Од викендов ни следува нов топол бран од Африка, предупредува метеопрогнозерот Славчо Попоски.

Но, да напоменам дека овој топол бран нема да биде како претходниот, односно ќе биде поумерен, а по сè изгледа, и пократкотраен!, вели тој.

The post Славчо Попоски најавува нов афрички бран викендот appeared first on Република.

Како што веќе подолго време прогнозираме, и предупредуваме, од средината на овој месец ни доаѓа голема промена навремето, а се поизвезен е и првиот задоцнет зимски удар на Балканот, па и во Македонија, вели метеорологот Славчо Попоски.

Според познатиот метеоролог Дино Дундиќ од Хрватска, снежната граница би можела да се спушти дури и до 800 метри надморска височина.

Сето ова е поради спуштањето на значително поладниот воздух од Атлантикот, па преку северозападна Европа и ќе пристигне и до нашите делови од Европа. Секако овој ладен бран ќе зафати голем дел од Европскиот континент и ќе донесе потпросечни температури на воздухот.

Иначе и јас во последната метео објава околу оваа очекувана промена на времето од средината на овој месец, најавив дека се поизвесно е да имаме потпросечни температури на воздухот, но и поладно време од или по 15 месецов, со почести врнежи од дожд, па и снег на планините.

The post Метеоролозите од регионот едногласни: Ни доаѓа задоцнет зимски бран appeared first on Република.

Вечерва се надоврза и главниот и најажурен прогностички модел, Европскиот центар за среднорочна прогноза (ECMWF) и тоа околу можноста за есенско-зимско сценарио кај нас, но и ширум регионот како и во поголемиот дел од Европскиот Континент од средината, како и во втората половина на овој месец.

Се поизвесно е дека промената на времето ни доаѓа наредната седмица, а веќе во периодот од 15 па се до 22 Април би имале и поладно време, понекаде дури и со потпросечни температури, но и почести врнежи. Поради падот на температурите, понекаде во Европа  и кај нас на Балканот би можел да се појави дури и пролетниот снег, особено секако на планинските места.

Не се исклучува можноста снежната граница да се спушти и нешто пониско, во зависност од тоа како би се движел ладниот воздух кој би се спуштил преку Атлантикот  и од северозападот на Европа.

The post Се поизвесно е есенско-зимско сценарио кај нас од средината на месецов appeared first on Република.

Судејќи според моменталните анализи, направени со помош на најпрецизните прогностички модели, оваа година по сè изгледа ќе изостанат касните зимски студови, кои се карактеристични за месец март, вели метео-прогнозерот Славчо Попоски.

Времето во следните денови, односно до крајот на март ќе остане топло со пролетни температури на воздухот кои на многу места ќе надминуваат 10 степени, понекаде тие ќе достигнат и до околу 15 степени, а во најтоплите централни и југоисточни предели температурата локално ќе се искачи до околу, или близу 20 степени. Врнежите полека ќе се намалуваат, иако и понатаму повремено и локално ќе има услови за слаби врнежи од дожд.
Уште потопло треба да биде кон крајот на викендот и следната седмица кога температурите понекаде би надминувале и 20 степени.
Појава на утрински мразеви не се очекуваат, поради тоа што на повеќе места очекуваме температури малку над нулата, пишува тој.

The post Славчо Попоски прогнозира вистинска пролет: Зимата не се враќа appeared first on Република.

Поради изразеното јужно воздушно струење кое ќе го има над нашиот дел од европскиот континент (Балканот, вклучувајќи ја и нашата Македонија), утре и во петок од Сахара кон нашите краишта ќе се врши голем транспорт на прашина и на песок, со што и атмосферата ќе биде заматена, а дождот што го очекуваме ќе биде многу валкан, најавува метеорологот Славчо Попоски.

Додава дека се работи за огромно количество на сахарска прашина и песок од Сахара. Се очекува над Балканот и над Македонија утре и задутре локално да има дури вкупно и до 2000 честички на милиграм кубен, вели тој.

https://republika.mk/zivot/servisi/utre-i-vo-petok-dozhd-vikendot-sonchevo-i-toplo/

The post Утре и во петок огромно количество на Сахарска прашина и песок во воздухот, најавува Славчо Попоски appeared first on Република.

По најновиот снежен бран кој ја зафати Македонија, и направи многу проблеми, од денес до четврток силен Азорски антициклон ќе ја зафати нашата територија, прогнозира Славчо Попоски.

Метеорологот вели дека времето ќе биде стабилно, суво и со повеќе сонце, особено на повисоките места и на планините, додека по одделни котлини и речни долини ќе има појава на магла и на ниска облачност, и истата локално се очекува да биде густа, но напоменува и дека маглата и ниската облачност понекаде во котлините ќе се задржи и преку ден, со што и температурите на воздухот ќе останат ниски.

