На денешната седница во собранието на Република Македонија пратеникот од редовите на ВМРО-ДПМНЕ, Игор Јанушев истакна дека СДСМ од сега се СДС-Бугарска, а на претседателот на владата и сите од власта им порача дека  ќе си лежат сите до еден за предавство, ќе си лежат и ќе си одговараат сите до еден, бидејќи македонскиот народ е трпелив, македонскиот народ тоа го покажал низ историјата, но македонскиот народ е и кроток, и македонскиот народ знае да прости но за некои работи нема простување.

„Не планирав да се обратам и воопшто да се обратам на оваа седница бидејќи со овакви однародени изроди не планирам да се занимавам и да зборувам. Но не можев да издржам и затоа решив да се јавам на реплика за да кажам неколку работи. Да јас разбирам дека за вас е прифатливо тоа што сакате денес да го гласате бидејќи за вас не е проблем да биде јазикот на граѓаните на Република Македонија бидејќи тоа сте вие. Однародени мрсници. Да, да те гледам во очи и ти кажувам дека сте однароден мрсник бугарски. Од сега сте СДСБ, СДС-Бугарска, ништо повеќе и ништо помалку“ истакна Јанушев.

Пратеникот од ВМРО-ДПМНЕ, Игор Јанушев нагласи дека ќе си лежат сите до еден за предавство, ќе си лежат и ќе си одговараат сите до еден затоа што големо ни е името, голема ни е нацијата, големо ни е наследството, Македонецот е горд, и Македонецот ова нема да го дозволи.

„И ова што го правите сега е исто како она што го правевте минатите денови за луѓето што гаѓаа со јајца од протестите определувавте притвор, а за оние со пиштолите кај Скендербег излезе дека биле со цвеќе. Срамота патетични сте, изгубени сте и само да ве потсетам една работа која што колегата Ковачки ви ја кажа пред два дена, ќе си лежите сите до еден за предавство, ќе си лежите и ќе си одговарате сите до еден. Да читајте книга претседателе на влада, климајте со глава и смејте се, тука ви е Тупанче прашајте го, ова согласно кривичен закон што го правите е велепредавство, за ова се одговара, и ќе одговарате сите до еден. Македонскиот народ е трпелив македонскиот народ тоа го покажа низ историјата, но македонскиот народ е и кроток, македонскиот народ знае да прости но за некои работи нема простување. Затоа што не сме ни глупи не сме ни слепи, луѓето кои што излегуваат позади, и кој што ви кажуваат да кажете не, еден ден а тоа ќе биде многу брзо ќе дојдат по своето. Затоа што големо ни е името, голема ни е нацијата, големо ни е наследството, Македонецот е горд, и Македонецот ова нема да го дозволи, истакна Јанушев.

The post Јанушев: Однародени мрсници бугарски, СДС бугарска, тоа сте! appeared first on Република.

Да тврди некој дека почетокот на преговорите и сето ова што се случува во изминативе денови нема врска со идентитетски прашања во најмала рака е невкусно, а не само што е невкусно туку и ја навредува елементарната човечка интелигенција. Главниот проблем со почетокот на преговорите на Македонија со ЕУ се идентитетските прашања и тие најдиректно се однесуваат на македонскиот народ, истакна Иван Стоилковиќ, претседател на ДПСМ и пратеник од коалицијата „Обнова на Македонија“ на денешната собраниска седница.

Стоилковиќ додаде дека секој кој што има намера да тврди спротивно од тоа дека предлогот не се однесува на идентитетските прашања очигледно многу лаже, многу манипулира.

