Приватните превозници и денеска продолжуваат со блокада на булеварот „Илинден“ кај Град Скопје. Блокирани се лентите на булеварот на потегот од Фонтана до крстосницата кај ГОБ „8 Септември“.

Помош да се најде решение за проблемот со исплатата на долгот од Град Скопје, во петокот побараа и од премиерот Димитар Ковачевски до кого, велат, испратиле барање за средба.

Премиерот во интервју за МИА посочи дека тоа треба да го решат градоначалничката на Град Скопје и мнозинството во Советот на Град Скопје.

– Решавање на дневни, менаџерски проблеми, како што е овој со превозниците, тоа не е работа на Владата, тоа треба што поскоро да го реши градоначалничката и мнозинството во Советот од ВМРО-ДПМНЕ да им го врати функционален градот на скопјани. Кавгите, граѓаните не ги интересираат, туку решенијата, вели Ковачевски, додавајќи дека Владата во рамки на нејзините ингеренции направила се што е во нејзина моќ – законските услови за нормално функционирање на општините се обезбедени, дотациите се обезбедени, а во 2023 планирани се и зголемени блок и ДДВ дотации за општините.

Скопје, вели премиерот, е нефункционален, заглавен град, со колабиран јавен превоз, со граѓани кои едноставно не можат да си ги завршат дневните обврски, не можат да функционираат нормално.

– Прескапа цена плаќаат граѓаните заради кавгите во ВМРО-ДПМНЕ, меѓу Мицкоски и Арсовска. Тоа е недозволиво, посочува Ковачевски.

Приватните превозници од „Слобода превоз“ и „Макекспрес“ започнаа со блокада на главниот град на 28 ноември кога со околу 30 автобуси на раскрсницата кај Мавровка, односно булеварите „Гоце Делчев“ и „Крсте Петков Мисирков“, побараа да им бидат исплатени долговите за да можат да почнат повторно со работа.

Откако немаше исход, приватните превозници на 5 декември оваа година направија поголема блокада со поставување на околу 200 автобуси на неколку главни точки во главниот град, односно крстосниците пред ТЦ Мавровка, Црвен Крст, како и булеварот „Илинден“. Во петокот ги одблокираа крстосниците кај Мавровка и Црвениот крст.

The post Ниту Ковачевски ниту Арсовска сметаат дека е нивна работа да го одблокираат главниот град appeared first on Република.

Возачите на приватните автобуси одлучија да се повлечат од крстосниците кај Трговскиот центар „Мавровка“ и Црвен Крст.

Автобусите во 10 часот ќе бидат паркирани само кај бараките на Град Скопје при што ќе бидат блокирани сите ленти на булеварот „Илинденска“.

Возачите настојуваат Град Скопје да го подмири долгот што го има кон нив, бидејќи во спротивно, како што најавуваат, протестите ќе продолжат и во иднина.

Град Скопје денеска ќе објави јавен повик за линиите 20 и 22, но возачите велат дека одлучиле да не се пријават.

Додаваат дека просечно долгот изнесува по 6.000 евра за секој од нив за последните месеци.

Инаку, веќе четири дена по ред главните раскрсници во главниот град беа блокирани, што предизвика голем хаос и нетрпение кај учесниците во сообраќајот.

The post Автобусите се повлекуваат од раскрсниците – ќе се стационираат само пред Град Скопје appeared first on Република.

Ќемал Муриќ од „Слобода превоз“ денеска информираше дека Координативното тело на приватните превозници донело одлука протестите од раскрсницата кај Црвен крст и „Мавровка“ да се дислоцираат утре во 10 часот пред бараките на Град Скопје на булевар „Илинденска“ кој што ќе биде блокиран во сите четири ленти, на потег од позади Владата кон Карпош до „Алумина“.

„Имавме координација со кооединативното тело на приватните превозници. После вчерашната прес-конференција во Градот Скопје, еден таков дебакл, една таква срамота и брука што е направена, се повеќе излегуваат на виделина аргументите кој е главниот виновник за состојбава, кој е главниот виновник што граѓаните на Град Скопје ни криви, ни должни мораат да го трпат сето ова, која е главниот виновник што не сме исплатени, кој е главниот виновник за хаосот во сообраќајот? Тоа е директно градската управа, градоначалничката на Град Скопје Данела Арсовска. Се повеќе нашиот револт се насочува и се фокусира кон управата на Град Скопје“, рече Муриќ.

Приватните превозници остануваат на ставот дека никој нема да се пријави на повикот за индивидуално пријавување од Град Скопје .  Тие уште еднаш порачаа да им се исплати долгот во висина од 1,5 милиони евра кој градот го има кон нив,.

Инаку, изминатите денови метрополата е слика на сообраќаен хаос и нервозни граѓани откако околу 200 автобуси се паркираа кај крстосниците кај „ Мавровка“. На булевар „ Илинденска“ , на потег меѓу  Владата и Град Скопје и кај Црвен крст во знак на револт за неисплатениот долг. Од друга  страна градоначалничката Арсовска  никаде ја нема и не попушта. Таа кажа дека нема да го плати долгот на приватниците и им порача да ја тужат.