Во Скопје и околината, исто така, ќе имаме стабилно и суво време, но во котлината ќе се создаваат услови за појава на магла и на ниска облачност, кои би можеле да се задржат и преку целиот ден, со што и температурата ќе остане пониска. Токму поради ова и поради можната намалена видливост, на возачите им препорачуваме да бидат крајно претпазливи, вели Попоски.

Што се однесува до температурите, Попоски вели дека тие наутро речиси насекаде остануваат под нулата, а маскималните дневни температури ќе бележат тенденција на пораст и ќе се искачуваат во интервалот од 2 до 11 степени.

Нов бран на врнежи од дожд и снег се очекува од петок.

Извор: Метеоаларм

The post По снегот ни доаѓа Азорски антициклон, прогнозира Славчо Попоски appeared first on Република.

Балканот пред температурен шок! Најпрвин големо затоплување на времето, на повеќе места во регионот ќе се мерат температури до околу, па дури и над 20 степени, особено во петок и сабота, објави метеорологот Славчо Попоски на неговата Фејсбук страница.

Потоа следува нов продор на поларниот вртлог од север и повторно многу ниски температури на воздухот...во Македонија со ова краткотрајно но големо затоплување се очекуваат температури до околу 17 степени, и тоа во најтоплите централни и југоисточни предели.

The post Пред нас е температурен ролеркостер: Температури до 17 степени, а потоа доаѓа нов поларен вртлог! appeared first on Република.

Оваа година месец октомври ќе го поминеме во знакот на потопло време, но и со помалку врнежи, што значи дека температурите ќе бидат натпросечно високи, а врнежите ќе бидат под просекот, прогнозира Славчо Попоски.

Вели дека сепак повремено може да се очекува прилив на поголем влажен воздушен бран кој би условил и поинтензивни врнежи од дожд.

Се на се, така нареченото “Мини лето” ќе продолжи и во текот на овој месец, а вие ваквото прекрасно време максимално искористете го за правење на зимница. Температурите во следните денови наутро ќе бидат пониски и на повеќе места ќе се спуштаат до околу, па и под 10 степени. Максималните дневни температури на воздухот ќе се искачуваат во интервалот од 22 до 28 степени. Во Скопје наутро температурата ќе се спушта во интервалот помеѓу 9 и 13 степени, а максималната дневна температура ќе се искачува во интервалот помеѓу 24 и 27 степени. Првичните анализи пак за зимата 2023/2024 укажуваат на тоа дека ќе имаме повеќе врнежи од снег, но ќе биде и постудена за разлика од изминатите години, нагласува Попоски

The post Попоски прогнозира: Октомври ќе е жешко, но затоа зимата… appeared first on Република.

Метеорологот Славчо Попоски најавува промена на времето. Вели дека до крајот на викендов, времето во Македонија ќе се задржи стабилно, суво и натпросечно топло преку ден со температури кои некаде ќе се искачат и до 15 степени.

Особено во ноќните, утринските и во претпладневните часови по одделни котлини ќе има појава на магла и на ниска облачност, особено во оние котлини кои се наоѓаат долж Повардарието.

Голема промена на времето ќе има веќе од понеделник попладне и навечер, а особено во вторник кога насекаде ќе има зголемена облачност и врнежи од дожд, додека на планините врнежите ќе бидат од снег и ќе се формира снежна покривка (на повисоките планински места со висина и од над 20 цм). Поради продорот на постуден воздух од север, снежната граница во вторник попладне, навечер како и во текот на ноќта кон среда понекаде ќе се спушти под 1000 м.н.в, со што врнежи од дожд и снег, или мокар снег ќе има и во некои пониски населени места. Во понеделник ќе дува умерен, повремено засилен ветер од јужен и од југоисточен правец, кој во вторник попладне и навечер ќе го промени правецот во северен и ќе биде засилен по интензитет. Поради засилениот ветер, конечно ќе дишеме значително поквалитетен воздух низ котлините, вклучувајќи ја и Скопската котлина, што значи дека се очекува големо разчистување на воздухот, вели Попоски.

The post Славчо Попоски прогнозира: Ни следи голема промена во времето, ама и почист воздух appeared first on Република.

Под влијание на влажна и нестабилна воздушна маса од запад и северозапад денес и тоа од западните предели ќе започнат поројни врнежи од дожд. Локално ќе биде и нестабилно со грмежи и СИЛЕН ВЕТЕР. Според последните податоци најмногу врнежи ќе има во западните предели каде локално ќе наврнат над 30 л/м2 воден талог. Локално ќе има услови за појава на ИЗРАЗЕНО НЕВРЕМЕ проследено со обилен пороен дожд кој може да услови локални поплавувања, олуен ветер, силни и чести електрични празнења и со услови за појава на град. Нестабилно со врнежи и грмежи, како и со повремено засилен ветер ќе биде и во Скопскиот регион, истакна МЕТЕО прогнозерот Славчо Попоски.