Јас би сакал да ја тргнам завесата и да ви претставам неколку работи кои што се случуваат во Македонија секогаш кога се отвораат некои прашања и под големата галама секогаш одат некои помали прашања кои прават сериозна штета. Ќе ве потсетам вас и ќе ги потсетам овде присутните екселенции дека Рамковниот договор САД, а не само САД туку ЕУ го прогласија како еден од документите кој што е мошне важен и клучен можеби за стабилноста на Република Македонија. Епа почитувани, ако е тоа така, ќе ве потсетам дека Рамковниот договор во себе содржи три механизма на меѓунационалниот мир, политичката стабилност и довербата во Македонија. И сега ќе ве потсетам што се случи со тие три механизма во изминатиот период, првиот механизам беше Комитетот за односи помеѓу заедниците, сакате да ве потсетам дека Комитетот за односи меѓу заедниците кој што беше преставен како втор дом во Собранието на Република Македонија повеќе не функционира. Комитетот се претвори во сериозно трговска електористичка агенција која ги шета пратениците низ Македонија. Дали сте свесни за тоа? Мислам дека сте информирани? Вториот инструмент за политичка стабилизација на состојбите во Македонија беше т.н. бадентерово мнозинство со кое нели припадниците на помалите етнички заедници и припадниците на албанскиот народ во Македонија не треба да бидат прегласувани кога станува збор за нивните националните права. Со ова што денеска се случува бадентеровото мнозинство ја изгуби својата смисла и содржина затоа што истото во овој момент не се однесува за припадниците на македонскиот народ туку сосема спротивно. И третата работа која е исто така еден контролен механизам кога станува збор за Рамковниот договор тоа е препораките дека сето што се случува во државата треба да биде резултат и да се однесува и да води кон враќање на доверба не само помеѓу политичките партии туку и помеѓу граѓаните и севкупната јавност во Република Македонија. Е, дали ова ја враќа довербата или дали ова е тоа што ја стабилизира политичката состојба во државата, запраша пратеникот.

Тој посочи дека власта го нарушува уставниот поредок и сето она што е гаранција за политичката стабилност во Македонија.

The post Стоилковиќ: Историјата се повторува, станавте администратори на Бугарија во Македонија appeared first on Република.

Надлежноста во врска со преговарачката рамка и нејзино разгледување, одобрување или неодобрување е единствена надлежност на Владата на Република Македонија. Меѓутоа како што сме сведоци секогаш имаме мешање на извршната и на законодавната власт, а секако и во судската власт. Ова е пример и денес, бидејќи оваа информација која што е доставена на само една страна од која што се посочуваат аспектите во однос на преговарачката рамка и предлогот кој што е доставен не можеме суштински да разговараме бидејќи истата повикува на други документи кои што се врска со истата, а не можеме да ги добиеме и да ги разгледаме. Уште еднаш потенцирам Владата навлегува во надлежностите на Собранието бидејќи истата преговара во однос на надлежноста во Собранието за донесување и изменување на Уставот, а самата не си ја презема основната надлежност односно не си ја презема одговорноста во однос на оваа информација која што впрочем можеме да разговараме дека е доставена согласно членот 185 од Деловникот на Република Македонија токму како информација бидејќи самата информација, самиот збор упатува на информирање. И по тоа не може да се донесат одредени ставови кои што ќе можат да влијаат на самата преговарачка рамка“, истакна Дајанчо Ефтимов, пратеник од редовите на ВМРО-ДПМНЕ на денешната собраниска седница.

Ефтимов додаде дека самиот член од Деловникот 185 предвидува да на крајот од седницата се донесуваат заклучоци кои што се предложени од пратеничките групи и од пратениците, но истите не можат да имаат облигаторен елемент во однос на промена на самата преговарачка рамка.

„Потенцирам дека Владата со ова сака да ја отгрне одговорноста односно ова мене повеќе ми личи на еден симболично кажано судски процес каде што одлучува судски совет односно осуденички совет кој што кога ќе пристапи кон одлучување судијата кој што го води судечкиот совет сам ќе одлучи де факто. Само формално правно нема да биде помината одлуката, а на другите членови ќе им предложи во врска со што и како се однесуваат овие кривични дела. Затоа уште еднаш потенцирам дека Владата е единствено одговорна односно единствено е нејзина надлежност е да постапува по оваа информација односно по оваа преговарачка рамка истата да ја прифати или да ја одбие“, рече пратеникот.

