Слика пронајдена од италијански трговец со антиквитети, е досега непознат оригинален портрет насликан од шпанскиот уметник Пабло Пикасо, открија италијански експерти.

Откако случајно ја пронашол сликата во подрум на куќа на италијанкиот отров Капри во 1962 година, Луиџи Ло Росо го однел платното дома во Помпеја. Ја закачил на ѕид во дневната соба, а неговата сопруга ја сметала сликата за „страшна“, пишува „Гардијан“. Се верува дека тоа е уште еден портрет на Дора Мар - француска сликарка и фотографка која му била љубовница и муза на Пикасо. Во горниот лев агол на сликата се гледа карактеристичниот потпис на познатиот уметник, но Луиџи Ло Росо не го знаел тоа.

Дури многу години подоцна, неговиот син Андреја се заинтересирал за сликата откако забележал слични уметнички дела во енциклопедија за историја на уметноста и семејството побарало стручно мислење и совет...

Татко ми беше по потекло од Капри и често собираше секакви антиквитети, коишто потоа ги продаваше речиси „за џабе“. Тој ја нашол оваа слика пред да се родам и немал поим кој е Пикасо. Не беше премногу образован. Дознав за делата на Пикасо од историска енциклопедија. Го споредив и потписот. Постојано му кажував на татко ми дека потписот е сличен, но тој не обрнуваше внимание на тоа, раскажува Андреја.

На крајот, Чинција Алтиери - графолог и член на Фондацијата „Аркадија“ којашто се занимава со проценки, реставрации и верификација на уметнички дела, потврдил дека потписот на сликата е автентичен.

Пикасо почина во 1973 година, а за време на неговиот живот насликал повеќе од 14.000 дела. Па така, Фондацијата секојдневно добива пораки од луѓе кои тврдат дека имаат оригинал. Често престојувал на Капри и се верува дека оваа слика е создадена меѓу 1930 и '38 година и оти има неверојатна сличност со Пикасовата претходна „Женска биста“ (Buste de femme) (исто така портрет на Мар). Во меѓувреме Луиџи починал, а Андреја денес има 60 години и ја продолжува потрагата. Лука Марканте, претседател на Фондацијата „Аркадија“, верува дека може да има две верзии на делото „Женска биста“.

И двете би можеле да бидат оригинали. Веројатно се работи за два портрета, не сосем исти, но се работи за истата тема што Пикасо ја насликал во различно време. Сепак, едно е сигурно: Сликата најдена на Капри денес се чува во трезор во Милано и е автентична, изјави Марканте за весникот „Ил џорно“ (Il Giorno).

Следно, Марканте ќе ги презентира доказите пред Фондацијата „Пикасо“.

Вредноста на ова дело на Пикасо денес се проценува на 6 милиони евра.

The post Пронајдена досега непозната слика на Пабло Пикасо appeared first on Република.

Сликата со наслов „Портрет на селанка со бела шапка“ на холандскиот уметник Винсент ван Гог е продадена на Годишниот саем за уметност и антиквитети ТЕФАФ во Мастрихт, Холандија, за повеќе од 4,5 милиони евра.

Платното со димензии 63 x 48 цм е насликано околу 1884 година, додека уметникот престојувал во куќата на неговото семејство во селото Нуенен. Овој период се смета за пресвртница во делото на Ван Гог. Автентичноста на сликата е потврдена од музејот „Ван Гог“ во Амстердам.

Овој период се смета за пресвртница во делото на Ван Гог. Автентичноста на сликата е потврдена од музејот „Ван Гог“ во Амстердам.

Сликата беше ставена на продажба од американската галерија „МС Рау“ од Њу Орлеанс.

Новиот сопственик платил 4,57 милиони евра. Тој всушност, поседува приватен музеј надвор од Европа, објави холандскиот ТВ-канал „НОС“.

The post Слика на Ван Гог продадена за над 4,5 милиони евра appeared first on Република.

Неодамна е откриена нова, досега непозната слика на италијанскиот ренесансен сликар Рафаел Санти, на која е претставена Марија Магдалена, објавија експертите денеска на меѓународна конференција во Пергола, град во централната италијанска провинција Пезаро и Урбино.

Од Анса наведуваат дека се работи за уметничко дело за кое модел била Кјара Фанчели, насликана на плоча од топола со димензии 46 на 34 сантиметри и датира од 1504 година. Тoa е во сопственост на приватен колекционер и експертите проценуваат дека навистина е насликанo од Рафаело.

Анса наведува дека верзијата на овој портрет на Марија Магдалена ја насликал сликарот Перуџино, учителот на Рафаел, но новите информации покажуваат дека новооткриениот портрет на Рафаел е уште постар од оној што го насликал неговиот учител.

Верзијата на Рафаел се смета за стилски и технички супериорна и на неа може да се забележат суптилни влијанија на Леонардо да Винчи. Исто така, се вели дека употребата на пропорции во портретот сугерира дека Рафаело „конечно го пронашол својот јазик“ и го надминал својот учител.

Експертите веста за откривањето на новата слика ја објавија за време на конференцијата „Визијата за совршенството на Рафаел Санти“, пред објавувањето на студијата за неговиот придонес во уметноста, која ќе биде насловена „Рафаеловата Магдалена, кога ученикот ќе го надмине учителот“.

Spunta un nuovo dipinto di Raffaello: una Maddalena con il volto di Chiara Fancelli, moglie del Perugino. L'opera, su tavola di pioppo da 46 cm per 34 cm, del 1504 è stata attribuita all'artista urbinate da un pool di studiosi #ANSAhttps://t.co/fdbqjvBkvM

— Agenzia ANSA (@Agenzia_Ansa) September 17, 2023

The post Откриена непозната слика на Рафаел од 16 век appeared first on Република.

Прашуваме како е возможно ненамерно да се исече премиер од фотографија за кого се вели дека сме пријателски држави, велат од ВМРО-ДПМНЕ.

Верува ли некој дека е ненамерен пропуст како што вели Ковачевски?

Дали пријателството на Ковачевски е само за по дома, а кога ќе излезе надвор од државата никој не го есапи?

Свесен ли е Ковачевски дека заради неговиот пристап на виткана кичма не го понижуваат само него, туку и целата држава.

Дали пораката до Ковачевски е дека е до толку неважен, што не треба да го има ниту на фотографија? Дали Ковачевски побара извинување или ќе молчи и ќе се понижува и себе и државата?

Одамна знаеме дека во СДСМ немаат образ, но тоа не значи дека треба да ја срамат и државата.

The post Прашуваме како е возможно ненамерно да се исече премиер од фотографија за кого се вели дека сме пријателски држави appeared first on Република.