The post Од утре во 10 часот превозниците ќе го ослободат центарот, ќе блокираат од Фонтана во Парк до „МИ-ДА“ appeared first on Република.

Ленин Јовановски во интервјуто за „Република“ за прв пат откри дека ќе се повлече од протестите, но оти блокадите продолжуваат. Тој исто така најави дека и помалку ќе го има во медиумите за да не дозволи неговото име да биде злоупотребено во политички контекст.

Протестите продолжуваат но оглед на тоа што во изминатиот период моето име стана малку споменувано и врз основа на тоа сака да манипулира и да дефокусира и со тоа да му даде една политичка компомента и да гледа на мене како некаков проблем во целата ситуација и дека е ова потикнато од некакви политички причини и бизнис интереси.

 

Со моето повлекување од јавниот настап од протестите ќе придонесам приватните превозници го решат проблемот а јас да не сум за поткусурување на некои политички недоразбирања и оправдувања сакам да им ги скратам можностите на сите оние кои се обидоа да го дефокусираат проблемот на мене лично или на она што го работам или на моето семејство, на моето појавување во јавноста.

 

Сметам дека на овој начин ќе помогнам да им олеснам на приватните превозници да не бидат жртва на овој проблем и на одредени политички оправдувања како и неспособноста на одредени фактори да се префрлат на мене лично.

https://www.youtube.com/watch?v=ZjMMk7Kk2Fc

The post Jовановски за „Република“: Со моето повлекување од јавниот настап од протестите ќе придонесам за приватните превозници го решат проблемот appeared first on Република.

Директорот на „Слобода превоз“ Ленин Јовановски во интервју за „Република“ за прв пат проговори за неговиот однос со градоначалничката Данела Арсовска и дали сѐ уште се пријатели.

Поради негативната реакција кај граѓаните, Јовановски најавува дека веќе нема да се појавува на блокадите, а ќе го намали и присуството во медиумите.

Имаме неодговорен однос од страна на градоначалничката Арсовска, која наместо да го решава проблемот влезе во изјави и дефокусирање на јавноста и зборување на некакви криминали и сл. И наместо еден проблем почна да се создаваат нови и беше раскинат договорот со „Слобода превоз“ со што приватните превозници остануваат без работа и егзистенција. Сега има и нов проблем со јавниот оглас за нови превозници. Остануваме на улица и покрај тоа што се проблем за граѓаните. Граѓаните не треба да го трпат ова и ако некој треба да мисли тоа е градоначалничката Арсовска, која е недостапна и не ги прима превозниците за да си ги кажат маките.

Тој објасни за долгот што ЈСП го има кон нив.

Долгот е 61 милион и 800.000 и тој е неспорен и усогласен со сметководствената евиденција на ЈСП и за кој што нема понудено решение.Никаков долг не е исплатен од моментот кога приватните превозници го побараа да им биде исплатен.Заедно со долгот што е со „Макекспрес“ е околу 100 мииони денари и во него не е пресметан со тој што сега ќе доспее за месец ноември.

Јовановски објанува и кој е проблемот со картите.

Приватните превозници не продаваат билети во автобусите.Граѓаните ги користат услугите на приватните превозници со билет купен од ЈСП.Целиот приход од продадени карти се слеваат во ЈСП.Приватните превозници не продаваат карти затоа што фискалните апарати кои се дел од инсталираната опрема на ЈСП не функционираат.Доколку продаваат ќе го прекршат законот за готовинско плаќање каде што јасно е кажано дека на местото каде што се врши готовинско плаќање треба да се издаде фискална сметка.Градоначалничката манипулира изнесува неточни податоци и тоа е лесно докажливо.

Јовановски проговори и односот кој го имаа со градоначалничката со која беа и пријатели.

Односите се сменија преку ноќ во моментот кога јас застанав во одбрана на приватните превозници  и одбрана на побарувањата на нивниот долг веќе следниот ден имаше чуден напад со тешки квалификации за криминали.Таа блискост и комуникација на некој начин е изневерена или злоупотребена.Ние ја поддржувавме градоначалничката и пред и после изборите со надеж дека таа ќе се заложи да исполни некои од ветувањата кои им ги даде на приватните превозници заради што ја доби и мојата лична поддршка. Меѓутоа се се смени откако седна на тоа столче и го смени мислењето и концептот за нејзино понатамошно управување од позиција на градоначалник.

Тој вели дека не се кае што ја поддржал но се чуствува излажан.

Кога се работи за некој човек кој ќе знае да ви влијае доверба и кој ќе ви вети нешто а не го исполнува можам само да бидам разочаран и евентуално да се извинам ако тоа нешто му значи на некого за таа поддршка што ја дадов заради тоа што бев изманипулиран на перфиден начин.Гледам дека се работи за сосема поинаква личност од онаа што мислев дека ја познавам. Не сме веќе пријатели, не можете вие пријателот да го бодете, да го навредувате, да му правите непријатни состојби од позиција градоначалник.Никој не би помисил дека такви лаги и манипулации би излегле од една висока позиција која што и е доверена.