Тој посочи дека ЕК секоја година напоменува во кои делови државата заостанува и во кои делови има застој. Конкретно во последниот Извештај имаше само во три поглавја напредок, во пет има уназадување, а во 25 има ограничен напредок во кои што спаѓаат и поглавјата 23 и 24 односно владеење на правото и фундаменталните права и човековите права.

„Како можеме да зборуваме за напредок кога имаме ограничени напредоци во поглавјата 23 и 24. А, овие поглавја се отвораат први, а се затвораат последни. И тоа баш заради тоа што се едни од најсуштествените поглавја за кои што се преговара“, нагласи Ефтимов.

Пратеникот укажа дека самата Влада не ги реализира веќе усогласените закони кои што се со позитивни законски прописи на ЕУ.

The post Преговарачката рамка е надлежност на Владата, но нема храброст да ја преземе одговорноста appeared first on Република.

Премиерот конечно одвои време да слушне што се кажува, да види каква грешка прави и какви последици не чекаат. Премиер, „Македонија има своја политика и интереси. Тие им припаѓаат на сите Македонци. Оној што сака да работи за интересите на Бугарија, Грција или Србија, тој може да се смета за добар Бугарин, Грк или Србин, но не и за добар Македонец“. Ова е еден од многуте цитати со кои сакавме да допреме до свеста и совеста на пратениците од мнозинството и претставниците на влада.  Ова е еден од цитатите на великанот Гоце Делчев, изјави Тони Јарески, пратеник од ВМРО-ДПМНЕ на денешната собраниска седница.

Многу великани дале свои живот, многу цитати беа кажано, но се чини не допираат до вас. Затоа луѓето кои ќе кренат рака за овој обид за велепредавство можат да бидат добри Бугари. Бидејќи со таков однос работат само за интересите на Бугарија, не Македонија, рече Јарески.

Јарески потенцираше дека со овој чекор се прави грешка од која нема назад, вакви грешки прават штета не само на нашата генерација, туку и на идните генерации, непоправлива штета и на сите изминати генерации.

Овој обид за национална катастрофа кој го приредува СДСМ има причина, тендери и уште некој месец власт.   Никогаш нема да влеземе во ЕУ доколку ова помине овде.  Дали знаете дека ова крај, нема, ужас без крај.  Дали знаете каква катастрофа следи, што не чека доколку се продолжи по овој пат. Нема разлика помеѓу оној првиот предлог за кој рековте не и сега овој за кој велите да.   Не сметаат дека сме нација на Коминтерната, неосознаени Бугари и вие сега на тастер ќе им даде тоа да се напише о книгите и ќе им барате докази., рече Јарески.

Јарески потсети дека 73%од народот е против овој потценувачки и срамен договор.

Имате надвор народ на улиците, деноноќно, експерти, членови на сите партии, активисти, загрижени граѓани за  нивната иднина. Сите во еден глас кажуваат освестете се и не го прифаќајте ова.  Почеток за преговори нема бидејќи барањата за преговорите немаат крај, и бараат да се отвори Уставот, но тоа нема да се случи. Овој договор е ништовен, ниеден пратеник на ВМРО-ДПМНЕ нема да  подржи уставни измени, ВМРО-ДПМНЕ ќе ги штити интересите на Македонија и Македонците. Сите вие што ќе кренете рака за ова предавство ќе завршите на буништето на историјата. Затоа оваа течност нека ве потсеќа на крвата што ја газите, на жртвите од фашизмот, на децата од Ваташа и на крвта на хероите кои загинаа од Македонија а што вбие ја поганите со вашите дела, потенцираше Јарески.

https://www.youtube.com/watch?v=TjHoU8LxESs

The post Јарески од ВМРО-ДПМНЕ истури црвена боја на говорницата како симбол на крвта на партизаните и младите од Ваташа убиени од Бугарите, кои ги предава владата на Ковачевски appeared first on Република.

Со овој предлог се создаваат нови критериуми. Билатералните односи помеѓу република Бугарија и Република Македонија стануваат услови за понатамошто напредување на Македонија кон ЕУ. Овој предлог станува темен лавиринт од кој што македонскиот народ и македонската држава нема да можат да излезат во следните 30-тина години. Ова го истакна пратеникот од редовите на ВМРО-ДПМНЕ Александар Велјановски на денешната седница на Собранието на која се расправа за францускиот предлог.

