Во случајот „Топлик штета за првостепениот суд преставува законска затезна камата, се пожали Миле Јанакиески на седницата на Апелација.

Согласно ЗОО законска затезна камата не е штета туку трошок.Има официјален став на ЈО дека законска затезна камата не е штета.Овој доказ е даден во завршен збор но судот не го цени и воопшто не го спомнува. ЈО наведува ,,Плаќањето на законски затезни камати не е кривично дело и истото се врши врз основа на донесени правосилни судски пресуди“. Понатаму порталот наведува дека ставот на јавното обвинителсто е следен ,,Дури и правосудните органи, односно Обвинителствата, ама и судовите, плаќаат затезни камати, па така, тоа не може да се смета за штета’’ Налогот за исплата на законска затезна камата во 2013 не е потпишан од моја страна па се поставува прашањето зошто мене ме гонат за истото-прашува Јанакиески.

The post Јанакиески: Законска затезна камата не е штета туку трошок appeared first on Република.

Обвинетиот Миле Јанакиески на денешната јавна седница за случајот „Топлик“ потсети на пристрасното судење на судијата Осман Шабани.

За пристрасното судење на судијата има повеќе аргументација на пример 1 година пред изрекување на пресудата 8.2.2021 година судијата во нервоза истакнува ,,Ќе видите во образложение на пресудата за што сте виновни.За ова постои запис и медиумски извештаи-потсети Јанакиески.

The post Јанакиески: Судијата во „Топлик“ ни се закани со зборовите: ,,Ќе видите во образложение на пресудата за што сте виновни“ appeared first on Република.

Миле Јанакиески на денешната јавна седница на Апелација за случајот „Топлик“ наведе дека постојат 18 причини зошто овој предмет треба да се укине.

Тој пред судот објасни дека е осуден сум врз доказ кој не постои не е доставен од страна на обвинителството ниту пак е изведен како доказ на главна расправа.

Обвинителството претпоставува, судот продолжува да претпоставува врз основа на непостоечки доказ, при што во пресудата за да биде уште поапсурдна ситуацијата судот дури и извлекува заклучоци од непостоечки доказ.

Тој објаснува дека на страна 189 од Пресудата Судот наведува ,, видно од архивската книга од реден број 3931 до реден број 3939 е дека под реден број 3935 во архивската книга било евидентирано решение за формирање на комисија за спроведување на постапка за јавно надавање.

Не е наведено кое Решение ниту датум, а особено не е наведена содржината на самото Решение. Па отука нелогично и спротивно на член 399 од ЗКП е Судот во образложението на пресудата да се повикува на ДОКАЗ кој не е изведен во текот на главната расправа, да ја измисува, претпоставува неговата содржина, а бидејќи не ја знае содржината неможе ни да утврди правно релевантен факт, а сето тоа со цел да и удоволи на едната страна.

Јанакиески во својата одбрана напоменува дека судот се повикува на доказ од 4.4.2007 година и го насловува како „извештај од јавно наддавање“ но таков доказ ниту постои ниту може да постои бидејќи самото јавното наддавање е одржано на 15.5.2007 година.

Како може да постои извештај за нешто 1 месец пред истото да се случи-прашува поранешниот министер.

Јанакиески напоменува дека судот не го почитува ниту Решението на Антикорупциската комисија дека кај вештото лице на обвинителството Борис Тунџев има конфликт на интереси.

The post Случај „Топлик“: Судот не го почитува решението на Антикорупциската дека кај вештакот Тунџев има конфликт на интереси appeared first on Република.

Миле Јанакиески на јавната седница во Апелација направи споредба со случаите „ТНТ“ и “Топлик“. Тој посочи дека има премногу случности во овие пресуди кои како да се пишувани од ист човек.

