Пратеничката Снежана Калевска-Ванчева од СДСМ на „Фејсбук“ се пофали дека се сретнала со „Олександар Турчинов, спикер на Врховната рада, кој воедно ја извршува првивремено и функцијата Претседател на Украина, во рамките на студиската посета за демократски развој на шведскиот Ригсдаг“.

Арно ама, самиот функционер под фотографијата ја подучи „драгата Снежана“ дека ниту е Олександар, ниту претседател на Украина.

Драга Снежана. Ми беше мило што се запознавме. Но, моето име е Руслан Стефанчук. Јас сум Спикер во украинскиот Парламент. Претседател на Украина е Володимир Зеленски. 

Пратеничката не ја избриша фотографијата, туку само го измени описот, но не доволно брзо за нејзината грешка да не биде забележана и од самиот Стефанчук и од многу други Украинци и Македонци.

За пратеникот од ВМРО-ДПМНЕ, Антонијо Милошоски овој „бисер“ не е само лично резилење на пратеничката, туку и девалвирање на македонското Собрание во целина.

Од дипломатските активности на пратениците на СДСМ издвојуваме уште еден „бисер“ кој докажува дека нивното про-форма фотографирање за време на патувањата во странство нема политичка содржина, ниту реална корист за Македонија. Напротив. Да не му го знаеш ниту името, ниту функцијата на оној со кого се фалиш дека ти е пријател и со кого имаш блиц фотографија не е само лично бламирање, туку и девалвирање на македонското Собрание во целина. Во случајов ваквата површност е и понижувачка за Претседателот на парламентот на Украина, реагира Милошоски.

The post „Драга Снежана, ниту сум Олександар ниту украински претседател“: Резил на пратеничка од СДСМ која се пофали со значајна средба на „Фејсбук“ appeared first on Република.

Искрено се надевам, јас како и огромното мнозинство на граѓани дека сите заедно ќе собереме сила да истраеме на патот на европска Македонија, бидејќи тоа е единствена алтернатива, истакна пратеничката на СДСМ Снежана Калеска Ванчева во емисијата „Аргумент плус“ на ТВ 24.

Таа додаде дека кога држвата дојде толку блиску, ВМРО ДПМНЕ која, патем, не гласаше ниту за ниту против за Договорот за добросеседство со Република Бугарија, одлучи да не се одвива дебата во собранието туку одлучи сите да ги слушаат нив, а кога треба да се разговара и да зборуваат пратениците на позицијата тогаш на секој можен начин да го попречуваат тоа.

Се качивме на возот за ЕУ, вие сакате назад да се вратиме - порача Калеска Ванчева, додавајќи дека граѓаните знаат дека со СДСМ почнува скринингот за членство во ЕУ.

Пратеничката Калеска Ванчева нагласи дека ВМРО-ДПМНЕ не ја доби поддршката, туку ја силува поддршката, не доби поддршка на изборите ниту во 2020 година ни на последните вонредни избори пред месец дена, граѓаните потворно пратија сигнал.

ВМРО-ДПМНЕ од една страна зборува за просперитет, за криза, која е глоблна, а сака 80 милиони евра да флриме на референдум да ја вратиме Македонија назад, рече Калеска Ванчева додавајќи дека ВМРО-ДПМНЕ првите се изјаснија дека државата трееба да биде во НАТО иу ЕУ, а сега сака да ја врати назад.

ВМРО-ДПМНЕ избира кукавички начин, се крие зад граѓаните, ако се искрени во намерите, ако сметат дека е тој договор е лош, нека дојдат на власт, па има одредба во договорот дека може со едностарна изјава да го прекинат, порача пратеничката на СДСМ Снежана Калеска Ванчева во емисијата „Аргумент плус“ на ТВ 24.

The post Калеска Ванчева се качила на возот за ЕУ appeared first on Република.

На денешната собраниска седница посветена на пратенички прашања, премиерот Димитар Ковачевски во Собранието на Македонија рече дека пратеник од ВМРО-ДПМНЕ, чие име не го соопшти, вчера ја снимал пратеничката од СДСМ, Снежана Калеска – Ванчева на 15 сантиметри од нејзиното деколте.

