Jубилејното 45. издание на манифестацијата „Скопско лето“ свечено ќе се затвори вечерва, 31.07.2024г. (среда) со почеток во 20:30ч. во Сули ан, со концерт на Камерниот оркестар на Музичка младина на Македонија „Саша Николовски - Ѓумар“ под диригентската палка на Иван Еминовиќ.

Солисти:
Симеон Гошев – виолина
Енис Аљи – виолончело

Љубителите на класичната музика ќе имаат можност да уживаат во изведбата на дела од А. Вивалди, Р. Аврамовски, Д. Попер, Т. Зографски и Д. Шуплевски.

Камерниот оркестар на Музичката младина на Македонија постои повеќе од 37 години и е основан како прв сегмент на Летниот музички камп на МММ во Охрид 1986г.

Иван Еминовиќ е роден во Скопје. Музика започнува да изучува на 6-годишна возраст, посетувајќи најпрвин на одделот по пијано во нижото музичко училиште, а потоа и средно образование во ДМБУЦ „Илија Николовски – Луј“ во Скопје. На ФМУ во Скопје се запишува на одделот за оркестарско диригирање во класата на проф. Саша Николовски – Ѓумар, каде во 2010 година дипломира со концерт во чест на проф. Коста Трпков, истовремено здобивајќи се со наградата на фондацијата „Томислав Зографски“ како најдобар студент на одделите за диригирање, композицијата, музикологија и музичка теорија и педагогија. Во 2012 година магистрира со почести на истиот оддел, со операта „Рита“ од Гаетано Доницети. Како пијанист одржал повеќе број концерти низ Македонија и странство и добитник е на повеќе државни и меѓународни награди и признанија (Државен музички натпревар во Скопје, меѓународниот натпревар во рамките на фестивалот „Интерфест“ – Битола, фестивалот ЕРТА во Осијек, Хрватска и други). Во јули 2018 диригира со Сараевската филхармонија по повод отварање на Башчаршиски ноќи во Сараево. Во неговото диригентско портфолио се вбројуваат повеќи продукции на Македонската опера и балет меѓу кои Травијата, Набуко, Дамата со камелии, Кармина Бурана, Севилски бербер, Кавалерија Рустикана, Жизел, Риголето, Евгениј Онегин, Адриана Лекуврер, Дон Џовани, Турандот, Реквием – Моцарт, како и многубројни концерти. 

Билетите се во продажба на karti.com.mk.

The post Jубилејното 45. „Скопско лето“ се затвора вечерва со концерт на Камерниот оркестар на Музичка младина на Македонија „Саша Николовски – Ѓумар“ appeared first on Република.

Во рамки на јубилејното 45. издание на манифестацијата „Скопско лето“, вечерва -  30.07.2024г. (вторник), со почеток во 20:30 часот во Куршумли ан ќе се одржи концерт на групата „Парусион“.

Михаил Парушев - тапани

Петар Христов - кларинет и саксофон

Ѓоко Грујовски - гитара

Јован Цветковиќ - пијано

Дионис Стратров - бас гитара

The post Концерт на групата „Парусион“ вечерва на „Скопско лето“ appeared first on Република.

Во рамки на јубилејното 45. издание на манифестацијата „Скопско лето“ вечерва, 29.07.2024г. (понеделник), со почеток во 20:30 часот во Даут пашин амам (Национална галерија на Р. Македонија) ќе се одржи концерт насловен „Strauss Concert“ на Марија Наумовска - сопран и Андреја Наунов - пијано.

Андреја Наунов е роден во Кочани. Дипломира на Фаĸултетот за музичĸа уметност - Сĸопје на одделот пијано во ĸласата на доцент - проф. Симон Трпчесĸи, во чија ĸласа е и на постипломсĸи студии, а додека студира е дел од турнејата со неговиот професор Симон Трпчесĸи низ Маĸедонија. Поĸрај пијанистичĸата ĸариера, се реализира и во воĸалните ансамбли како „Воĸали”, „Хераĸлеа” на Дубровачĸите летни игри, Охридсĸо лето, Вино фестивал-Нови Сад и други. Каĸо ĸорепетитор тој има преку 250 настапи со различни ансамбли и солисти во нашата држава и во странство (Швајцарија, Австрија, Србија, Бугарија, Германија, Унгарија, Романија, Словенија, Русија, САД). Каĸо уметнички соработник соработува со првенците на НОБ, ĸаĸо и голем број инструменталисти. Од 2011г. се реализира и во полето на диригирањето. Поради своите извонредни способности и во аĸтерството во последните 10 години тој зема учество и има остварено преĸу 1900 претстави и перформанси во детсĸи проеĸти. Во септември 2019г. на фестивалот „Моĸрањчеви дани“ во Неготино со хорот „Вардар“ добива награда за најдобра композиција од домашен автор, „Што ми е мило ем драго”. Од 2021 година станува диригент на словенечĸиот хор „Франце Прешерн” и хорот при ЕЗРМ „Моис Хасон”. Автор и реализатор е на првата СтендАп опера со целоĸупниот ансамбл на НОБ, а во 2016г. е дел од големиот јубилеј на маестро Томислав Шопов, 50 години уметничĸа дејност, диригирајќи со ансамблот на НОБ. Вработен е во Националната опера и балет, ĸаĸо хорсĸи пејач (2002-2005), а од 2005г. работи ĸаĸо пијанист-ĸорепетитор, соработувајќи со голем број на диригенти, солисти, домашни и странски режисери. Од 2009г. работи и ĸаĸо надворешен соработниĸ на Фаĸултетот за музичка уметност во Скопје. Во својот репертоар го има целоĸупниот репертоар на Националната опера и балет, ĸој брои повеќе оĸолу 50 оперсĸи наслови.

