Поради интензивни врнежи од снег, воведени се нови забрани за движење на тешки товарни моторни возила (ТТМВ) на магистралниот пат Кичево - Охрид и кај преминот Плетвар, информираат од Авто-мото сојузот на Македонија.

Од 15:30 часот, забраната важи на магистралниот пат Кичево - Охрид и обратно, додека од 16:20 часот, забраната е воведена и на магистралниот пат А3 кај преминот Плетвар.

Претходно, од Диспечерскиот информативен центар на Ј.П. Македонијапат, информираа дека забрана за сообраќај за тешки товарни возила, попладнево е воведена на Пресека и на планинскиот превој Буково.

The post Поради снег забрани за тешки товарни возила на патот Кичево – Охрид и кај Плетвар appeared first on Република.

АМСМ извести дека од 5:45 часот поради врнежи од снег е воведена забрана за сообраќај на тешки товарни возила на патниот правец Гостивар – Кичево, преку планинскиот превој Стража, додека од 5.00 часот исто таква забрана има и на патот Маврово – Дебар. Врнежи од снег со променлив интензитет утрово се бележат на Попова Шапка, Ресен, Крушево, Струга, Охрид, Делчево, Маврово, и на планинските превои Буково, Ѓавато, Пресека и Плетвар.

Сообраќајот на државните патишта се одвива тековно во зимски услови, по влажни коловози, на некои повисоки места со наместа остатоци од кашест снег на коловозот по интервенција на дежурните екипи на Македонија пат. Дежурните екипи на ЈП МАКЕДОНИЈАПАТ се постојано на терен и ги одржуваат сите патни правци проодни.

Намалена видливост поради појава на магла од 30 – 40 метри утрово имаше на патниот правец Тетово – Попова Шапка и до 50 метри на планинскиот превој Плетвар.

Сите патни правци во државата се проодни. На одредени патни правци кои поминуват низ клисури и усеци можна е појава на поситни одрони.

Надлежните апелираат на внимателно управување со возилата, почитување на поставената сообраќајна сигнализација, како и прилагодување на брзината спрема условите на патот.

The post Врнe снег во неколку градови и на планините, воведена забрана за тешки возила на Стража и на Маврово -Дебар appeared first on Република.

Најниска темпратура утрово е измерена во на Попова Шапка - 5 степени. Во Маврови Анови се измерени -3, во Крушево -2, во Берово -1, во Охрид, Претор и Прилеп 0 степени, во Тетово, Битола, Дебар и Крива Паланка 1, во Струмица и Виница 2, во Скопје-Зајчев Рид, Куманово и Штип 3, во Скопје-Петровец, Велес, Демир Капија и Кавадарци 4 и во Гевгелија 5 степени.

Најмногу снег има во Берово 22 сантиметри, во Маврови Анови и на Попова Шапка 10, во Крушево седум и во Претор еден сантиметар. Најмногу дожд наврнало во Струмица 32 л/м2, во Берово 31, во Крушево 26...

Времето денеска ќе биде претежно облачно и постудено со повремени врнежи, кои во западните и јужните делови ќе бидат поројни и обилни (над 50 л/м2). На планините врнежите ќе бидат од снег од 40 до 50 см, на повисоките места од 10 до 30 см, а во некои пониски места од дожд и снег и ќе се формира помала снежна покривка. Во југоисточните делови ќе бидат само од дожд. Ќе дува умерен, а на планините силен северен ветер. Максималната температура ќе достигне од 2 до 6 степени Целзиусови.

Во Скопје времето ќе биде облачно со повремени врнежи од дожд и снег, а на околните планини од снег. Ќе дува умерен ветер од северен правец кој краткотрајно ќе засилува. Максималната температура ќе достигне до 5 степени Целзиусови.

The post Во Берово паднаа 22 сантиметри снег, на Попова Шапка температурата – 5 степени Целусови appeared first on Република.

Под влијание на влажна и студена воздушна маса од утре до понеделник претпладне времето ќе биде претежно облачно, со појава на магла и со повремени врнежи од дожд, кои наместа и особено на западот и југот ќе бидат поројни и пообилни (над 50 l/m2), информираат од Управата за хидрометеоролошки работи.

