вели поранешната пратеничка во Собранието и поранешен советник во Советот на Град Скопје, Софија Куновска за случувањата околу Конгресот во довчерашната владеачка партија.

Според Куновска, актуелната пратеничка група на СДСМ не може да се спротистави жестоко доколку новата власт не ги исполнува ветувањата или пак продолжи по истите патеки како властите во последниве петнаесетина години. Куновска оценува дека истите пратеници кои беа казнети на последните избори не можат да бидат нов квалитет, нова надеж или ново лице на СДСМ.

Ако не можеа да бидат од полза за граѓаните од позиција на власт, од опозиција уште помалку. СДСМ може да заздравува и да го врати сонот за победнички патеки само со енергични, бистри и искрени луѓе неоптоварени од клиентелизам и дамки од минатото, децидна е Куновска.

За кандидатите за лидери на партијата и дали може да се споредат со „тешкашите“ во СДСМ и поранешни шефови како Бранко Црвенковски, Владо Бучковски и Радмила Шекеринска, Куновска посочува дека нема намера некого да глорифицира ниту пак да омаловажува.

Фактите се немилосрдни и сведочат за следното: Во 2013 откако СДСМ загуби на локалните избори, новодојдениот претседател Зоран Заев и заменичката Шекеринска ги исчистија соработниците на претходниот претседател и пред органите на партијата побараа доверба за нивниот нов тим. Ја добија. Скандалозно беше дека имаше потпретседател на СДСМ од поранешната МААК на пример, но сепак тимот доби доберба. Кога пак Заев дојде на чело на владата во својот тим интегрираше поранешен генерален секретар на ВМРО-ДПМНЕ (Ден Дончев) инаку свој роднина, потписници на ВМРО-вските списоци на професорски контрапленум и блиски соработници на Груевски како Рашковски, Филипче кој беше и советник на тогашниот министер за здравство од редовите на ВМРО-ДПМНЕ, Никола Тодоров итн, објаснува поранешната пратеничка од редовите на СДСМ.

Куновска тврди дека по наводното, поточно лажното заминување од челната позиција на СДСМ и владата по поразот на локалните избори во 2021 година, Зоран Заев инсталирал свое решение за прв човек и на партијата и на владата.

Двојните стандарди кога доаѓа и заминува Заев се повеќе од очигледни. Едно правило важи кога Заев доаѓа, а друго кога Заев заминува. Денес, после катастрофалниот пораз на претседателските и парламентарните избори повторно влијае на изборот за наследник на Ковачевски иако демократската јавност бара дисконтинуитет од неспособноста на од него избрани и назначени кадри, да испорачаат адекватни политики и вистински општествени реформи, анализира Куновска.

Целото интервју на „Локално“.

The post Куновска: СДСМ оди по пат од кој нема враќање, тоа не е добро не само за СДСМ, туку пред се за државата appeared first on Република.

Секогаш кога изнесував забелешки, пред себе имав верба дека ќе охрабрам уште некој да се спротистави на пропаста што ја живеевме и нема да ја пуштиме низ вода надежта на реки студенти и граѓани кои во 2016-2017 година маршираа низ улиците на градовите низ целата држава жедни за праведно и просперитетно општество. За жал, тоа не се случуваше или барем не навреме. И затоа денес СДСМ е со 150.000 гласови доверба и историски дебакл. Сметките на голем дел функционери се дебели, а надежта на граѓаните многу тенка. СДСМ оди по пат од кој нема враќање, а тоа не е добро не само за СДСМ, туку пред се за државата, пишува на Фејсбук, актерката Софија Куновска.

The post Сметките на голем дел функционери се дебели, а надежта на граѓаните многу тенка appeared first on Република.

Дали крајот вака мириса?

Со имињата што се вртат за пратеници на листата, од авион се гледа дека СДСМ не мисли на изборите туку на денот по изборите.

Акционерското друштво оди во стечај. Борбата е кој ќе биде стечаен управник и ќе тргува со стечајната маса.

А и кој ќе оди сургун или чија глава ќе се пазари, чија не.

Струмичката пиљара уште е прилично жива и работи на спасување на сопствената глава, но и на спасување на нејзините подопашни мувички, бидејќи тие би можеле да бидат опасни ако се зад решетки.

За тоа време бароницата од Дебар маало си плете клот-фркет, заради разонода. Ама никој не се загледува веќе во плеталото.