Марија Наумовска Бакревски (сопран) е родена 1986г. во Битола. Со музика започнува да се занимава на 8 години. Завршува нижо музичко училиште во Битола отсек-пијано во класата на проф. Људмила Божиновска, а потоа го продолжува средното музичко образование отсек-соло пеење во класата на проф. Пеце Митревски и проф. Магдалена Наумоска. Продолжува на ФМУ во Скопје, во класата на проф. м-р. Славица Галиќ-Петровска со позасилено работно темпо за постигнување на подобар успех. Дипломира на ФМУ во Скопје со фантастичен дипломски испит со cum laude. Завршува магистерски студии во 2012г. на ФМУ во класата на истата професорка. Како солист има настапувано со хоровите при: „Драган Шуплевски“, „Св. Климент Охридски“, „М.К.Ц“, „Св. Богородица” и оркестарот „Арко“. Од фестивалите се: Бит-Фест, Езерски бисери – Струга, Скопско лето, Охридско лето, Штипско лето, Прилепско лето, Радовишко лето и други. Има освоено повеќе први државни награди. Има посетено многу семинари по соло пеење во Босна и Херцеговина, Србија, Германија и Франција. Во НОБ има настапено со улогите: Прва дама – „Волшебната флејта“, Серпина – „Слугинка господарка“, Свадбарка- „Змејовата невеста”, Паж – „Риголето”, Ана – „Набуко”, Софи Де Палма – „Мастерклас”, Џулиета – „Хофманови приказни”, Кристин – „Фантомот од операта”, Прва вештерка и втора дама – „Дидона и Енеј”, Јерина - Опера „Скендербег“, Лучиа-Алиса – Доницети. Има настапено на Евровизија во Швдеска во 2016г. како пратечки вокал на Калиопи Букле. Во 2017г. зеде учество на семинар во Балнштајн, работејќи со светски познатите оперски пејачи Фалк Штрукман, Емили Ревлинс Штрукман, Џин Пиланд. Неодамна има работено со италјанскиот сопран Инва Мула, Валентина Бои како и проф. и педагог Михајло Арсенски-Германија и познатата оперска дива Ермонела Јахо. Работи и како професор по соло пеење во Државното музичко училиште – Битола. Моментално е вработена во Националната опера и балет.

The post „Strauss Concert“ на Марија Наумовска – сопран и Андреја Наунов – пијано денеска на „Скопско лето“ appeared first on Република.

Во рамки на јубилејното 45. издание на манифестацијата „Скопско лето“ утре - 25.07.2024г. (четврток), со почеток во 12 часот во Сули ан ќе се одржи промоција на книгите „Огне“ и „Време за желби“ на авторката Виолета Наумовска.

Промотори на настанот се проф. д-р Весна Мојсова Чепишевска, Братислав Димитров и Горјан Петрески.

The post Весна Мојсова Чепишевска, Братислав Димитров и Горјан Петрески ќе ги промовираат книгите „Огне“ и „Време на желби“ од Виолета Наумовска appeared first on Република.

Во рамки на јубилејното 45. издание на манифестацијата „Скопско лето“ утре, 25 јули (четврток), со почеток во 12 часот во Сули ан ќе се одржи промоција на книгите „Огне“ и „Време за желби“ на авторката Виолета Наумовска.

Промотори на настанот се проф. д-р Весна Мојсова Чепишевска, Братислав Димитров и Горјан Петрески.

Вечерта пак, со почеток во 20:30ч. во Музеј на македонската борба, првпат пред македонската публика концерт ќе одржи пијанистот Симо Шишевиќ (Црна Гора/Велика Британија).

Со зборовите на проф. Гордон Фергус Томпсон од RCM-Royal College of Music, Шишевиќ „е еден талентиран пијанист чија дисциплина и посветеност се втемелени. Тој веќе ги поседува корените на силен виртуозо, неговата техника, интелектуална љубопитност и музикалност инспирираат софистицирани интерпретации“.

Симо Шишевиќ е класичен концертен пијанист од Црна Гора. Пораснал во Бар, Црна Гора каде што почнал да свири пијано на свои шест години. Неодамна дипломирал на BMus (Hons) програмата на Кралскиот Колеџ за музика во Лондон со Прва класа почести, прво со познатиот пијанист Гордон Фергус-Томпсон и неодамна со познатиот британски професор Џон Брн.
Студирал чембало две години во Кралскиот колеџ за музика под признатата чембалистка Џејн Чепмен и фортепијано со Џефри Говиер. Досега Шишевиќ имал многу ангажмани, концерти, рецитали, фестивали. Има освоено многу национални и меѓународни натпревари и присуствувал на мастеркласи со истакнати пијанисти и професори по пијано. Тој исто така е композитор и студира диригирање. Репертоарот на Шишевиќ се движи од раниот барок до современа музика.