Оттаму додаваат дека на планините врнежите ќе бидат од снег, а во сабота на повисоките места и во некои пониски ќе бидат од дожд и снег. На планините ќе се формира значителна снежна покривка, а особено во сабота во западните делови снежна покривка ќе се создаде и во дел од пониските места. сст/ац/

The post Од утре претежно облачно со врнежи од дожд и снег appeared first on Република.

До петок ќе се задржи стабилно и тивко време, по одделни котлини со појава на магла и пониски дневни температури. Од петок кон крајот на денот и за време на викендот под влијание на влажна и студена воздушна маса времето ќе биде претежно облачно со повремени врнежи од дожд, а на планините од снег. Врнежите наместа ќе бидат пообилни и ќе преминат во снег и во повисоките места.

Прогноза за 28.11.2024
Минимална температура: -3°C до 2°C
Максимална температура: 6°C до 15°C

Наутро со појава на магла по одделни котлини. Преку денот сончево со мала до умерена облачност и со слаб до умерен јужен ветер.

Прогноза за 29.11.2024
Минимална температура: -2°C до 5°C
Максимална температура: 5°C до 14°C

Променливо облачно, по одделни котлини со појава на магла или ниска облачност. Кон крајот на денот и во текот на ноќта ќе има повремени врнежи од дожд. Ќе дува слаб до умерен, а попладне и во текот на ноќта вдолж Повардарието засилен северен ветер.

Прогноза за 30.11.2024
Минимална температура: 2°C до 7°C
Максимална температура: 2°C до 9°C

Претежно облачно со повремени врнежи од дожд, а на планините од снег. Врнежите наместа ќе бидат пообилни и ќе преминат во снег и во повисоките места. Ќе дува умерен до засилен северен ветер.

The post Снегот доаѓа во Македонија, следува значителна промена на времето appeared first on Република.

Поради обилни снежни врнежи наставата во училиштата е прекината во 20 од 81 турска провинција, како и во одредени региони од уште пет провинции, пренесува Си-Ен-Ен Турк.

Училиштата останаа затворени во Самсун, Кајсери, Нигде, Невшехир, Болу, Гумушане, Бајбурт, Јозгат, Токат, Сивас, Кахраманмараш, Ерзинџан, Киршехир, Кастамону, Караман, Малатија и други области.

Во провинцијата Малатија, на истокот на земјата, од снежни наноси биле спасени 787 граѓани. Во округот Хекимхан, спасувачите извлекле пет овчари завеани на планина, но еден од нив подоцна починал во болница.

Работите на расчистување на патиштата и спасување на граѓаните продолжуваат.

The post Обилни снежни врнежи во Турција appeared first on Република.

Снегот проследен со силни ветрови предизвика хаос во речиси сите земји на Балканот, од каде известуваат за колапс во сообраќајот и прекини во снабдувањето со електрична енергија.

Во Србија, снежните врнежи создадоа хаос на патиштата, поради што властите апелираат до возачите да бидат внимателни. Активирани се метеоаларми низ целата земја, а во одредени делови истовремено се издадени три предупредувања.

 

View this post on Instagram

 

A post shared by 192.RS (@192_rs)

Црногорското приморје денеска беше погодено од силен јужен ветер и дожд, а во Херцег Нови големи бранови го поплавија шеталиштето.

Подгоричкиот портал „Дан“ објави фотографии од читатели со коментар дека ова е изненадување за гостите на градот, но не и за локалното население кое е навикнато на вакви сцени. Брановите претставуваат предизвик за минувачите покрај брегот.

Поради најавеното невреме, во Црна Гора е активиран црвен метеоаларм.

Во Федерацијата БиХ снегот предизвикува проблеми, особено на западот и југозападот, каде што поради ниските температури се предупредува на појава на мраз на коловозите. Во Херцеговина, силните ветрови и дождот го отежнуваат сообраќајот, а слична состојба е и во другите делови на БиХ.

Во Бихаќ, силниот ветер направи големи проблеми – освен што предизвика штета на новоизградената спортска сала, го урна и покривот на едно средно училиште. Засега нема информации за повредени лица. Ветрот исто така урна дрвја кои паднаа врз паркирани автомобили.