Замислете дека оваа пресуда ја пишувал истиот човек кој ја пишувал и пресудата за „Топлик“, зошто три пасуси кои во целост се превземени од пресудата за топлик и тоа за изреченаговото економско вештачење прикажува дека е вграден бетон до фазата до која беше изграден космос за повеќе пати него што било потребно за изградба на целиот објект. Но, замислете доказите врз база на кое е правено вештачењето биле дадени на рака од Фијат Цановски па тие докази иако одбраната ги бараше во целост не беа доставени ниту до судот ниту до обвинителството а ниту вие ги имате-објасни Јанакиески пред Судот.

The post Пресудите за „ТНТ“ и за „Топлик“ како да ги пишувал ист човек appeared first on Република.

Затезна камата никогаш не може да биде штета на буџетот, согласни се тројца oд кандидатите за прв човек во Јавното обвинителство. Во дебатна емисија на  А1.он со Вилма Рускоска, Деса Пауновска и Ермон Есени, меѓу другото одговараат и на прашања за случајот „Топлик“.

Во случајот „Топлик“, кој од Обвинителството за организиран криминал го наследи од СЈО, за изградба на комплексот „Сончев град“, четири обвинети беа осудени токму за затезна камата која од Буџетот била исплатена на фирмата „Сан сити“ како камата за раскинат договор.

Затезна камата никогаш не може да биде штета на буџетот и тоа потврдуваат и пресуди од Врховниот суд. Ако нема штета, може да има предмет само ако има елементи на некое друго кривично дело, но не на злоупотреба на став 5, децидна е обвинителката Деса Пауновска.

Се оди да се утврди реалната штета, после ако бараат камата или затезна камата тоа е веќе предмет на Државното правобранителство да си ги застапува интересите на државата. Затезна камата не може да биде нанесување на штета на буџетот, одговара и Рускоска.

Димитар Димовски, Марица Тасева, Димитар Гаќев и Весна Томчевска се осудени токму обратно.

Ексминистерот за транспорт и врски Миле Јанакиески е осуден на 3 години и 6 месеци за случајот „Топлик“, каде што од Обвинителството беше гонет за злоупотреба на службената положба и овластување.

Димитар Димовски, Марица Тасева, Димитар Гаќев и Весна Томчевска, сите членови на Комисијата која спроведувала јавно наддавање за „Сончев град“, се осудени на условни казни од две години затвор доколку во следните пет сторат друго кривично дело.

Покрај ова, осудените треба да ја платат и штетата од околу еден милион евра, пари што државата ги исплатила на фирмата „Сан Сити“, како камата за раскинатиот договор за изградба на комплексот „Сончев град“.

Обвинението го застапуваше обвинителот Бурим Рустеми, кој беше задоволен од казните освен од казната на Димовски, за која најавуваше дека ќе ја обжали.

The post Пауновска и Рускоска едногласни: Затезната камата не е на штета на буџетот; Димовски осуден токму за тоа appeared first on Република.

Миле Јанакиески вчера доби три и пол години за случајот „Топлик“ и тоа не е никако изненадување за оние кои го следат овој случај од самиот почеток.

Од однесувањето на судечкиот совет, и особено на обвинителот Бурим Рустеми, се знаеше дека Јанакиески е однапред осуден.

Во овој случај судот го прифати вештачењето на вештакот Борис Тунџев, иако за негово изземање постоење неколку можности.

Прво, тој беше актуелен директор на Агенцијата за катастар на недвижности и со самото тоа не смее да биде вештак во овој случај што беше потврдено и од Антикорупциската комисија.

Второ, неговата лиценца како вештак во тој момент била истечена и тој во никој случај не смеел да биде ангажиран.

Трето, тој бил финансиер на СДСМ, а неговата ќерка Катерина беше на листа за советник во Општина Карпош.

[caption id="attachment_397919" align="aligncenter" width="456"] Фото А1.он[/caption]

Но, сето ова не беше важно за Судот и Обвинителството и неговото вештачење беше прифатено.

Друга нелогичност е што ова е прва пресуда во Македонија за исплатена законска затезна камата. „Во Топлик“, иако никој не пријави штета, судот донесе пресуда и ги осуди обвинетите.

The post Никој не пријави штета: „Топлик“ прва пресуда за исплатена законска затезна камата appeared first on Република.

