По формирање на идната влада на ВМРО-ДПМНЕ ќе поевтинат сметките за струја, поради укинување на тарифата за пристап на мрежа.Тарифата за пристап на мрежа од 200 денари е нова давачка која ја воведе СДС со цел да собере повеќе пари од граѓаните во буџетот. Платформа 1198 предвидува укинување на мрежарината воведена од СДС.

Мрежарината од 200 денари е неоснована давачка која удира по џебот на граѓаните.

По формирање на владата ќе се ревидира тарифниот систем, и владата на ВМРО-ДПМНЕ ќе ја укине мрежарината од 200 денари, на која кога ќе се пресмета и ДДВ од 18%, доаѓаме до сума од 236 денари, пари за кои веднаш ќе се намалат сметките.

Со оваа мерка секое домаќинство ќе заштеди по 3.000 денари годишно.

Идната влада ќе ја врати државата на народот. Заврши времето на грабежи.

The post По формирањето на владата на ВМРО-ДПМНЕ ќе поевтинат сметките за струја appeared first on Република.

Јасно е дека има зголемен број на домаќинства од вообичаеното каде што претпоставката за потрошена електрична енергија очигледно е превисока, кај најголем дел од жалбите кои што се водат кај нас, ние ќе ги прифатиме, вели претседателот на Регулаторната комисија за енергетика Марко Бислимовски.

Во интервју за РСЕ, Бислимовски појаснува дека таму каде што не е отчитано во изминатиот период редовно ќе направат ЕВН Хоум конечна пресметка.

И тоа ќе ги прифатиме на следниот начин. Доколку периодот на отчитувањето е 90 дена, ќе се направи една конечна пресметка, каде што, првиот блок го сведуваме на дневно ниво, иако е за еден месец тоа е 210 киловат часови, а ако е за 90 дена е 90 по 7, 630 киловат часови. На тој начин ќе му обезбедиме, непотребни количини на електрична енергија да не му одат во четвртиот блок и заради тоа велам дека блоковите, наместо периодот, ако е 90 дена на отчитување, првиот блок нема да биде 210 кило часови, туку ќе биде 630 кило часови, вториот блок ќе биде исто така како што е сега од 630 помножен до 3, така да за да имаат граѓаните реална пресмета, појаснува Бислимовски.

The post Бислимовски: Најголем дел од жалбите за сметките за струја ќе ги прифатиме appeared first on Република.

Во јануарските сметки за струја ќе го нема надоместокот од 200 денари за мрежарина – соопштија од Регулаторната комисија за енергетика. Ова следува по бурните рекации на граѓаните дека овој надоместок кој требаше да се пресметува од овој месец, беше наплатен уште со декемвриските сметки.

Од Регулаторна тврдат дека не е направена грешка и никој не профитира на грбот на граѓаните.

The post Бислимовски: Во јануарските сметки за струја ќе го нема надоместокот од 200 денари appeared first on Република.

Ја гледам сметкава и не им верувам на очиве, си викам ова нуливе на крај мора да ми се причинуваат, вели жителка на Центар, која останала шокирана кога ѝ пристигнала сметка за струја со петкратно зголемување.

Ф-ра за ел. енергија од 148.000 ден. или 2500 евра само затоа што си се греел на струја, а тоа значи, според Таче, си се луксузирал.
А за кражбата да биде уште поголема, пренос и дистрибуција на ел. енергија 38.809 и ДДВ 24.427, што не е ел. енергија.
Дали мислите дека ова е нормално?
#ДимитарКовачевски како е можно лани ова време сметката да не е поголема од 30.000 ден. а само по една година сметката да е за пет пати зголемена?! Иста куќа, исто греење, сѐ е исто. Сега се чудам како да се плати сметкава со 500 евра плата. Значи у наредни 6 месеци платата ќе оди за ЕВН. Ама па тоа не е проблем, 6 месеци нема да јадеме ништо, нема да купуваме ништо, едноставно нема да живееме, или просто кажано, ќе си умреме, зашто оваа Влада масовно нѐ убива со нејзините штетни и погубни политики.
За да ми биде уште "полесно", како што ми кажаа од ЕВН, и сметката за јануари ќе ми биде иста ваква. Е сега останува да размислам и да одлучам што да продадам во вредност од 5000 евра за да им ги дадам на ЕВН, пошто нели мора да се плати струјата по новите цени и тарифни блокови.
А за тие што не знаат, 3тиот и 4тиот блок нѝ го пресметуват по цена повисока од индустриската, иако се работи за потрошувачка во домаќинство.
И за крај, никако не смееме да ја заборавиме субвенцијата од Владата 91,51%, значи сум потрошила 5000 евра електрична енергија за месец декември со некое порамнување зашто не дошол никој да прочита струјомер.
Ти благодарам Димитар Ковачевски за "прекрасниот живот" во нашава Македонија, пишува таа.

The post Сметките за струја зголемени петкратно – личен пример од жител на општина Центар appeared first on Република.