Ленин ги објасни и плановите со блокадите.

Протестите продолжуваат но оглед на тоа што во изминатиот период моето име стана малку споменувано и врз основа на тоа сака да манипулира и да дефокусира и со тоа да му даде една политичка компомента и да гледа на мене како некаков проблем во целата ситуација и дека е ова потикнато од некакви политички причини и бизнис интереси. Со моето повлекување од јавниот настап од протестите ќе придонесам приватните превозници го решат проблемот а јас да не сум за поткусурување на некои политички недоразбирања и оправдувања сакам да им ги скратам можностите на сите оние кои се обидоа да го дефокусираат проблемот на мене лично или на она што го работам или на моето семејство, на моето појавување во јавноста.Сметам дека на овој начин ќе помогнам да им олеснам на приватните превозници да не бидат жртва на овој проблем и на одредени политички оправдувања како и неспособноста на одредени фактори да се префрлат на мене лично.

Целиот разговор слушнете го во видеоинтервјуто кое го водеше Игор Чавески

https://www.youtube.com/watch?v=ZjMMk7Kk2Fc

The post Ленин Јовановски: Им се извинувам на граѓаните што ја поддржував Арсовска appeared first on Република.

Приватните автобуски превозници преку социјалните мрежи упатија извинување до граѓаните на Скопје за попреченото движење низ градот, откако изутрина од шест часот повторно протестираат со блокади на неколку важни сообраќајни точки во главниот град барајќи исплаќа на долгот што го побаруваат од Град Скопје.

Слобода Превоз во име на сите приватни превозници се извинува до сите граѓани на Скопје кои денеска и се до решавање на проблемот ќе бидат попречени во нивното движење низ градот. Приватните превозници бараат подршка од сите граѓани се со цел побргу да се изнајде решение на проблемот, се вели во пораката објавена на Фејсбук страницата на „Слобода превоз“.

Откако не беше постигнат договор со градските власти за подмирување на долгот што Град Скопје го има кон нив, приватните превозници од шест часот утрово повторно протестираат со блокирање на двете крстосници пред ТЦ „Мавровка“ и пред Црвен Крст, како и на бул. „Илинден“ во околината на Градското собрание.

Кемал Муриќ од „Слобода превоз“, утрово во изјава за МИА, рече дека нема да се тргнат блокадите се додека нема напредок за излез од состојбата во којашто се наоѓаат.

Како што најавивме, денеска автобусите се паркирани и ќе бидат тука се додека нема напредок од состојбава, односно да не викнат на разговори и да си договориме за динамиката за исплата на заостанатиот долг, да продолжат неделните уплати за да можеме да се вклучиме на линија, се со цел да не трпат граѓаните, изјави Муриќ.

Од друга страна, граѓаните се принудени да најдат алтернативи во сообраќајот, но, поради зголемената гужва низ алтернативните улици и булевари, има застој во поголемиот дел од сообраќајниците, додека дел од граѓаните одбраа да патуваат со велосипеди, тротинети, или пеш кон своите дестинации.

За во 11 часот е најавена изјава за медиумите на директорт на „Слобода превоз“ Ленин Јовановски за последните случувања и натамошните чекори на превозниците.

The post „Слобода превоз“ им се извини на скопјани за хаосот на улиците appeared first on Република.

В.д. директорот на Јавното сообраќајно претпријатие Александар Стојковски во интервју за МИА вели дека долгот кон приватните превозници го наследил кога стапил на функцијата пред шест месеци. Смета дека треба да се подмири, но најпрво да се утврди колкав е реалниот долг откако ќе заврши увидот направен од Финансиската полиција и Управата за јавни приходи.

– Со моето стапување на функцијата пред шест месеци во ЈСП, имаше долг кон приватните превозници. Во моето тековно работење, сите доспеани фактури што ни беа доставени од приватните превозници, се редовни исплаќани. Се работи за заостанат долг, којшто ние сакавме тековно пополека да го затвориме. Последната уплата е на 8 ноември. Последниот период направивме анализа, што мислам дека е обврска на секој директор кога ќе дојде да направи комплетна функционална и финансиска анализа на работењето на едно претпријатие. Дојдовме до сознанија дека последните пет години приватните превозници не уплаќале, односно не задолжувале никакви карти, а тоа е нивна обврска којашто е договорена односно јасен е член 5 од договорот меѓу ЈСП и приватните превозници, посочува Стојковски.

Стојковски открива и зошто е раскинат договорот со „Макеспрес“. Ги отфрла како шпекулации информациите дека нема нафта за автобусите на ЈСП и тврди дека нема да има зголемување на цената на билетот без оглед на случувањата на глобално ниво со цената на нафтата.