За жал, и вчера и денеска господинот Ковачевски, кукавички и предавнички подметна кукавичко јајце тука во Собранието и избега затоа што не може да се соочи со нас, преставниците на народот кои што имаме и те како што да му порачаме. Не мора да бега Ковачевски затоа што никогаш не може да избега од народот и нема дупка во која може да се ские заедно со неговиот ментор Зоран Заев. Ќе го стигне правдата почитувани граѓани. Ќе го стигне правдата затоа што таа можеби е спора, но секогаш пристигнува на вистинската адреса - истакна Велјановски.

Тој додаде дека СДСМ со предавничката политика ја блокира Македонија на во евро-интеграциите и дека Ковачевски и Зоран Заев не можат повеќе да го лажат народот.

Вие од СДСМ ја закопавте Македонија. Вие со вашата предавничка политика директно ја блокирате Република Македонија во евро-интеграциите. Република Македонија и пред вие да дојдете на власт 13 години ги исполнуваше условите за отпочнување со преговори и овој Ковачевски што не е денес тука во салата пред само две недели овој француски предлог, на овој бугарски предлог во европски целофан му кажа не. Што се смени во овие две недели? Знае и јавноста, знаат и експертите, знаете и вие пратеници од СДСМ дека ништо не е променето. Се промени само лагата на Ковачевски и ништо повеќе. Но, Ковачевски и Заев не можат да го лажат повеќе народот, не можат да не лажат нас. Поднесовте информација за преговарачка рамка од само една страна која што не содржи ништо. Го деградирате Собранието и нас како пратеници, ни ја навредувате интелигенцијата - истакна Велјановски.

The post Велјановски: Со францускиот предлог Македонија влегува во темен лавиринт од кој нема да може да излезе во следните 30-тина години appeared first on Република.

Кои сте вие да нѐ нарекувате предавници, вие кои имате по неколку пасоши во џебот, а јас имам само еден – македонски, јас се борам за мојот македонски пасош, за мојот македонски јазик, за мојот македонски идентитет, порача пратеничката на СДСМ Жаклина Лазаревска во реплика на пратеникот од ВМРО-ДПМНЕ Антонио Милошоски.

„Ние нудиме заклучоци со кои на Владата ќе и наредиме никогаш во преговорите да не го доведе во прашање македонскиот јазик и македонскиот идентитет. Вие не нудите ништо освен поделба на граѓаните и изолација. Вие сте луѓе кои не и сакаат просперитет на сопствената држава, затоа не сакате да започнеме преговори за членство во ЕУ.“ порача Лазаревска.

The post Лазаревска: Кои сте вие да нѐ нарекувате предавници?! appeared first on Република.

Дојде и тој ден кој што никогаш во животот и во најлошиот сон не би можеле да го сониме, да стоиме денес тука јавно пред очите на целиот македонски народ и со кревање на рака или со стискање на копчето „ЗА“ да си извршиме асимилација и преку ноќ да го поништиме тоа што генерации ги дале своите животи за да живееме во слободна и суверена Република Македонија. Јас денес овдека од говорницата јасно и гласно кажувам НЕМА да гласам за ваква предлог преговарачка рамка. НЕМА да гласам. Во секој мандат на СДСМ ни се случуваат катастрофи и национални предавства, истакна Зоранчо Јованчев, пратеник од редовите на ВМРО-ДПМНЕ на денешната седница.

Јованчев додаде секое предавство на СДСМ е се поголемо.

Кој поголем зулум ќе направи на македонскиот народ. Еден менува знаме, еден прави атентат на претседател на држава, трет прави територијална организација со што вештачки ги асимилира Македонците во некои градови од западниот дел на Македонија, на четвртиот му се случи повторно атентат на претседател на државата, едниот го продаде името, и овој „најпаметниот“ сака да го продаде народот - потсети Јованчев на сите предавства извршени од страна на СДСМ кога е на власт.