Изминатата 2023 година ја одбележаа неколку новини во енергетиката пред се повторното враќање на дневната евтина тарифа за струјата и вообичаената ставка на ДДВ за потрошената електрична енергија од страна на домаќинствата на 18 отсто, воведувањето на надоместокот за пристап до мрежа од 200 денари месечно што ќе го плаќаат сите корисници, како и примената на новиот модел за определување на цената на струјата со сменета процедура, но иста суштина.

Во 2023 година универзалниот снабдувач „ЕВН Хоум“ по првпат ја определи крајната цена на електричната енергија што од 1 јануари 2024 година ќе ја плаќаат потрошувачите на регулираниот пазар.

Согласно одлуката, цената на струјата за домаќинствата од 1 јануари ќе се намали за 5,16 отсто за првиот блок, за вториот блок и за евтината тарифа останува иста, за третиот блок поскапува за 2,88, а за четвртиот блок за 1,86 отсто. Тоа го овозможи воведувањето на надоместокот за пристап до мрежа од 200 денари месечно што ќе го плаќаат сите корисници. Во спротивно доколку не се воведеше, како што вели претседателот на Регулаторната комисија за енергетика и водни услуги и услуги за управување со комунален отпад (РКЕ) Марко Бислимоски, ќе имаше поскапување за 3,4 отсто во прв блок, за 8,62 во втор, за 9,46 во трет и за 4,92 отсто во четврт блок, додека евтината тарифа ќе се зголемеше за 15,42 отсто. Дополнително, надоместокот за пристап до мрежа овозможи намалување на мрежарината за речиси 23 отсто.

Во првиот блок се домаќинствата кои трошат од 0 до 210 киловат часови електрична енергија месечно, во вториот од 210 до 630, во третиот од 630 до 1.050 и во четвртиот тие што трошат над 1.050 киловат часови месечно. Според Бислимоски, некаде околу 80 проценти од домаќинствата се во првиот и во вториот блок. Смета дека со воведувањето на евтината дневна тарифа ќе се намали потрошувачката по блоковите, а за сметка на тоа ќе се зголеми во евтината тарифа каде цената е двапати поевтина отколку во првиот блок.

За 2023 година карактеристично е и повторното враќање на стапката на ДДВ за електрична енергија на 18 отсто од 1 јули, која поради кризата првично беше намалена на 5 отсто, а од почетокот на годината се врати на 10 отсто.

На универзалниот снабдувач „ЕВН Хоум“ на 30 јуни 2024 година му истекува пет-годишниот договор за снабдување со електрична енергија на потрошувачите на регулираниот пазар. Поради тоа Владата на 11 декември 2023 година објави јавен повик за избор на нов универзален снабдувач што ќе треба во наредните пет години, почнувајќи од 1 јули 2024 година да ги снабдува со електрична енергија потрошувачите на регулираниот пазар. Повикот треба да заврши на 12 јануари 2024 година кога ќе се одржи електронска аукција на која услов за добивање на тендерот е да се понуди профитна маржа пониска од 11,5 отсто, колку што изнесува маржата на досегашниот универзален снабдувач „ЕВН Хоум“. За повикот покрај постојниот универзален снабдувач интерес појави и грчката ЕДС – „Енерџи деливери солушнс“, која е фирма ќерка на Грчкото електростопанство ППЦ.

The post Воведен надомест oд 200 денари за пристап до мрежа appeared first on Република.

400 денари повеќе на сметката за струја за граѓаните е новогодишната честитка  од оваа неспособна власт.

Иако со денови и месеци се обидоа да го сокријат покачувањето, сепак власта на СДС и ДУИ удрија по џебот на граѓаните со повисоките сметки за струја од јануари 2024 година, обвинува ВМРО-ДПМНЕ.

Покачувањето ќе го плаќаат сите граѓани кои своите домови ги затоплуваат со електрична енергија. Толку од грижата на власта за животната средина и намалувањето на загадувањето.

За над 120 денари ќе биде зголемувањето само во 3тиот блок и на истото ако се додаде и новата давачка т.н мрежарината на Бислимовски која ќе изнесува 250 денари, доаѓаме до покачување од 400 денари.

 

Не поминуваа фалбите на ДУИ и СДС за субвенционирање на сметките за струја, кога тоа субвенционирање го плаќаат граѓаните самите. Наместо изминатите 7 години да се изградеше некој енергетски капацитет, власта парите ги трошеше за полнење на своите џебови преку тендерите во РЕК и партиските вработување во енергетските компании.Сметките за електрична енергија овие 7 години се зголемина за над 50%, а инвестиции во енергетиката нема.

 

Никогаш не било полошо, важно е да ги поразиме.

The post Новогодишен подарок од власта – 400 денари поскапи сметки за струја appeared first on Република.

Струјата поскапува со одлука на власта, повисоки сметки и до 400 денари.Корисниците од третиот блок за сметка која до сега ја плаќале 4.000 денари, сега ќе треба да платат 4.120 денари. Дополнително на тоа ако имаат куќа на село, викендица, стан или втора куќа ќе платат и до 250 денари за мрежарина, со тоа вкупното покачување ќе биде и до 400 денари, открива ВМРО-ДПМНЕ.

