„Ние сме заедница“ е мотото на третиот „Слоу Фуд салон“, кој денеска ќе се одржува во Скопје. Поддржувачи се шведската организација „We Effect“ и Министерството за земјоделство, шумарство и водостопанство.

Како што е најавено, ќе има околу 70 изложувачи од цела држава, а ќе бидат застапени традиционални производи: домашен ајвар, лутенка, пинџур, мед, џем, разни видови сирења и кашкавал, сувомеснато чадено на дрва, слатко од смокви, домашни јуфки, производи од тартуфи, домашни сокови, сушено овошје, галички чај....

Посетителите ќе имаат можност да пробуваат вина од мали семејни винарии, дестилерии и занаетчиски ракии.

„Слоу Фуд салон“ ќе се одвива од 12 до 20 часот и во тој временски период ќе има мастер класови и работилници за вкус, конференции посветени на малите производители и на едукација, семинари, катчиња и едукација за деца... Ќе учествуваат готвачи, експерти, волонтери и едукатори.

The post Трет „Слоу Фуд салон“, околу 70 изложувачи од цела држава appeared first on Република.

„Ние сме заедница“ е мотото на третиот Слоу фуд салон што ќе се одржи на 9 ноември, во хoтел Лимак, Скопје.

На настанот ќе биде целата мрежа на Слоу Фуд: производителите, активистите, готвачите, младите, експертите, волонтерите, едукатирите…., ние што го носиме знакот на полжавчето и така размислуваме, ќе има шаренило од бои, вкусови, насмевки и енергии а локалните производи се на пиедестал: не поради носталгијата туку поради тоа што ни се идентитетот и културата. Да, ние сме заедница. Со заедничка мисија: нашето да го спасиме од забревтаната технологија, глобализираната трговија со храна и предизвиците на новото време, меѓусебно сплотени и поврзани го градиме локалниот систем на храна, обезбедувајќи- наша храна, а тоа е целта на секој член на Слоу Фуд Македонија“ велат организаторите.

Слоу фуд салон опфаќа повеќе сегменти: изложба и голем пазар на храна од мали производители, салон на семејни винарии, дестилерии и занаетчиски пивари, конференции посветени на малите производители и едукацијата во Слоу Фуд, семинар за новите иницијативи на Слоу Фуд, Мастер класови и работилници за вкус и катче за едукација за деца.

Слоу фуд салон 2024 ќе се организира со финансиска поддршка на шведската организација We Effect и Министерството за земјоделство, шумарство и водостопанство.

The post „Ние сме заедница“ е мотото на третиот Слоу фуд салон appeared first on Република.