Народниот театар ,,Јордан Хаџи Константинов Џинот” вечерва во 20 часот ќе ја одигра претставата „Слуга на двајца господари” во режија на Ненад Витанов. Гостувањето е во рамките на манифестацијата „Гола месечина“, што ја организираат општина Аеродром и Театар Комедија.

Претставата е според Карло Голдони, имаше премиера во февруари 2020 година.

Сценографијата е на Филип Витанов, а костимографијата – на Катерина Чукниева. Улогите ги толкуваат: Благојчо Стојанов, Жарко Спасовски, Симона Димковска, Самоил Стојановски, Славица Манаскова, Зорица П. Панчиќ, Кристијан Саздовски, Фаик Мефаилоски, Талија Настова, Весна Димитровска Бобевски, Кица Ивковска и Јордан Витанов.

„Слуга на двајца господари“ е позната и популарна комедија во историјата на светската драма и театар, напишана во 1746 година како типична комедија дел арте. Дејството е сместено во Венеција, а во основата се актерската импровизација и бурлеската со кои се карикираат личности од сите општествени слоеви.

The post „Слуга на двајца господари“ на „Гола месечина“ во Аеродром appeared first on Република.

По пауза од две и пол години поради корона пандемијата, на сцената не велешкиот театар „Јордан Хаџи Константинов-Џинот“ на 21 април во 20 часот повторно ќе биде изведена популарната комедија „Слуга на двајца господари“ во режија на Ненад Витанов.

Претставата премиера беше узведена на 2 ноември 2019 година. Во претставата настапува речиси целиот театарски ансамбл на велешкиот Народен театар. Како Труфалдино – Благојчо Стојанов, Флориндо – Жарко Спасовски, Беатриче – Симона Димковска, Пандолфо – Самоил Стојановски, Розаура – Славица Манаскова, Ломбарди – Зорица П. Панчиќ, Силвио – Кристијан Саздовски, Тебалдо – Фаик Мефаилоски, Бландона – Сандра Танчева, Софија – Весна Димитровска Бобевски и Џовани – Јордан Витанов.

„Слуга на двајца господари“ е позната и популарна комедија во историјата на светската драма и театар, напишана во 1746 година како типична комедија дел арте. Дејството е сместено во Венеција, а во основата се актерската импровизација и бурлеската со кои се карикираат личности од сите општествени слоеви.

Претставата е комедија, која зборува на современ јазик, за проблемите кои се вечни. Тоа е светот на богатите и сиромашните. Во животот е социјална драма а во театарот е комедија. Главниот јунак се бори да врзе крај со крај, не месец за месец, туку ден за ден. Низ неговата приказна го следиме цело едно општество, што се случува. Претставата е во современ контекст и секој од публиката ќе се пронајде во неа.

Сценографијата е на Филип Витанов, а костимографијата на Катерина Чукниева.

The post „Слуга на двајца господари“ во режија на Ненад Витанов вечерва на сцената на велешкиот театар appeared first on Република.