Многу повеќе ќе плаќаат граѓаните кои се грејат на струја.Откако СДС е на власт струјата поскапи за 50%.

Лага се тезите дека субвенционираат сметки. Со СДС струјата е поскапа. Доколку работеа изминативе 7 години можеа да направат нови енергетски капацитети, наместо тоа, штанцаа тендери во РЕК.

Народот преку кредити ги плаќа пропустите на власта во енергетиката. Никогаш не било полошо. Важно е да ги поразиме!

The post Сметките за струја за граѓаните ќе бидат поскапи во просек за 400 денари! appeared first on Република.

Првиот човек на Регулаторната комисија за енергетика Марко Бислимоски за „Независен“ открива дека во сметките за електрична енергија се подготвува нова ставка, Пристап до мрежа, која ќе биде покрај постојната за мрежарина. Но, како што уверува, тоа нема да ги зголеми сметките, или тоа ќе биде незначително, а истовремено ќе придонесе да се направи правична распределба на трошоците меѓу оние кои редовно ја користат мрежата, од другите кои тоа го прават повремено, како во викендичките, или пак поради тоа што користат сопствено производство на струја од фотоволтаици.

Порано, ние определуваме една сума пари, го велиме приход. Цената ја добиваме кога приходот го делиме со количината. На пример, ако приходот бил 100 единици (100 денари) и ако количината била пет, добиваме цена од 20 парични единици. Сега ова пет ни се намалува на четири, но приходот е ист. Кога 100 ќе го поделиме со четири, добиваме 25 парични единици, односно зголемување само врз основа на ова. Трошоците им се исти, ништо не сме зголемувале таму. И ова не е правично. Тие што поставиле фотоволтаици на крововите си помогнале, но не треба да ги казниме оние што не поставиле. Ниту тие треба, поради тоа што се намалила потрошувачката, да плаќаат повеќе. Поради тоа во рамки на одобрениот приход ќе воведеме ставка Пристап кон мрежа. Притоа, не ги менуваме гарантираните парични единици приход, туку ќе направиме правична распределба. Тие што поставиле фотоволтаици на покривите ќе плаќаат одреден износ за пристап кон мрежа, што ќе биде фиксен надоместок. За компаниите фиксниот надоместок нема да биде голем, тоа се поголеми потрошувачи каде што има мерење на моќноста. Зборуваме за суми од 20-ина, 25-30 евра месечно, ќе видиме колку. Но, за сметка на тоа ќе им се намали цената за моќност. Значи, ние нема ништо да зголемиме, на пример, ако одиме со 20-ина евра, цената за моќност на напонско ниво Л1- Л2 би се намалила за 18 проценти, објаснува тој.

Ддоава дека исто и кај домаќинствата ќе се воведе ставката Пристап до мрежа.

Има голем број домаќинства каде што нема потрошувачка, или кои што поставија фотоволтаици. Значи, мрежата се одржува во текот на целата година. Фиксните трошоци сега ги плаќат само домаќинствата кои што ја користат мрежата рамномерно, секој месец во годината. Оние кои ја користат две – три недели во годината не плаќаат ништо. И тоа не е фер, не е правично. Плус, сега има домаќинства кои што поставуваат фотоволтаици. Тоа вообичаено се побогати категории на граѓани. Кога ќе го постави фотоволтаикот, нему ќе му се намали потрошувачката и тоа го создава овој ефект кој што ви го кажав.

Поради тоа и кај домаќинствата ќе се воведе Пристап кон мрежа, но за сметка на тоа ќе се намали мрежарината. Значи, не може некое домаќинство коешто не поставило фотоволтаик да плаќа за домаќинство коешто поставило фотоволтаик. Мора да зборуваме за социјална правда и за правичност. И тоа ќе го спроведеме, вели Бислимоски.

The post На сметките за струја ќе има нова ставка – пристап до мрежа appeared first on Република.

Не чека ли „струен удар“ по Нова Година со новите сметки за струја ? ЕСМ ќе ја продава електричната енергија за потребите на домаќинствата и малите потрошувачи на универзалниот снабдувач за 57 евра за мегават час, што е поскапо за 7,5 % од моменталната цена од 53 евра, објави „Алфа“.

Понудата била одбрана како најповолна на тендерот на Универзалниот снабудвач, а повисоката цена важи за покривање за 95 проценти од вкупно потребните количини. Од барањата од ЕСМ најмногу зависи и крајната пресметка која ќе стигне до граѓаните.

За покривање на останатите 5% од вкупно планираните количини, ЕВН Хоме доби две понуди и тоа од АД ЕСМ, по купопродажна цена на електричната енергија од 120,01 евра за мегават час и од компанијата Соле24 ДООЕЛ по цена од 130 евра за мегават час.

ЕВН Хоме одлучи да не прифати ниту една од пристигнатите понуди за овие количини, за да го ограничи влијанието на крајната цена на електричната енергија.