Јавниот обвинител Бурим Рустеми, во својство на застапник на обвинението за случајот „Топлик”, жалба, како што најави, најверојатно ќе поднесе за пресудата против лицето Димитар Димовски, кој од Кривичниот суд – Скопје, денеска беше осуден на условна казна од две години затвор ако во следните пет години не стори ново кривично дело.

Генерално сум задоволен од казната на обвинетите, освен што сметам дека најверојатно можам да се жалам за еден од обвинетите за кој не сум задоволен од изречената казна – тоа е лицето Димитар Димовски, затоа што видно од изведените докази сметам дека тој имал значајна одговорност во кривично-правниот настан. Тоа произлегува од дел на исказите на сведоците кои наведуваат дека од негова страна и од страна на првообвинетиот доживеале притисок во нивната работа, рече обвинителот Рустеми.

Адвокатот на третообвинетиот Димовски, (заменик претседател на Комисијата за јавно надавање во Министерството за транспорт и врски), Панчо Тошковски најави дека ќе поднесе жалба на денешната пресуда, наведувајќи дека, како што рече, македонското судство денес го допре дното.

Денеска се потврди како секој еден човек во Република Македонија за кое било дејствие што ќе го преземе во својот живот доколку има соодветни инструкции во рамки на одредени дејствија на крајот на денот може да се најде на осудителна клупа и да биде осуден без разлика дали е виновен или не за она што го направил, без разлика дали има штета или нема штета, без разлика дали во кривичната постапка дојде оштетен и кажа дека јас сум оштетен во оваа постапка, без разлика дали јавниот обвинител има законско овластување да ја води постапката или нема, изјави адвокат Тошковски.

The post Рустеми задоволен од пресудата за „Топлик”, одбраната смета дека судството го допрело дното appeared first on Република.

Поранешниот министер за транспорт и врски Миле Јанакиески, како првообвинет во случајот „Топлик”, денеска од Основниот кривичен суд Скопје е прогласен за виновен и осуден на три години и шест месеци затвор.

Судечкиот совет предводен од судијата Осман Шабани на претседателот на Комисијата за јавно наддавање, обвинетиот Томе Ѓурчилов му изрече затворска казна во траење од три години затвор, додека останатите обвинети членови на Комисијата, Димитар Димовски, Марица Тасева, Димитар Гаќев и Весна Томчевска добија условни казни затвор од две години кои нема да се извршат доколку во рок од пет години не сторат ново кривично дело.

Застапник на обвинението во случајот „Топлик“, кој се однесува на продажба на градежно земјиште за изградба на населбата „Сончев Град“ во Општина Сопиште, е обвинителот Бурим Рустеми.

Првото рочиште за случајот „Топлик” се одржа на 30 јануари 2018 година. Според обвинителниот акт првообвинетите Миле Јанакиески, како службено лице – министер за транспорт и врски, и обвинетите Томе Ѓурчилов, Димитар Димовски Марица Тасева, Димитар Гаќев и Весна Томчевска како службени лица – членови на Комисијата за јавни наддавањa при Министерството како соизвршители со искористување на својата службена положба, свесни дека поради нивното сторување може да настапат штетни последици, се согласиле со нејзиното настапување, нанеле штета на средствата од буџетот на Република Македонија во износ од 64.206.839 денари.

The post Миле Јанакиески осуден на три и пол години затвор во случајот ,,Топлик” appeared first on Република.

Еден од основите во обвинението кое ми се става на товар е Решението за формирање на комисија од 3.4.2007 година. Фактичката состојба е таква да до овој судот не е доставен ниту пак во оваа судска постапка е изведен доказ дека сум формирал комисија. Решение за формирање на комисија од 3.4.2007 година нема како доказ во оваа постапка, објаснува Миле Јанакиески во завршините зборови во случајот „Топлик“.

Апсурдно е тврдењето дека сум ја искористил мојата службена положба бидејќи сум формирал комисија.

