Кога влеговме во СОЗР не најдовме ни малку поразлично нешто од другите институции. Начекавме хаотична ситуација, девастирани институции и начекавме демотивирани работници во СОЗР. Имаме три ресторани во Владата, Собранието и Клуб на пратеници, тие ресторани немаа основни намирници за непречено да функционираат секојдневно и штетни договори. Начекавме ресторани кои немаат фискални апарати, истакна директорот на Служба за општи и заеднички работи при Влада и член на Централен комитет на ВМРО-ДПМНЕ Ивица Томовски.

Од 01.01.2024 година до 01.07.2024 кога практично СДСМ е на власт направиле промет од 73 илјади денари, толку имаат донесено по фискална сметка на СОЗР и сега за неполни четири месеци од 01.07.2024 до 01.11.2024 имаме промет од 585 илјади денари. Може да замислите што се сè случувало, истакна Томовски.

Томовски посочи дека од вкупно 120 возила во сопственост на СОЗР само 10 биле функционални.

Ние како СОЗР ги опслужуваме сите вип личности со 45 шкоди секои три години се обновуваат на оперативен лизинг и имаме плус уште 120 возила кои се во наша сопственост на СОЗР. Кога го презедовме кормилото на службата функционираа 10, а останатите 110 возила не се грижеле и сервисирале воопшто од тие 110 ги ставивме барем 50% проценти во функција, а за останатите отпочната постапка за продажба според закон, посочи Томовски.

Томовски укажа дека сите службени возила ќе добијат таблици и тогаш нема да има злоупотреба на службените возила. Заради таа намена ќе воведеме и телефонски линии каде ќе може да се пријавува злоупотреба, а ние соодветно да постапуваме после пријавите.

Одлучивме да воведеме специјални таблици во боја, а регистарот паралелно да го работиме во текот на годината. Правилникот го имаме донесено и сега се чека на потпис на министерот за внатрешни работи. Тие специјални таблици бројат околу 6,500 за сите возила на територија на цела Македонија, вели Томовски.

The post Граѓаните ќе може да пријават злоупотреба на службените возила, кои ќе имаат таблици во боја appeared first on Република.

Денес остварив координативна средба со претставници на кабинетот на претседателот на Влада, кабинетот на министерот за добро владеење, министерство за финансии, министерство за внатрешни работии министерството за енергетика и рударство, напиша на Фејсбук директорот на СОЗР, Ивица Томовски.

-Носиме решенија за единствен регистар на возила и истите да добијат соодветни таблици, односно таблици во боја како службените возила лесно би се идентификувале. За тоа е потребна и интервенција во законот која ќе биде направена. Целта е да се направи полесно следење на употребата на службените ресурси и да се зголеми транспарентноста при користењето на заедничките добра, како и воспоставување на механизам за заштита од можна злоупотреба. Нема повеќе злоупотреба на службени возила за приватни цели. Посветено исполнуваме уште едно ветување, истакна Томовски

The post Нема повеќе злоупотреба на службени возила за приватни цели appeared first on Република.

Ние неодамна на една од владините седници поднесовме барање да се формира работна група со претставници од СОЗР, кабинет на претседател на Влада, кабинет на министер за добро владеење, министерство за финансии, министерство за внатрешни работи, за енергетика и рударство и генерален секретар. Практично сакаме да воведеме еден регистар на возила и истите да добијат соодветни таблици, односно таблици во боја што ни е и едно предизборно ветување кон граѓаните кое сега почнуваме да го исполнуваме, рече Ивица Томовски, директор на Службата за општи и заеднички работи во Владата на денешното гостување на телевизија 21.

Томовски информираше дека истото ќе се спроведе преку измени во два закона, Законот за возила и Законот за ствари во државна и во општинска сопственост.

Со тоа сметам дека ќе се исфрли, односно намали целосната злоупотреба на службените возила. Првите информации и детали ќе ги имаме кога ќе се формира работната група. Мислам тоа ќе биде во среда, а првиот состанок во петок и потоа ќе се знае првично во каква боја ќе се таблиците, дали ќе се разликуваат од институција до институција и слично, информираше Томовски.

The post Со обоените регистарски таблици ќе се намали злоупотребата на службените возила, очекува Томовски appeared first on Република.

Борба против злоупотребата на државните ресурси: Крај на лошите практики од минатото за користење на државни возила за приватни цели!, државни патнички моторни возила кои ќе бидат обележани со регистарски таблици во посебна боја за полесно да бидат забележани од граѓаните, објави на социјалната мрежа на Фејсбук директорот на службата за општи и заеднички работи на Влада (СОЗР), Ивица Томовски

Тој додава дека на Владина седница била формирана комисија составена од СОЗР, Кабинет на Претседател на Влада на Р.М, Генералниот секретаријат, Министерството за финансии, Министерството за внатрешни работи, Министерството за енергетика и Кабинет на Министерот за добро владеење, со цел да започне постапка за измена и дополнување на два важни закона за промоција на транспарентноста и владеењето на правото.