Покрај цената на ЕСМ во крајната пресметка влегуваат и трошоците кои ќе ги достави МЕПСО , како и МЕМО и цената од електродистрибуција . Финалната цена на струјата овој пат ќе ја слушнеме од ЕВН, ама пресметките претходно мора да добијат „амин“ од Регулаторна.

Инаку, понудата од ЕСМ стигна еден ден пред да стартува дневната евтината тарифа од 13-15 часот. Се поставува прашањето, дали поскапата цена од државните електрани ќе ги „изеде“ придобивките од евтината струја.

Сепак, не сите граѓани ќе можат да перат, готват и да завршуваат останати домашни обврски на евтина струја поради тоа што се уште трае промената на броилата. ЕВН упати и апел граѓаните да ги проверат, ако на броилото од утре од 13-15 часот има ознака Т2, тоа значи дека домаќинството има евтина тарифа.

The post Ни се заканува „струен удар“ по Нова година? appeared first on Република.

Жителите на липковско Слупчане повторно не им дозволиле на екипите на ЕВН да работат на мрежата, соопштија денеска од ЕВН. Оттаму велат дека продолжува отпорот на мештаните од Слупчане кои денеска на екипите на ЕВН не им дозволиле да работат. На терен била присутна и полицијата

ЕВН до медиумите ги испрати и барањата на жителите на ова село во кое тие бараат да им се простат досегашни долгови кои, како што наведуваат од компанијата изнесуваат по неколку илјади евра, да добијат бесплатни нови приклучоци, без разлика колку ќе потрошат во иднина да не им се фактурира повеќе од 3.000 денари, верските објекти да бидат ослободени од плаќање и слични други барања, кои додаваат од ЕВН, се спротивни на законските регулативи.

Пред околу три недели мештаните ветија дека ќе им дозволат на екипите на ЕВН да работат. На средба со нив беа министерот за економија, Крешник Бектеши и градоначалникот на Липково, Еркан Арифи. Загубите во Слупчане се 80 проценти а наплатата е 20 отсто, велат од ЕВН.

The post Од Слупчане бараат да им се простат долговите и да не добиваат сметка над 3.000, без разлика колку струја ќе потрошат appeared first on Република.

Задоцнетата испорака на фактурите по разни основи на граѓаните кои избирале да ги добиваат во хартиена форма ги чини дополнителен износ на сметките поради плаќање камата, како и трошење време за административни процедури за „поправање“ на состојбата. Решение за тој хроничен проблем според компаниите и регулаторите е зголемена информираност на граѓаните за опциите што им се на раслогање и користење онлајн услуги.

За испораката на фактурите преку поштенско сандаче секоја компанија има посебен пристап, преку сопствени инкасанти или преку националната Пошта, како носител на универзалната услуга со монополска позиција во испораката на тој тип услуги.
Од телекомуникацискиот оператор А1 Македонија велат дека редовно ги пријавуваат поплаките за доставата на фактурите.

Поплаките т.е. приговорите за проблемите поврзани со достава на фактурите во печатена форма се пријавуваат редовно до давателот на услуги за достава – Пошта на Македонија електронски по договорен канал, велат за МИА од А1 Македонија.

Опциите за достава на месечните фактури за комуникациски услуги до корисниците на А1 Македонија се во хартиена форма или електронски. Доставата на фактурите до корисниците не се наплаќа т.е. е бесплатна. Електронските фактури се достапни до крајните корисници по електронска пошта или со бесплатно преземање преку активен линк, кој им се испраќа по пат на СМС.
Од ЕВН Македонија посочуваат дека долги години промовираат многубројни онлајн услуги наменети за корисниците, од што дел е и електронската достава на фактурите.

На страницата evnonline.mk на многу брз и едноставен начин корисниците може да се регистрираат за добивање на фактурите за електрична енергија по електронски пат или да креираат кориснички профил „Мој ЕВН Хоме“ и во секое време да бидат во можност да преземат фактури. Со овие услуги фактурите ќе ги добиваат навремено и ќе го избегнуваат моментот на нивното недобивање, велат од ЕВН Македонија за МИА.
За добивање фактура корисниците може да се обратат и во корисничките центри, Контакт центарот на ЕВН Македонија и во Инфо центарот на ЕВН во ГТЦ во Скопје. Компанијата располага со повеќе решенија за плаќање кои корисниците може да ги користат: онлајн плаќање без провизија преку веб страната evnonline.mk, безготовинско плаќање без провизија, преку терминалите на ЕВН поставени во Корисничките енерго центри и Инфо центарот на ЕВН во ГТЦ, електронско плаќање без провизија, користење на траен налог и плаќање во пошта и банки.

Од ЈП „Водовод и канализација“, пак, доставата на фактурите ја вршат преку свои инкасанти и тврдат дека има минорни поплаки. За секоја поплака или рекламација на корисник, усно на шалтерите, телефонски или во електронска форма, според прес-службата на претпријатието, веднаш се реагира и доколку има потреба се доставуваат копии од фактурите. Каматата поради ненавремено подмирување на фактурите се пресметува согласно законските нормативи.