 

View this post on Instagram

 

A post shared by Regionalna informativna novinska agencija (RINA) (@_rina.rs)

Во Бања Лука и низ поголемиот дел од Република Српска, снегот предизвика сообраќајни проблеми поради нерасчистените патишта и бројни дефекти на електроенергетските системи. Од Градската управа на Бања Лука информираат дека сите екипи за зимска служба се на терен.

Проблеми со врнежите има и во населените места како Пријечани, каде што се излеале отпадните води. Некои автобуски линии не сообраќаат, а населбата Долна Кола остана без струја. Интензивен снег паѓа и во селата околу Поткозарје, Градишка и Лакташи, каде што некои патишта се едвај проодни, пренесува Блиц.

 

View this post on Instagram

 

A post shared by 192.RS (@192_rs)

Жителите од овие краишта велат дека снегот за празникот Свети Архангел Михаил (21 ноември) последен пат паднал пред 25 години.

Во делови од Хрватска, снегот и силните ветрови предизвикаа блокада на патиштата и прекини во снабдувањето со струја. Во Шибеник, плимата поплави улици и кафулиња. Снег паѓа во Горски котар, Лика и делови од копнената Хрватска, вклучувајќи го Загорје, Меѓимурје и Славонија. На Јадранот, силниот ветер урива дрвја и телефонски столбови.

Во Горски котар и Лика, моментално нема достапни патни правци од внатрешноста кон Далмација, Риека и Истра за товарни возила со приколки и возила без зимска опрема. Во прекин се и дел од катамаранските линии, додека во Шибеник, плимата поплавува сообраќајници и кафулиња.

The post Првиот снег донесе хаос на Балканот: Излизгани возила, завеани патишта, прекин на струја appeared first on Република.

Обилни снежни врнежи паднаа во делови од западна Европа, предизвикувајќи значителни проблеми во сообраќајот, а Ајфеловата кула во Париз е привремено затворена.

Во сојузната покраина Баден-Виртемберг во Германија, службите реагираа на повеќе од 380 инциденти поврзани со временските услови во последните 18 часа. Портпаролот на полицијата соопшти дека се повредени најмалку 30 лица, главно полесно, а штетата изнесува повеќе од еден милион евра.

Најпогодени градови биле Фрајбург и Констанц, каде полицијата учествувала во нешто помалку од 300 операции поврзани со временските услови во периодот од вчера попладне до изутринава, соопшти полицијата.

Во Франција, околу 1750 камиони заглавија на патиштата, особено во регионите Бургундија и Нормандија. Возачите кои ги игнорирале забраните за сообраќај поради временските услови беа принудени да преноќат во своите возила.

Поради снежните врнежи, 200.000 домаќинства во Франција останаа без струја, а железничкиот сообраќај е сериозно нарушен.

Ајфеловата кула во Париз е привремено затворена за посетители откако врз неа падна снег, што ретко се случува.

The post Европа парализирана од снежни врнежи: Проблеми во сообраќајот во Германија и Франција, домаќинства во Франција останаа без струја, а затворена е и Ајфеловата кула appeared first on Република.

Утре во претпладневните часови времето ќе биде променливо облачно со повремен снег претежно во западните делови. Во текот на ноќта ќе дува умерен, а особено долж Повардарието засилен северен ветер, над 70 километри на час, соопшти Управата за хидрометеоролошки работи.

Минималната температура ќе биде во интервал од -6 до 3, а максималната ќе достигне од -1 до 11 степени.

Во наредните денови времето ќе биде стабилно и тивко со ниски утрински температури и со услови за појава на магла по котлините.

The post За утре најавен снег во делови од Македонија appeared first on Република.

Сараево утрово осамна под снегот. Снегот кој почна да паѓа во средата попладне во Босна и Херцеговина за кратко време предизвика бројни проблеми на градските улици и автопатишта.

Како што пренесува Кликс, најпрвин силен дожд, а потоа и поголемо количество снег предизвикале лизгави коловози, што довело до поголем број сообраќајни несреќи во Сараево.
Од тежината на влажниот снег има многу скршени гранки и дрвја, а се чини дека на пешаците им е најтешко со оглед на тоа што тротоарите се многу лошо или воопшто не се исчистени низ Сараево.

Зимските служби на КЈКП Рад во текот на ноќта го расчистија главниот пат, но споредните улици се уште се под дебел слој снег, пишува Кликс.