Како може да сум искористил положбата кога согласно Законот за Влада и законот за градежно земјиште и Уредбата само Министер и никој друг може да формира комисија. Како е можно преку почитување на законски норми да злоупотребиш службена положба. Злоупотреба ќе сум направел единствено со умисла само ако јас не постапувам согласно моите законски надлежности а тоа е да не донесувам Решенија за формирање на комисии кои спроведуваат јавни надавања. Каде е мојата вина тука и како сум ја искористил мојата службена положба. Постапување согласно закон не е злоупотреба, како и постапување по судска одлука за што ќе зборувам понатаму во мојот завршен збор. Дали ќе беше кривично дело ако службите ми доставиле Решение за формирање
на комисија а јас истото не сум го потпишал и со месеци не функционира тој дел од надлежностите на МТВ?

Според него, ваквото апсурдно тврдење во ОА доведува до наредното дека ,,јас сум побарал од Комисијата да ја реализира објавата и јавното надавање за продажба на градежното земјиште и покрај наведените недостатоци.

https://republika.mk/vesti/makedonija/janakieski-vo-predmetot-titanik-prifativ-odgovornost-no-vo-toplik-kje-ja-dokazam-svojata-nevinost/

Фактичката состојба утврдена и докажана во судската постапка преку изведување на доказите е дека таа комисија не е наменска како што се тврди во обвинителниот акт за да ја објави конкретната градежна парцела бидејќи истата таа Комисија спроведувала десетици јавни наддавања.Не е доставен ниту пак пред овој суд е изведен доказ дека јас нешто сум побарал или дека сум знаел, тргнувајќи од изведените докази пред овој суд дека записникот од првата комисија не ми е доставен лично до мене, како и изведените вербални докази пред овој суд дека јас од никого ништо не сум побарал ниту пак сум имал посреден или непосреден контакт со комисијата за што од страна на моите адвокати во нивните завршни зборови исцрпно беше потенцирано. А уште еднаш ќе истакнам дека сите членови на комисијата едногласно кажаа дека немале апсолутно никаков контакт со мене.
Апсурд е дека сум побарал нешто од некого со кого ниту сум имал контакт ниту си го познавал во моментот ниту обвинителството достави доказ за истото!

За Јанакиески апсурдно е и тврдењето дека дал согласност на објавата.

Преку согласноста обвинителството го најдува моето соизвршителство со останатите обвинети. Обвинителството не достави доказ и таков доказ не беше изведен во оваа постапка, Јас а и Вие не видовме дека сум потпишал или дека на било кој начин сум дал согласност за што ме товари обвинителството во обвинителниот акт. Таков доказ нема.
Апсурдот да биде поголем не само што не сум дал согласност на објавата туку и самата објава не ја реализирала Комисијата!
Почитувани, не само што нема согласност туку сите сообвинети кажаа дека во тој период ниту имале контакт со мене ниту дискутирале на темава, а камо ли да сум дал согласност.
Апсурдно е тврдењето дека комисијата не ги обезбедила потребните податоци за јавната објава а дека тоа преставува кривично дело.

Поранешниот министер објаснува дека ниту членовите на комисијата а најмалку тој обезбедувал податоци за било која јавна објава.

За целокупното времетраење на овој судски процес одбраната докажува дека министерството како дел од извршна власт единствено обезбедува а не создава документација потребна за јавна објава на градежно земјиште. Имено, комисија за спроведување на објава и јавно надавање обезбедува податоци и документација преку сектор во министерство кој ги прибира таквите податоци и документација од надлежни државни органи кои се создавачи и иматели на истите и кои единствено се одговорни за веродостојноста и точноста на тие податоци а не комисијата или министерството кое нема ниту обврска ниту надлежност да утврдува веродостојност и точност, туку истите ги зема како веродостојни и точни бидејќи се издадени од државни одргани надлежни и одговорни за издавање на такви податоци и документи согласно закон во конктретниов случај Законот кој го регулира работењето на Агенцијата за катастар на недвижности.
И ние како одбрана сме доведени во апсурдна состојба тоа да го докажуваме кога се е уредено во закон!
Тврдењата во ОА не се покрепена со ниту еден доказ, а притоа не осврнувајчи се на законските и подзаконските акти во државата кој за што е надлежен и одговорен.
Верувам во стручноста и следењето на законите од страна на судечкиот совет и разбирањето на целата апсурдност на водењето на овој судски процес.