Секој корисник на нашите услуги доколку не добие навремено фактура има обврска да го извести ЈП „Водовод и канализација“ Скопје. Ние како компанија која е сервис на граѓаните веднаш интервенираме. Сакаме да напоменеме дека минорни се поплаките за нередовна достава на фактурите, а како компанија овозможуваме и електронска достава на фактурите, со што е овозможено и брзо и лесно подмирување на фактурите без пресметка на провизија. Овој начин на достава на фактурите веќе го користат над 50.000 корисници на нашите услуги, посочуваат од ЈП Водовод и канализација за МИА.

Оттаму апелираат до граѓаните доколку имаат проблем со достава на фактурите да се обратат до нивните служби на телефонскиот број или електронската пошта и потенцираат дека остануават отворени за соработка и решавање на сите состојби кои се во нивна надлежност.

Откако ЕСМ Снабдување со топлина ја доби лиценцата за снабдување со топлинска енергија на подрачјето на градот Скопје и започна со издавање фактури за своите потрошувачи, склучи договор со АД Пошта на Македонија за соработка и достава на поштенски пратки и испорака на фактури за топлинска енергија до потрошувачите кои тоа го навеле при потпишување на договорот за снабдување.

Во изминатиот период нема реакции за задоцнета испорака на фактурите за парно греење испратени преку АД Пошта до потрошувачите, изјавија од ЕСМ.

Фактурите за топлинска енергија се доставуваат до потрошувачите во еден примерок, на еден од следните начини: по електронска пошта, со услугата „е-фактура“ по претходна согласност од потрошувачите кои ја активирале услугата „е-фактура“ со достава на “формулар е-фактура” по електронска пошта contact@esm-snabduvanje.mk или во Пункт за потрошувачи на ЕСМ Снабдување со топлина, како и во поштенско сандаче во печатена форма.

Од Пошта  не одговорија на прашањата што ги упативме во однос на поплаките од граѓаните за ненавремена испорака на фактури, како и бројот на поднесени рекламации по тој основ. Тие од 1 февруари применуваат нови цени за осум поштенски услуги во внатрешниот поштенски сообраќај во опфатот на универзалната услуга каде имаат монополска позиција. Зголемување на цените има за стандардизирано и за нестандардизирано писмо до 50 грама за што наместо 25 денари се плаќа 36 денари, за стандардизирана картичка до 50 грама – 16 денари, за нестандардизирано писмо oд 50 до 100 грама – 48 денари, а за нестандардизирано писмо од 100 до 250 грама – 60 денари.

Поплаките на кои алармираат граѓаните не се пресликуваат во официјалната статистика со поднесени барања кај регулаторните тела на пазарите за електронски комуникации и за поштенски услуги, кои имаат имаат утврдени правила за постапување во случај на ненавремена испорака.

Во Агенцијата за пошти изминатата година корисниците на поштенски услуги поднеле 29 претставки и два управни приговора, што во споредба со 2021 година бележи намалување, кога во Агенцијата биле поднесени 49 претставки и 2 приговора.  Овој податок, според нив,  укажува дека сепак корисниците за одредени прашања и проблеми поврзани со доставата на пратките, успеваат да добијат одговор и да најдат заедничко решение со давателите на поштенските услуги во прва инстанца.

Во првото полугодие од 2022 година, до давателот на универзалната услуга АД „Пошта на Македонија“ биле поднесени 273 рекламации, наспроти 458 во првото полугодие од 2021 година. Кај давателот на универзалната услуга, 99,63 проценти од рекламациите се однесувале за изгубени препорачани писма. Од АП ги поттикнуваат корисниците на поштенски услуги доколку имаат основани забелешки за услугата која ја користеле, да го искористат своето законско право, и да поднесат писмена рекламација до давателот кој ја обезбедувал поштенската услуга.

Во статистиката која ја води Агенцијата за електронски комуникаци во делот барање за решавање на спор, досега не е забележен случај на приговори од корисници, каде основ за приговор е ненавремена или воопшто недоставена фактура. Во случај кога до АЕК би пристигнало такво барање Агенцијата има обврска да ги утврдува сите факти и околности и решава во рамки на Законот за електронски комуникации (ЗЕК) и Правилникот за видот и содржината на податоците и информациите за општите услови во однос на пристапот и користењето на јавните комуникациски услуги кои ги објавуваат операторите и за видот и содржината на податоците што ке ги објавува АЕК.

Во Правилникот е утврдена формата и начинот на информирање и комуникација со претплатниците, како и дека „доставувањето на писменото може да се врши и во електронска форма, доколку операторот има потврдена еmail адреса од претплатникот преку која ќе се врши доставата”. Дополнително во член 17 од Правилник со кој е уредена фактурата и начинот на плаќање, е утврдено дека: операторот треба на своите претплатници, да им издава фактура во пишана форма и оти доставата е согласно Законот за данокот на додадена вредност.