На концертот ќе бидат изведени дела од Брамс, Метнер, Рахманинов, Лист и Мариќ.

Билетите се во продажба на karti.com.mk.

Концертот е во соработка со Амбасадата на Црна Гора во Македонија.

The post Промоција на книги и концерт утре на Скопско лето appeared first on Република.

Поради најавата за дожд, нестабилни временски услови и невреме, концертот „Етно Македонија 24“ на вечерашната програма на Скопско лето, наместо во Сули ан ќе се одржи во Кафуле МАККА (до зградата на Здружение на возачи, спроти книжарницата „Матица“ во Центар) со почеток во 20:30 часот.

Концертот на Музичката младина на Македонија во соработка со Меѓународна музичка младина (Jeunesses Musicales International) ќе претставува завршен концерт од кампот „Етно Македонија 24“.

„Етно“ е програма на Меѓународна музичка младина (JM International) за народна, светска и традиционална музика, наменета за млади музичари на возраст од 18 до 30 години. Програмата се спроведува во 45 земји ширум светот и има за цел да го оживее и да го одржи во живот глобалното културно наследство, ангажирајќи ги младите луѓе преку серија годишни меѓународни музички кампови, информираат од Дирекција за култура и уметност - Скопје.

На „Етно Македонија“ годинава учествуваат музичарите Бојан Анакијевски - перкусии - Македонија, Џина Перкиќ - виолина - БиХ,Илда Хамустафиќ - вокал - БиХ, Младен Ристиќ - кавал, саз - БиХ, Камил Сини - флејта - Франција, Јоше Холстајн - виолина - Холандија, Џои Дортен - гитара - Холандија, Маја Селис - виола - Естонија, Лорен Колиер - виолина - Шкотска, Франческа Маночо - виола - Италија, Јорун Лауресенс - хармоника - Белгија, Виктор Буендиа - мелодика - Шпанија, Карл Ериксон - хармоника, Шведска. Нивни уметнички ментори се Ангел Спироски, композитор и диригент од Македонија и Ламија Сариќ, кларинетистка од Босна и Херцеговина.

The post Концерт на „Етно Македонија 24“ во кафулето „Макка“ appeared first on Република.

Во рамки на 45-та јубилејна манифестација „Скопско лето“, вечер во Сули ан ќе биде изведена комедијата „Веселинови“ во продукција на Драмското студио „Бронзена наметка“ – Штип.

Во претствата играат Оле Поцкова во улогата на Весела и Игор Стојанов – Баркли во улогата на Веселко.

Како што информира Дирекцијата за култура и уметност – Скопје, претставата е авторски проект на Трајче Кацаров.

Весела и Веселко не се надвор од аглите и замките што ги поставува семејниот живот. Повеќе се противречни отколку категорични. Се плашат како деца и си играат како деца. Не ретко тонат во проблеми што извираат од плитките џепови, оддалеченоста од децата, од ноктите на државните грабливци. Плачливи се и тврдокорни. Напати се мили, напати се неподносливи. И во двата случаја се интересни, се вели во најавата за претставата.

The post Комедијата „Веселинови“ на „Скопско лето“ appeared first on Република.

Во рамки на јубилејното 45. издание на манифестацијата „Скопско лето“ утре, 24 јули (среда), во Сули ан, со почеток во 20:30 часот ќе се одржи концерт на Музичка младина на Македонија во соработка со Меѓународна музичка младина (Jeunesses Musicales International) кој ќе претставува завршен концерт од кампот „Етно Македонија 24“.

„Етно“ е програма на Меѓународна музичка младина (JM International) за народна, светска и традиционална музика, наменета за млади музичари на возраст од 18 до 30 години. Програмата се спроведува во 45 земји ширум светот и има за цел да го оживее и да го одржи во живот глобалното културно наследство, ангажирајќи ги младите луѓе преку серија годишни меѓународни музички кампови.

На „Етно Македонија“ годинава учествуваат музичарите Бојан Анакијевски - перкусии - Македонија, Џина Перкиќ - виолина - БиХ,Илда Хамустафиќ - вокал - БиХ, Младен Ристиќ - кавал, саз - БиХ, Камил Сини - флејта - Франција, Јоше Холстајн - виолина - Холандија, Џои Дортен - гитара - Холандија, Маја Селис - виола - Естонија, Лорен Колиер - виолина - Шкотска, Франческа Маночо - виола - Италија, Јорун Лауресенс - хармоника - Белгија, Виктор Буендиа - мелодика - Шпанија, Карл Ериксон - хармоника, Шведска. Нивни уметнички ментори се Ангел Спироски, композитор и диригент од Македонија и Ламија Сариќ, кларинетистка од Босна и Херцеговина.

The post „Етно Македонија 24“ на програмата на Скопско лето appeared first on Република.

Како дополнителна програма во рамки на јубилејното 45. издание на манифестацијата „Скопско лето“, утревечер, 23 јули, во вторник, ќе се одигра театарска претстава „Веселинови“ во Сули ан со почеток во 20:30 часот.