Тој смета дека е aпсурд за исплатената затезна камата од страна на МТВ да се товари тој и членовите на комисијата со тврдења дека поради нивни грешки склучена е спогодбата а врз база на истата исплатена е законска затезна камата.

https://republika.mk/vesti/makedonija/janakieski-vo-predmetot-titanik-prifativ-odgovornost-no-vo-toplik-kje-ja-dokazam-svojata-nevinost/

Предмет на тужбите и на спогодбата по која е исплатена законска затезна камата не е работатата на Комисијата туку на АКН и Општина Сопиште, а кривично се гонам јас и комисијата. Ниту членовите на комисијата а ниту јас како причина не сме спомнати ниту пак нашето работење во тужбите ниту во самата спогодба. Многу јасно и децидно е наведено што било причина за тужбите и аналогно на тоа и Спогодбата! Воедно се поставува легитимно прашањето пред овој судски совет дали од сите доставени и изведени докази во оваа постапка, објавата на јавниот повик, договорот итн воопшто имаат допирни точки со ,, последиците ,, за кои во обвинителниот акт се тврди дека од нив произлегува наводната штета како законска затезна камата, или истата произлегува како ,, последица ,, од Судска одлука – Спогодба потпишана од ДП и донесена од страна на Суд за чие донесување единствена причина е донесена Одлука на УС.

Јанакиески прашува како можела комисијата и тој самиот во 2007 година да знаат дека планот за локалитетот Сончев град ќе биде оспорен и укинат на Уставен суд во 2010 година?

Во самите тужби и во самата спогодба никаде ама никаде не е наведен пропуст на работата на самата комисија или министерството. Како може тогаш комисијата и министерот да се одговорни?
Овој дел од обвинителниот акт изготвен е врз основа на конструиран и наменски изготвен вешт наод и мислење од вешто лице кое во моментот на изготвувањето на своето прво мислење не поседува лиценца за вештачење и е актуелен Директор на Агенцијата за катастер на недвижности, во однос на кој јавниот обвинител не требало да довери верба со оглед на конфликтот на интереси на тоа вешто лице, неговата професионалност и од аспект на функцијата која тогаш ја извршувал и ја извршува во моментов.

Тој се осврнува на уште еден апсурд.

Апсрдно е тврдењето во делот на обвинението дека ,,иако сум знаел дека постојат недостатоци поради кои неможело да се објави и јавното надавање и договорот неможел да се реализира, сум го склучил Договорот за купопродажба на градежно земјиште,,.
Не е доставен ниту изведен доказ со цел да се потврди ваквото тврдење во ОА, напротив доставен и изведен е доказ - Информација од комисијата каде е наведено дека се е законски во самата постапка, дека се обезбедни сите докази, дека не постојат недостатои и притоа сите членови на комисијата едногласно ми даваат предлог за склучување на договор.

Тој за ова поставува повеќе логични прашања

Што преставува реализација на договор? Со ниту еден доказ не е доказжано како јас тоа сум знаел? Кој ме запознал? Кога и на кој начин ме запознал? Дали воопшто сум бил запознаен?-прашува Јанакиески.

Тој уверува дека ниту комисијата , ниту јас немле надлежност да утврдуваат веродостојност или точност на податоци издадени од надлежни државни органи, секоја институција дава верба на документи кои ги издава а кои се во нејзина надлежност што е и законска обврска согласно ЗОО.