П.С. Тоа не значи дека коњокрадството нема да се бутка до последен ден, се викало тоа Митилинеос или како и да е, пишува во објавата на Фејсбук, Софија Куновска.

The post Куновска: Дали крајот вака мириса ? appeared first on Република.

Софија Кунова изразува поддршка за синдикатот на М-нав и прашува чија е одговорноста и кои се тие што ќе поднесат оставки.

The post Куновска: Поддршка за синдикатот на М-НАВ, кој ќе поднесе оставка? appeared first on Република.

Срам, огорченост и одговорност
Како поединец, незадржливо силна ми е потребата да споделам дека чувствувам и срам и огорченост, но и одговорност за мирнотијата со која највредниот и најумниот слој на државата, во папучи пред телевизор, немо ги очекува одговорите на прашањата кои катадневно се испречуваат пред нас и се однесуваат на исклучително големи теми, пишува на фејсбук Софија Куновска, по двојното убиство кое ја потресе Македонија го кое животот го загуби 14-годишната Вања Ѓорчевска и 74-годишниот Панче Жежовски.

За убиството се осомнчени петмина, четворица се во притвор, а за петтиот, Љупчо Палевски Палчо е издадена меѓународна потерница и одреден 30-дневен притвор.

Не, не се тоа тривијални прашања и приземни дилеми.
За жал, станува збор за прашања на живот или смрт.
Каде е интелектуалниот слој да проговори нешто.
Има ли оваа земја критична јавност која ќе развие интелектуална расправа до каде стасавме. Или како општество ќе останеме на ботовските пресметки и дебатите помеѓу платените советници.
Ќе извлечеме ли поука дека ние треба да го менуваме општеството?
Никој тоа нема да го стори наместо нас.
Ќе се охрабриме ли гласно да говориме?
Не е поентата само во пораките со сочувство.
Деновите поминати во тага за загубен млад човечки живот неминовно бараат и од нас преиспитувања.
Бевме ли како јавност на нивото на предизвикот или само кога лично сме погодени реагираме?
Доволно ли побаравме одговорност за смртта на пациентите во модуларната болница во Тетово?
Останавме ли неми над бројот жртвите од хемофилтрацијата?
Колку се на број и како им е на семејствата на жртвите од случајот „онкологија“?
Има ли казнети за автобуските несреќи во кои загинаа повеќе десетици луѓе?
Или ќе оставиме учесниците во овие злосторства и натаму да ги кројат нашите животи?
Србија имаше случај „Рибникар“ заради што министер за образование понесе одговорност и на памет не му паѓа повторно да се плетка во политика. Кај нас и тие кои божемно заминаа од политика поради одговорност повторно бессрамно ни се препорачуваат себе си.
Има ли повеќемина кои се обидуваат да останат влијателни во јавниот и политичкиот живот, кои одамна би требало да се зад решетки, а наместо тоа се креатори на јавното мислење?
Или ќе ги почекаме да стане тоа драматично видливо како во последниот случај, за да се спротивставиме гласно и жестоко.
Ќе ги превенираме, ќе ги санкционираме или ќе ги стимулираме злосторсвата и уништувањето на перспективите на цели генерации?
Време е да се замислиме над остатоците од нашите животи и уште поважно, над животите на нашите деца и внуци.

The post Куновска: Време е да се замислиме над остатоците од нашите животи и над животите на нашите деца и внуци appeared first on Република.

Човекот што ја измисли и што го правеше списокот за аболиција, барабар со Иванов не може денес да не спасува од истата. Би требало да се присобере, да се покрие со ќебе преку глава и да ќути. Се разбира, ако има образ. А нема“ – напиша актерката и поранешна експонирана активистка на СДСМ Софија Куновска на својот профил на социјалната мрежа Фејсбук.

Куновска алудира на улогата на поранешниот премиер и лидер на СДСМ Зоран Заев во спречување на политичката операција за правно оживување на аболицијата што ја издаде поранешниот претседател на државата Ѓорѓе Иванов.

The post Софија Куновска му порача на Заев: Најдобро да се покриеш со ќебе и да ќутиш appeared first on Република.

Последната анкета, спроведена од агенцијата Маркет вижн од 18 до 25 септември, а по нарачка на редакцијата на МКД.мк., покажа дека рејтингот на СДСМ драстично паѓа. Со рејтинг од 9,5 СДСМ е трета партија, зад ВМРО-ДПМНЕ која има рејтинг 25,1 отсто и ДУИ со 9,7 отсто.