– Категорично тврдам дека во ЈСП нема недостиг на нафта. Жал ми е што во последниов период има такви шпекулации и невистини по одредени портали и медиуми. Никогаш нема да биде ставено во опасност функционирањето на ЈСП и опслужувањето на граѓаните во Град Скопје. Би сакал да напоменам дека без оглед на случувањата на глобално ниво со покачување на цената на нафтата, ЈСП не планира да направи корекции, односно покачување на цената на билетот, нагласува Стојковски.

Тврди дека автобусите на ЈСП се технички исправни и најавува нови вработувања за возачи поради одлив на кадар по основ на пензионирање.

Ветува и дека Скопјани ќе добијат бесплатен јавен превоз. Вели дека работите се ставени во мирување поради актуелната економска и енергетска криза, но дека се прават подготовки за да се реализира ветеното пред граѓаните на главниот град.

The post Стојковски од ЈСП: Долгот кон приватните превозници е наследен, треба да се подмири, но да видиме колкав е реалниот долг appeared first on Република.

Наум Стоилковски, портпарол на ВМРО-ДПМНЕ денеска одговарајќи на новинарско прашање рече дека хаосот во градот е резултат на коалицијата на Арсовска со СДС, и ги повика Данела Арсовска и Димитар Ковачевски како што се договориле за тендерите, така да се договорат и веднаш да најдат решение за приватните превозници се со цел хаосот во градот да прекине.

-Одговорни за хаосот во градот се неспособноста и тендер интересите на тајната коалиција Арсовски и Ковачевски која што вчера беше признаена во изјава на Ковачевски и тајните средби кои што ги имал со Арсовска. Производ на тајните средби е хаосот во градот а интересот се тендерите. Ги повикуваме Арсовска и Ковачевски да најдат решение со превозниците и да го заштитат јавниот интерес, а тоа е скопјани да имаат јавен превоз, потенцираше Стоилковски.

The post Стоилковски: Како што можеа да се договорат за тендери, Ковачевски и Арсовска да се договорат и со превозниците и да престане хаосот во градот appeared first on Република.

Договорот со здружението на приватни превозници „Слобода Превоз“ денес е раскинат поради неисполнување на обврските кои произлегуваат од договорот.

Во случајов, се работи за обврската за континуирано и непрекинато давање на јавната услуга за превоз на патници. За жал „Слобода Превоз“ повеќе од два дена во континуитет не ја извршуваше оваа договорна обврска со што поради непочитување на договорот истиот е раскинат.

Ги повикуваме сите приватни превозници да се јават на јавниот повик кој ќе биде објавен во текот на следната недела.

Сметаме дека со овој модел, склучување на директни договори за јавен градски превоз со индивидуални превозници ќе придонесе за поголема транспарентност на процесот и полесно разрешување на потенцијални проблеми.

Градскиот јавен превоз функционира непрекинато, а ЈСП Скопје во овој момент има доволно капацитети да ги задоволи потребите на скопјани.

Апелираме до „Слобода Превоз“ да ја ревидираат одлуката за блокирање на главниот град, бидејќи на тој начин нема да постигнат разрешување на проблемот, напротив, на овој начин проблемот се продлабочува. Скопјани не се должни да бидат колатерална штета, поради нерационалните барања на „Слобода Превоз“. Со уцени, нема договор, велат од Градот.

The post Град Скопје го раскина договорот со „Слобода Превоз“ поради неисполнување на обврските appeared first on Република.

Приватните превозници вклучени во Јавниот линиски превоз од утрово протестираат со целосно блокирање во сите правци на крстосницата кај Мавровка, односно булеварот „Гоце Делчев“ и булеварот „Крсте Петков Мисирков“.

Како што најави приватниот градски автобуски превозник „Слобода превоз“, блокирањето ќе биде со повеќе од 30 автобуси и повеќе од 300 лица.

Не е исклучена можноста и не е потврдена информацијата дали поедини превозници ќе ги блокиранаат излезите, односно влезовите на ЈСП-Скопје. Исто така времетраењето на протестот не е утврдено и се планира да трае до исполнување на барањата кои ако брзо не се решат во наредните денови ќе се прошири и на други делови од сообраќајниците во Скопје, посочуваат од „Слобода превоз“.

Во рамките на своите активности за решавање на актуелниот проблем утре „Слобода превоз“ треба да оствари средба со УО на ЈСП. Исто така претставници на „Слобода Превоз“ ќе присуствуваат на седницата на Советот на Град Скопје.

На средбата со УО на ЈСП на која се очекува да присуствува и директорот на ЈСП ќе побараме информации поврзани со долгот на ЈСП-Скопје и зошто директорот не ги исполнува обврските од договорот, како и информации за изнесените невистини од страна на градоначалникот за наводен криминал со билетите за превоз и кражба на пари, кои одговори секако дека ги имаат службите на ЈСП, бидејќи тие се најинволвираните, задолжени и компетентни во целиот процес од набавка , дистрибуција до продажба на билети и за функционирање на АВЛ системот и системот за наплата. Тие како такви точно знаат за тоа каква е вистинската состојба и документација во овој процес наспроти „Слобода превоз“ која нема никаква ниту улога во тој процес и нема никаков пристап до тие податоци. Јавноста не смее да биде дезинформирана особено за состојби за кои постојат записи, аргументи и факти, стои во соопштението.