Претставата е комедија, во продукција на Драмско студио „Бронзена наметка“ - Штип.

Играат: Оле Поцкова (Весела) и Игор Стојанов - Баркли (Веселко). Претставата е авторски проект на Трајче Кацаров. Интерпретација на песна на Нела Гегова.

Весела и Веселко не се надвор од аглите и замките што ги поставува семејниот живот. Повеќе се противречни отколку категорични. Се плашат како деца и си играат како деца. Не ретко тонат во проблеми што извираат од плитките џепови, оддалеченоста од децата, од ноктите на државните грабливци. Плачливи се и тврдокорни. Напати се мили, напати се неподносливи. И во двата случаја се интересни.

The post Претставата „Веселинови“ на Скопско лето appeared first on Република.

Фантастичната виолинистка Ирина Мурешану, повторно гостува во Скопје! Вечерва со почеток во 20.30 часот, во прекрасниот амбиент на Сули Ан, во рамките на „Скопско лето“, љубителите на класичната музика ќе имат можност да уживаат во уште еден концерт на ФАМЕ’С Институт Оркестарот, кој овој пат ќе биде предводен од американскиот диригент Скот Флавин, кој заедно со солистката Ирина Мурешану, ќе изведат популарни дела од американски композитори обединети во „Американска приказна“. Мурешану во разговор за „Република“ вели дека со нетрпение го очекува вечерашниот настап.

На концертот, кој всушност е заокружување на летната сесија на оркестарските курсеви во рамките на Фејмс Институтот, ќе може да се слушне популарната „West Side Story“ од Бернштајн во верзија за виолина и оркестар, како и „Appalachian Spring“ од Копланд, популарни композиции од Скот Џоплин и Хенри Манчини итн.

Виолинистката со романско потекло Ирина Мурешану настапува во САД, Канада, Карибите, Европа, Азија и Јужна Африка. Етаблирана е вешт уметник за снимање на музика, а нејзините авантуристички програми и тематски концепти ја дефинираат како солист и камерен музичар.

Лауреат и добитник на врвни награди на неколку престижни меѓународни натпревари за виолина, вклучувајќи ги натпреварите во Монтреал и Вашингон, Кралица Елизабета, УНИСА и натпреварот за гудачи Шадт. Наградите на Мурешану ја вклучуваат и музичката награда Пресер, наградата Артур Фут од Музичката асоцијација Харвард, Pro Musicis International Award и грантот на New Music USA.

Сезоната 2023-2024 на г-ѓа Мурешану покрај настапите во Франција, Србија, Кајманските Острови, Република Молдавија, голем број на фестивали во Соединетите Држави, ја вклучува и Македонија и тоа со неколку концерти.

Како добитник на „Грантот Енеску“ од Романскиот културен институт, оваа година таа има тримесечна позиција како уметник во резиденција во Cité Internationale des Arts во Париз.

Мурешану неодамна ја доби престижната награда Фулбрајт (Fulbright) и наградата за независни стипендии, истражување и креативност од Универзитетот во Мериленд за нејзиниот проект „Infinite Strings“: создавање платформа дизајнирана да промовира музика за виолина од романски композитори. Таа е, исто така, добитник на тригодишниот грант „Големите предизвици“ од Националната научна фондација од Универзитетот во Мериленд за истражувањето „Музичко образование за сите преку вештачка интелигенција и дигитални хуманистички науки“.

Ирина е активен камерен музичар и солист и е член на Бостонското трио. Настапува на фестивали како што се Баргемјузик во Њујорк, фестивалот Рокпорт во Масачусетс, серијата концерти на Беј Чемберс во Мејн и Фестивалот Боудин, Колорадо Стрингс на музичкиот фестивал Планините и Сан Хуан, фестивалот на камерна музика во Мауи на Хаваи, музичкиот фестивал Реизенд во Холандија, белгискиот фестивал ван де Леи и фестивалот Rencontres des Musiciennes во Франција и островот Гвадалупе.

Таа е страствен изведувач на нова музика, со бројни дела напишани и посветени на неа. Нејзините најнови изданија вклучуваат „Ирина Мурешану ја свири Виолета Динеску“, и „Hybrd, Hints and Hooks“. Покрај тоа таа ги снимала  и Концертот за виолина на Томас Обое Ли (исто така посветен на неа), композиции од Елена Руер за ЦД-то на Avie Records „Lift“, вклучено на 13-те најдобри снимки за класична музика на Кит Пауерс за 2016 година итн.

Ирина Мурешану е вонреден професор на Факултетот за музика и придружниот факултет на Институтот за напредни компјутерски студии на Универзитетот во Мериленд, факултетите на Бостонскиот конзерваториум во Беркли и на музичките катедри на Харвард и МИТ. Таа има престижна диплома за уметник и доктор по музички науки од Конзерваториумот Њу Ингланд, каде студирала со легендарната француска виолинистка Мишел Оклер.

Мурешану свири на виолина на Џузепе Рока од 1849 година и на гудало на Етиен Пајеот и во пресрет на вечершниот концерт разговаравме токму и за виолините на кои свирела, за предизвиците, мултумедијалната програма на која работи, за тоа дека не може да го замисли животот без футролата за виолина на грбот...