The post Сараево осамна под снег, сараевчани под стрес appeared first on Република.

Во новата прогноза, Severe Weather Europe (SWE) предупредува на претстојна зимска бура и интензивни временски услови кои ќе се почувствуваат низ цела Европа.

Арктичка експлозија на студен воздух ќе се прошири од север, што ќе резултира со повеќекратни интензивни зимски бури кои брзо ќе се движат низ Европа. До крајот на сезоната ќе преовладуваат интензивни фронтални системи со обилен снег и силен ветер.

Во среда Шведска и Финска очекуваат интензивен снег и снежна бура.

За петок SWE прогнозира ново снежно невреме за Алпите и северниот дел на Балканскиот Полуостров.

Викендов нестабилно време ќе пристигне во западна Европа каде силно северноатлантско невреме ќе ги зафати Ирска и Велика Британија.

Кон крајот на неделава студена воздушна маса ќе се движи кон југ кон централна Европа и Алпите. Длабока површинска ниска температура ќе има во северна Италија, а ќе се движи преку Јадранското Море и Балканскиот Полуостров.

Циклонот ќе ги влоши временските услови и ќе донесе пороен дожд со силни грмежи. Поројни поплави се можни во северно-средна Италија и северниот дел на Јадранскиот регион.

SWE прогнозира дека во петок во Словенија и Хрватска ќе падне обилен снег, а локално може да се развие снежна бура, бидејќи ќе дува силен дожд.

Потенцијално значајна комбинација на зимски бури е видлива на метеограмот за Постојна во Словенија. Првото преминување на фронтот со значителен пад на температурата се очекува во среда, а интензивни врнежи ќе следат во ноќта од четврток кон петок. Од SWE наведуваат дека на места се очекуваат меѓу 15 и 40 сантиметри свеж снег.

The post Ни доаѓа снежна бура со интензивни временски услови! appeared first on Република.

Снег утрово на повисоките места во земјава. На Стража утрово има многу снег, а врнежите продолжуваат и натаму.

Почитувани, внимавајте доколку патувате кон планинскиот превој Стража, во моментов има обилни врнежи од снег кои формираат снежна покривка, а снегот се задржува и на коловозот!, предупреди Славчо Попоски.

The post Обилни врнежи од снег на Стража appeared first on Република.

Студениот бран утрово ја донесе и првата снежна покривка на Водно, покажаа камерите од Милениумскиот крст.

Во Скопје и околината студено, врнежливо утро, ниски температури и преку ден, а според најавите очекувањата се дека во наредниот период тие ќе опаднат за пет до седум степени.

Снег има и на туристичките центри: Попова Шапка и Пониква.

https://www.youtube.com/live/oil_eHM-09o?si=cGokGs1pL5HREHD0

The post Бело и на Водно appeared first on Република.

Пијанечко-Малешевскиот регион утрово е под снежна покривка која е најизразена на повисоките места. Во градот Делчево и околните села снежната покривка е минимална, додека врнежи од снег утрово има и во општините Македонска Каменица, Берово и Пехчево.

-Патиштата се проодни, а сообраќајот засега се одвива без проблеми. Апелираме да се почитува сообраќајната сигнализација и да се почитуваат условите на патот, истакнаа од подружницата на Македонија Пат.

Од делчевските воспитно образовни установи известија дека превозниците кои сообраќаат до училиштата во руралните средини навреме ја извршиле својата обврска.

Во моментот во делчевско најмногу снег има наврнато на планината Голак, во с.Тработивиште, како и на подрачјето на с.Ѕвегор во близина на Граничен премин Делчево.

The post Пијанечко-Малешевскиот регион со снежна покривка appeared first on Република.

Под влијание на постудена воздушна маса од север утре дневната температура ќе опадне за 5 до 7 степени.

Како што најавуваат од УХМР, потоа следува период на променливо облачно и постудено време
со повремени локални врнежи од дожд, а на повисоките планини ќе има услови за провејување на слаб снег

The post Од утре температурите пониски за пет до седум степени appeared first on Република.

Пријатните и топли денови се последица на циклонот Лесли кој во моментов е актуелен во Шпанија и кој ни носи топол воздух. Меѓутоа поради силниот Азорски антициклон веќе од следната недела се очекува забележително заладување. Заладувањето на почетокот на ноември се предивидува и според моделот на Европскиот центар за среднорочни временски прогнози.

