Скупи е арехолошки локалитет од доцноантичко време, со одлична и исклучителна уникатна презервација на откритија. Гледаме голем потенцијал од аспект на научни истражувања и би ни било мило доколку можеме да дадеме придонес и да откриеме уште повеќе за ова археолошко место во иднина, изјави за МИА заменик-директорот на Германскиот археолошки институт, Лукас Вертер.

Шестмина специјалисти од Германија предводени од Вертер, во името на Германскиот археолошки инситут денеска потпишаа меморандум за соработка со Музејот на Град Скопје. Тие во Скопје пристигнаа вчера, а ќе престојуваат до четврток, при што ќе остварат посета со Министерството за култура, како и со претставници од Германската амбасада.

Според Вертер, меморандумoт за соработка меѓу Германскиот археолошки институт и Музејот на Град Скопје ќе биде почетна точка во поглед на нивната идна соработка.

- Меморандумoт за соработка меѓу Германскиот археолошки институт и Музејот на Град Скопје ќе биде почетна точка на нашата идна соработка во поглед на археолошките истражувања на Скупи. Се надеваме дека меморандумот ќе биде првиот чекор на нашата работа која ќе претстои во следните години, изјави Вертер за МИА.

За Скупи тој додава дека е место кое е собено уникатно од научен аспект.

-Арехолошкиот локалитет Скупи е место особено уникатно од научен аспект, со одлична и исклучителна уникатна презервација на откритија. Гледаме голем потенцијал од аспект на научни истражувања и би ни било мило доколку можеме да дадеме придонес и да откриеме уште повеќе за ова археолошко место во иднина, рече Вертер.

Во рамки на соработката, во Археолошкиот музеј во Франкфурт на 17 декември ќе биде отворена нашата изложба насловена „Темната страна на Римската историја“, која е приказ на масовната гробница откриена во Скупи. Изложбата е подготвена од археологот Ленче Јованова, а претходно беше прикажана и во Белград.

Вертер изјави дека со нетрпение ја очекуваат оваа изложба, и како што посочи, истата е уникатна сама по себе.

-Навистина ја очекуваме оваа изложба. Всушност се она што ќе биде претставено на изложбата е уникатно сама по себе. Ние знаеме дека постојат повеќе гробници од различни периоди од човечековата историја. Но, изложбата говори за 200 индивидуи кои починале од насилна смрт, повеќето од нив биле обезглавени. Изложбата е посебна и секако отвора многу прашања од научен аспект, за тоа кои се овие луѓе, кои се нивните биографии, што им се случило, додаде Вертер.

Тој посочи дека изложбата може да биде добра почетна точка за да размислуваме на овие теми, но и да ги доближиме овие уникатни дела до германската јавност, со надеж дека ова ќе ја поттикне понатамошната соработка и истражувања меѓу Македонија и Германија

The post Лукас Вертер од Германскиот археолошки институт: Во Скупи гледаме голем потенцијал од аспект на научните истражувања appeared first on Република.

На улицата Скупи бр. 57-67 во Карпош за време на копањето за нова петкатница бил пронајден археолошки локалитет, а веќе се ископани артефакти од 3 и 4 век.

Државниот градежен инспекторат поставил жолта лента кај археолошкиот локалитет, каде што се вршат ископувањата по кои теренот може да се расчисти за изградба на објектите, објави „ТВ21“.

Директорот на Управата за заштита на археолошко наследство, Арјан Асланај, кажал дека додека се прават археолошки ископувања не може да се гради, додека историчарот Музафер Бислими побарал да запре градежните активности доколку се пронајдени повеќе артефакти на просторот.

Како што пишува „ТВ21“, на локалитетот имало повеќе древни артефакти, меѓу кои една била и плоча со натпис „Дарданус“.

The post Артефакти пронајдени кај Скупи на место каде што ќе се гради петкатница appeared first on Република.