Со Оркестарот на Институтот „ FAMES“ ќе настапите во преубав амбиент, во Сули-ан. Дали го посетивте Сули-ан? Какви се Вашите впечатоци?

Негувам огромна љубов кон градот Скопје и неговиот спој на култури. Бидејќи сум родена во Букурешт, Романија, овде се чувствувам како дома, благодарение на гостопримството од прекрасниот народ на Македонија! Иако сè уште немам настапувано во Сули Ан, со нетрпение очекувам да настапам на ова историско место, на нашиот концерт кој е дел од Фестивалот Скопско лето!

Минатата година со Оркестарот на Институтот „ Fames“ настапивте во катедралната црква „Света Софија“ во Охрид, во рамките на фестивалот „Охридско лето“. Дали ваквите амбиенти како Сули-ан и „Света Софија“ можеби дополнително Ве инспирираат, ви даваат енергија? Како ги доживувате ваквите настапи?

Мојата мисија беше да ја променам идејата дека класичната музика (или која било музика во таа смисла) треба да се изведува само во традиционална концертна сала. Местата како Сули Ан ја отвораат можноста да ја споделиме нашата страст со нова публика. Многу луѓе мислат дека треба да знаете многу за класичната музика за да уживате во неа - но воопшто не е така!! Во мојот живот сум свирела на многу концерти на нестандарни концертни локации како на пр. болници, пензионерски домови, училишта за деца со попреченост и можам да ви кажам дека музиката допира до секого, без разлика на неговото образование, потекло или возраст. На некој начин тоа беше мојата најдобра публика бидејќи комунициравме преку музиката, со срцето!

Ова е Ваше второ гостување во Скопје. Македонската публика веќе имаше можност да Ве чуе на концертниот спектакл под наслов „Фузија“, во Македонската филхармонија, каде се споија два врвни камерни оркестри од Македонија и Србија . Како тече подготовката на Вашиот втор настап во Скопје?

Имам прекрасни спомени од тој концерт во Филхармонија! Нашиот претстоен концерт ќе биде кулминација на интензивната недела на работа со оркестарот на Институтот Fame. Овие семинари се неверојатна можност за младите музичари да го искусат интензивниот и брз живот на професионалните музичари. Нашите студенти доаѓаат од многу земји на ЕУ, а повеќето од нив не се познаваа пред да пристигнат. Секој ден вежбавме по седум часа, ја снимавме оваа програма во професионалното студио за снимање во FAME's и ова е ново искуство за многумина од нив. Во овие последни пет дена поминати заедно, видовме огромен раст во нивната самодоверба, во кохезијата на звукот на ансамблот, како и во нивното разбирање за американската музика, што е тема на нашата програма.

На своите настапи свирите на виолина на Џузепе Рока од 1849 година, вредна 450.000 евра и на гудало на Етиен Пајеот. Каква е приказната за овој инструмент со кој настапувате? Како ја набавивте, како ја откривте?

Ние, музичарите зависиме од нашите „алати“, од инструментите. Имав многу среќа во текот на мојата кариера што имав можност да свирам на неверојатни инструменти, како што се Страдивариус и Гварнери, а уште повеќе имав среќа да ги имам прекрасната виолина Рока и гудалото Пајеот како мои постојани придружници. Луѓето се навикнати да ме гледаат со футролата за виолина на грб каде и да патувам и искрено не би можела да си го замислам животот без нив.

Вашата реномирана мултимедијална програма за соло виолина „Четири жици низ светот“ - која ја слави различноста на музичките култури низ целиот свет преку дела на композитори од пет континенти – сеуште предизвикува големо внимание кај публиката и критиката. Кажете ни нешто повеќе за оваа програма?

Проектот „Четири жици низ светот“ се роди од мојата желба да „преминам“ повеќе граници во класичната музика. Сфатив дека повеќето од она што традиционално го учиме во училиштата е репертоар од западноевропската музичка култура, што секако секогаш ќе биде наша главна референца. Но, светот се менува брзо, а глобализацијата создадена од интернет донесе многу повеќе гласови во пејзажот на класичната музика. А ние како изведувачи сега имаме прекрасен репертоар од композитори кои доаѓаат од Блискиот Исток, Азија, Африка, Јужна Америка и жанрови како танго, блуграс и многу други. Значи „Четири жици низ светот“ е токму тоа: музичко патување низ светот со дела од композитори од 5 континенти, обединети низ призмата на соло виолината, инструмент практично сеприсутен во сите култури. Кога се изведува концертно, овој проект има театарска компонента, бидејќи публиката е понесена низ кратки видеа со сугестивни слики и автентична народна музика во спецификите на различни култури. Бев исто така дел од прекрасната соработка со лабораторијата за виртуелна реалност на Универзитетот во Мериленд со цел да се создаде „виртуелен концерт“, каде што мојот холограм беше ставен во различни позадини: парк, неколку катедрали (додека ја свирев Ciaccona на Бах) итн. Значи, идејата е дека музиката припаѓа насекаде! Минатата година, мојот семинар во Институтот Фејмс се базираше на овој концепт - сакам да го споделам моето новостекнато знаење за светската музика со студентите!