Од „Слобода превоз“ додаваат дека „во врска со клеветите и долгот, во текот на следната недела преку адвокатската канцеларија Апостолски, ќе бидат доставени потребните поднесоци до надлежните институции“.

Со оглед дека постои голем интерес на јавноста за овие случувања ги повикуваме медиумите да закажуваат дебати со соочување на наши претставници, на ЈСП, на Град Скопје и Секторот за сообраќај на Град Скопје за правилно да се презентираат аргументи и факти и да не се дозволи една личност од позиција градоначалник да ја дезинформира јавноста прикривајќи ги опствените слабости со неосновани напади и клевети врз дуги лица и компании, наведуваат во соопштението од „Слобода превоз“.

The post Почнуваат од крстосницата кај „Мавровка“: До исполнување на барањата приватните автобуси ќе го блокираат Скопје appeared first on Република.

Приватните превозници утре ќе ја блокираат крстосницата кај ТЦ „Мавровка“ со почеток од 7 часот наутро.

- Министерството за внатрешни работи ја информира јавноста дека на 28.11.2022 (понеделник) поради најавено одржување на протест со почеток во 07.00 часот, СВР Скопје ќе превземе мерки за посебен режим на сообраќајот на бул.„Гоце Делчев“ и бул.„Крсте Петков Мисирков“ и околните улици, е наведено во соопштението од МВР.

МВР апелира до граѓаните да ги почитуваат наредбите што ги издаваат полициските службеници.

The post Посебен сообраќаен режим поради блокадата на приватните превозници appeared first on Република.

Приватните превозници вклучени во Јавниот линиски превоз утре ќе протестираат со целосно блокирање во сите правци на крстосницата кај Мавровка, односно булеварот „Гоце Делчев“ и булеварот „Крсте Петков Мисирков“.

Како што најави приватниот градски автобуски превозник „Слобода превоз“, блокирањето ќе биде со повеќе од 30 автобуси и повеќе од 300 лица, а ќе започне од 7 часот.

https://republika.mk/vesti/skopje/poseben-soobrakjaen-rezim-poradi-blokadata-na-privatnite-prevoznici/

– Не е исклучена можноста и не е потврдена информацијата дека на тој ден во утринските часови според можеби поедини превозници да ги блокиранаат излезите односно влезовите на ЈСП-Скопје. Исто така времетраењето на протестот не е утврдено и се планира да трае до исполнување на барањата кои ако брзо не се решат во наредните денови ќе се прошири и на други делови од сообраќајниците во Скопје, посочуваат од „Слобода превоз“.

Во рамките на своите активности за решавање на актуелниот проблем утре „Слобода превоз“ треба да оствари средба со УО на ЈСП. Исто така претставници на „Слобода Превоз“ ќе присуствуваат на седницата на Советот на Град Скопје.

– На средбата со УО на ЈСП на која се очекува да присуствува и директорот на ЈСП ќе побараме информации поврзани со долгот на ЈСП-Скопје и зошто директорот не ги исполнува обврските од договорот, како и информации за изнесените невистини од страна на градоначалникот за наводен криминал со билетите за превоз и кражба на пари, кои одговори секако дека ги имаат службите на ЈСП, бидејќи тие се најинволвираните, задолжени и компетентни во целиот процес од набавка , дистрибуција до продажба на билети и за функционирање на АВЛ системот и системот за наплата. Тие како такви точно знаат за тоа каква е вистинската состојба и документација во овој процес наспроти „Слобода превоз“ која нема никаква ниту улога во тој процес и нема никаков пристап до тие податоци. Јавноста не смее да биде дезинформирана особено за состојби за кои постојат записи, аргументи и факти, стои во соопштението.

Од „Слобода превоз“ додаваат дека „во врска со клеветите и долгот, во текот на следната недела преку адвокатската канцеларија Апостолски, ќе бидат доставени потребните поднесоци до надлежните институции“.

– Со оглед дека постои голем интерес на јавноста за овие случувања ги повикуваме медиумите да закажуваат дебати со соочување на наши претставници, на ЈСП, на Град Скопје и Секторот за сообраќај на Град Скопје за правилно да се презентираат аргументи и факти и да не се дозволи една личност од позиција градоначалник да ја дезинформира јавноста прикривајќи ги опствените слабости со неосновани напади и клевети врз дуги лица и компании, наведуваат во соопштението од „Слобода превоз“

The post Скопје утре во хаос: Приватните превозници ќе ја блокираат раскрсницата кај „Мавровка“ appeared first on Република.