Тој нагласи од собраниска говорница доста се предавства од СДСМ. СТОП веќе на предавствата од СДСМ.

Се може да направите, но народот не можете да го продадете, рече Јованчев.

Почитувана македонска јавност, јас Зоран Јованчев роден сум во с. Ваташа, и покрај тоа што 20-тина години живеам во Кавадарци секој ден патувам и одам до Ваташа. И можам да ви кажам и да ви порачам една работа, бугарската фашистичка гнасна рака пред 79 години ја зави Ваташа во црно. Немојте и вие денес пратениците од власта овдека во Собранието да ја завиете во црно уште еднаш Ваташа - порача Јованчев.

Тој додаде дека доколку се случи тоа тогаш пратениците на власта ќе станат наследници на бугарскиот фашизам против кој се борел македонскиот народ.

Денес со овој предлог договор кој што ни го нудите овде на маса и кој што со денови го криевте како најголема државна тајна е всушност целосно ревидирање на македонската држава, и комплетно укинување на македонскиот народ. Војни со илјадници жртви се воделе за да го имаме ова парче земја, а вие ладнокрвно како најголеми душмани на македонскиот народ денес овде сакате да се откажете - нагласи пратеникот.

Тој рече дека пратениците од СДСМ немаат ниту срам и морал.

The post Јованчев до пратениците на СДСМ: Бугарската фашистичка гнасна рака пред 79 години ја зави Ваташа во црно, немојте и вие од Собранието да ја завиете во црно уште еднаш appeared first on Република.

Пратеникот Антонио Милошоски во своето обраќање во Собранието а по однос на францускиот предлог, рече дека во моментов нема никакви гаранции дека и покрај направените концесии, државата Македонија ќе стане членка на Европската унија. Помеѓу државите членки во ЕУ нема реален консензус за зачленување на шесте држави од Западниот Балкан и нивно полноправно членство.

- Недозволиво е внесување на механизам за следење или спроведување на преговорите поврзани со протоколот, со заедничката историја, преговарачката рамка или заедничките извештаи. Во ваков случај, тој механизам би станал услов за текот на преговорите и процесот во диктат од едната страна, за нејзини важни политички или историски прашања и би го засенил процесот на европеизација и стандарди за кои вие тврдите дека се залагате.
Вашето фотографирање во Брисел, ќе биде слично на фотографирањето што го имавте со вашиот колега Никола Димитров, Зоран Заев и Кочо Анѓушев. Тоа фотографирање дека сме добиле датум испадна една илузија и исто така ќе биде илузија дека се отвораат преговорите. Понатаму, Македонија, македонскиот јазик не смеат да се дозволат никакви измени на предложениот текст на преговарачката рамка во која стои македонскиот јазик, ниту дополнителни појаснувани изјави.
Зошто ова го говорам?
Македонија е веќе членка во ОН, таму никој нема ставено дополнителна изјава. Македонија веќе е членка во Советот на Европа одамна, таму никој нема дадено дополнителна изјава зошто Македонија би прифатила да има дополнителна изјава во однос на Европската унија.
Затоа сметам, дека ова е една замка која ќе биде чекор напред кон продолжување на остварувањето на она што е зацртано во бугарската декларација за која што ве предупредивме ние во 2020 година, но вие тврдевте дека не постои, а потоа тврдевте дека е незначаен дел од нивниот записник во Европската унија. – рече Милошоски.

На крајот од своето обраќање, Милошоски рече дека Македонија прави преседан. Рече дека во воведната изјава на ЕУ за преговорите за пристапување, јасно стои започнување на првата фаза од преговорите за пристапување и ниедна друга држава, ниту Албанија, ниту Србија, ниту Бугарија, ниту Хрватска итн, немале прва и втора фаза. Има почеток или непочеток на преговорите.

The post Милошоски: Македонија прави преседан, нема прва и втора фаза, има започнување и незапочнување на преговори appeared first on Република.