Вечерашниот концерт предвидува популарни дела од американски композитори, како популарната „West Side Story“ од Бернштајн во верзија за виолина и оркестар, како и „Appalachian Spring“ од Копланд, популарни композиции од Скот Џоплин и Хенри Манчини... итн, обединети во „Американска приказна“. Како настана овој избор на композиции?

Сакав да ја споделам со младите музичари, како и со скопската публика разновидноста на американската музика, која е мошне разгранета, почнувајќи од жанрот блуз, џез и регтајм, кој еволуираше од 1800-тите и го зазеде централното место во 1920 година, до филмот и музиката на Бродвеј (претставена овде со делата на Гершвин, Бернштајн и Манцини) и композиции како што е „Appalachian Spring“ од Копланд, кои укажуваат на пространството на американскиот пејзаж и пионерскиот дух на првите колонисти. Мојот соработник, прекрасниот диригент и виолинист Скот Флавин е експерт за оваа музика - всушност, тој за нашиот ансамбл аранжира прекрасна мелодија насловена „The Days of Wine and Roses“ од Манчини, па ќе имаме и светска премиера во нашиот концерт „Американска приказна“ во понеделник!

Каква музика Вие сакате да слушате? Кој е Ваш омилен автор?

Честотати се насмевнувам кога ќе го слушнам ова прашање. Понекогаш им велам на луѓето дека сакам сè што свирам, дури и ако не ми се допаѓа... Поентата ми е дека улогата на изведувачот е да ги пренесе идеите и страста на композиторот. Колку сме среќни што сме „преведувачи“ на големите умови како Моцарт и Бах?

Потекнувате од Романија, каде сте поминале голем дел од својот живот и сте се стекнале со музичка наобразба. Колку романската традиција и култура има влијание на Вашата работа?

Се разбира, јас сум родена Романка и секогаш ќе бидам Романка. Имаме одлично училиште за виолина и имав среќа да имам неверојатни учители во текот на моите развојни години. Но, како музичар, преку мојата „работа“ чувствувам дека станав и граѓанин на светот, а основата на образованието што го добив во Романија само го подобрува тој аспект.

Предавате на повеќе универзитети. Што е она што најмногу би сакале да им пренесете на своите ученици? Што Вам ви е најважно да сфатат?

Во променливите околности на денешниот свет, нашите студенти треба да имаат многу вештини. Тие мора да го знаат својот занает, но и да имаат визија да создадат пат за себе. За разлика од пред неколку децении, музичарите помалку се „етикетирани“ дека припаѓаат на една категорија (солист, учител, квартет и сл.); во денешно време солистите свират камерна музика, а наставниците имаат оркестарска работа. И сите ние научивме како да се поврземе со нашата публика преку социјалните медиуми, професионалните веб-страници и така натаму. Мојата улога како учител ја гледам како водич за младите музичари во пронаоѓањето на својот глас.

Добитник сте на бројни меѓународни награди и признанија. Што значат за Вас наградите? Како гледате на нив, како поттик за понатамошна работа, потврда за сработеното, или можеби како обврска?

Кога растев натпреварите беа составен дел од животот на еден студент. Се разбира, наградата е признание за нечии вештини и напорна работа, но сфатив дека најважно е тоа што натпреварите ми помогнаа да научам голем репертоар, но исто така запознав луѓе од мојата генерација кои ми станаа пријатели и колеги во мојата понатамошна кариера.

The post Луѓето се навикнати да ме гледаат со футролата за виолина на грб каде и да патувам, а искрено не би можела да си го замислам животот без неа appeared first on Република.

Во рамки на фестивалот „Скопско лето“, вечер од 20:30 часот во Сули ан концерт ќе одржи ФАМЕ’С Институт оркестарот насловен „Американска приказна“ на кој солистка ќе биде американската виолинистка со романско потекло Ирина Мурешану. Ќе бидат изведени популарни класични дела од американски композитори под водство на диригентот Скот Флавин од САД.

Како што најави организаторот на фестивалот, Дирекцијата за култура и уметност-Скопје (ДКУС), меѓу делата кои ќе бидат изведени на концертот се и „West Side Story“ од Бернштајн, во верзија за виолина и оркестар, и „Appalachian Spring“ од Копланд, како и популарни композиции од Скот Џоплин и Хенри Манцини.

-Овој концерт ќе биде заокружување на летната сесија на оркестарските курсеви во рамките на ФАМЕ’С – европски окрестарски изведувачки институт кој претставува музички образовен центар создаден во рамките на компанијата ФАМЕ’С која се занимава со професионално снимање и продукција на музика. Институтот претставува уникатна платформа за професионална музичка едукација, размена на искуства и креативност, наменет за млади талентирани инструменталисти од Европа, во полето на оркестарската музика, како дел од програмата за Паневропски културни ентитети, соопшти ДКУС.

Диригентот Скот Флавин е музичар со сестрана кариера и диригира со различни оркестри во САД и ЕУ. Неодамна е назначен за постојан диригент за престижниот оркестар Symphony of the Americas. Тој е и постојан диригент на орекстарот на Хенри Манцини институтот и настапува со повеќе уметници. Професор е на Eastern Music Festival, каде што предава заедно со познатиот диригент Џерард Шварц.

