Собранието на Македонија доби ТВ студио, чие опремување е реализирано во рамки на Програмата за собраниска поддршка финансиски помогната од Националниот демократски институт и Швајцарската агенција за развој.

На денешното свечено отворање се обратија претседателот на Собранието Талат Џафери и швајцарската амбасадорка во земјава Вероник Улман.

Џафери во обраќањето рече дека со ова студио работата на Собранието ќе стане потранспарентна и повидлива под надзор на камери.

За новинарите има можност за онлајн вклучување во работата на сите тела. Амбасадорката Улман рече дека ова е проект реализиран во рамки на Програмата за парламентарна поддршка и Меморандумот за соработка меѓу двете земји.

Навистина сум среќна што денес сведочиме на зголемените капацитети на Собранието, особено во поглед на улогата што ја има Собранието, а тоа е да биде претставник на граѓаните, нагласи Улман.

Таа подвлече дека е многу важно да има собраниски ТВ канал и студио, како придобивка за граѓаните.

The post Собранието доби ТВ студио appeared first on Република.