Пратеничката на СДСМ Даниела Николова денеска од собраниската говорница ѝ порача да опозицијата дека нивното викање и закани се за народот да не ја чуе вистината, за да ги скрие своите лаги и манипулации.

Вие сте очајни во постапките, кои покажуваат дека единствено ви е важна власта, зборувате за идентитет, за македонски јазик, а не прифаќате решенија, кои го гарантираат тоа, извадивте куп бугарски пасоши, на маиците ви е Гоце Делчев, ама во душата го носите Тодор Александров, зборувате за важноста на македонски јазик, а сакавте да ја затворите Катедрата за македонски јазик на УКИМ, на Фејсбук пишувате статуси „ајмо звиждаљке“, нели на чист македонски јазик, истакна Николова.

Пратеничката Николова додаде дека ВМРО-ДПМНЕ е една антиевропска коалиција, која сака да дојде на власт само затоа што е исплашена од пресудите за својот криминал и не можат да се помират дека двете стратешки одредници на нашата држава – НАТО и ЕУ се реализираат токму во време на СДСМ, па затоа шири лаги за бугаризација и асимилација, како што ширеше лаги за кантонизација, федерализација, бегалски кампови и казни за неучење албански јазик.

Има ли поголемо зло од тоа на своите граѓани да им ја одземете европската иднина, да ги приморате да вадат туѓи пасоши да заминат во ЕУ, зборувате за иселување младите, а сте против тоа да им отворите европска перспектива, нема да ви успее и овој пат, порача пратеничката на СДСМ Даниела Николова.

The post Николова: Ширите лаги за бугаризација и асимилација appeared first on Република.

Во 11 часот во Собранието продолжи седницата која вчера беше одложена за денеска, а на која се расправа за Информацијата за содржината на Предлог-преговарачката рамка за старт на пристапните преговори на Македонија со Европската Унија.

За збор денеска се пријавени 42 пратеници, а вчера своето право на дискусија го искористија петмина пратеници од опозициската ВМРО-ДПМНЕ, на чии дискусии имаше реплики од владејачката коалиција.

И додека власта се обидува да ја убеди јавноста во исправноста на одлуката да се поддржи францускиот предлот, претставниците на опозицијата и денеска со свирежи и транспаренти го изразуваат својот револт и несогласување со „поразот на македонската дипломатија“.

Иста атмосфера имаше и вчера кога пред Собранието се обрати премиерот Димитар Ковачевски со порака дека „дека овој европски предлог за деблокирање на нашиот евроинтеграциски процес и за старт на преговорите на земјава со ЕУ на вистински начин ги отсликува нашите дефинирани позиции“.

The post Бучно е во Собранието, пратениците од СДСМ се обидуваат да ги надвикаат вувузелите на опозицијата appeared first on Република.

Вие сте кукавици, ксенофоби и криминалци, можете да викате и да се заканувате колку сакате, ние ќе продолжиме по европскиот пат кон ЕУ при тоа, зачувувајќи го македонски јазик и сите особености на македонскиот етнички идентитет, им се обрати пратеничката на СДСМ Санела Шкријељ на пратениците на ВМРО-ДПМНЕ на денешната собраниска седница.

Преговори за влез во ЕУ како Македонци со чист македонски јазик не е асимилација, асимилација е да им ја одземете иднината на илјадници млади да бидат принудени да вадат пасоши од други држави на ЕУ за да можат да ги користат придобивките од Унијата, порача Шкријељ.

https://republika.mk/vesti/makedonija/dali-ti-sanela-bi-prifatila-boshnjachkiot-da-e-dijalekt-na-srpskiot-jazik-shkrijelj-gi-povika-pratenicite-da-glasaat-za-francuskiot-predlog/

Пратеничката истакна дека претседателката на Европската комисија од говорницата во Собранието ги разобличи сите лаги на ВМРО-ДПМНЕ.

Лично претседателката на Европската комисија од оваа говорница потврди дека имаме почеток на преговори веднаш, чист македонски јазик и билатерални прашања надвор од преговорите, порача Шкријељ.

The post Шкријељ: Преговори со ЕУ како Македонци не е асимилација appeared first on Република.