За виолинистката од САД со романско потекло Ирина Мурешану, која ќе биде солист на вечерашниот концерт, ДКУС посочува дека е подеднакво барана на двете страни на Атлантикот, настапувајќи низ САД, Канада, Карибите, Европа, Азија и Јужна Африка. Таа е активен камерен музичар и солист и е член на Бостонското трио. Вонреден професор е на Факултетот за музика и придружниот факултет на Институтот за напредни компјутерски студии на Универзитетот во Мериленд, факултетите на Бостонскиот конзерваториум во Беркли и на музичките катедри на Харвард и МИТ.

-Таа има престижна диплома за уметник и доктор по музички науки од Конзерваториумот Њу Ингланд, каде студирала со легендарната француска виолинистка Мишел Оклер… Ирина Мурешану цврсто се етаблира како вешт уметник за снимање музика, а нејзините авантуристички програми и тематски концепти ја дефинираат како солист и камерен музичар. Лауреат и добитник на врвни награди на неколку престижни меѓународни натпревари за виолина… Сезоната 2023-2024 на г-ѓа Мурешану, покрај настапите во Франција, Србија, Кајманските Острови, Молдавија, голем број фестивали во Соединетите Држави, ја вклучува и Македонија, и тоа со неколку концерти, наведува организаторот на „Скопско лето“.

The post „Американска приказна“ – концерт на оркестарот ФАМЕ’С со виолинистката Ирина Мурешану вечерва на „Скопско лето“ appeared first on Република.

Книгата „Балкански вознеси“ ги подотвори вратите на некои процеси кои ни покажуваат дека сме биле, постоиме, дека ќе бидеме и дека имаме автори кои ја задолжиле трајно, вековито и лековито да ни биде она што е создадено во фондот на македонската литература и култура воопшто, посочи денеска авторот Васил Тоциновски за време на промоцијата на оваа негова книга, што се одржа во рамки на 45. издание на манифестацијата „Скопско лето“.

Книгата содржи 20 текстови во кои низ архивски истражувања и нова документација се разгледуваат малку познати и се отвораат нови страници за одредени автори и дела, појави и пројави во македонската книжевност од еден подолг временски период, почнувајќи од втората половина на деветнаесеттиот век до денес.

Настрана од дипломатијата и историјата, авторот аргументирано открива нови и непознати страници од животот и делото на Андреја Д. Петкович и Кочо Рацин. Според Тоциновски, пишаниот збор и литературата се секогаш мост што ги обединува народите.

-Од последните истражува низ архивите од Русија, Србија и Америка добивме материјали кои некако компрехираа една поинаква балканска слика, слика во која имаме потреба, но и умееме да соработуваме, да се разбираме и почитуваме. Во „Балкански вознеси“ имаме две студии во кои Андреја Петкович како руски конзул го известува МНР на Русија за војната во БИХ. Имаме еден Македонец деклариран многу убаво, притоа потпишувајќи и именувајќи го точно местото од каде што доаѓа, од македонско тогашно велешкото Башино село. Неговото претставување како Македонец во кратката белешка кон песната тој ќе рече „македонскиот јазик е посебен јазик“. Еден Македонец пишува за еден друг народ, за Босанците кои по турското ропство доживуваат страшни непогоди, рече Тоциновски на денешната промоција на книгата.

Исто така, како што напомена авторот, во оваа книга посебни студии се посветени на Петар Поп Арсов, на Димитрија Чупоски и на Крсте Мисирков.

-Пораката која ќе ја споменам, пораката која се чита од секој ред на оваа книга, е дека треба да се почитуваме и сакаме самите себе. Ако го очекуваме дека некој друг тоа ќе го стори за нас, сме се излажале, додаде Тоциновски.

Промоторот на книгата, проф. д-р Васил Дрвошанов рече дека Тоциновски е несекојдневна појава во македонската книжевност. Тој е, како што рече, најпродуктивниот книжевен творец во Македонија, пројавувајќи се како писател, научник и публицист, кој продолжува да опстојува и да твори.

- Тоциновски е книжевна институција, со неговиот импозантен книжевен опус, 26 литературни дела, над 40 книги за македонската книжевна историја, енциклопедии, учебници, прирачници и творници, 338 книжевни студии, над 600 есеи, но и сценарија на документарни филмови и серии емитувани на програмите на поранешната Југословенска радио телевизија. Овие податоци го отсликуваат творечкиот кодекс на Васил Тоциновски, чии почетоци се од 1967 година, кои што непрестано траат речиси 60 години до ден денес, додаде Дрвошанов.

Во ова дело, потенцираше Дрвошанов, Васил Тоциновски носи нови сознанија во македонската книжевност. Врз основа на своите научни истражувања, но не игнорирајќи ги истражувањата на други научници од земјата и од странство, тој испишува нови страници, со нови сознанија во македонската книжевност за плејада на врвни македонски дејци.

-Со новите сознанија за книжевните творци, Тоциновски испишува нови страници, со кои се осветлуваат непознати, драгоцени факти, што сведочат за искрените патриотски чувства на македонски дејци кон својот македонски народ. Острото око на истражувачот Тоциновски го забележува и најситниот детаљ во животот и во творештвото на творците, и секоја новост како камче го вградува во нивниот животен и творечки мозаик, додаде Дрвошанов.