Премиерот кој треба да одговара на пратеничките прашања постави прашање: Што ќе прави пратеникот со оваа снимка?

– Кревање на тензии не одговараат на никого. Свесен ни е народот за деструкцијата која е само од опозицијата. Ако се погледаат снимките на кои претседателката на Законодавно-правната комисија од пратеник, кој во моментов ми се смее, со мобилен телефон ја снима на 15 сантиметри од нејзиното деколте. Не знам што ќе и прави на таа снимка!?- се чудеше Ковачевски.

Линк од спорното видео со наводното деколте на пратеничката.

Пратеничката Калевска – Ванчева за ,,Фокус” за целиот случај, вели дека вакви слични удари имало и порано, а го откри и името на пратеникот кој ја снимал.

-Ова е удар врз целиот женски род. За жал, вакви и слични удари имало и претходно, и има, но трагично е кога вакво однесување доаѓа од пратеници! Во врска со реакцијата на пратеничките по повод настанот, синоќа најгласни и насилнички за жал беа дел од пратеничките на ВМРО-ДПМНЕ.

Јас лично, не забележав кога пратеникот ме снимал, но забележаа мои колешки и тие веднаш реагираа. Бев преокупирана со заштита на материјалите, и да ја завршам седницата согласно деловникот.

Пратеникот на ВМРО-ДПМНЕ Зоран Јованчев од Кавадарци ме снимал, и тогаш не му се обратив да го прашам зошто го направил тоа, бидејќи во тие моменти друго беше побитно. А потоа, веќе го немаше – појаснува пратеничката.

Додава дека од Јованчев ќе бара јавно да и се извини за случајот.

The post На собраниска седница расправа за деколтето на пратеничката од СДСМ – Ковачевски загрижен appeared first on Република.

Пратеничката на СДСМ Снежана Калеска Ванчева, во емисијата „Топ тема” на телевизија Телма истакна дека пописот е целосно успешен и спроведен согласно стандардите на Евростат, што е потврдено и од ЕУ.

Факт е изјавата на портпаролката на Европската унија, која многу јасно и прецизно вели дека методотологијата и законот, врз чија основа е спроведен пописот е согласно Евростат и тоа е нешто што го потврдува она што ние уште при ноесење на законот го говоревме, иако за жал од говорницата во Собранието се изнесуваа ставови дека тоа не е така, a сега стигна потврда од ЕУ, нагласи Калеска Ванчева.

Таа додаде дека сега се објавени првичните резултаи од пописот од страна на Државниот завод за статистика, потоа следи анализа на сите резултати и тоа треба да биде предмет на експерската и научната јавност, а не на политичарите.

Мора да разбереме дека ова е огромна важност статистичка операција, која секоја држава на секои 10 години, според меѓународните правила и стандарди ја спроведува за добивање на релевантни статистички податоци, кои низ научно докажана и утврдена методологија и анализа на тие податоци треба да дадат правци за проекција на развојот, нагласи Калеска Ванчева.

Таа истакна дека забелешките на резултатите од пописот само покажуваат дека нашето општество е премногу исполитизирано.

Очигледно е дека сите политички чинители во изминатите 30 години на ваков или онаков начин некако придонеле оваа најсложена и најпотребна статистичка операција, биде анализирана речиси исклучиво низ политички аспект, што е недозволиво и сега наместо да се соочиме со факти како да да го проектираме развојот, иднината на нашата држава, ние одиме со нешто што се вика политизирање, за некои дневно политички цели, рече Калеска Ванчева.

Пописот е завршен, негово отварање сега и вметнување на податоци е кривично дело, а трагично беше што ние 20 години немавме попис, ако имавме попис пред 10 години како што се налага, многу порано ќе ги знаевме вистинските состојби и ќе знаевме во кој правец треба да ги насочуваме реалните политики, порача пратеничката на СДСМ Снежана Калеска Ванчева, во емисијата „Топ тема” на телевизија Телма.