Според најновите извештаи на прогностичките модели, и тоа на двата најажурни модели, Европскиот модел (ECMWF), како и на Глобалниот модел (GFS), до самиот крај на овој месец продолжува стабилното, суво и сончево време со натпросечно високи температури на воздухот преку ден, но наутро останува релативно студено и со појава на магла и на ниска облачност по одделни котлини

Сепак, најновите ажурирања на истите, стои во метео прогнозата на Славчо Попоски, на почетокот на ноември месец, цртаат голема промена на времето и спуштање на многу поладен воздух од северот и од североистокот на Европскиот Континент кон Балканот и Македонија.

Во ваква ситуација, очекуваме вистински зимски температури уште во почетокот на ноември месец, како и прво провејување на снег понекаде и во градовите ширум Балканот.

The post Заладувањето е пред врата: Дали почетокот на ноември ни носи снег? appeared first on Република.

Метео анализа на Славчо Попоски:

Најновите излези на прогностичките материјали со кои располагаме, укажуваат на тоа дека зимата би можела да ни пристигне многу порано од вообичаеното оваа година, и тоа веќе кон крајот на овој, и во почетокот на следниот месец (ноември).

Имено, се работи за студен бран кој преку Атлантикот и северна Европа ќе пробие до нашите краишта и драстично ќе ги спушти температурите на воздухот. Во ваква ситуација, снегот би можел да се појави и на помала надморска височина кон крајот на овој, и во почетокот на ноември месец. Не се исклучува можноста да имаме вистинска снежна идила.

НАПОМЕНА: Со оглед на тоа дека се работи за подолгорочна метео анализа, промени во истата се можни, па затоа јас ќе информирам за секоја ново- настаната временска состојба, а граѓаните најдобро е да се базираат на моите краткорочни метео анализи, кои се со голема веројатност за остварливост (над 90 %).

The post Годинава снегот и студот ни доаѓаат многу порано appeared first on Република.

Словенија е погодена од силно невреме кое во крајбрежјето е со силен ветер и со обилни врнежи од дожд, додека снег паѓа во планинскиот дел на земјата на височини над 1.200 метри.

Надојдените реки поплавија дел од површините, на патиштата има одрони поради што делови се затворени, а ветрот во приморскиот дел се зголеми на 120 километри на час.

Агенцијата за заштита на животната средина на Словенија издаде предупредување дека врнежите ќе продолжат и денеска, како и во текот на ноќта меѓу петок и сабота, објави „Словенске новице“.

Метеорологот Блаж Штер на социјалната мрежа Икс објави дека невремето предизвикува големи проблеми во крајбрежјето, додека планините се покриени со обилни снежни врнежи.

За снежни услови на патиштата предупредуваат и од Информативниот центар за сообраќај. Температурата за денеска се прогнозира од два до 13 Целзиусови степени.

Во ноќта меѓу петок и сабота се очекува засилен ветер во крајбрежјето со брзина над 120 километри на час, особено во долината Випава.

The post Зимата доаѓа: Во Словенија 35 сантиметри снег appeared first on Република.

Патишта во делови на Јужноафриканската Република денеска се затворени, по невообичаено обилните снежни врнежи, а службите за итни случаи се обидуваат да стигнат до луѓето кои од синоќа се заглавени во возилата.

Според првите извештаи, во некои области наврнале и до два метра снег, а во неколку провинции портокаловото предупредување е подигнато од шесто на осмо ниво.

Според медиумите, особено е погоден автопатот N3 на источниот брег, што ги поврзува Јоханесбург и Дурбан, неколку делници се целосно непроодни, а дури и обиколните патишта се покриени со снег.

The post Снег ја затрупа Јужноафриканската Република appeared first on Република.

Планинарите кои го посетија денеска Пелистер, на социјалните мрежи објавуваат фотографии со снег и бела покривка.

Иако и натаму календарски е лето, сепак, ниските температури низ земјава придонесоа за студено време особено на планините.

Сепак, набрзо после снегот на Пелистер изгреа и сонце кое го стопи снегот.

Студеното време ќе продолжи и во следните неколку дена.

The post Во лето забеле и Македoнија: Падна снег на Пелистер appeared first on Република.