Со оглед на високите температури кои ја зафатија територијата на Македонија, а имајќи предвид дека наставната година за учениците од основните училишта трае до 17.06.2024 година, Министерството за образование и наука препорачува:

– Основните училишта наставата да продолжат да ја реализираат со скратени наставни часови, но да се внимава да се запази суштината на наставната материја која се изучува;

– Училниците и другите простории кои се користат во училиштето постојано да се проветруваат;

– Да се насочуваат учениците и да им се дава можност да конзумираат поголемо количество на вода;

– Да им се препорача на учениците да не конзумираат масна храна и храна која содржи поголемо количество на шеќери за време на училишниот ден.

Овие препораки се дел од Општите препораки за заштита од топлотен бран на Центрите за јавно здравје, а согласно Здраствениот акциски план за превенирање на последиците од топлотните бранови врз здравјето на граѓаните на Македонија.

The post Поради високите температури: МОН препорачува основните училишта да работат со скратени часови appeared first on Република.

Утре во скопските основни и средни училишта часовите ќе траат по 20 минути и нема да има пауза за одмори, а четврток е неработен ден за сите училишта во Скопје. Овој ден нема дополнително да се одработува.

Во Скопје на 29 и 30 ноември ќе се одржи Министерски самит на ОБСЕ, на кој треба да дојдат сите министри за надворешни работи од Европа. Македонија годинава е претседавач со ОБСЕ.

Наставата во првата училишна смена ќе започне со првиот наставен час во 7.30 часот, вториот ќе започне во 7.50, третиот во 8.10, четвртиот во 8.30, петиот во 8.50, а шестиот во 9.10 и ќе трае до 9.30 часот.

Наставата во втората смена, која вообичаено почнува околу 13 часот, утре ќе започне во 9.30 часот, вториот час е во 9.50, третиот во 10.10, четвртиот во 10.30, петиот во 10.50 и шестиот во 11.10 часот.

Според владината одлука работното време на сите вработени во државната и јавната администрација на територијата на градот Скопје – на 29-ти ноември 2023 година (среда), треба да заврши во 12:00 часот.

30-ти ноември 2023 година (четврток) се определува за неработен ден за сите вработени во државната и јавната администрација, на подрачјето на град Скопје. Овие заклучоци се однесуваат и на основните и средните училишта на подрачјето на град Скопје, а не се однесуваат на детските градинки и здравствените установи на подрачјето на град Скопје – коишто е потребно да изработат сопствени планови за работењето, со цел непречено функционирање, информираат од Владата.

https://republika.mk/vesti/makedonija/nema-da-se-odrabotuva-30-noemvri-shto-vladata-go-proglasi-za-neraboten-den-vo-skopje-za-drzhavnata-i-javnata-administratsija-poradi-samiot-na-obse/

The post Утре скратени часови во скопските училишта, четврток е неработен, нема да се одработува appeared first on Република.