Скулптурата „Куче од балон“ вредна 42.000 долари се урна кога восхитена колекционерка на уметнички дела случајно го уништи делото на славниот уметник. Скулптурата од американскиот уметник Џеф Кунс од син порцелан беше изложена на штандот Bel-Air Fine Art за време на саемот за современа уметност Art Wynwood во Мајами.

Сината скулптура „Куче од балон“ беше најпопуларна на целиот саем, дури и пред да се урне и да привлече внимание.

Уметникот и колекционер на уметнички дела од Винвуд, Стивен Гамсон, бил присутен кога се случила несреќата.

Кога тресна на земја, тоа беше како кога сообраќајна несреќа привлекува огромна гужва на автопат, рече Гамсони додаде: Тоа е најпопуларниот штанд на целиот саем.

Колекционерот, обожавател на Кунс, објасни дека жена тапкала по скулптурата за да потврди дали скулптурата навистина е балон.

Скапата скулптура „Куче од балон“ од 42.000 долари била осигурана од страна на Бенедикт Калч, советник за уметност во Bel-Air Fine Art, а штетата ќе ја покрие осигурувањето.

Колекционерката можеби згрешила, но не се сите толку невини и понекогаш можат да направат вистински проблеми. Минатата година американски турист беше уапсен во Кјарамонти, затоа што искрши две римски скулптури стари 2.000 години, откако му беше одбиена дозволата да го види папата Франциско.

The post Скулптурата „Куче од балон“ вредна 42.000 долари случајно уништена од восхитена колекционерка на уметнички дела во Мајами appeared first on Република.

Скулптура во метал, дело на гостиварскиот уметник Џезаир Реџепи, од денеска ќе стои на левиот брег на Вардар во Гостивар. Ова дело со висина од речиси пет метри стана сопственост на општина Гостивар по потпишување на меморандумот помеѓу локалната самоуправа и авторот.

На церемонијата за откривање на скулптурата, наречена „Метафора на слободата", присуствуваа повеќе уметници од градот. За идејата да го подари ова дело, Реџепи рече дека со ова сака да поттикне други автори да прават уметнички дела за отворен простор.
„Иако во Гостивар има многу уметници, сепак нема многу уметнички дела на отворен простор. Сметам дека со уметност се облагородува просторот во кој престојуваме, особено кејот на Вардар и тој да стане своевидно уметничко катче“, рече Реџепи.

Изработката на скулптурата финансиски е поддржана од Министерството за култура, а авторот ја работеше една година.

Благодарност во име на локалната власт и граѓаните искажа претседателот на Советот на општина Гостивар, Ваљбон Лимани.

„Ова е еден гест со кој се создава попријатен амбиент за гостиварци, но и подигање на културното ниво. Посакувам ова да биде мотив и за други уметници да творат слични проекти“, рече Лимани.

Џезаир Реџепи е дипломиран скулптор на Државниот универзитет Тетово и е вработен во Конзерваторскиот центар во Гостивар.

The post Скулпторот Џезаир Реџепи на Гостивар му подари скулптура appeared first on Република.