-Законот за користење и располагање со стварите во државна и стварите во општинска сопственост и

-Законот за возила

Со овие измени ќе се воспостави регистар на сите државни патнички моторни возила кои ќе бидат обележани со регистарски таблици во посебна боја за полесно да бидат забележани од граѓаните.

На овој начин, веруваме дека ќе биде оневозможено нивното користење за приватни цели, со што дополнително ќе се зајакне транспарентноста и отчетноста на институциите на државата.

Остваруваме уште едно предизборно ветување, пишува Томовски во својата објава.

The post Државните службени автомобили ќе добијат регистарски таблички со посебна боја appeared first on Република.

Владата на Албин Курти за три години потрошил 30 милиони евра на нафтени деривати за „службени возила“, објави денеска приштинскиот портал Фронт онлајн.

Порталот, повикувајќи се на податоците на Министерството за финансии потсетува дека Курти додека беше во опозиција бил против високите трошоци за службените автомобили.

Се наведува дека во 2021 година привремените институции потрошиле 7,62 милиони евра за гориво за автомобили, во 2022 година тие расходи достигнале 11,34 милиони евра, додека во 2023 година изнесувале 10,5 милиони евра. Вкупно, во тригодишниот период (2021-2023) се потрошени околу 30 милиони евра за гориво за автомобили“, пишува Front Online.

The post Курти за три години потрошил 30 милиони евра за службени возила!? appeared first on Република.

Само 25 проценти или 300 институции од вкупно 1 500 ја исполниле законската обврска и доставиле податоци за службените возила кои ги користат до Државната комисија за спречување на корупцијата, вели новата претседателка на Државната комисија за спречување на корупцијата (ДКСК) Татјана Димитровска.

Димитровска, во интервју за МРТВ, посочува дека има слабост на Изборниот законик кој предвидува прекршочна постапка, но не предвидува санкција.

Согласно надлежностите уредени во Изборниот законик, Димитровска појасни дека ДКСК е надлежна да води регистар на службени возила, кои содржи податоци за институцијата која ги користи, бројот и таблицата на возилото.

Новиот состав на ДКСК воспостави соработка со МВР и побара за 1 500 државни институции да достават податоци за службените возила кои ги користат. Бројката која што ја обезбедивме се однесува на 1 500 државни институции, кои располагаат со скоро 12 илјади службени возила. Заклучно со 24 февруари сите институции имаа обврска да ги достават овие податоци, согласно кои ДКСК има право во рок од 15 дена да покрене прекршочна постапка пред надлежен орган за оние институции кои што немаат доставено податоци, изјави Димитровска во интервју за МРТВ.

Димитровска нагласи дека ќе покренат постапка за утврдување на одговорност за ова и ќе побараат одговорност од органите кои вршат избор и именување на овие лица.

Откако се распишани изборите, Димитровска, посочи дека се оформени вкупно 13 предмети поврзани со изборните процеси.

Димитровска, исто така, нагласи дека денеска на колегиуми, оформиле и два предмети кои се однесуваат на постапката за јавната набавка на медицинските возила преку Министерство за здравство и за јавната набавка на хеликоптери преку Министерството за одбрана и по обезбедувањето на фактичката состојба и докази соодветно ќе донесат одлука.

The post Само 25 отсто од институциите доставиле податоци за службените возила кои ги користат appeared first on Република.

Потпретседателот на ВМРО-ДПМНЕ, Александар Николоски при денешната посета на Василево одговарајќи на новинарско прашање во однос на коментар за набавката на 45 возила на службата за општи и заеднички работи истакна дека се работи за масовна пљачка и криминал на владата во заминување но и предупреди да внимаваат сите оние кои потпишуваат и се вплеткани во коруптивните шеми бидејќи ќе сносат одговорност.

