Се чини дека се отстранети дилемите за вистинскиот идентитет на снајперистката со воено име „Багира“, кој пред неколку дена беше заробена од украинската армија, пишува „Дејли мејл“.

Дилемите се појавија откако украинските сили објавија дека ја заробиле снајперистката „Багира“, односно српската државјанка, Данијела Лазовиќ, што беше демантирано од официјален Белград. Веднаш по објавата на информацијата за заробувањето на „Багира“, српското Министерство за внатрешни работи соопшти дека вистинската Данијела Лазовиќ, се наоѓа во затворот во Пожаревац, каде што издржува шестгодишна затворска казна.

Сега е пткриено дека зад военото име „Багира“ стои 41-годишната Ирина Старикова од Доњецк, мајка на две ќерки Валерија (11) и Јулија (9). Старикова се омажила за белоруски војник Александар, познат како Горинич. Двојката се запознала во близина на селото Шастија во Луганск во источна Украина.

За разлика од некои претходни тврдења, Старикова претходно не била калуѓерка. Таа го зела своето воено име според ликот на црн пантер од романот „Книга за џунглата“ на Раџард Киплинг.

Украинците тврдат дека Старикова била пронајдена на бојното поле во Украина и дека била ранета. Старикова наводно изјавила дека руските соборци ја оставиле на бојното поле откако констатирале дека е ранета.

Знаеја дека сум повреден и имаа шанса да ме земат со себе. Сепак, само ме оставија, надевајќи се дека ќе умрам. Ме оставија - наводно изјавила снајперистката.

Се верува дека Багира убила најмалку 40 луѓе.

Нејзината судбина сега ќе ја решаваат Украинците.

Секој што убива мирни луѓе може да очекува одмазда - соопштија од украинската војска.

Засега, нема информации што се случило со Старикова по заробувањето и дали таа се уште е жива.

The post „Багира“ сепак не е Србинка: Откриен вистинскиот идентитет на снајперистката заробена од украинските сили appeared first on Република.