„Денеска на овој свет ден - 2 август, на денот на нашиот голем Илинден, се собравме во Смилево, срцето на македонската револуционерна борба“, вака министерот за внатрешни работи Панче Тошковски го започна своето обраќање пред присутните граѓани и делегации во историското Смилево, додавајќи дека токму овде, пред 121 година, нашите храбри предци го донесоа пламенот на слободата и ја запалија искрата на Илинденското востание.

„Тие покажаа дека мал, но горд народ, може да се спротивстави на тиранската власт и да се бори за својата слобода и независност. Македонскиот народ е народ со голема историја, но и со голема иднина. Ние сме народ кој сака да биде пријател со сите, но истовремено, сакаме и заслужуваме почит и достоинство. Нека е вечна мајка Македонија! Честит празник!“, рече министерот Тошковски, притоа додавајќи дека дојде време да ја подигнеме нашата глава, да го покажеме нашиот дух и да ја продолжиме нашата борба за подобра и посветла иднина.

The post Министерот Тошковски од историското Смилево: Честит празник! Вечен да е споменот на илинденците и асномците! appeared first on Република.

Во периодот од 17 до 23 јули во Смилевскиот манастир ќе се одржува третото издание на Фестивалот на алтернативна фотографија „Зрно“. Изложбите, проекцијата и концертот се реализираат преку соработка меѓу Фестивалот на креативен документарен филм „МакеДокс“ и НУ Смилевски конгрес.

В сабота (20 јули) во село Смилево ќе бидат отворени изложбата на алтернативни фотографии „Вратнички на улишта“ на Миша Кескеновиќ, Сежана, Словенија, и изложбата на алтернативни фотографии на фотоклубот „Ирис“, Темишвар, Романија.

Потоа следува проекција на отворено на филмот „Манаки – приказна во слики“ на Роберт Јанкулоски, дел од програмата на патувачкото кино на „МакеДокс“ и за крај камерниот концерт „Сиот тој џез“ во смилевската кооперација.

The post Почнува Фестивалот на алтернативна фотографија „Зрно“ appeared first on Република.