Се работи за една масовна од една страна пљачка од друга страна расипништво, мислам дека последно што им треба во моментот на институциите во Македонија се нови возила за луѓе кои што и онака ќе си заминат од власт за два месеци а после тоа ќе користат друг тип на возила кои што се генерално насочени кон казнено поправни установи во државава а не службени возила. Така што се работи за едно расипништво се работи за криминал не се само овие 45 возила кои што ги набавува владата исто така да ја потсетам јавноста дека електрани на Македонија, ЕЛЕМ во услови кога во Македонија струјата е екстремно скапа набави возила во вредност од милион и пол евра така што од една страна да им ги кревате сметките за струја на граѓаните за два пати некаде и до три пати а од друга страна за милион и пол евра да набавувате возила само говори за какви бандити се работи. Сакам да ги предупредам и оние таканаречени економски оператори или фирми кои што ги добиваат овие тендери пет пати да отворат очи пред да ги потпишат и десет пати да отворат очи пред да го дадат процентот кој што им го бараат раководителите од државните институции конкретно во случајот од ЕЛЕМ или од владата затоа што за се имаме сознанија и за се ќе има одговорност и нема да одговараат само носителите на јавни функции туку ќе одговараат и управителите и сопствениците на фирми кои што влегуваат во вакви коруптивни шеми, нагласи Николоски.

https://youtu.be/pywTM9GiXUE?si=kbRS_VIDySZNpoVC

The post Николоски: Оваа расипничка влада на заминување набавува 45 возила вредни 1.500.000 евра appeared first on Република.

Вчеравечер околу 21 часот во Маврови Анови, полициски службеници на СВР Тетово-Одделение за внатрешни работи Гостивар ги лишиле од слобода Д.С.(52) и С.М.(55), двајцата од Куманово.

Тие биле затекнати како од две возила оставени на паркинг на јавно претпријатие во кое работеле, со гумени црева извлекувале, односно одземале гориво од резервоарите.

Кај нив биле пронајдени и одземени 7 пластични канти со гориво и две гумени црева.

Двајцата се задржани во Полициската станица Гостивар за целосно расчистување и документирање на случајот, по што ќе им бидат изготвени соодветни пријави.

The post Вработени краделе гориво од службените возила, фатени се на дело appeared first on Република.

Државната комисија за спречување на корупцијата, јавно ги демантира изнесените наводи на министерот за надворешни работи Бујар Османи на 20 јануари дека возила на МНР не се користеле во партиски цели. ДКСК на 18 јануари објави дека министерот Османи и министерот животна средина и просторно планирање, Насер Нуредини, користат службени возила за партиски цели.

Државната комисија за спречување на корупцијата, своите наводи ги темели на издадениот Конечен Извештај од извршената ревизија на регуларност на искажаните трошоци за службените возила во Министерството за надворешни работи од 01.08 до 31.10.2021 година (во изборен процес), со број 58-13627/22-1 од 29.04.2022 година, доставен до ДКСК на ден 03.05.2022 година, се наведува во нивното соопштение.

ДКСК понатаму посочува:

Во Извршното резиме до Министерот, наведени се состојби кои укажуваат дека:

– Нема определено надлежно лице за водење евиденција на возилата и опремата и нивно сервисирање, регистрирање и осигурување;
– Не се води евиденција кое лице управува со кое службено возило, ниту се прават патни налози со внесување податоци за поминати километри;
– Одредени корисници на службени возила немаат обезбедено и доставени уредни и веродостојни сметководствени документи до сектор за финансиски прашања;
– Не е воспоставен систем за контрола на користењето и потрошувачката на гориво на службените возила.

Ова е во спротивност на тврдењето на Министерот дека нема таков извештај од „некој“ внатрешен ревизор и дека ДКСК погрешно ги интерпретира наводите. Имајќи ги во предвид наводите од Извештајот, Државната комисија ја донесе предметната Одлука број 12-.436/1 23.01.2023, велат од Комисијата.

Наспроти тврдењата на Антикорупциската комисија дека возила на МНР се користеле во партиски цели, шефот на дипломатијата Бујар Османи негира. Од Антикорупциска ставовите ги темелеа на извештај од внатрешната ревизија на Министерството, според кој, било констатирано дека во изборниот период МНР имало 15 свои возила и две позајмени од Агенцијата за разузнавање, но за нив не се водела никаква евиденција и не може ниту да се докаже колку гориво потрошиле. Сепак, верзијата на Османи е спротивна, пренесе АЛСАТ.

Во нашиот случај, во МНР, нема таков извештај како што беше коментирано во јавноста, во којшто некој внатрешен ревизор констатира, напротив, внатрешниот ревизор вели дека во споредба со минатото има ред. Нема таков извештај, веројатно е погрешна интерпретација, вели Османи.

Осамни одговори и на критиката од шефицата на Антикорупциската комисија, Билјана Ивановска, дека тој патувал и држел партиски активности во работно време, во предизборието.

Јас сум, за време на кампања, во работно време бил на партиска прес-конференција. Значи политичар за време на работно време бил на партиска прес-конференција… мојот одговор беше „па и јас имам право на пауза како што има секој граѓанин“. Можеби таа пауза сум ја искористил, рече Османи.

Од Антикорупциска претходно кажаа дека ќе побараат вицепремиерката за добро владеење, Славица Грковска да покрене иницијатива за одговорност за Османи. Засега нема одговор дали ваква иницијатива ќе биде покрената.