Поранешниот истакнат член на СДСМ, актерката Софија Куновска со коментар - ова боли!

Колку и да сум критична кон СДСМ, секогаш со намера да се спречи пропаѓање, ова боли…

Само вие продолжете да се сликате и лепете го поцврсто за СДСМ сето разочарување, изневерено очекување, потфрлање во борбата со корупција, злоупотребите на тие што ги чистевте со метла, а и самите бевте нивни ментори и соучесници.

Ќе се сликате и на следните избори. За жал.

Кога би можела само да знам уште колкумина ли ќе се иселат додека не се заборават сите наталожени неисполнети очекувања и не се роди нова надеж?

Вие ќе си ги трошите милионите, семејствата кои дури имаат човечки загуби од вашата бахатост и неодговорност ќе си ја носат болката со себе, нашите деца ќе заминуваат, но сепак ќе останат доволно луѓе кои ќе бидат хроничари и нема да дозволат да играте на картата на кусо паметење и да ни се враќате повторно со ретуширани биографии - стои во статусот на Куновска.

The post СДСМ станала трета партија? Уф, ова боли! appeared first on Република.

Софија Куновска, поранешна висока фукционерка во СДСМ која важи за жесток критичар на власта во статус на фејсбук прашува: Ако Нино Тодоров во викавме Минстер за смрт, ме интересира како ги викаме оние после него?

The post Куновска: Ако Тодоров го викавме министер за смрт, како ги викаме овие по него? appeared first on Република.

The post И не му ја палете колата, пак нова ќе треба да му купиме appeared first on Република.

Премиерот можеби не може да делува на Рамиз Мерко и да го принуди да поднесе неотповиклива оставка, но макар и на вербално ниво, мора да има став јасен како ден по тоа прашање, дека човек од црна листа не може да продожи натаму на чело на единица на локална самоуправа како и до вчера, смета Софија Куновска, поранешен висок функционер во СДСМ.

Според Куновска, замрзнувањето на партиските функции на Мерко треба да ни испрати порака дека партијата не смее да си го руши угледот и да трпи штета во партиските редови од несовесното поведение на истиот, за разлика од местото во државата на кое тој може слободно да си продолжи како и до вчера со делувањето иако е веќе личност од црната листа на САД осомничен за тешки злоупотреби.

Тоа што државата губи углед и што материјалната штета е на сметка на граѓаните, актуелната власт не ја интересира. За тоа дали премиерот треба и Републичкиот јавен обвинител да го повика да си понесе одговорност има уште некој ден на располагање. Па тој нека го повика следниот по него за кој смета дека е одговорен и така натаму до крај, пишува на социјалните мрежи Куновска.

The post Куновска: Премиерот мора да има јасен став за Мерко, човек од црна листа на САД не може да продолжи да биде градоначалник appeared first on Република.

Ниту еден криминал во Македонија не е без знаење, учество и согласност на раководствата на политичките партии, јавниот обвинител и судовите, смета Софија Куновска.

Во коемтнарот на случајот на Рамиз Мерко, Куновска ја потсетува и ДКСК дека и во нејзината фиока лежат предмети.

 
Дури и најнадежната институција ДКСК има предмети што подолго се во фиока.
Тоа е спрегата што не турка во жив песок.
Во Македонија корупцијата и криминалот не се инцидент туку редовна појава.
Заради тоа денес граѓаните, пред чии очи се разграбува државата последниве две децении, со огромна скепса гледаат на т.н. црна листа која „ги поместува“ работите на симболично ниво, пишува Куновска.

The post Ниту еден криминал во Македонија не е без знаење, учество и согласност на раководствата на политичките партии, јавниот обвинител и судовите appeared first on Република.

Поранешната висока функционерка на СДСМ Софија Куновска ја искоментира објавата на министерот за земјоделство Љупчо Николовски, кој ги нагостил поранешниот претседател на СДСМ Зоран Заев и порнаешниот министер за здравство Венко Филипче во домот во Крива Паланка.

Иако Николовски е со полна уста благодарност кон поранешните функционери за тоа што направиле за неговата Крива Паланка, Куновска на фотографијата гледа лоповлук, неспособност, безчестие и лигавост.

