Косоварот Куштрим Смајлај кој е зет на Али Ахмети за ќерката Ускана е веројатно најмоќниот член на кичевскиот клан на лидерот на ДУИ.

Малку познатиот зет Смајлај како што објави емисијата КОД со Снежана Лупевска Созен е човек кој за разлика од внуците Дрин и Бесијан работи со реални пари и освен што е газда на градежна компанија има и заедничка фирма со бизнисмен од Кичево кој годишно како сосопственик заработува над 100 милиони евра.

Бизнисот на зетот на Ахмети, кој е од Ѓакова или Ѓаковица на Косово, има седиште во општина Карпош на адресата на Пуцко Петрол, каде газда е пратеникот на ДУИ и еден од најголемите бизнисмени со нафта и нафтени деривати Исмаил Јаоски.

Партнерот на зетот на Ахмети во една од неговите фирми е кичевецот
Ерџан Сулкоски кој е ко-сопственикот на фирмата РКМ на Ратко Капушевски преку која лани тие наплатиле фантастични над 100 милиони евра за мазут за државната компанија ТЕЦ Неготино.

Истражувањето на КОД

КОД открива дека фирмата Соравија, секоја година прави големи профити, иако при презентирањето на зделката со која внукот на Али Ахмети за нула евра доби 39 отсто од бизнис центарот Соравија, беше соопштено дека центарот има долг од 20 милиони евра.

Во КОД и за братското стебло од Зајас, следната генерација на фамилијата Ахмети кои се впуштаат во огромни бизнис потфати. Синови, братучеди, зетови и сватови, нашле место во шемата на лидерот на ДУИ Али Ахмети.

Во КОД и интервју со Софка Пејовска Дојчиновска од антикорупциската комисија, која гледа и моќ, и нервоза, во обвинувањата на вицепремиерот Артан Груби, кон актуелниот состав на комисијата.

https://youtu.be/MQewO5Lnlw8

The post Дрин Ахмети не е најголемиот бизнисмен во семејството: Парите ги врти зетот на Али, Косовецот Куштрим Смајлај appeared first on Република.

Лидерот на ВМРО-ДПМНЕ, Христијан Мицкоски гостува во емисијата „Топ Тема“ на Телма телевизија со водителката Снежана Лупевска, каде ќе дискутираат на различни теми за состојбата во државата.

Лупевска на почетокот на емисијата истакна дека освен за лидерот на ВМРО-ДПМНЕ, тие како како телевизија испратија покана и за актуелниот премиер Димитар Ковачевски кој, како што рече таа, досега не може да најде време за да гостува на Телма ТВ.

Само да напоменам дека покана за интервју има и премиерот Ковачевски кој засега еве нема време за Телма телевизија, па се надевам дека во иднина ќе најде време да гостува во Топ Тема, рече Лупевска пред почетокот на интервјуто со претседателот на ВМРО-ДПМНЕ, Христијан Мицкоски.

The post Лупевска: Ковачевски нема време за Телма appeared first on Република.