The post ДКСК го демантира Османи, постои извештај дека службените возила во МНР се злоупотребуваат appeared first on Република.

Нов скандал ја тресе Агенцијата за национална безбедност, овојпат поврзан со неколку автомобили кои наместо на име на Агенцијата, биле заведени на лични имиња на вработени од секторот за стратешка соработка, дел од кои воопшто не ни имале возачка дозвола, дознава „Слободен печат“.

За случајот се дознало, кога на една од вработените ѝ стигнала опомена дека извршител ќе ѝ наплати за наводна сторена сообраќајка во која што таа „учествувала” со возилото кое што било на нејзино лично име, а не на име на АНБ. Но, вработената ниту вози автомобил, ниту има возачка дозвола, ниту знаела дека сообраќајката е направена.

Единствено, автомобилот бил регистриран на нејзино име, а тој што го возел, кога ја направил сообраќајката во европскиот записник ги дал нејзините податоци, односно податоците од сопственикот на автомобилот.

Повеќе на „Слободен печат“

The post Не вози и нема возачка, а „направила“ сообраќајка: Нов скандал во АНБ, службени возила регистрирани на приватни лица appeared first on Република.

Користење службени возила за приватни цели, одење по одмори, теретани и кафулиња. Дали функционерите ги злоупотребуваат автомобилите кои им се дадени на располагање за работа? До вакви и слични заклучоци дојде Антикорупциската комисија до каде се стасани повеќе претставки од ваков карактер.

https://republika.mk/vesti/makedonija/drzavni-institucii-kupile-150-luksuzni-koli-za-vreme-na-pandemijata/

Претседателката на ДКСК, Билјана Ивановска во интервју за ТВ 24 открива индиции за тешки манипулации со службените возила во Владата, но уште повеќе на директорите на институциите.

Затоа веднаш до Владата испратиле препорака, сите државни возила во земјава, без исклучок, да имаат обоени црвени таблички, така ќе се обесхрабрат функционерите бесрамно да трошат народни ресурси.

Од Владата не ја прифаќаат, но не ја ни одбиваат идејата на антикорупционерите, велат дека став ќе имаат откако за овие препораки ќе се дебатира на седница.

Сите предлози, било да доаѓаат од граѓански организации, поединци или други чинители, Владата ги почитува и зема предвид. Во однос на предлогот за кој прашувате, штом за него се разговара на седница на Владата и се донесат заклучоци, јавноста ќе биде информирана, велат од Владата.

Оваа мерка на антикорупционерите доаѓа откако ДЗР откри дека во време на пандемијата, на големо се набавувале возила по државните институии, без реална потреба. Сто четириесет и две возила вредни 3.600.000 евра биле набавени за време на ковид пандемијата.

Антикорпционерите велат дека е лицемерно во време кога се бара од граѓаните да штедат пари функционерите да се луксузираат со нови возила – а во исто време да ги користат и за приватни цели. На ова мора да се стави крај потенцираат тие.

The post Службените возила да имаат црвени таблички за да се избегне возење по одмори, теретани, кафичи… appeared first on Република.

Власта на СДСМ и ДУИ безмилосно ги троши народните пари во услови кога граѓаните едвај врзуваат крај со крај. Во периодот од 2018-2021 година Владата потрошила пет милиони евра за изнајмување возила по пат на т.н. оперативен лизинг. Владата потрошила 5 милиони евра во време на кризи, кога бара од граѓаните да штедат и да го стегаат ременот, ова денеска преку соопштение до јавноста го истакнаа од ВМРО-ДПМНЕ.

-Во исто време Владата не ги продолжува мерките за спречување на енормното поскапување на горивата и основните производи за граѓаните, со цел да собере што е можно повеќе данок кој потоа ќе го троши на сопствено луксузирање. Паѓа во вода објаснувањето на властите дека нема пари за повисоки плати и смалени акцизи, бидејќи гледаме дека пари има, ама се трошат на луксузни возила, но и на нов мебел, цвеќиња и хотелски услуги. Ова е лицемерието на владата, велат од партијата.

Во нивното соопштение стои и дека за да има владата за нови возила 5 милиони евра, граѓаните плаќаат поскапи горива, поскапа струја и двојно поскапени основни производи.

-Премногу е! Оваа ненародна, распашана и криминогена власт манипулира со граѓаните и ги турка во сиромаштија за да може функционерите да се богатат и да трошат на луксуз.  Ова мора да престане. Затоа граѓаните на 18-ти јуни ќе излезе масовно на голем сенароден протест за промени, стои во партиското соопштение

The post Пет милиони евра за нови возила за министрите, а зголемени цени за граѓаните, премногу е! appeared first on Република.