Апелациониот суд Скопје, постапувајќи по кривичниот предмет КОКЖ – 157/22, во јавноста познат како ТНТ, на нејавена седница на ден 16.11.2023 година, ги уважи жалбите на обвинетите Ј.М. од С. и Е.Н. од С. изјавени против Решение за исправка на Основен кривичен суд Скопје од 01.09.2023 година и истото го укина од следниве причини:

Решението за исправка КОК-53/17 на Основниот кривичен суд Скопје е донесено од судија на 01.09.2023 година на кого предметот му е доделен во работа со одлука на Претседателот на Основниот кривичен суд Скопје на ден 07.09.2023 година.

Исто така, првостепениот суд Решението за исправка го донел спротивно на одредбите на ЗКП во совет составен од петмина судии, а согласно ЗКП ваква одлука носи претседателот на совет.

Во донесувањето на Решението за исправка учествувале двајца судии поротници кои не смееле да постапуваат и одлучуваат затоа што Судскиот совет на Република Македонија на ден 09.08.2022 година го разрешил судијата поротник Т.Т.С., а на ден 27.09.2022 година го разрешил и другиот судија поротник К.К., а станува збор за Решение донесено на ден 01.09.2023 година. Дополнително, во списите на предметот нема Записник за советување и гласање.

Со оглед да исправката е по однос на член 409 став 2 од ЗКП во делот на изреката по однос на неусогласеност на изречената казна по висина, помеѓу Изворникот на пресудата и писмено изработената пресуда, согласно податоците од член 404 став 1 точка 3 од ЗКП првостепениот суд погрешно ја примени одредбата од член 409 став 2 од ЗКП.

The post Апелација го укина предметот ТНТ: Решение носеле разрешени поротници наместо претседателот на советот appeared first on Република.

Миле Јанакиески на јавната седница во Апелација направи споредба со случаите „ТНТ“ и “Топлик“. Тој посочи дека има премногу случности во овие пресуди кои како да се пишувани од ист човек.

Замислете дека оваа пресуда ја пишувал истиот човек кој ја пишувал и пресудата за „Топлик“, зошто три пасуси кои во целост се превземени од пресудата за топлик и тоа за изреченаговото економско вештачење прикажува дека е вграден бетон до фазата до која беше изграден космос за повеќе пати него што било потребно за изградба на целиот објект. Но, замислете доказите врз база на кое е правено вештачењето биле дадени на рака од Фијат Цановски па тие докази иако одбраната ги бараше во целост не беа доставени ниту до судот ниту до обвинителството а ниту вие ги имате-објасни Јанакиески пред Судот.

The post Пресудите за „ТНТ“ и за „Топлик“ како да ги пишувал ист човек appeared first on Република.

Предметот „ТНТ“ незаконски го застапуваше обвинител т.е виш јавен обвинтиел, посочи поранешниот министер Миле Јанакиески,алудирајќи на обвинителот Бурим Рустеми.

Замислете тој како Виш обвинител поднесе и жалба на пресудата па каде е тука двостепеноста во постапката но за тоа се води и кривична постапка. Како Виш обвинител поднесе и жалба на пресудата. Каде е тука двостепеноста во постапката но за тоа се води и кривична постапка? прашува Јанакиески.

Обвинетиот на денешната јавна седница на Апалација објасни дека време им се криел овој  факт но тоа го утврдиле при увид дека по влегување во сила на новиот закон за јавно обвинителство и по именувањето на Бурим Рустеми за Виш јавен обвинител на ден 9.11.2020 година Јавниот обвинител Љубомир Јовевски го овластува обвинителот Гаврил Бубевски да го води овој предмет.

The post Јанакиески: Предметот „ТНТ“ незаконски го застапуваше виш јавен обвинтиел appeared first on Република.

Обвинетиот Миле Јанакиески на денешната седница на Апелација посочи оти не знае колкава казна добил за предметот „ТНТ“. Се прашувате како тоа е можно? Еве како поранешниот министер го објасни тоа.

