Во Собранието денеска седница ќе одржат Комисијата за одбрана и безбедност и Законодавно правната комисија.

На дневен ред на Комисијата за одбрана и безбедност се Предлог-одлуката за испраќање на припадник на Армијата на Република Македонија за учество во меѓународната операција на Организацијата на обединетите нации „УНИФИЛ“, во Република Либан и Предлог-одлуката за испраќање на припадници на Армијата на Република Македонија за учество во меѓународната операција на Европската унија „АЛТЕА“, во Босна и Херцеговина, и двата во второ читање.

Членовите на Законодавно правната комисија ќе расправаат по Предлог-одлуката за испраќање на припадник на Армијата на Република Македонија за учество во меѓународната операција на Организацијата на обединетите нации „УНИФИЛ“, во Република Либан, Предлог-одлуката за испраќање на припадници на Армијата на Република Македонија за учество во меѓународната операција на Европската унија „АЛТЕА“, во Босна и Херцеговина, двата во второ читање и Предлог на Законот за дополнување на Законот за домување во прво читање.

The post Во Собранието ќе заседаваат две комисии appeared first on Република.

Во Собранието денеска седница ќе одржат две комисии - Комисијата за економски прашања, труд и енергетска политика и Законодавно-правната комисија.

На дневен ред на двете собраниски комисии се две исти точки - Предлог на националната развојна стратегија 2024-2044 година во второ читање и Предлог на програмата за спроведување на Националната развојна стратегија за периодот 2024 – 2028 година.

The post Седници на две собраниски комисии appeared first on Република.

Во Собранието денеска седници ќе одржат Комисијата за финансирање и буџет, Законодавно-правната комисија и Комисијата за политички систем и односи меѓу заедниците.

На дневен ред на Комисијата за финансирање и буџет и Законодавно-правната комисија се две точки - Предлог на законот за изменување и дополнување на Законот за експропријација, по скратена постапка и Предлог на законот за изменување и дополнување на Законот за спречување перење пари и финансирање на тероризам, со европско знаме и по скратена постапка.

Членовите на Комисијата за политички систем и односи меѓу заедниците ќе расправаат по Извештајот за реализација на Судскиот буџет за 2023 година, Годишниот извештај за работата на Судскиот совет на Република Македонија за 2023 година, Годишниот извештај за работата на јавните обвинителства на Република Македонија за 2023 година, Годишниот извештај за работата на Државната комисија за одлучување во управна постапка и постапка од работен однос во втор степен за 2023 година.

The post Во Собранието седници на три комисии appeared first on Република.

Во Собранието денеска седница треба да одржат Комисијата за финансирање и буџет и Законодавно- правната комисија.

На дневен ред на овие две собраниски комисии има една иста единствена точка - Предлог на законот за изменување на Законот за Царинската управа, по скратена постапка во второ читање.

Како што стои во образложението објавено на собраниската веб-страна, со овој Предлог се предвидува уште еден заменик-директор, со кој се доуредува раководната структура на Царинската управа и се овозможува поефективно вршење на работите од надлежност на институцијата.

Предлог-законот за изменување на Законот за Царинската управа се заснова на истите начела на кои се заснова основниот текст на Законот за Царинската управа, со цел да се доуреди раководната структура на Царинската управа и да се овозможи поефикасно и поефективно вршење на работите од надлежност на институцијата, се вели во образложението по Предлог-законот.

The post Во Собранието седници на две комисии appeared first on Република.

Во Собранието денеска ќе се одржи седница на Комисијата за прашања на изборите и именувањата. Како што стои на собраниската веб-страна, на дневен ред на првата седница на оваа Комисија се Утврдувањето Предлог - одлука за избор на претседатели, заменици на претседателите, членови и нивни заменици на собраниските комисии, разгледување на барање од поранешниот претседател Стево Пендаровски, за мирување на правото на пензија по престанување на функцијата и разгледувањето на барања за остварување на плата по престанок на функцијата пратеник во Собранието.

Претседателот на Собранието Африм Гаши вчера ја одржа првата редовна координација во новиот собраниски состав. Претставниците на владејачките партии вчера во Собранието, по координацијата, околу законските измени поврзани со промените на министерствата во Владата изразија очекувања дека ќе го обезбедат потребното двотретинско мнозинство и да бидат изгласани овие промени. Додека, пак, од опозициските партии нагласија дека дека прво сакаат да ги видат, па потоа ќе донесат заклучок за законските измени за реорганизација на министерствата.

На координацијата во Собранието, главно, како што информира собраниската прес-служба, било дискутирано за конституирањето на комисиите, како и на неформалните работни тела во законодавниот дом.