„Од недела, па во текот на следната седмица поради продор на МНОГУ ПОСТУДЕН воздух од север температурите ќе опаднат дури за околу па и за повеќе од 10 степени. Во недела ќе дува и засилен северен ветер. Исто така од недела во текот на денот па се до вторник времето ќе биде претежно стабилно. Нова промена барем отсега гледно ќе има во среда кога е можен и првиот снег за оваа сезона на највисоките планински врвови во Македонија. Снег овој викенд ќе падне и на највисоките планински места во регионот“, додава Попоски и напоменува дека во случај на појава на НЕВРЕМЕ во следните часови препорачуваме КРАЈНА ПРЕТПАЗЛИВОСТ.

The post Славчо Попоски прогнозира: Очекувајте го првиот снег на планините appeared first on Република.

Времето во Македонија продолжува да биде нестабилно и со услови за поројни дождови. Затоа до четврток се очекуваат нови серии на изразени невремиња кои и понатаму можат да условуваат локални поплавувања и штети. Славчо Попоски препорачува крајна претпазливост.

Инаку од петок, па за време на викендот, атмосферата ќе биде постабилна, иако и тогаш ќе има услови за појава на изолирана попладневна нестабилност проследена со пороен дожд, грмежи и засилен ветер.

Температурите ќе бидат без поголеми промени, а пораст на истите се очекува од петок и за време на викендот, кога истите тогаш ќе се искачуваат во интервалот од 26 до 33 степени, вели метеопрогнозерот Попоски.

The post Ни доаѓа нов бран поројни дождови, апел за крајна претпазливост appeared first on Република.

Според најновите анализи кои ние ги направивме, и тоа со помош на најпрецизните метеоролошки модели во светот, истите укажуваат на тоа дека оваа година зголемени се условите за продолжување на летото и топлотните бранови во Македонија, но и пошироко во регионот, но и во Европа, тврди Славчо Попоски. Во остатоткот на овој месец, како и во септември се очекуваат натпросечно високи температури на воздухот.

Натросечно високи температури можни се дури и во текот на есента. Врнежите ќе бидат под просекот, што значи се очекуваат помалку врнежи од вообичаеното.

Сепак повремено можни се изразени нестабилности и невреме ширум Македонија, регионот и Европа.

Сè на сè, граѓаните можат своите годишни одмори да ги искористат дури и во септември месец, и да заминат некаде во туристичките места во Македонија, но и некаде на море.

The post Ќе имаме продолжено лето, еве до кој месец ќе биде многу топло appeared first on Република.

Според најновите анализи направени со помош на најпрецизните метеоролошки модели во светот, оваа година зголемени се условите за продолжување на летото и топлотните бранови во Македонија и регионот, но и во Европа, вели метеорологот Славчо Попоски.

Според него, до крајот на август, како и во септември, се очекуваат натпросечно високи температури на воздухот, кои се можни дури и во текот на есента.

Се очекуваат помалку врнежи од вообичаеното, но повремено можни се изразени нестабилности и невреме ширум Македонија, регионот и Европа.

Сè на сè, граѓаните можат своите годишни одмори да ги искористат дури и во септември месец, и да заминат некаде во туриустичките места во Македонија, но и некаде низ морињата, советува Попоски.

The post Славчо Попоски: Ќе имаме индиско лето, еве што носи тоа appeared first on Република.

Метеорологот Славчо Попоски објави фотографија која покажува дека во Неготино денеска се измерени 50 степени.

Додава дека на сонце е измерена оваа екстремно висока температура, но и дека идната недела ќе имаме многу топло време.

The post Во Неготино измерени 50 степени appeared first on Република.

Метерологот Славчо Попоски упати предупредување до граѓаните да бидат крајно претпазливи и да не ги оставаат своите автомобили под дрвја, поради силниот ветер од јужен правец кој утре се очекува да дува низ Македонија. Ветерот на некои места ќе достигнува брзина од дури над 80 км/час, пишува тој.

Вели дека сево ова е поради моќиот циклонски систем кој ќе биде со центар над Џеновскиот залив и истиот ќе влијае на времето кај нас во Македонија, но и во регионот.

Од утре па натаму следува и период на променливо облачно време со повремени врнежи од дожд и истите локално ќе бидат поинтензивни. Локално ќе има развој и на нестабилна облачност, проследена со поројни врнежи од дожд, грмежи, силен ветер и услови за ретка појава на град. Локално овие процеси би можеле да бидат застапени и во форма на невреме. За време на викендот пак на планинските места на запад ќе има услови и за врнежи од снег. Што се однесува до температурите, тие ќе се искачуваат во интервалот од 12 до 20 степени, додека во најтоплите предели истите се очекува да се искачат и малку над 20 степени, вели Попоски.

Попоски додава дека од денес па во следните денови поради изразеното југозападно воздушно струење, од Сахара кон нашата територија ќе се шири прашина и песок, со што и атмосферата ќе биде заматена, а дождот кој се очекува ќе биде помешан со истата.

The post Славчо Попоски предупредува: Не ги оставајте автомобилите под дрвја, ќе дува ветер со брзина над 80 км/час appeared first on Република.