Јас во овој предмет не знам колку сум осуден бидејќи на ден 20.5.2022 година на главна расправа судот ме осуди на казна затвор од траење од три години, во која казна ми го засмета и времето поминато во притвор, во писмено изработената пресуда е наведено дека сум осуден на казна затвор од три години и шест месеци без да се спомне времето поминато во притвор. Оваа одредба изготвувачот ја препишал од Предметот KOK 57-17, како што препишал и други одредби кои не се однесуваат на постапката опфатена со оваа Пресуда.

The post Јанакиески не знае колку е осуден во случајот „ТНТ“ appeared first on Република.

Во целост ги прифаќам жалбите и денес изнесеното од моите бранители. Јас исто така поднесов лична жалба но денес сакам пред вас и пред целата јавност да илустрирам како течеше овој процес познат во јавноста како „ТНТ“ и какви се пропусти има во пресудата, вели Миле Јанакиески на денешната јавна седница на Апелација.

https://republika.mk/vesti/makedonija/janakieski-ne-znae-kolku-e-osuden-vo-sluchajot-tnt/

Јанакиески истакна дека обвинителниот акт бил поднесен во исто време кога во Основниот суд имаше веќе прифатено обвинителен акт против правното лице „Фине“ и Фијат Цановски значи во исто време во судот имаше ОА дека се гради нелегално и дека нелегално е срушен.

Што се случи. Тоа ни стана јасно после избивање на аферата Рекет. Имено Ардијан Амзоски согласно доказите во тој предмет искеширал на Бојан Јовановски под закрила на инвестиција во проект. Замислете Фијат т.е неговиот зет ќе даде над половина милион евра на „жими мајка“ од фирмата „Дрим Билдинг“ која во последените две години немала ни толкави приходи и дел кеш пазете ден пред да се повлечи обвението од Бурим Рустеми и Катица Јанева Ардијан добива порака од Бојан Јовановски. На ден 19.10.2017 година пред официјално да се поднесе Поднесокот за откажување од обвинителен акт од страна на Обвинителката Катица Јанева а по претхдона согласност од обвинителот Бурим Рустеми, Аријан Амзоски му испраќа порака на Бојан Јовановски „SJO go povlece denes predmotot. BLAGODAM OD SRCE ajde sega raat da pocnime da rabotime.“

https://republika.mk/vesti/makedonija/janakieski-predmetot-tnt-nezakonski-go-zastapuvashe-vish-javen-obvintiel/

Јанакиески истакнува дека ова е единствен предмет на СЈО каде не се штитат интересите на државата и Буџетот и оти предност се дава на приватниот интерес, односно на човек кој незаконски гради и проблемите ги решава преку политика

Ако не е така нека ме тужат за клевета. Ардијан Амзоски на состанок во О.Габа вика „почекајте до септември ќе добијам правосилна пресуда и оштета од државата до Септември и ќе ги платам комуналиите и ќе го доградам Космос“-истакна поранешниот министер.

За предметот ТНТ претходно има 36 пресуди од од сите судови во државата со кои е утврдено дека Решението за рушење е законско, и дека Фијат нема право на надомест.Дури постои и Решение на Уставен суд од 21.12.2011 дека не постои дискриминација на граѓаните по основ на политичка припадност.

The post Јанакиески: „ТНТ“ е единствен предмет на СЈО каде не се штитат интересите на државата и Буџетот туку приватниот интерес appeared first on Република.

Предметот „ТНТ“ каде судијата Огнен Ставрев и вештакот Мирослав Грчев имаат кумoски врски ќе го проверува Судскиот совет.

Во новата година, ова е една од постапките, каде членовите на Советот ќе утврдуваат наклонетост на судијата кон вештачењето, а со кое се докажуваше дека објектот „Космос“ не е дивоградба и истовремено, поби 36 судски пресуди. Проверките ќе се прават преку посета на судот и увид во целиот предмет.