The post Калеска Ванчева: Пописот е целосно успешен и спроведен во согласност со стандардите на Евростат appeared first on Република.

Вербата во фактите и институциите треба да биде примарна. Многу е јасна изјава на портпаролката на Европската комисија и таа вели дека законот и методологијата е согласно ЕУРОСТАТ и тоа го поврдува тоа што го говоревме на почетокот. Пописот е успешен, вели пратеничката од редовите на СДСМ, Снежана Калеска-Ванчева за резултатите од пописот.

Според неа, ова се првични резултати од ДЗС.

-Понатаму следи анализа на сите резултати, па имате вкрстување. Тоа треба да биде предмет на експертската јавноста, а не на политичарите. Ова е од огромна важност статистичка операција. Ова покажува дека нашето општество е премногу исполитизирано. Сите политички чинители на ваков или онаков начин некако придонеле оваа статистичка операција биде анализирана од политички аспект, што не е дозволено. И сега наместо да се соочиме факти, ние одиме со нешто што се вели политизирање за дневно политички цели, потенцира Калеска-Ванчева во гостувањето на емисијата „Топ тема“.

The post Калеска-Ванчева: Пописот е целосно успешен, да не биде предмет на политичарите appeared first on Република.

Нашиот став за техничката влада е конзистентен. Апсолутно поддржуваме предлогот да дојде на дневен ред и да се отвори прашањето, по што сите треба да се согласиме. Аргументите се за укинување на Пржинската влада и со тоа покажуваме дека институциите сега функционираат, не се заробени, кажа пратеничката од СДСМ Снежана Калеска Ванчева во емисијата „Вин вин“ на Телма.

Таа додаде дека Пржинската влада е инструмент воведен во 2016 година, бидејќи тогаш беше потребно поради партизираните и заробени институции од тогашната власт и заробената држава.

Сите прашања поврзани со изборите, политиките и законите мора да бидат отворани и затворани во Собранието. Тоа е ставот на СДСМ од самиот почеток, но треба да постои и консензус помеѓу сите политички чинители, особено оние претставени во Парламентот, кажа Калеска-Ванчева.

Таа потенцираше дека како и во целиот демократски свет, така и кај нас изборите треба да ги спроведува власта која е актуелна и се надева дека сите политички партии ќе го сфатат тоа и на крајот ќе се стигне до решение со консензус со вистински аргументи.

The post Калеска-Ванчева: Аргументите за укинување на Пржинската влада се доказ дека институциите функционираат appeared first on Република.

Портпаролот на ВМРО-ДПМНЕ, Димче Арсовски, реагира дека јавноста се уште чека каква било реакција или објаснување, ниту од СДСМ, ниту од Калеска - Ванчева, ниту, пак, од институциите коишто го ангажирале адвокатското друштво на Калеска-Ванчева коешто било во нејзина сопственост пред да стане пратеник, а кое од нив добило 55.000 евра за три и половина години.

Преку пет државни институции по основ на паушали адвокатското друштво кое е поврзано со пратеничката на СДСМ и претседател на форумот на жени во СДСМ, инкасирало 55.000 евра за три и половина години. Министерството за образование и наука, Национална агенција за европски образовни програми, Агенција за енергетика, Државен студентски центар и Агенција за странски инвестиции, се институциите од кои што ова адвокатско друштво на Снежана Калеска - Ванчева инкасирало 55.000 евра.

 

Нема човек, нема дел од јавноста, ниту пак близок и член до СДСМ што може да биде убеден дека ова е случајно и дека за ова не е заслужна токму пратеничката од СДСМ Калеска – Ванчева. Притоа на чело на овие институции бил еден човек или луѓе од СДСМ, блиски до пратеничката. Но за оваа поврзаност од утре па натака.