Ви фали малку внимание, а? Вие би да се сликате, а?
Јадници. Незаситници.
Еве да ви пишам „малку внимание“.
Не разбираат дека се симбол на сите погрешни вредности што ги живееме.
Не разбираат дека после нив наново треба да се воспостави вредносен систем кој ќе се потпира на се спротивно од тоа што го симболизираат тие.
Лоповлук, неспособност, безчестие и лигавост. Секое утро се будат со мисла што уште е останато да се разори и да се покраде, каде уште да се бутне некој свој од кој ќе се придобие уште некоја полза. И после сите милиони, никому потребни, а толку желни за внимание.
Но, драги мои сами треба да се избориме за поинакви времиња, за подобри времиња. На очи ни се распаѓа државата.
Злоупотребите собираат прав во обвинителските и судските фиоки.
Ако заслужуваме поинакво нешто од овој трулеж и ќе добиеме. Ако не, тоа е. Или ќе се разбудиме или ќе пропаѓаме во оваа жива кал.

Поранешниот премиер и лидер на СДСМ Зоран Заев и ексминистерот за здравство Венко Филипче го посетија министерот за земјоделство Љупчо Николовски.

„Зоран Заев и Венко Филипче благодарам за се што направивте за мојата и наша Крива Паланка. Чест ни беше што бевте наши гости“, напиша Николовски на фејсбук.

Инаку, Николовски му беше шеф на кабинет на Заев уште кога ја водеше СДСМ во опозиција, а по политичките промени стана министер за земјоделство и вицепремиер за антикорупција.

The post Куновска: Секое утро се будат со мисла што уште е останато да се разори и да се покраде, каде уште да се бутне некој свој appeared first on Република.

Знаете колкав масакар е ова во споредба со оној во „Владислав Рибникар“ во Белград? Неспоредливо огромен, вели Софија Куновска уште еднаш споделувајќи го статусот на скопјанец, во кој тој раскажува средба со „пријател“ кој отворено му признава како под лажни документи се увезува разно ѓубре во Скопје за согорување.

Никој релевантен не смее  да зборува оти се е подмачкано, вели меѓу другото „пријателот“.

Деновиве го објавувам постот кој треба да ја разбуди сета општествена совест и да направиме притисок да се истражат наводите во него.
Лекарите ми потврдуваат дека инциденцата на малигни заболувања е драстично зголемена последнава декада. Онкологија е масовна гробница а пак детската онкологија е посебна тажна приказна.
Додека,според пишувањето, некои прават профит ние дремеме и посматраме. Чекаме мечката да заигра и во нашиот двор. Мислам дека е доста, пишува Куновска која најави дека ќе гои споделува ова секој ден додека не се разбудиме.

The post Знаете колкав масакар е ова во споредба со оној во „Владислав Рибникар“? appeared first on Република.

Познатата актерка и поранешната советника во Град Скопје и екс-пратеничка Софија Куновска е контра иницијативата на градоначалникот на скопски Центар, Горан Герасимовски, кој предложи дивоградбите да не се рушат туку да се стават во служба на граѓаните.

Простете, но ова е опасна игра од која сите сме губитници, вели Куновска.

Куновска пишува:

Деновиве сведочиме на иницијатива за конфискација на диво изградени објекти. Морници ме полазија од помислата колку големо незнаење и неодговорност содржи оваа идеја во себе.

 

Настрана правните недоследности кои произлегуваат од ваквата замисла, гласно се прашувам, а ги прашувам јавно архитектите и урбанистите, дали има некој стоички, стручно и доследно да ги објасни аспектите на поимот дива градба и зошто ваквата појава треба да биде најсилно санкционирана.

 

Дали предлагачот на ваквото решение смета дека сите досегашни учесници во создавање на регулатива за ова прашање биле недоветни, необразовани и бездарници па еве требаше да го дочекаме токму него за да ни се случи „Еурека“? Простете, но ова е опасна игра од која сите сме губитници.

 

Минимум што треба да разбере предлагачот, градоначалникот Горан Герасимовски, е дека својата неефикасност или недостатокот на воља да санкционира и безмилосно да руши диви градби, не може да ја премости со идејата дека диви градби треба да бидат конфискувани. Тоа е негова законска обврска. Ваквата идеја стимулира безредие и отвара уште едно чешмиче за мито и корупција. Нека си направи со време консултации со Уставниот суд, освен ако идејата не му е само купување време.