„Судски совет донесе заклучок на седница, дека од 1 јануари 2023 година ќе изврши посети на сите судови и проверки на предмети“, велат од Судскиот совет за „А1он“.

Кумовските врски на Ставрев и Грчев станале официјални еден месец откако судијата ја изрече првостепената пресуда за ТНТ. Ставрев го прифати вештачењето како релевантно и го ценеше во пресудата иако имаше низа забелешки од обвинетите, меѓу кои и дека Грчев е пристрасен бидејќи претходно работел вештачења за оштетените Цаноски.

The post Случај „ТНТ“: Судскиот совет ќе ги проверува кумовските врски на судијата Ставрев и вештакот Грчев appeared first on Република.

Судијата Огнен Ставрев и вештакот Мирослав Грчев се во кумовски врски, дознава „А1.он.

Двајцата со своја улога во предметот ТНТ за уривањето на објектот „Космос“. Кумовските врски станале официјални еден месец откако Ставрев изрече затворски казни во предметот ТНТ. Грчев го изработи клучното вештачење со кое се докажуваше дека објектот „Космос“ не е дивоградба и со кое се побија 36 судски пресуди.

Ставрев го прифати вештачењето како релевантно и го ценеше во пресудата иако имаше низа забелешки од обвинетите, меѓу кои и дека Грчев е пристрасен бидејќи претходно работел вештачења за оштетените Цаноски.

Блиските релации ги потврдува и судијата Ставрев за „А1он“ по што се правда дека немало зошто да се изземе. Toj го оценува вештакот, кој му е кумашин, како професионалец.

Целиот текст на „А1.он“

The post Судијата во „ТНТ“ и вештакот Грчев се кумови, Ставрев смета дека нема ништо спорно appeared first on Република.

Ајде кажи ми како сега да ги рушам некои објекти кои се за рушење, кои се незаконски изградени, после се ова што ти се случува тебе и на другите? Па подобро да одговарам за не срушено нешто што требало да се сруши, отколку за не срушено а што требало да се сруши”, вака поранешниот премиер Никола Груевски го започнува своето обраќање по повод пресудата за случајот „ТНТ“ во кој е осуден на девет години затвор.

Ова прашање ми го постави пред околу две недели во телефонски разговор еден актуелен градоначалник во Македонија, на кое експресно самиот си одговори, за да заврши со зборовите: “Злобата во Македонија расте и допрва ќе расте. Помирувањето е веќе мисловна именка”.Зборовите на градоначалникот со чии дел од разговор го започнав овој текст беа кажани по завршните зборови на судскиот процес “ТНТ” кој се однесува на срушена свесно изградена дивоградба на раскалашен пратеник кој мислел дека преку функцијата се може да направи и секаков закон може да изигра-вели Груевски.

The post Груевски за случајот „ТНТ“: Ајде кажи ми како сега да ги рушам некои објекти кои се за рушење, кои се незаконски изградени, после се ова што ти се случува тебе и на другите? appeared first on Република.

Aдвокатот Еленко Миланов нагласува дека секако дека ќе ја обжалат пресудата за случајот „ТНТ“  затоа што според него со  ова се праќа една многу лоша порака а тоа е дека бесправното градење наместо да се стопира и санкционира, се санкционираат луѓето кои постапуваат по однос на бесправно изградени објекти.

Судот, надвор од барањето на оштетниот отиде со огласување на обвинетите  и во делот на надомест на штета со што сметам дека сакаше да ја тргне одговорноста од државата и да не може да се наплатат овие 20 милиони евра кои се побаруваат а дефакто државата треба да го сноси овој трошок-смета адвокатот

The post Миланов: Бесправното градење наместо да се стопира и санкционира, се санкционираат луѓето кои постапуваат по бесправно изградени објекти appeared first on Република.

