Зоран Ј. (41) од Смедерево, кој во неделата беше уапсен под сомнение дека го убил Игор Ивановиќ (37), откако претходно се дружеле и биле заедно на прослава, на денешното рочиште во Вишото јавно обвинителство во Смедерево, се бранел со молчење.

Злосторството се случило на 22 јануари во куќата на осомничениот, а во врска со убиството со соопштение се огласи и Вишото јавно обвинителство Смедерево.

Осомничениот се товари дека во раните утрински часови му го одзел животот на познаник, сега починатиот И.И., со повеќе убодни рани во пределот на градниот кош, вратот, стомакот и грбот, по што телото на починатиот го оставил во дворот“, се вели во соопштението на надлежното обвинителство.

Во обвинителството во Смедерево бил сослушан осомничениот Зоран Ј., каде се бранеше со молчење, односно го искористи законското право да не изнесе одбрана во овој дел од истрагата. Надлежното обвинителство му предложи на Вишиот суд во Смедерево на осомничениот да му се одреди 30-дневен притвор за да не влијае врз сведоците и со тоа да ја попречува постапката, за да не стори кривично дело за краток временски период како и поради вознемирувањето на јавноста кое може да го загрози непреченото и правично водење на кривичната постапка.

Обвинителството во понатамошната истрага ќе ги испита сведоците, ќе ги изврши потребните вештачења и ќе ги преземе сите други потребни дејствија за утврдување на целосната фактичка состојба.

The post Се дружеле, биле заедно на слава, па го избодел и го исфрлил во двор appeared first on Република.

Сопственик на стан во Смедерево, Србија, синоќа се разнел со експлозивна направа, тешка неколку килограми, по расправија со станарите околу киријата, пренесуваат српските медиуми за екплозијата што вчеравечер ги вознемири граѓаните. Станува збор за 56-годишен маж, што наводно подолго време се обидувал да го исели четиричленото семејство-кираџии, бидејќи не му плаќале кирија.

Тој од силината на експлозијата загинал, а поголем дел од петтиот спрат, каде што се наоѓал станот е уништен.

Сосетка за „Блиц“ вели дека тој две години бил во конфликт со станарите.

Тој долго ги молеше да го решат проблемот, да му платат колку што имаат. Се обидуваше и да ги избрка, но безуспешно. Долго беа во конфликт, вели таа.

Во станот живеело четиричлено семејство, таткото Александар П.(63), неговиот син Никола П.(27), Миљана П.(24) и малолетното дете кое е внуче на Александар.

Во експлозијата тешко повредени се братот и сестрата. Никола има тешки повреди на окото и најверојатно трајно ќе го изгуби видот на него. Миљана се здобила со повеќе тешки изгореници по телото.

Полицијата и утрово сè уште е на лице место и врши увид.

The post Сопственик на стан се разнел со бомба во Смедерево, оти кираџиите не му плаќале appeared first on Република.

Силна експлозија одекнала во центарот на Смедерево, Србија нешто пред 21 часот, јавува Инстаграм профилот „192_rs“. Како што се наведува, се стравува дека има жртви. Полицијата го блокирала местото на настанот. Според неофицијални информации причина за експлозијата е плински боци

На друштвените мрежи се појавија видеа и слики на кои се гледа расфрлано стакло низ целиот пат, како и голем број вознемирени граѓани кои излегоа на улица. Како што јави РТС, најмалку едно лице го загубило животот, а две се повредени.

Како што можете да видите на видеата, низ целата улица има расфрлано стакло, полициски ленти се закачени околу зграда, каде што се претпоставува дека се случила експлозијата.

 

View this post on Instagram

 

A post shared by 192.RS (@192_rs)

The post Силна експлозија вечерва во Смедерево, се стравува дека има и жртви appeared first on Република.

На завршната вечер на 39-то издание на престижниот Театарскиот фестивал „Денови на Нушиќ“ во Смедерево, Србија, свечено беше прогласен победникот на Фестивалот, претставата „Ана Каренина“ според романот на Толстој, во режија на македонскиот режисер Дејан Пројковски, а во продукција на Новосадско Народно Позориште – Нови Сад.

Преставата на нашиот Пројковски, еден од најнаградуваните и најпродуктивните македонски театарски режисери на Балканот, повторно ги „победи“ своите големи конкуренти – претставите, меѓу другите, на Народно позориште – Суботица, Ателје 212 – Белград, Народно позориште - Белград и Београдско драмско позориште – Белград, а ја оценуваше жири, во состав Исидора Миниќ, Слободан Бода Нинковиќ и Милорад Мики Дамјановиќ (сите драмски уметници).

Во образложението на жирито се вели: „Претставата „Ана Каренина“ е моќно театарско доживување. Режисерот Дејан Пројковски со многу малку текст, користејќи го романот на Толстој речиси како синопсис, успева да раскаже возбудлива приказна за судбината на жената – човекот растргнати меѓу општествените норми и своите чувства. Низ многу модерен израз, сложувајќи слики од животите на јунаците, во драматичната сценографија, а сето ова поддржано од врвната игра на целиот ансамбл, добивме фантастична, возбудлива, несекојдневна, раскошна изведба на големиот класик. Се надеваме дека оваа претстава ќе ја подигне „пречката“ на нашиот театар и ќе стане стандард во поглед на театарската уметност“.

На ова издание на „Денови на Нушиќ“, наградата за животно дело му беше доделена на легендарниот актер на просторите на поранешна Југославија, Богдан Диклиќ.

Наградите на Театарскиот фестивал „Денови на Нушиќ“ овој пат, под мотото  „Приказните наши, приказните насушни“, ја зголемија навистина богатата колекција од 23-те награди кои овој врвен театарски продукт на Пројковски ги доби во последните две години (премиерно е изведен во ноември 2019 година) во Србија и во странство. Имено, „Ана Каренина“ ги понесе наградите на сите релевантни фестивали во Србија во изминатите две години, како што се фестивалот на професионални театри на Војводина, „Тврѓава“ фестивал, на фестивалот „Борини театарски денови“ во Врање, „Театарска пролет„ во Шабац... Актерката Марта Береш, пак, за улогата на Ана Карењина е прогласена и за најдобра актерка во Унгарија.

Со овие сите награди, „Ана Каренина“ е најнаградуваната претстава во историјата на Новосадско народно позориште – Нови Сад, а истовремено го вбројува македонскиот режисер Дејан Пројковски во редот на најзначајните театарски режисери на денешнината, не само во Македонија туку во целиот регион.

Деновиве, нашиот Дејан Пројковски почна со подготовките на проектот „Инферно“ според „Пеколот“ од Данте Алигиери, во Народниот театар „Јордан Хаџи Константинов-Џинот“, долго очекуван, од македонските професионалци и љубителите на театарската уметност, театарски спектакл потпишан на овој македонски врвен режисер.

The post Претставата „Ана Каренина“ во режија на Дејан Пројковски победник на „Денови на Нушиќ“ во Смедерево appeared first on Република.