Тоа е исто како и во суд, од катастер добивате податоци и јавни исправи, ја проверувате нивната точност? Не- едноставно поклонувате верба на таа институција. Истото е со сите министерства. Спроведување на договор и реализација на договор се два различни термини. Договор поточно преносот на право на сопственост во катастер на недвижности е спроведен видно од доставените и изведени докази во оваа постапка. Договорот е потпишан од моја страна врз основа на позитивно мислење на ДП како единствен надлежен орган кој ги штити имотно правните интереси на РМ, а спроведен во катастер не е од МТВ туку од нотар, видно од доставените и изведени докази во оваа постапка.
Потврда на целокупната оваа постапка е издадениот имотен лист бр.24 на име на инвеститорот ФХИБЦ ДООЕЛ Сун Циту на ден 3.9.2008 година. Со уписот и издавањето на имотниот лист во конкретниотв случај престануваат обврските на МТВ понатаму целокупната постапка е во рацете на правобранителство.

Jaнакиески прашува со кој доказ доставен и изведен во оваа постапка се докажа дека тој знаел за некакви недостатоци кога извештајот на првата комисија не е доставен до мене потврдено и докажано со сите изведени материјални и вербални докази во оваа постапка.

Тој вели дека апсурдноста оди до таа мера што според ОА тој во 2007 година знаел дека договорот неможе да се реализира и сум го потпишал, бидејќи во 2007 година знаел дека во 2010 година ќе била донесена одлука на УС со која ќе е поништи ДУП-от кој е предмет на реализација на Договорот за купопродажба.

Членовите на комисијата доставиле Инфромација за постапката каде навеле дека е се законски впрочем тоа го кажаа и во нивните искази со предлог за склучување на договор. Стручните служби изготвиле и доставиле текст на договор до мене и јас сум го потпишал. Сум го потпишал зошто по закон за влада и закон за градежно земјиште единствено министер може да потпише договор, а за истиот има позитивно мислење од сите релевантни институции вклучително и правобранителството. Ако не сум го потпишал пак ќе сум добил кривична пријава за непостапување. Миле е крив ако постапи Миле е крив и ако не постапи. Што треба да направи министер ако добие договор за кој има позитивно мислење од сите релевантни институции, вклучително и правопранителство? -прашува поранешниот министер.

The post Јанакиески: Миле е крив ако постапи, Миле е крив и ако не постапи appeared first on Република.

Со излагањето на адвокатите на Миле Јанакиески започнаа завршните зборови во случајот „Топлик“. Сите се едогласни дека во овој случај нема штета по државниот буџет и оти обвинителот Рустеми ја презема улогата на државниот правобранител кој единствено има право да побара штета.

Адвокатот Дончо Наков во своето излагање истакна дека дури и основниот Кривичен суд исплаќа закозна затезна камата а меѓу другото и членови на овој совет имаат добиено.

„Топлик“ е прв случај во Македонија  каде некој се гони за исплата на законска затезна камата по спогодба склучена од државно правобранителство.

Наков истакна дека и судовите  исплаќаат по решенија каде се исплаќа законска затезна камата.

The post „Топлик“ прв случај каде некој се гони за исплата на законска затезна камата по спогодба случена од државно правобранителство appeared first on Република.

Откако обвинителот Бурим Рустеми побара осудителна пресуда за случајот Топлик, излагање имаше адвокатот на одбраната Дончо Наков.

Тој истакна оти е јасно дека во овој случај нема побарување за штета кон државниот буџет.

Денеска на завршните зборови никој не пријави штета ни по висина. Државниот правобранител не побара. Не може обвинител да бара штета. Тој презеде улога на оштетен надвор од овластувањата- објасни Наков.

Адвокатот истакна дека обвинителот Рустеми нема право да биде застапник на ова обвинение само со полномошно што му го дал Државниот обвинител Јовески за предметите преземени од СЈО, туку само врз основа на закон кој не е донесен.

-Рустеми не е обвинител во Обвинителството за организиран криминал туку е обвинител од Куманово. Ова обвинение го застапува незаконски обвинител. Обвинителството знаело дека нема такви овластувања, но се согласило да го застапува ова обвинение - потенцираше Наков.

The post Наков: Обвинителот Рустеми не смее да биде застапник во случајот Топлик appeared first on Република.