Непримањето на фактурата или непоседувањето од која и да било причина не го ослободува претплатникот од обврската да го плати износот што го должи во предвидениот рок, односно претплатникот треба сам да ја побара фактурата, доколку не ја примил на време. Во случај на ненавремено плаќање, операторот има право да пресметува законска казнена камата од денот кога претплатникот задоцнил со плаќањето, објаснуваат од АЕК.

The post Сметките доцнат, граѓаните плаќаат камати и трошат време на административни процедури appeared first on Република.

Пратеничката група на ВМРО – ДПМНЕ и коалицијата за „Обнова на Македонија“ поднесе повеќе закони во текот на оваа недела кои се во интерес на граѓаните.

Со првиот закон бараме Владата да се откаже од идејата сметките за струја да се покачат за 5% од Нова година, односно за речиси 13% од 1 јули 2023та година. ДДВ за електричната енергија за домаќинства да продолжи да биде 5% во текот на целата идна година, а власта нека намали со купувањето струја од сомнителни фирми, нека се справи со криминалот и корупцијата која извира од АД ЕСМ и ќе може граѓаните и во иднина да плаќаат иста цена на струја која и онака е висока. Домаќинствата секој месец преку сметките за струја го плаќаат криминалот, корупцијата и неспособноста на Димитар Ковачевски, Крешник Бектеши и Васко Ковачевски.

Вториот закон се однесува на мерката Викенд без ДДВ. Предвидуваме секој викенд додека трае кризната состојба, а тоа е 30-ти април 2023та година, за купените прехранбени производи граѓаните да добијат целосен поврат на платениот ДДВ. Државата прибира огромни средства по основ на зголемени цени, ред е да им помогне на граѓаните. Не бараме премногу, само данокот за храната да го вратат кај граѓаните. Само шака луѓе од Влада ќе купуваат ајкули, делфини и китови, сите останати ќе купуваме леб, зејтин, млечни и сувомеснати производи итн.

Со третиот закон бараме износот на субвенција за студентскиот оброк да се зголеми од 120 на 160 денари. Инфлацијата кај храната е 30% и повеќе од неопходно е да се зголеми овој износ. Загрижувачка е веста дека само оваа академска година 800 студенти од Македонија се запишале на Универзитетот во Љубљана. Неквалитетното високо образование и катастрофалниот студентски стандард се причините за ваквите одлуки на студентите. Човек да помисли дека власта намерно го уништува високото образование за младите да се мотивирани да се иселуваат.

Ја повикуваме власта и мнозинството да ги прифатат овие предлог закони без дополнителни игри и одлагања.

Крајно време е граѓаните да бидат приоритет на власта, наместо криминалот, корупцијата и расипништвото.

The post Oд Нова година, нов ценовен шок, повисоки сметки за струја за пет отсто, Владата да се откаже од оваа намера appeared first on Република.

Претседателот на АДКОМ, здружение на јавните комунални претпријатија, Пеце Милевски во вечерашната емисијата „24 Отворено“ рече дека проблемот со стујата создал проблеми и цените кои сега се плаќаат се енормни.

Ситуацијата во јавните претпријатија не е добра и се соочуваме со исклуваме од систем. Исклучувањето на струја значи спречуваме во директната работа. Тоа е сериозен проблем. Водовод од Кочани веќе е исклучено, а тоа му се заканува и на Куманово. Алармиравме и бараме начин за излез од ситуацијата и алармиравме во летните месеци. Разговаравме и со Регулаторна и со сите пратенички групи. Основното барање е да добиеме поефтина струја, вели Милевски.

The post „Водовод“ од Кочани веќе е исклучен поради високите сметки за струја, тоа му се заканува и на кумановци appeared first on Република.

„600.000 домаќинства и 70.000 компании кои се на регулираниот пазар во државава се снабдуваат со субвенционирана струја. Ако Владата не субвенционира 80 проценти од цената на струјата, сметките на граѓаните би биле петпати повисоки“, вели премиерот Димитар Ковачевски.

Тој додава дека Владата води „интензивни преговори со земјите од соседството и други држави за да се обезбеди електрична енергија по поволна цена за стопанството, големите потрошувачи“, додека, во исто време, со полн капацитет работат нашите електрани.

Направивме состаноци со сите соседни држави со цел да се овозможи непречен проток на енергенси. Со Република Грција за непречено снабдување со јаглен и со мазут, бидејќи мазутот доаѓа од Грција во Македонија. Со Република Албанија за непречен проток на јаглен исто така, бидејќи и таму има наоѓалишта на квалитетен јаглен. Сега ќе отпочне со работа вадењето руда од рудникот Живојно. Ги активиравме капацитетите коишто порано не беа користени за електрична енергија – Осломеј, ТЕЦ Неготино. На барање на Стопанската комора и други стопански комори, веќе разговаравме со Република Бугарија да нема прекинување на меѓународните конекции за електрична енергија во текот на зимата. Во изминативе десет години трипати се има случено тоа, при недостаток на електрична енергија да има прекин на меѓународниот транзит на електрична енергија. Исто така, разговараме и со Република Србија, со Република Бугарија, со Република Турција за обезбедување на електрична енергија по цени кои ќе бидат соодветни на нашето стопанство, рече премиерот Ковачевски во интервју за НРТВ.