Во случајот „ТНТ“ чии пресуди беа изречени денеска бизнизменот Фијат Цаноски може да биде побогат за околу 17 милиони евра како оштета за срушениот комплекс „Космос“. Иако тој првично побаруваше штета од државата, судијата Огнен Ставрев реши таа да падне на товар на обвинетите Никола Груевски, Миле Јанакиески и Елисавета Најдоска.

Обвинетите солидарно да ја надоместат штетата на ТД Фине од 683.514.694 денари, која се состои од вредноста на изградениот дел одобјектот Космос и вредноста на рушењето во износ на 19.389.440денари-oбјасни судијата Огнен Ставрев.

https://republika.mk/vesti/makedonija/devet-za-gruevski-tri-godini-za-janakieski-vo-sluchajot-tnt/

The post Фијат Цаноски бара од обвинетите во „ТНТ“ 17 милиони евра appeared first on Република.

Затворска казна од девет години во отсуство му е доделена на поранешниот премиер Никола Груевски во случајот ТНТ за рушењето на објектот „Космос“ на Фијат Цаноски.

Затвор му е пресуден и на поранешниот министер за транспорт и врски Миле Јанакиески кој доби три години, а по четири години добија тогашниот градоначалник на Општина Гази Баба Тони Трајковски и градежната инспекторка Елизабета Најдоска. Останатите тројца обвинети, вработени во општината, добија ослободителни пресуди.

Случајот го водеше судијата Огнен Ставрев. За делото беа  обвинети се повеќе лица меѓу кои ексминистерот за транспорт и врски Миле Јанакиески и тогашниот градоначалник на Општина Гази Баба Тони Трајковски, поранешниот премиер Никола Груевски, на кого му се суди во отсуство, како и еден градежен инспектор и тројца вработени во општина Гази Баба.

За време на процесот  се докажа дека објектот „Космос“ е дивоградба и оти инвеститорот Фијат Цановски цело време барал политичко решение комплексот да не биде срушен. Сега тој има право да побара оштета од државата од неколку милиони евра

The post Девет за Груевски, три години за Јанакиески во случајот „ТНТ“ appeared first on Република.

Следете го во живо изрекувањето на пресудата во случајот ТНТ:

The post ВО ЖИВО: Пресуда за ТНТ appeared first on Република.

Денеска продолжуваат завршните зборови за случајот „ТНТ“. Откако вчера се обрати Миле Јанакиески за денеска се планирани поранешниот градоначалник Тони Трајковски и останатите бранители.

На вчерашните завршни зборови Јанакиески рече дека за време на процесот апсолутно се докажало дека објектот „Космос“ е дивоградба и оти инвеститорот Фијат Цановски цело време барал политичко решение комплексот да не биде срушен.

Очигледно е дека ако „Космос“ ги имаше сите потребни документи немаше да биде срушен-посочи Јанакиески.

Според него, ова е еден од ретките случаи во кои наместо државниот се штити приватниот интерес.

The post „ТНТ“ продолжува: Oчигледно е дека „Космос“ бил дивоградба, а Цаноски сакал политичко решение appeared first on Република.

Поранешниот премиер Никола Груевски ги коментира двете актуелни теми денеска - пет години од 27 април и завршните зборови за случајот ТНТ. Статусот ви го пренесуваме во целост.

1. Денес е 27 aприл.

Ден кога секоја година на ист ден се активира потсетникот во телефонот на асистентите на политичарите од власта по што подготвуваат и објавуваат фб статуси или соопштение за јавноста во име на партијата, владата, или поедини партиски и владини функционери, потсетувајќи само на еден дел од настаните од 27 Април 2017 година и тоа само со цел истото да го стават во дневно политички контекст со надеж дека ќе добијат некој поен повеќе или дека ќе му намалат на противникот некој поен.