Одбраната на Миле Јанакиески е разочарана од денешната одлука да се одбијат сите сведоци и докази со што тие се доведени во нерамноправна положба пред завршните зборови закажани за девети февруари.

Конкретно, во дополнението на доказната постапка како предлог до судот беше дадаено да се определи супервештачење од областа на геодезијата.
На главната расправа веќе беа изведени вештачења од Борис Тунџев и од Роска Пачемска. Одбраната на Јанакиески заради отстранување на противречностите бараше од судот да се направи супервештачење заради правилно утврдување на фактичката состојба.

Адвокатот Еленко Миланов вели дека и покрај тоа што имаат две спротивни вештачења судот не дозволил да се направи едно супервештачење од независни лица.

Тој посочува дека обвинителството посочува дека има материјална штета во овој случај, но материјална штета што е изразена во законска затезна камата која што е предвидена не може да се смета како штета.

Од друга страна економското вештачење кое што е направено но не излезе на виделина е дека со скратувањето на рокот за исплата на таа камата со евентуалното користење на благајнички записи или кредит од страна на државата за овие средства што ги користи во тој период, износот кој државата би требало да го плати за обезбедување на средства во буџетот наместо да ги користи овие средства е повисока од она што е исплатено како законска затезна камата за вака скратениот рок-објасни Миланов.

Во вербалните докази одбранат бараше да бидат обезбедени тројца сведоци, и тоа Сашо Срцев, Владимир Пешевски и Ацо Костадиновски, но и тоа не им беше овозможено од судијата Осман Шабани.

The post Одбраната на Јанакиески бараше супер вештачење и тројца сведоци appeared first on Република.

Очекувано, судијата Осман Шабани ги одби сите докази на одбраната во случајот Топлик. Она што обвинителот Бурим Рустеми го најави, и се оствари.

Со тоа Јанакиески остана без ниту еден доказ пред завршните зборови.

Во образложението судијата Шабани рече дека не може да бидат прифатени дополненијата на доказите на одбраната бидејќи тие веќе се користеле во главната расправа и од нив не произлегуваат нови околности.

https://republika.mk/vesti/makedonija/sudijata-shabani-za-janakieski-shtom-go-sprovele-znachi-sposoben-e-da-go-sledi-sudenjeto/

The post Рустеми побара Шабани спроведе: Одбиени сите докази на Јанакиески appeared first on Република.

Судијата Шабани во овој момент одлучува дали ќе го прифати барањето на обвинителот Бурим Рустеми да се одбијат сите дополненија на доказите од одбраната.

Сметам дека треба да се одбијат сите барања за нови докази кои произлегуваат од одбраната - истакна Рустеми.

Бранителот Дончо Наков го запраша Шабани дали го праша Јанакиески дали е способен да го следи судењето.

На тоа судијата одговори:

Штом го спровеле значи е способен.

The post Судијата Шабани за Јанакиески: Штом го спровеле, значи способен е да го следи судењето appeared first on Република.

Судијата Осман Шабани во овој момент одлучува дали ќе го прифати барањето на обвинителот Бурим Рустеми да се одбијат сите дополненија на доказите од одбраната во случајот „Топлик“.

Сметам дека треба да се одбијат сите барања за нови докази кои произлегуваат од одбраната, истакна Рустеми.

Бранителот Дончо Наков го запраша Шабани дали го праша обвинетиот Миле Јанакиески дали е способен да го следи судењето. На тоа судијата одговори:

Штом го спровеле значи е способен.

The post Судијата Шабани за Јанакиески: Штом го спровеле значи е способен да го следи судењето appeared first on Република.

Куцајќи на една нога, поранешниот министер за транспорт и врси Миле Јанакиески, пристигна во судот.

Наребата тој да биде спроведен со полиција во понеделник во 10 часот за кога е закажано рочиште во случајот „Топлик“ доаѓа директно од судијата во овој случај Осман Шабани на барање на обвинителот Бурим Рустеми, кому многу му се брза што поскоро да има пресуда.