Првиот човек на „Слобода превоз“ Ленин Јовановски за „Студио 10“ вели дека со месеци не им се исплаќаат пари и не се почитува динамиката која ја договориле на последниот состанок. Долгот од ЈСП кон нив надминува еден милион евра. Потенцира дека е потребно итно решение за надминување на ситуацијата.

Ова што се случува е голем притисок за нас. Наместо да сме во Град Скопје и да најдеме решение, за жал мора да се докажуваме од обвинувањата по медиумите. Градоначалничката има едно објаснување, ние друго. Таа е погрешно информирана. И ако некаде треба да бара причина за ваквата лоша состојба треба да ја бара околу нејзините соработници или оние кои ја обвинуваат ситуацијава, изнесуваат неточни информации кои немаат врска со реалната состојба. Ситуацијата е сложена, вели Јовановски.

Додава дека ако се продолжи без наоѓање на решение, ќе се создадат уште поголеми проблеми.

Кога одите со некој да разговарате сметате дека тој има некакво решение. Нас не ни беше дадено решение. Едноставно кажуваат дека немаат пари, дека немаат средства за да течат исплатите и дека не знаат кога ке имаат средства. Нас ЈСП ни дава средства. Градот нас не ни е должен туку како надлежен орган, како сопственик на ЈСП побаравме да помогне во дадената ситуација. Нас ни должат огромна сума на пари, малку повеке од 1 милион евра. За да е уште полоша ситуацијата, сега завршува месецот и долгот ке се зголеми за нови 25 милиони денари или над милион и пол евра долг кон Слобода превоз. Се должи од август до ноември. Не е како во ЈСП каде им каснеше платата 3 дена и се направи толкава бука и се реши проблемот. Ние збориме за долг повеке од три месеци. Никој не се потруди да најде начин да го намали, вели Јовановски.

The post Јовановски: Не е како во ЈСП кога им доцнеа платите 3 дена и се направи бука, нас ни должат за 3 месеци appeared first on Република.

По вчерашната одлука за штрајк на приватните превозници во градскиот превоз во Скопје, денеска нивни претставници се упатуваат пред Град Скопје со барање за прием од градоначалничката Данела Арсовска.

Доколку не биде постигнат договор, најавуваат приватните превозници, во наредните денови ќе има блокади на неколку сообраќајници во Скопје.

-Почитувани ве известуваме дека приватните превозници од вчера во попладневните часови одлучија да стапат во штрајк. Со оглед дека на вчерашното барање на директорот на Слобода Превоз за средба со градоначалничката Данела Арсовска до сега не е одговорено, што им беше предмалку кажано, голем број од приватните превозници од пред просториите на Слобода Превоз се упатија (и веќе се) пред Градското Собрание каде ќе побараат прием кај градоначалничката, информираат од „Слобода Превоз“.

Од „Слобода Превоз“ најавуваат дека и во иднина ќе продолжат да ја известуваат јавноста за случувањата иако, како што нагласуваат, според своите позиции и овластувања не се јавува како организатор и не може да учествува во штрајкот кој е во ингеренции на приватните превозници како директно засегната страна. Но, додаваат од „Слобода превоз“, ќе прават напори за изнаоѓање на правилно и прифатливо решение во дадената ситуација.

The post „Слобода превоз“ пред Град Скопје бара средба со Арсовска, најавува блокади во наредните денови appeared first on Република.

Директорот на компанијата што опслужува дел од линиите на скопскиот градски превоз, „Слобода превоз“, Ленин Јовановски, информираше дека Град Скопје денеска извршил инспекции во претпријатието, нешто што според него никогаш не се случило досега и што го чувствуваат како притисок.

Ако мислат дека со тоа ќе извршат притисоци да се откажеме за да нема некакви казни, нема да го направиме тоа, рече Јовановски на денешната прес-конференција.

Од компанијата алармираа дека тоа се погрешни методи и воопшто не се во интерес на јавноста, како и дека штрајкот продолжува оти се уште не добиле финансиски средства.

Нема да се откажеме бидејќи нас ни должат милиони. Не ни должат 10 или 20 илјади евра. Ако треба нешто да поправиме нешто, ќе поправиме, а не откако ќе си ги побараме парите да се посочат критики – е сега не чините, бидејќи ги побаравте парите. Ќе ви пуштаме инспекции, ќе ви раскинуваме договори, ќе ви се закануваме со ова, со она. Тоа не е во јавен интерес и тие методи се погрешни. Тоа сакавме да и го порачаме на градоначалничката затоа што некои структури околу неа не ја советуваат добро, бидејќи ќе има последици по сите нас. Не е добро ни за градот, ни за граѓаните, а најмалку за градоначалничката која на изборите ја поддржавме и во фокусот на нејзините ветувања беше јавниот превоз, изјави Јовановски.

Тој порача дека доколку им се дадат финансиски средства за гориво, јавниот превоз би бил пуштен во функција веднаш, додавајќи дека се свесни за кризната состојба и затоа не бараат целосна исплата, туку тековни средства за да можат да можат превозниците да возат.