За нив ова е потсетник за соопштение и фб статус за едно дневен политчки конфликт со опонентот , но за лицата кои се под политички прогон, кои се со лажна кавалификација осудени на долги затворски казни, чии првични пресуди за насилство за еден дел од нив кои главно беа со условни казни, по политичка директива ги поништија и ги преиначија во тероризам, за нив ова е неправедно уништување на нивните животни судбини, брутален политички прогон, изживување и огромна неправда. Дел од нив немаат никаква вина, а дел имаат лажна квалификација и ако немаше политички прогон ниту еден од нив денес немаше неправедно да е во затвор.

Се додека траат политичките прогони во Македонија, за овој и за сите други случаи, Македонија нема да оди напред и ќе тапка во место во секој поглед, што и се случува речиси пет години. Народот добро знае дека тоа е така.

2. Денес нов циркус во случајот ТНТ.

До денес обвинителството тврдеше дека јас сум го поттикнал Миле Јанакиески, тој го поттикнал поранешниот градоначалник на Гази Баба Тони Трајковски, а пак тој потикнал еден службеник, а тој службеник друг службеник и така со ред до бескрај, а незаконските манипулирани аудио снимки за наводни разговори меѓу мене и Јанкиески им беа единствено нешто за што го држеа целиот предмет, иако и во нив нема елемент на потикнување за нешто незаконски да се направи.
Од денес промена. Јанакиески веќе не е поттикнувач. Иако и тој нема вина, се испазарил, како и во Титаник на моја и на штета на другите обвинети, по оној нивни принцип - помогни ни и ние ќе ти помогнеме тебе, што беше и причина зошто е ставен во обвинението.

Јас останувам поттикнувач иако премиер нема никаква ингеренција во општина и најважно - меѓу мене и било кој друг од горе споменатите немаат апсолутно никаков контакт, ни разговор, ни писмено нешто, ни ништо, од причина што такви и немало односно не се случиле. Ниту сведочење, ниту нешто од мене потпишано, барем лажен сведок да најдеа, оти ги бива за тоа.

Крив си! Докази нема, ама ние си претпоставуваме! Какво своеволие! Покрај ова нема никакво кривично дело и за другите, бидејќи сопственикот на објектот кој градел дивоградба, самиот признал дека е дивоградба со тоа што поднел барање за смена на урбанистичкиот план, за да тој план се прилагоди на веќе диво изграденото на теренот, па отишол на сите можни судови кои донеле дури 36 пресуди и во сите до една загубил.

Обвинителот денес рекол дека тој верувал дека градоначалникот тоа го средил со судовите. Во ред, а доказ за тоа? Нема! Тоа е негова претпоставка на која треба сите да не осудат за кај Фијат Цановски да легнат 10 милиони евра како оштета, наместо човекот кривично да одговара за незаконско градење и да плати штета на општината. Доказот сеуште стои и е во гаражниот дел на објектот кој тој не го сруши, и ја обнови дивоградбата со помош на власта. Како и со кого ќе ги дели 10 те милиони евра, тој си знае. Што сакаат, тоа прават во судството. Не знам од каде и оние 8% доверба. Во некои предмети се трудат да уценат лажни сведоци, во некои како овој ги мрзи и тоа да го направат.

The post Груевски се јави за 27 април и случајот „ТНТ“ appeared first on Република.

Одбраната на Миле Јанакиески бара судот да не го земе во предвид сведочењето на добро познатиот на јавноста Мирослав Грчев. Познатиот архитект и полтичар во случајот ТНТ се појави како сведок на Обвинителството а подоцна и како вештак од областа на урбанизмот. Поради тоа, одбраната нагласува дека е повредена еднаквоста на оружјата на страните во спорот.

Одбраната смета дека кај Грчев постои лична нетрпеливост кон Јанакиески која се засилила кога не му бил продожен ангажманот во Министерството за транспорт токму кога сега обвинетиот бил министер. Омразата кон Јанакиески и ВМРО-ДПМНЕ ја искажувал во своите колумни во медиумите

Затоа е доведена релевантноста на овој случај. Тој има лична нетрпеливост кон Миле Јанакиески, нагласува одбраната.