Како што информираа од собраниската прес-служба, Гаши притоа информирал дека кон крајот на оваа работна недела треба да се одржи нова седница на Собранието, со цел верификација на останатите два мандата на пратеници, кои не беа верификувани на конститутивната седница на 28 мај годинава. Државната изборна комисија, како што посочил Гаши, веќе има доставено извештај за овие два мандати, така што неделава треба да се закаже седница за нивно верификување, со што ќе се комплетира новиот собраниски состав.

Во однос на формирањето на комисиите, присутните ја разгледале можноста во наредните денови првично да се изберат претседателите и членовите на Законодавно правната комисија и на Комисијата за политички систем, со оглед на тоа што течат роковите за избор на новата Влада. Потоа, како што наведуваат, во најбрз можен рок, политичките партии би требало да достават предлози за претседатели, членови и заменик-членови на сите други работни тела на Собранието, согласно бројот на мандатите освоени на изборите.

На координацијата, како што посочуваат од Собрание, покрај Гаши и генералната секретарка Цветанка Иванова, присуствувале претставници на сите партии, односно коалиции кои освоија пратенички мандати на неодамнешните парламентарни избори - Никола Мицевски од коалицијата на ВМРО-ДПМНЕ, Оливер Спасовски од коалицијата на СДСМ, Блерим Беџети од Европскиот фронт, Халил Снопче од Вреди, Бобан Карапејовски од ЗНАМ и Борис Крмов од Левица.

Координаторот на пратеничката група на ВМРО-ДПМНЕ, Никола Мицевски вчера во изјава за медиумите истакна дека очекува да го обезбедат потребното двотретинско мнозинство за да бидат изгласани законските измени поврзани со промените на министерствата во Владата.

Тоа е предизборно ветување што го дадовме на граѓаните и со кое ги запознавме во предизборниот период. Во моментов, работиме на Законот за организација на работата на органите на државната управа, односно преструктурирањето на одредени министерства и очекувам дека ќе добиеме поддршка од 80 пратеници за да може да функционира она што е барање на граѓаните, рече Мицевски во изјава за медиумите по денешната прва официјална координација на собранискиот спикер Африм Гаши со претставници на партиите.

Пратеникот на Коалицијата „Вреди“, Халил Снопче вчера истакна дека даваат поддршка и очекуваат дека и другите пратеници ќе ги поддржат измените на системските закони за да се овозможи формирање нови и трансформација на постоечките министерства.

Нема причина да не се поддржи ова. Даваме поддршка на новиот владин кабиент. Треба двотретинско мнознство, за двотретинско мнозинство сигурно ни треба поддршка од пратеници од опозицијата. Без таква подддршка не може да помине. Ние сметаме дека треба да се поддржи ова барање во насока на конфигурација, вели изјави Снопче.

Пратеникот на СДСМ, Оливер Спасовски во изјава за медиумите во Собранието за законските измени за реорганизација на министерствата, истакна дека на невидено поддршка или неподдршка не може да биде дадена.

Во однос на тоа дали ќе даддме поддршка по однос на законите за како што тие ја нарекуваат реформа на администрацијата, треба тие закони прво официјално да дојдат во Собрание. На невидено поддршка или неподдршка, не може да биде дадена. Треба да ги видиме законите. Што е тоа што пишува во нив, кој е официјалниот текст и на основа на тоа ќе донесемне заклучок, одлука, и на ниво на партија и на пратеничка група дали ќе бидат поддржани овие закони, рече Спасовски.

Пратеникот на Коалицијата „Европски фронт“, Блерим Беџети вчера изјави дека законските измени поврзани за реорганизацијата на министерствата уште не стигнале до нив и потенцира дека ќе дадат конкретен став откако ќе ги видат и разгледат.

Во однос на предлог законот што се потребно двотретинско мнозинство, ние не сме го виделе се уште тој закон. Кога ќе го  разгледаме, кога ќе стигне до кај нас ќе дадеме конкретни мислења и ставови. Ние не сме го разгледале, но факт е дека имаме и друг контекст, односно многу освен и начелен политички контекст каде што не се почитува волјата на мнозинството гласачи на Албанците и на другите етнички заедници, односно турската, бошњачката и ромската заедница кои се дел од „Европскиот форнт“ и нормално како нелегитимна, рече Беџети.

The post Денес ќе се избираат претседатели и членови на новите собраниски комисии appeared first on Република.

Во Собранието денеска седници ќе одржат комисиите за одбрана и безбедност, за прашања на изборите и именувањата и Законодавно-правната комисија.

Собраниската Комисија за прашања на изборите и именувањата на денешната седница треба да ја продолжи дебатата за предлозите за избор на судии на Уставниот суд.

На дневен ред на Комисијата за одбрана и безбедност и на Законодано-правната е Предлог на одлука за испраќање на припадник на Армијата за учество во меѓународната операција на Организацијата на обединетите нации „УНИФИЛ“ во Република Либан.

The post Седници на три собраниски комисии appeared first on Република.