Соединетите Американски Држави уште во 1999 година планирале отцепување на Црна Гора од Србија, што следеше во 2006 година, а еден од главните поборници на овој план беше актуелниот американски претседател Џозеф Бајден. Ова го открива новинарот и дипломат Радивој Цветиќанин во својата книга „Друг живот“, пренесува „Недељник„.

Милошевиќ имаше „голема Србија“ во главата, а сега е на пат да заврши во белградски Пашалук. Не се зборува за спогодба со него, да замине во егзил, да му даде авионска карта како Иди Амин. Милошевиќ мора да оди во Хаг, мојот сон е да го посетам во затвор - рекол Бајден.

The post Бајден планирал да го посети Милошевиќ во Хаг appeared first on Република.

Изложбата „Самоспознавање“ од авторот Слободан Милошески ќе биде отворена на 23 август, од 20 часот, во просторите на Културно-информативниот центар на Македонија во Загреб. Изложбата е составена од 10 скулпторски дела од галериски формат, создадени во последните две години во материјал инокс. Загрепската публика ќе има можност да ја посети изложбата до 30 август.

Авторот Слободан Милошески е претставник на постмодерниот дискурс во скулптурата. Тој изведува скулптура што предизвикува голема визуелна атрактивност, скулптура со мазна полирана текстура во флуидни облици… Клучните елементи на уметничкото дело, просторот и волуменот, ги наоѓаат својата рамнотежа и динамика во постојаната игра на наизменични динамични, едноставни форми, лансирани во вселената со сета тежина на тешко моделираниот метал. Трансформацијата на металот во уметничко дело, со најдобра примена на конструктивните вештини, во металните скулптури на Слободан Милошески ја демистифицира семиолошката структура на уметничкото дело – вели историчарот на уметноста Џемил Бектовиќ, во својата критика по повод оваа изложба.

Слободан Милошески е роден во Охрид во 1977 година. Тој дипломира на Факултетот за физичка култура во Скопје во 2001 година. Во 2009 година дипломира на Факултетот за ликовни уметности во Скопје на вајарски оддел, а магистрира на истиот факултет во 2011 година. Во 2018 година докторира на Национална уметничка академија во Софија, Р Бугарија, на катедрата Скулптура. Досега има реализирано 28 самостојни изложби, а учествувал на повеќе од 80 групни изложби во земјава и во странство. Во неговата биографија се забележливи реализираните скулптури во јавен простор на Живко Чинго, Ристо Шишков, Кузман Шапкарев, Јоаким Крчоски, Спомен-обележјето на Првото заседание на АСНОМ, Скулптура на муза наменета за фасада на објектот „Стар театар“…

Милошески е член на ДЛУМ од 2009 година, а во моментот работи како вонреден професор на Ликовната академија при Универзитетот „Гоце Делчев“ во Штип.

The post Изложба на скулптури на Слободан Милошески во Загреб appeared first on Република.