Јовановски воедно ги демантираше информациите изнесени на вчерашната прес- конференција на градоначалничката на Град Скопје, Данела Арсовска, само возачите во т.н. „приватни автобуси“ не издаваат фискални сметки.

Тоа што беше презентирано вчера не е точно. Демантираме дека автобусите на приватните возачи не се фискализирани. Фискалните принтери во приватните и во државните автобуси не се во функција. Тие се дел од вградената опрема на Јавното сообраќајно претпријатие и од многу поодамна не се во функција, оти нивна должност е по договорот да ги одржуваат и поправат, а тоа не го прават. Вториот факт е дека никој од приватните шофери не продава билети во автобусите, заради тоа што ние не ни имаме билети што може да ги продаваме и да земаме пари кои беа спомнати дека не се уплаќаат на сметките, изјави Јовановски.

Тој порача дека е погрешно состојбата на ЈСП да се презентира како состојба кај приватните превозници, кои како што посочи „немаат врска со тоа“.

Во насока на хигиената во автобусите Јовановски напомена дека пред секое пуштање на возилото во сообраќај „треба да се прават соодветни контроли“, но по неговото вклучување состојбата „не може да се контролира и се зависи од свеста на корисниците“.

Јованоски информира дека денеска побарале средба со градоначалничката со цел наоѓање на заедничко решение, најавувајќи дека доколку не се реши проблемот ќе следуваат блокади.

Побаравме денеска писмено да оствариме средба со градоначалничката за да ги кажеме нашите позиции и аргументи и очекуваме да бидеме повикани, изјави Јовановски, додавајќи дека на нивните барања да добијат нешто што им следува, не може да им се дава политички карактер.

The post „Слобода превоз“: Град Скопје ни испрати инспекции, на тоа гледаме како притисок да се откажеме appeared first on Република.

Откако вчера не успеаа да се договорат со Град Скопје двата приватни превозниоци, Слобода превоз и Макекспрес, денеска ќе договараат дали ќе продолжат со протестот и каква форма ќе добијат нивните активности.

За денеска се знае дека повторно нема да сообраќаат на линиите 9, 12, 23 и 45. Приватниот превозник „Слобода превоз“ има побарувања од околу 1 милион евра поради што доцнат платите на сопствениците на автобуси.

Претходно беа исклучени од сообраќај пет други линии на кои сообраќаа автобусите на Макекспрес откако не успеаја да си го наплатат тримесечниот долг, а во обидот да изнајдат решение за проблемот им беше раскинат договорот со објаснување дека не се придржувале до договореното, не се грижеле за хигиената на автобусите како и дека изминатите години воопшто не било инвестирано во нови возила, а приватниот превозник продолжил да вози со старите дотраени автобуси. Градоначалничката Арсовска ги посоветува доколку се одлучат да протестираат нивните возила да ги паркираат пред седиштата на ВМРО – ДПМНЕ и СДСМ бидејќи како што посочи тие се виновни за настанатиот долг.

The post И денеска нема да сообраќаат приватните автобуси 9, 12, 23 и 45 appeared first on Република.

Нема договор помеѓу приватниот градски автобуски превозник „Слобода превоз“ и Град Скопје. Директорот на претпријатието, Ленин Јовановски, најави дека автобусите на линиите кои не сообраќаа денеска, нема да сообраќаат и утре, а за другите линии ќе се одлучи по средбата со превозниците.

Иако состанокот беше напорен и траеше толку долго за жал не можам да кажам дека се договоривме за нешто конкретно. Заклучокот беше дека Градот Скопје во моментов не може финансиски да помогне и да гарантира со одредена сума заради тоа што ребалансот на буџетот сеуште не е поминат и единствено што може да се зборува за решавање на состојбата е дури после 40 дена со новиот буџет, изјави Јовановски по средбата со генералниот секретар на Град Скопје, Зоран Глигоров.

Автобусите на приватниот превозник „Слобода превоз“, на линиите 9, 12, 22, 23 и 45, денеска не возат поради заостанат долг од Град Скопје кон приватниот превозник.

The post Нема договор меѓу „Слобода превоз“ и Град Скопје, Градот засега нема средства за подмирување на долговите appeared first on Република.

Во тек е средбата меѓу претставници на приватниот превозник „Слобода превоз“ и претставници на Град Скопје.

Приватните автобуси на „Слобода превоз“ на линиите 9, 12, 22, 23 и 45 денеска не возат поради немање пари за нафта затоа што ЈСП „Скопје“ односно Град Скопје не им го исплатил долгот.

https://republika.mk/vesti/skopje/skopje-se-razbudi-vo-haos-koloni-vozila-ni-da-mrdnat-nema-avtobusi-raskopani-se-nekolku-glavni-bulevari/

Со крајни напори ќе се обезбеди редовен превоз на линиите: 11, 11а, 47, 55, 61, 63 и 73, кои како приградски линии делумно се финансираат и од општините кои не се во состав на Град Скопје, за да не се случи поради неизвршување на тој превоз да имаат причина да престанат да ги уплаќаат средствата во ЈСП, соопшти вчера „Слобода превоз“.