The post Грчев еднаш сведок, друг пат вештак во ТНТ appeared first on Република.

Миле Јанакиески во денешните завршни зборови побара ослободителна пресуда за случајот „ТНТ“ бидејќи смета дека нема вина и оти постапувал согласно законот. Тој пред судот тврдеше дека не постои ниту еден документ дека учестувал или пак дека имал надлежност да учестува во рушење на објектот „Космос“.

Тој ги напомена одлуките на речиси сите судови во Македонија но и на Судот во Стразбур дека инвестирот е одбиен за надомест на штета.

Значи не Миле, не Еленко,  ne Дангов туку сите нивоa на судови пресудиле дека нема штета и нема основа да се исплати штета на Фијат Цаноски-истакна Јанакиески.

Јанакиески подетално се осврна на фактот дека и самиот Цаноски истакнал дека бара политичко а не правно решавање на неговиот проблем.

Фијат барал полтичко решение свесен за својот пропуст кој е потврден со пресуди од 36 инстанци на судската власт-додаде Јанакиески.

Jaнакиески наведе дека реномирани професори и експерти излегоа со став дека овој случај е застарен , вклучително и актуелниот министер за правда Тупанчевски.

Согласно неговото мислење неопходна е одбивателна пресуд од причина што кривичното гонење не може да се превзема поради застареност за кривичното дело од член 353 ст 3 од КЗ кое ми се става на товар-вели Јанакиевски.

The post Јанакиески: Не Миле, не Еленко, нe Дангов, туку сите нивоa на судови пресудиле дека нема штета и нема основа да се исплати на Фијат Цаноски appeared first on Република.

Во текот на постапката со сигурност се докажа дека обвинетите ги сториле делата што им се ставаат на товар. Обвинетиот Никола Груевски ја злоупотребил својата позиција и влијание како премиер да ја оствари својата желба да му го урне комплексот Космос на својот политички противник Фијат Цановски и да му нанесе финансиска штета, изјави денеска во завршен збор за случајот „ТНТ“, јавниот обвинител Бурим Рустеми.

Во координација со останатите обвинети Миле Јанакиевски и Тони Трајковски, Рустеми рече, дека Груевски успеал во својата намера.

– Обвинетиот Тони Трајковски се согласил и го прифатил планот за одмазда. Од изнесените докази во постапката јасно се покажа дека одлуката за уривање на објектот ја донел Никола Груевски, изјави Рустеми.

Според него, значајно е што Миле Јанакиевски во својот завршен збор ја потврдил автентичноста на телефонските разговори и комуникација, што пак претставува олеснителна околност за него во случајот.

Јавниот обвинител Рустеми на судот му предложи обвинетите да ги прогласи за виновни и да ги казни согласно закон.

– Во однос на обвинетиот Миле Јанакиевски, кој на некој начин се извини сметам дека судот треба да ја цени оваа олеснителна околност. Како отежнителни околности, судот да го цени тоа што обвинетите делото го сториле од политички побуди и тоа што не изразија каење за делото. Сметам дека судот треба да изрече ефективна казна затвор за обвинетите, изјави Рустеми.

На почетокот, обвинителот Рустеми, во завршен збор изврши прецизирање на обвинението и се откажа од еден став од обвинението за „злоупотреба на службена должност” против обвинетиот Миле Јанакиевски, како и на висината на штетата од уривањето на комплексот, што според вештачењата се проценува на 654 милиони денари.

Законот за кривична постапка, според адвокатот Дончо Наков не предвидува прецизирање на обвинителен акт.

– Според одбраната се работи за целосна измена на обвинителен акт и барам да ми се достави копија од записник бидејќи постои според мене измена и за да можам да го дадам својот завршен збор, изјави Наков.

Бранителот по службена должност на обвинетиот Никола Груевски, во завршен збор, рече дека Груевски ниту потпишал, ниту пак можел да потпише некаква одлука во Општина Гази Баба, истовремено оспорувајќи ја автентичноста на снимените аудио разговори кои биле изнесени во случајот.