Претседателот на Владата додаде дека во моментов се одвиваат состаноци, во кои е вклучен и претседателот на Стопанската комора, за изнаоѓање решенија за компаниите да се обезбеди електрична енергија по пониска цена од онаа на светските берзи.

The post Ковачевски: Да не се државните субвенции, граѓаните би плаќале петпати поголеми сметки за струја appeared first on Република.

Можат ли граѓаните да плаќаат повисока цена за мрежарина, а помалку само за струја? Овие дилеми се отворија кај населението, откако ЕВН почна да доставува детални сметки. Енергетските експерти за „Алфа“ тврдат дека во никој случај трошокот за пренос не може да биде поголем од оној за основниот продукт – струјата. Сметаат дека ваквиот начин на презентација на сметките ги збунува граѓаните и отвора простор за кражби од страна на енергетските компании и тоа токму од оние кои уредно плаќаат. Овие пари биле чист профит за овие фирми.

https://republika.mk/vesti/makedonija/zitel-na-kochani-ja-objavi-smetkata-71-000-denari-za-struja-a-5-000-evra-za-prenos-i-distribucija/

Претседателот на Регулторната комисија вчера објасни дека не се работи за нова давачка во сметките за електрична енергија. Кога ќе се соберел трошокот за струјата како основен продукт и трошокот за мрежарина се добивала вкупната сума за струја, која од први јули е поскапена за 7,4% во просек. Сепак, призна дека мрежарината е поскапена. За пренос и дистрибуција сега се плаќало повеќе бидејќи требало да се покријат загубите на струја по нови повисоки берзански цени.

Ако се гледа структурата на сумата која просечен граѓанин треба да ја плати за струја, може да се види дека на сметка од 3.150 денари, најголем дел или 48,6% отпаѓа на трошок за пренос и дистрибуција, 41% само за потрошената струја, 5% ДДВ и 5,8% за комунална такса за јавно осветлување.

Инаку Македонија е меѓу земјите во кои учеството на мрежарината во вкупната цена на струјата е најголемо. Во Србија овој трошок за дистрибуција е сличен, 46%, додека само 26% отпаѓа на потрошената струја. Во рамки на Европската унија трошокот за дистрибуција е најголем во Унгарија – 45% во крајната цена за домаќинствата. Најмал е во Италија, под 20%. Таму самата струја има најголем удел во вкупната сума или 81%.

The post Трошокот за пренос не смее да биде поголем од оној за струја, велат експертите по скандалозните сметки на ЕВН appeared first on Република.

Шведската Влада денеска објави дека ќе усвои закон со кој ќе го принуди операторот на јавната мрежа за пренос на електрична енергија во земјата да помогне во ублажувањето на очекуваните високи сметки за електрична енергија оваа зима за шведските домаќинства и бизниси.

Премиерката Магдалена Андерсон, чија малцинска социјалдемократска Влада се соочува со парламентарни избори следниот месец, изјави дека предлогот ќе чини најмалку 30 милијарди круни (2,9 милијарди долари).

Таа додаде дека јавното претпријатие, задолжено за обезбедување на шведскиот електропреносен систем, ќе добие средства од 60 милијарди круни (5,8 милијарди долари).

Андерсон наведе дека мерката е неопходна со оглед на високите трошоци за енергија поради руската инвазија врз Украина.

The post Шведска со закон ќе им помага на граѓаните околу високите зимски сметки за струја appeared first on Република.

Цената на струјата во Грција скокна дури пет пати и сега ја надминува просечната плата, за што сведочи Србинката Ана Николиќ, која со години живее во таа земја.

Неделава потрошувачите почнаа да добиваат двомесечни сметки за струја и 1.000 евра за еден стан или куќа, што е пет пати повеќе отколку за истата потрошувачка што ја платиле лани. Луѓето се принудени да го исклучат парното иако е ладно. Едноставно не можат да платат толку сметки - раскажува Ана.

Операторите веќе почнале да ги исклучуваат потрошувачите затоа што не ги платиле навреме сметките .

Никој не размислува за храна,  иако намирниците се уште не поскапеле, Никој не прави залихи, луѓето едноставно немаат пари затоа што треба да плаќаат огромни сметки за струја, гас и комуналии-објаснува Николиќ.

The post Сметките за струја во Грција достигнаа 1.000 евра: Луѓето се исклучуваат од греење иако е студено appeared first on Република.

Сметките за струја на општините се 4 до 5 пати повисоки, а во услови на енергетска криза власта за прв пат ги намали дотациите кон општините и тоа е јасно затоа што беа поразени на изборите, вели претседателот на ВМРО-ДПМНЕ, Христијан Мицкоски, при денешната посета на Општина Ѓорче Петров, одговарајќи на новинарско прашање за системското уништување на општините од страна на централната власт.

