Во Националната Филхармонија во Скопје вечер ќе биде одржан третиот концерт на фестивалот на камерната музика „Скупи КамерФест“. Концертот е во организација на здружението „Муза“, а во соработка со здружението „Арт Линк“ од Белград.

Концерт ќе одржи италијанскиот пијанист Алберто Феро од Скопје, заедно со камерната група Камерата Балканика.

Италијанскиот пијанист Алберто Феро е добитник на многу меѓународни награди, меѓу кои онаа на меѓународниот натпревар по пијано „Феручио Бусони“ во Болцано (2015); меѓународниот натпревар по пијано „Кралицата Елизабета“ во Брисел (2016); меѓународниот натпревар по пијано „Premio Jaén“ (2022). Имал многу концерти и соработувал со многу оркестри низ Европа.

Моментално е професор по пијано на Државниот музички конзерваториум „Алесандро Скарлати“ во Палермо.

Камерната група Камерата Балканика обединува млади уметници на класичната музика од Западен Балкан, дел од оваа група за овој концерт ќе бидат: Марија Јанчулеска – виолина (Македонија), Веса Доли – виола (Косово), Ангелина Живковиќ – виолончело (Србија).

На овој концерт, јавноста во Скопје ќе има можност да слуша камерна музика од познатите композитори: Моцарт, Бах, Дебиси и Јовановиќ.

The post Фестивал на камерната музика „Скупи КамерФест“ во Филхармонија appeared first on Република.

Вториот концерт на меѓународниот фестивал на класичната камерна музика „СКУПИ КамерФест“ – петто издание ќе се одржи вечер во Филхармонија.

Како што информираат организаторите, на концертот насловен „Balkan Art Stage“ ќе учествуваат 12 инструменталисти од осум различни балкански земји.

Меѓу нив се Љубиша Јовановиќ (Република Србија); Марија Ѓошевска; Гиота Ксенариоу (Република Грција); Бојан Илкоски; Невила Калаја (Република Албанија); Сихана Бадивуку; Рон Бакали (Република Косово); Сандра Белиќ (Република Србија); Милан Нинковиќ (Република Србија); Стефанија Јанкова (Република Бугарија); Ева Радоми Караџа (Република Босна и Херцеговина); Блерим Груби.

На програмата на овој концерт се дела од творечкиот опус на композиторите Моцарт, Бетовен, Борн и Шуман.

The post Втор концерт на „СКУПИ КамерФест“ во Филхармонија appeared first on Република.