– Обвинетиот ниту има вина, ниту има доказ дека нешто потпишал, а единствен доказ против него се аудио снимки чија автентичност не може да се потврди. Ценам дека овој суд нема ниту една законска причина да го прогласи за виновен и дека треба да биде ослободен од обвинение, изјави бранителот по службена должност на Груевски.

Случајот го води судијата Огнен Ставрев.

За делото обвинети се повеќе лица меѓу кои екс министерот за транспорт и врски Миле Јанакиески и тогашниот градоначалник на Општина Гази Баба Тони Трајковски, поранешниот премиер Никола Груевски, на кого му се суди во отсуство, како и еден градежен инспектор и тројца вработени во општина Гази Баба

The post Рустеми нема да го гони Јанакиески дека нарaчал динамит за рушење на „Космос“ appeared first on Република.

Миле Јанакиески кој е обвинет во случајот „ТНТ“ за рушење на објектот „Космос“ на денешните завршни зборови ќе побара ослободителна или одбивателна пресуда од Судот. Тој смета дека постојат неколку причини за тоа а како најважни ги истакнува дека за сите дејствија во обвинителниот акт постојат правосилни пресуди од врховниот, апелациониот, уставниот, како и од основните судови.

Добро е да се потсети дека согласно македонското законодавство и праксата на судот за човекови права, еднаш пресудена пресуда не може да се суди по вторпат.

Покрај тоа, постои правно мислење од еминентет професор, а сегашен министер за правда дека делото за кое му се става на терет е застарено а постои и решение за помилување.

Во ваков случај Судот треба да ја почитува праксата на Судот во Стразбур.

Низ постапката се докажа дека не постои ниту еден материјален доказ дека Јанакиески извршил потикнувачко дејствије спрема тогашниот градоначалник на Општина Гази Баба Тони Трајковски и покрај сите нелегално снимени 50.000 разговори и 150.000 СМС пораки кои се нелегално стекнати.\

Доколку судот донесе ослободителна пресуда државниот буџет ќе биде поштеден од 20 милиони евра колку што инвеститорот Фијат Цаноски бара за оштета.

The post Jaнакиески ќе побара ослободителна пресуда за случајот „ТНТ“ appeared first on Република.

Адвокатот на Никола Груевски на денешните завршни зборови истакна дека рушењето на објектот "Космос" е направено законски и оти тоа е одлука на општината Гази Баба а во тоа поранешниот премиер нема никаква улога.

Тој во периодот на рушење е претседател на Владата. Општината во никој случај не е потчинета на Владада ниту пак е должна да ја слуша-вели Мехмет Сефери.

Тој објаанува дека одлуката за рушење ја донела општината врз основа на неправилности во градбата. Како доказ за тоа, Сефери посочува самиот инвеститор барал измена на градсжната дозвола.

Во врска со разговорите меѓу Груевски и Јанакиески во кои тие говорат за рушење на објектот вели дека тие се селективни, а згора на тоа незаконски прибавени.

Не е важно кој со кого разговара туку дали општината постапила законски - додава Сефери.

The post Адвокатот на Груевски: Со рушењето на „Космос” е постапено законски од страна на општина Гази Баба appeared first on Република.

Одбраната на Миле Јанакиески на денешните зборови реагира што oбвинителот Бурим Рустеми во последен момент направил измена на обвинителниот акт, што според нив е недозволиво во оваа фаза на постапката.

Адвокатот Дончо Наков смета дека Законот за кривична постапка не предвизува прецизирање на обвинетиот акт а со дешноото излагање на Рустеми е направена измена. Затоа Наков побара да му се достат измените за да може да ги даде завдшните зборови.

The post Одбраната на Јанакиески реагира: Направена е измена на обвинението, а тоа е недозволено во завршни зборови appeared first on Република.