Рустеми самиот има најавено дека овој предмет треба да заврши што поскоро а со судот има договорено  сите докази на одбраната  да бидат одбиени.

https://republika.mk/vesti/makedonija/im-nema-kraj-na-izzivuvanjata-vrz-janakieski-sproveden-so-policija-vo-sud-so-operirana-noga/

Но, Јанакиески има уредна медицинска белешка дека не може да присуствува на рочиштата се до седми февруари бидејќи имаше сериозна повреда на ногата. Пред неколку дена беше и опериран и сега е на домашно закрепнување.

Сепак, за судијата Шабани тоа како да не е важно и тој говорел дека ќе го задржи во судницата само половина час, а потоа бил слободен.

Во судските кругови веќе се коментира дека намерата е набрзина да се дојде до завршите зборови со тоа што ќе бидат отфрлени сите докази и сведоци на одбраната, а веднаш потоа да има пресуда со која, како што стојат работите, Јанакиески однапред е осуден.

The post Јанакиески пристигна во судот на една нога, Шабани го малтретира за да се појави на половина час appeared first on Република.

Продолжува тортурата врз Миле Јанакиески од страна на судот и власта. Како што дозна „Република“ од извори од судот, до полициската станица во Карпош за Јанакиски стигнала наредба тој да биде спроведен со полиција во понеделник во 10 часот за кога е закажано рочиште во случајот „Топлик“.

Оваа наредба доаѓа директно од судијата во овој случај Осман Шабани на барање на обвинителот Бурим Рустеми на кого многу му се брза што поскоро да има пресуда.

Рустеми самиот има најавено дека овој предмет треба да заврши што поскоро а со судот има договорено  сите докази на одбраната  да бидат одбиени.

https://republika.mk/vesti/makedonija/janakieski-pristigna-vo-sudot-na-edna-noga-shabani-go-maltretira-za-da-se-pojavi-na-polovina-chas/

Но, Јанакиески има уредна медицинска белешка дека не може да присуствува на рочиштата се до седми февруари бидејќи имаше сериозна повреда на ногата. Пред неколку дена беше и опериран и сега е на домашно закрепнување.

Сепак, за судијата Шабани тоа како да не е важно и тој говорел дека ќе го задржи во судницата само половина час, а потоа бил слободен.

Во судските кругови веќе се коментира дека намерата е набрзина да се дојде до завршите зборови со тоа што ќе бидат отфрлени сите докази и сведоци на одбраната, а веднаш потоа да има пресуда со која, како што стојат работите, Јанакиески однапред е осуден.

The post Им нема крај на изживувањата врз Јанакиески, спроведен со полиција во суд со оперирана нога appeared first on Република.

Продолжува тортурата врз Миле Јанакиески од страна на судот и власта. Како што дознава „Република“ од извори од судот, до полициската станица во Карпош за Јанакиски стигнала наредба тој да биде спроведен со полиција во понеделник во 10 часот за кога е закажано рочиште во случајот „Топлик“.

Оваа наредба доаѓа директно од судијата во овој случај Осман Шабани на барање на обвинителот Бурим Рустеми на кого многу му се брза што поскоро да има пресуда.

Рустеми самиот има најавено дека овој предмет треба да заврши што поскоро а со судот има договорено  сите докази на одбраната  да бидат одбиени.

Но, Јанакиески има уредна медицинска белешка дека не може да присуствува на рочиштата се до седми февруари бидејќи имаше сериозна повреда на ногата. Пред неколку дена беше и опериран и сега е на домашно опоравување.

Сепак, за судијата Шабани тоа како да не е важно и тој говорел дека ќе го задржи во судницата само половина час, а потоа бил слободен.

Во судските кругови веќе се коментира дека намерата е набрзина да се дојде до завршите зборови со тоа што ќе бидат отфрлени сите докази и сведоци на одбраната, а веднаш потоа да има пресуда со која, како што стојат работите, Јанакиески однапред е осуден.

The post „Република“ дознава: Јанакиески во понеделник ќе биде спроведен со полиција во суд со оперирана нога appeared first on Република.