 

Прост пример, ако некој утре реши диво да си изгради огромен објект на столбови среде Вардар, дали градоначалникот сака да каже дека не е проблем каде тој се наоѓа, колкав е неговиот габарит, туку чиј е објектот?

 

Дали е помалку важно дека таквиот објект е потенцијална опасност од поплава за градот и дека суштината е далеку поголема од простата мисла чиј ќе бил објектот?

 

Неподнослива леснотија со која се произведува „голема мисла“ од „малиот мозок“.

 

Па читам уште и министерот за правда немал ништо против.

 

Пред да ги запоседнат фотељите можеби е добро да поминат некоја мала вечерна школа на која некој ќе им објасни дека плановите за градење во општината, без оглед дали се детални урбанистички планови ДУП, или генерален урбанистички план, ГУП, се Устав на општината или градот според кои треба да се водат.

 

Со нив се УРЕДУВА местото на опфат за да не владее анархија и жителите да имаат хуманизиран простор. Тоа се највисоките акти кои се носат врз основа на многу статистички податоци и урбанистички правила, кои треба да водат сметка за многу аспекти на современото живеење. Тие треба да ја гарантираат безбедноста на граѓаните, прецизно да го детектираат демографскиот, економскиот, културниот развој на подрачјето на опфат на планот и неговата усогласеност со останатите опфати во својата околина, да водат сметка за квалитетот на животот на граѓанинот, чист воздуж, зеленило, светлина, густина на населеност, енергетска сообраќајна и секаква друга инфраструктура и да земат предвид уште многу, многу други содржини кои се рефлексија на потребите на луѓето денес, заради кои се уредува тој простор, но и визија за развој на истиот со децении натаму. Урбанизмот е сериозна наука на која просто не може да и се приоѓа на овој начин.

 

Ваквата „пљукни-залепи“ политика која датира од времето на Груевски, но која евидентно инфицира и вон неговите редови, обландирана во незнаење и неодговорност, нас не носи на местото на еден од најнеразвиените градови во поширокиот регион. Тирана одамна не престигна, а на пат е и Приштина да го стори истото.

The post Куновска за решението на Герасимовски: Морници ме полазија од помислата колку големо незнаење и неодговорност содржи оваа идеја во себе appeared first on Република.

Комедијата продолжува. Гледам вести и не ми се верува до каде оди дрскоста, коментира актерката и поранешен функционер од СДСМ, Софија Куновска.

На чело на трочлената група што ќе врши увид во предметите во Апелација е Тања Чачарова – Илиевска, која од 2017 до 2020 година била посебен советник за правда на премиерот.
Зеав, of coursе, пишува Куновска.

The post Куновска: Не ми се верува, посебен советник на Заев на чело на групата што ќе врши увид во предметите во Апелација appeared first on Република.

Ај па до Нова Година може ќе се фати некој за работа од силните служби во влада па ќе ја ажурира станицата, реагира актерката и поранешен функционер на СДСМ Софија Куновска, што на страницата на Министерството за локална самоуправа сè уште како министер е наведен Горан Милевски, иако тој својата оставка ја поднесе пред некој месец, а со тој сектор веќе раководи Ристо Пенов.

А и не мора да брзате, може топтан со Алијанса Ристо ќе го средите, им порача Куновска.

The post Куновска: Ај па до Нова Година може ќе се фати некој за работа од силните служби во влада appeared first on Република.

The post Kуновска за стратегијата за греење: Можеби треба, сите што можат, да работат од дома appeared first on Република.

Поранешната висока функционерка на СДСМ Софија Куновска, гласен критичар на политиките на поранешното и сегашното раководство на партијата смета дека за францускиот предлог се зборува многу, но клучно зошто се инсиситра да се протурка е стравот на СДСМ дека ќе ја изгуби власта ако тој пропадне. Или кажано со други зборови, францускиот предлог му е исклучително важен на ДУИ, а без ДУИ нема власт.

Гледам бесконечен број наводни дебати на темата “француски предлог”, а се ми се чини дека “зајакот лежи” во одговорот на едно непоставено прашање до ДУИ:
Ќе излезе ли од владата ДУИ ако СДСМ не застане зад францускиот предлог?
Или, со други зборови, ќе ја загуби ли СДСМ власта во истиот момент кога би го отфрлила францускиот предлог?

The post Зајакот лежи во непоставеното прашање: Ќе излезе ли од владата ДУИ ако СДСМ не застане зад францускиот предлог? appeared first on Република.