Од исходот на денешната средба ќе зависи понатамошното вршење на превозот и делување на превозниците.

The post Во тек средба меѓу претставници на „Слобода превоз“ и Град Скопје appeared first on Република.

Апелираме до граѓаните да не веруваат на лажните вести и манипулациите кои во јавноста ги пласираат разни политички групации, соопштија утрово од Град Скопје.

Оттаму додаваат дека автобуси на ЈСП Скопје на линиите 9, 12, 22, 23 и 45 сообраќаат редовно и без задоцнување.

Приватниот превозник „Слобода Превоз” има обврска да ги почитува договорените обврски од јавен интерес. Во последниот месец се оценува квалитетот на работењето на приватнитте превозници согласно индикаторите за квалитет на работењето (редовност, хигиена, валидација на билети) поради се почестите поплаки на граѓаните за квалитетот на превозот од страна на приватните превозници, стои во соопштението од Градот.

Од „Слобода превоз“ вчера кажаа дека дека нивните автобуси нема да сообраќаат на линиите 9, 12, 22, 23 и 45, поради тоа што ЈСП „Скопје“, односно Град Скопје не го исплатил долгот кон компанијата. Сè уште возат автобусите за приградските населби 11, 11а, 47, 55, 61, 63 и 73 оти на овие линии нема автобуси на ЈСП па ако престанат да возат и приватниците граѓаните целосно ќе бидат отсечени од градот.

The post Од Град Скопје велат дека приватните автобуси мораат да возат appeared first on Република.

Сопственикот на приватниот автобуски превозник од Скопје, „Слобода превоз“, Ленин Јовановски, соопшти дека нивните автобуси нема да сообраќаат на линиите 9, 12, 22, 23 и 45, поради тоа што ЈСП „Скопје“, односно Град Скопје не го исплатил долгот кон компанијата. Нема да има приватни градски автобуси ако Град Скопје не најде решение за долгот од близу милион евра.

Првиот човек на „Слобода превоз“ Ленин Јовановски рече дека со месеци не им се исплаќаат пари и не се почитува динамиката која ја договориле на последниот состанок, а тоа е едно евро по километар, како и месечните аванси за неколку месеци наназад. Во знак на револт наместо на улица, автобусите ќе заминат пред Град Скопје.

На последната средба во Градот се договоривме да има исплати на секои 15 дена, но тоа не се почитува. Пари од продажба на билети и месечни карти секој ден се собираат, но нас не ни се префрлаат пари. Имаме сомневање дека од тие пари кои всушност се наши пари, ние сме ги сработиле, се плаќаат други обврски на претпријатието. Ние треба да возиме и да даваме пари за гориво од наш џеб, а парите што сме ги сработиле да се даваат на друг, вели Ленин Јовановски од превозникот „Слобода превоз“.

Засега ќе се пуштат возила само за приградските населби, бидејќи таму ЈСП нема автобуси, па ако и тие ги укинат овие граѓаните ќе бидат целосно отсечени од градот, што не сакаат да дојде до сообраќаен хаос.

Јовановски додаде дека доколку не се одржи средба со претставници на Град Скопје и градското претпријатие, ќе има протести, а ако и натаму нема резултат, приватните превозници најавуваат штрајк.

Во опција е и поднесување претставка до Антикорупциската комисија, а можеби и тужба на адреса на директорот на ЈСП за злоупотреба на службена должност, затоа што парите наменети за нас се пренасочуваат на друга страна, изјави Јовановски.

Јовановски вели дека со градоначалничката Арсовска, која ја поддржа на локалните избори, не се во блиски односи, па за сите проблеми кои ги има, го упатила да комуницира со градскиот секретар.

Со градоначалничката Арсовска не сме толку блиски за да се слушаме на дневна база. Последниот пат кога ја побарав за проблемите со кои се соочуваме ми рече за сите прашања да комуницирам со секретарот на Градот. Тој е известен за нашата одлука и доколку до крајот на денот не се најде решение, утре дел од автобусите нема да ги има на улиците. Можеби на некој тоа и му е намерата, да престанеме да возиме и како што направија со ‘Макекспрес‘ и со нас да го раскинат договорот. Но, потоа скопјани ќе останат без јавен превоз оти ЈСП немаат плус 200 автобуси за да ги заменат сите линии на кои возиме ние приватниците, вели Јовановски.

Пред еден месец автобусите на ЈСП „Скопје“ не возеа еден ден кога вработените стапија во колективен штрајк зашто немаа земено плата. Потоа, поради долг кој не можеше да го наплати од ЈСП односно од Град Скопје, престанаа да сообраќаат автобусите на приватниот превозник „Макекспрес“.

The post Не чекајте 9, 12, 22, 23 и 45, штрајкуваат приватните автобуси appeared first on Република.