Вработените во „Печатница Напредок принт“ и „Напредок 1“ кои преку „Просветно дело“ се ангажирани за издавање на дел од учебниците за средно образование за државните институции и кои подолг временски период го печатат „Службен весник“, веќе два месеца немаат добиено плата од работодавачот (управителот), со што се загрозува навременото печатење на учебниците, како и на „Службениот весник“, соопшти Сојузот на синдикатите на Македонија (ССМ).

Според ССМ, со ова, освен што се нанесува штета кон вработените со неисплаќањето на платите, ќе се нанесе штета и на образовниот процес, како и на редовната објава на сите службени акти во Службениот весник.

-Работниците веќе со години немаат навремено здравствено осигурување, а 80 отсто од нив се над 50 години старост и лекувањата ги плаќаат на приватно. Управителот на Печатниците, иако наплаќа државни пари, пари од граѓаните и од даноците, не исплаќа редовно плата ниту пак здравствено осигурување кон вработените, а што во изминатиот период по пријави на ССМ е констатирано брзо и ефикасно и од страна на Државниот инспекторат за труд, наведува ССМ.

Сојузот бара државните институции веднаш да преземат мерки за да не се доведе во прашање печатењето на учебниците и на Службениот весник.

-Работниците се подготвени да ги преземат сите чекори и преку протест и евентуален штрајк да го остварат ова егзистенцијално работничко право на плата и со тоа да си овозможат подостоинствен живот за себе и за своите семејства, а ние, заедно со Синдикатот ССДМ при ССМ ќе застанеме со работниците и ќе им ја дадеме целосната поддршка во борбата за остварување на нивните права од работен однос, велат од ССМ. мч/дма/

The post Вработените во „Печатница“ која треба да ги печати учебниците и „Службен весник“ немаат земено плата appeared first on Република.

Владата на денешната седница ја именуваше Кристина Јоакимовска за в.д. директор на ЈП Службен весник на Република Македонија.

Како што пренесуваат од Владата, на денешната, 129-та владина седница, по точката за кадровски прашања Владата донела одлука да го разреши Владимир Кроневски од должноста директор и да ја именува Кристина Јоакимовска за в.д. директор на ЈП Службен весник.

Кроновски доаѓа од Демократски сојуз на Павле Трајанов, кој одлучи да ја напушти владата.

The post Сменет директорот од ДС, владата постави нов за Службен весник appeared first on Република.

Филип Даскаловски е назначен за нов вршител на должноста директор на ВИП Арена „Борис Трајковски“. Тој доаѓа на местото на Александар Петровски, кој минатата недела најави повлекување од функцијата.

На вчерашната владина седница, поставени се и в.д. директори и на Службен весник – Владимир Кроневски и на Управата за заштита на културното наследство – Аријан Арсланај.

На вчерашната седница, како што велат од Владата, досегашните в. д. директори на Царинската управа, Славица Кутирова, и на Државниот инспекторат за животна средина, Сретен Стојковски, се поставени за директори на институциите.

Ова се први именувања на директорски позиции од новата Влада на премиерот Димитар Ковачевски.

The post Нов в.д. директор на Службен весник е Владимир Кроневски appeared first on Република.

На социјалните медиуми се врти името на Владимир Кроневски како нов директор на „Службен весник“

Нетрпеливо ја очекувам одлуката на Владата да го именува Владимир Кроневски за нов Директор на Службен Весник. Очекувам од ВМРО-ДПМНЕ да отвори корупциски скандал за јавните набавки на Градски паркинг со НЕКСТСЕНС каде +12г браќата Кроневски сами себе си местеле тендери.

❗️Нетрпеливо ја очекувам одлуката на @VladaMK да го именува ВЛАДИМИР КРОНЕВСКИ за нов Дир. на Службен Весник 👉
-
❗️ОЧЕКУВАМ од @VMRO_DPMNE ДА ОТВОРИ КОРУПЦИСКИ СКАНДАЛ за јавните набавки на ГРАДСКИ ПАРКИНГ со НЕКСТСЕНС каде +12г браќата Кроневски сами себе си местеле ТЕНДЕРИ pic.twitter.com/IGYNzzsCW2

— Демир (@Trollowsky) February 1, 2022

The post Очекувам од ВМРО-ДПМНЕ да отвори корупциски скандал за јавните набавки на Градски паркинг со „Некстсенс“ каде 12 години браќата Кроневски сами си местеле тендери appeared first on Република.