 

Најважно е што, додека граѓаните немаат леб да јадат, некој кој е во власта, нашол начин да заработува преку државата и на грбот на граѓаните. Срамота. Наместо местото да си го бараат на слободен пазар и успехот да го манифестираат преку приватниот сектор, едвај чекаа да дојдат на власт, за да заработуваат на грбот на граѓаните. При тоа да бидат повластени и да имаат предност пред било кое друго адвокатско друштво, токму адвокатското друштво на пратеничката Калеска - Ванчева.

 

Единствен трошок на ова адвокатско друштво од овие 55.000 евра кои што ги земале по основ на паушали од овие пет институции кои што претходно ги најбројував се даноците што ги плаќале и хартијата којашто можеби ја трошеле, или интернетот кој што го трошеле и плаќале. Чиста заработка на грбот на граѓаните во време на сериозна криза изминативе три ипол години.

 

Дали е ова случајно? Не е, нормално дека не е случајно. За ова чекаа и се бореа да дојдат на власт во 2016-тата година.

 

Оттука сакам повторно да ја повикам заспаната антикорупциска комисија да се разбуди и да отвори постапка, бидејќи ова се парите на граѓаните и мора да дадат отчет како, зошто и на кој начин се доделени и за што се потрошени овие средства - реагира Арсовски.

https://www.youtube.com/watch?v=oRDevhbWTbw

The post Арсовски: Молкот на СДСМ и Калевска – Ванчева е потврда за инкасираните 55.000 евра паушали од државните институции appeared first on Република.

Општо позната тајна е дека СДСМ брзаа да дојдат на власт за да ги сместат нивните фирми да работат за државните институции и на тој начин да заработуваат пари. Тоа е случај и со адвокатските друштва во СДСМ, рече на денешната прес-конференција портпаролот на ВМРО-ДПМНЕ Димче Арсовски.

Класичен пример е адвокатското друштво ДЕ ЛЕГЕ, кое преку 5 државни институции по основ на месечни или повремени паушали во периодот од 2017 јуни до декември 2021 година, инкасирале околу 55.000 евра. Имено, адвокатското друштво ДЕ ЛЕГЕ е во сопственост на адвокатите Снежана Калеска – Ванчева и одредена адвокатка Виолета Василева. Снежана Калеска – Ванчева е пратеникот од редовите на СДСМ, инаку претседател на форумот на жени во СДСМ. Исто така како пратеник голем таканаречен борец за правда држава која што гледаме дека не функционира, вели Арсовски.

Наведува дека Министерство за образование и наука, Национална агенција за европски образовни програми, Агенција за енергетика, Државен студентски центар и Агенција за странски инвестиции, се институциите на чии сметки е закачено адвокатското друштво ДЕ ЛЕГЕ.

Како е можно баш ова адвокатско друштво да земе за 3 и пол години 55.000 евра? Кој е одговорот на пратеничката Снежана Калеска – Ванчева што токму адвокатското друштво каде што е таа основач и содружник до пред да стане пратеник, земало над 55.000 евра од овие институции во текот на овие три и пол години? Очигледно е. Ова е начинот на СДСМ како заработуваат пари на грбот на граѓаните. Калеска во Собрание објаснува за правните норми и правна држава, а позадински нејзиното адвокатско друштво што го основала претходно, пред да стане пратеник земала 55.000 евра од државни институции по основ на паушали. На кој начин овие институции, каде и во најголем дел од директорувањето бил само еден човек директор од СДСМ и цело време токму оваа фирма ги добива паушалите? На кој начин токму оваа фирма ги добивала паушалите? СДСМ има вакви безброј канали за испумпување на парите на граѓаните по било кој основ. Тоа мора да се прекине, порача Арсовски.

Тој од името на ВМРО-ДПМНЕ ја повика Антикорупциската комисија под итно да отвори постапка и да провери дали сето ова е направено во рамките на законот.

Можеби е направено во рамките на законот, но дали има судир на интереси и дали е етички морално и по законот за судир на интереси?, прашува Арсовски.

https://youtu.be/GQOMfhlVdeY

The post Адвокатско друштво на Калеска-Ванчева од СДСМ земало 55.000€ од државни институции за 3 и пол години appeared first on Република.