Градоначалникот на општина Ѓорче Петров кажа само еден дел, а тоа е дека сметките за струја се многу повисоки од тие досега, односно за 4 до 5 пати повисоки. Енергетската криза е од минатата година кога се подготвуваше буџетот. Сериозна влада, која мисли на народот, знае дека ќе се случува енергетска криза и наместо истата да ја злоупотребуваат за договори во 4 очи во РЕК Битола, а провизиите да завршуваат во се подебели куферчиња кај фамилијата требаше да води сметка како да ги зголеми дотациите во општините до буџетот рече Мицкоски.

Мицкоски појасни дека од 2018 до 2021 година дотациите од централниот буџет до секоја општина растеле секоја година дури и има и една година со 34 милиони, а оваа година се помали и тоа од 316 на 312 милиони евра во услови на енергетска криза, ковид пандемија, економска криза.

Јасно тоа е зошто е така, затоа што народот заедно со ВМРО-ДПМНЕ и коалицијата го порази овој корумпиран и трул режим на СДСМ и ДУИ. Тоа ќе продолжи ние не очекуваме дека Бесими, Груби и Битиќи, Османи, Ахмети и администраторот Ковачевски ќе имаат разбирање за општините и за народот на Македонија, но ќе се бориме и ќе ги победиме, а потоа ќе има одговорност, нагласи Мицкоски.

The post Мицкоски: Општините имаат до 5 пати повисоки сметки за струја, а владата ги намалува дотациите appeared first on Република.

Градоначалничката на Скопје Данела Арсовска во емисијата „24 анализа“ на ТВ24 рече дека на изминатите седници на ЗЕЛС, се детектирани се зголемените сметки на ниво на сите општините, особено на оне каде им се еднострано прекинати договорите со дистрибутерите на електрична енергија.

Со една и две фактури по новиот начин на наплата на општините им се троши целиот буџет и потоа се трошат сретства од проектите кои биле наманети во интерес на граѓаните. Сега се наоѓаме и во здравствена, економска и енергетска криза и беа доставени конкретни мерки во делот на снабдувањето со струја. Едно од барањата беше финанска надомест на разликата во цената која се јавува од пред раскинувањето на договорите до оваа позиција, рече Арсовска.

The post Арсовска: Со една и две фактури за струја на општините им се троши целиот буџет appeared first on Република.

Новите повисоки сметки за струја веќе пристигнаа во сандучињата на граѓаните. Првите реакции на граѓаните се дека сметките се многу повисоки од одлуката на Регулаторната комисија за енергетика на крајот на ланската година кога објави дека електричната енергија ќе поскапи за 9,4 отсто. Граѓанските организации добиле огромен број на поплаки од граѓани кои во јануари добиле за над 50 отсто повисока сметка од онаа во декември. Граѓанските активисти сметаат дека државата мора да најде и други начини со кои ќе им го олесни плаќањето на сметките за струја на граѓаните.

Еден од начините за кои редовно апелираме е да се укинат субвенциите на малите хидроелектрани. Сметаме дека тие се доста штетни и наместо да се даде допринос во зачувување на животната средина, тоа прави контра ефект. Еве, ако владата навистина сака да им помогне на граѓаните овие некои 3-4 проценти во сметките да ги намали односно да ги укине и сметките да се намалат, изјави Маријан Ненов граѓански активист „Но пасеран“.

Од ЕВН Македонија велат дека во Скопскиот регион регистрирана е зголемена потрошувачка на електрична енергија поради догревање во деловите кои се снабдуваат со топлинска енергија. Повисоките сметки главно се поради повеќе потрошени киловат часови, а не од зголемувањето на цената на електричната енергија.

Во најголемиот дел се работи за точно потрошени киловат часови колку што е во сметката, а во некои случаи стануваше збор за проценета вредност поради непрочитано броило или порамнување од претходно непрочитан период. Претпоставената фактура не значи по автоматизам повисока фактура за електрична енергија. Истата може да содржи и пониски претпоставени вредности на потрошувачка од реалната во тој месец, велат од ЕВН Македонија.

Од Министерството за економија соопштија дека до овој викенд пристигнати се 6 500 барања од ранливи категории на домаќинства за финансиска помош од државата за подмирување на сметките за електрична енергија.

Формирани се пет комисии, кои активно ќе работат до крајот на февруари и ќе биде изготвена финалната листа на баратели кои ќе се стекнат со финансиска поддршка од оваа мерка, велат од Министерство за економија.

Надлежните посочија дека зголемувањето на цената на струјата од речиси 10 отсто ќе важи во првите шест месеци од годинава. Доколку е потребна нова корекција ќе ги информираат граѓаните навремено. Се зависи од тоа како ќе се движат цените на светските берзи и каква ќе биде глобалната побарувачка на електричната енергија.

The post Граѓани се жалат дека добиле сметки за струја многу повисоки од 9,4% appeared first on Република.