Книгата „Балкански вознеси“ е во издание на „Академска мисла“ Скопје.

The post Тоциновски: Од секој ред на книгата „Балкански вознеси“ се чита пораката дека треба самите да се почитуваме, ако очекуваме дека некој друг тоа ќе го стори за нас, сме се излажале appeared first on Република.

Промоцијата на книгата „Балкански вознеси“ од авторот Васил Тоциновски ќе се одржи во рамки на јубилејното 45. издание на манифестацијата „Скопско лето“ на 19.07.2024г. (петок) со почеток во 12:00ч. во Градската кафеана „Пелистер“.

Промотори: проф. д-р Васил Дрвошанов и м-р Сашо Огненовски

The post Промоција на книгата „Балкански вознеси“ од Васил Тоциновски денеска на „Скопско лето“ appeared first on Република.

На 22 јули со почеток во 20.30 часот, во прекрасниот амбиент на Сули Ан, во рамките на манифестацијата „Скопското лето“, љубителите на класичната музика ќе имат можност да уживаат во уште еден концерт на ФАМЕ’С Институт Оркестарот, кој овој пат ќе биде предводен од американскиот диригент Скот Флавин, кој заедно со солистката Ирина Мурешану, ќе изведат популарни дела од американски композитори обединети во „Американска приказна“.

На концертот ќе може да се слушне популарната „West Side Story“ од Бернштајн во верзија за виолина и оркестар, како и „Appalachian Spring“ од Копланд, популарни композиции од Скот Џоплин и Хенри Манцини итн.

Овој концерт, всушност, ќе биде заокружување на летната сесија на оркестарските курсеви во рамките на Фамес Институтот.

ФАМЕ'С европскиот окрестарски изведувачки институт претставува музички образовен центар кој што е создаден во рамките на компанијата ФАМЕ'С која се занимава со професионално снимање и продукција на музика. Институтот претставува уникатна платформа за професионална музичка едукација, размена на искуства и креативност, наменет за млади талентирани инструменталисти од Европа, во полето на оркестарската музика, како дел од програмата за Пан-Европски културни ентитети (CREA-CULT-2021-PECE). Фокусирајќи се на креирање можности за младите таленти програмата обезбедува едукација и разновидни оркестарски практки, истражувајќи нови стилови, збогатувајќи го репертоарот со нови композиции итн. Оваа програма овозможува високо професионално ниво на обука, пракса, менторирање и изведби, преку новите методологии и технологии кои се овозможени во студиото на ФАМЕ'С.

Преку различни дигитални платформи, проектот се стреми и кон развој на нова публика, пренесувајќи ги искуствата и културниот диверзитет на европското музичко наследство.

Овој институт континуирано е домаќин на млади музичари од различни земји од Европа како и врвни музички уметници кои ги раководеа активностите на овој семинар, меѓу кои и: Тимоти Редмонд, Колсимча бенд, Оливие Труан, Алистер Кинг, Луис Иварс, Франческо Тристано, Роб Мазурек, Бенџамин Шварц, Куареим Квартетот, Етјен Аблен, Габриел Прокофјев, Игор Корети, Оливие Дежурс, Емили Дејвис, Ирина Муресану, Јан Банг, Танго 5/4, Лука Фаулиси, Пол Марсовски, Чаба Палфи, Петер Барсони, Дајен Луи, Конрад Ван Алфен, Арварк Квартет и Веско Ешкенази.

Скот Флавин, роден во Бостон (САД) е музичар со сестрана  кариера, без разлика дали диригира класични музика, ги придружува најголемите светски џез ѕвезди или изведува современа музика. Неодамна е назначен за постојан диригент за престижниот оркестар  Symphony of the Americas. Освен тоа,  тој е и постојан диригент на орекстарот на Хенри Манцини Институтот. Флавин настапува со различни уметници како: сопранот Денис Грејвс, Бич Бојс, виолинистот Џозеф Силверстајн, џез-пијанистот Чик Кореа и Дејв Грусин и многу други.

Диригирал на летни фестивали, вклучително и Pine Mountain Music Festival и Летната младинска музичка школа на Универзитетот во Њу Хемпшир, и е професор на Eastern Music Festival, каде што предава заедно со познатиот диригент Џерард Шварц. Диригира со различни оркестри во САД и ЕУ.

Неговото деби како диригент беше на специјалната телевизија PBS, во специјалниот проект „Џез и филхармонија“, емитувано во јануари 2014 година.

Скот Флавин е страствен едукатор, тој е професор по виолина, камерна музика и оркестарско диригирање на Frost School of Music на Универзитетот во Мајами.

Виолинистката со романско потекло Ирина Мурешану е подеднакво барана на двете страни на Атлантикот, настапувајќи низ САД, Канада, Карибите, Европа, Азија и Јужна Африка. Г-ѓа Мурешану цврсто се етаблира како вешт уметник за снимање на музика, а нејзините авантуристички програми и тематски концепти ја дефинираат како солист и камерен музичар.

Лауреат и добитник на врвни награди на неколку престижни меѓународни натпревари за виолина, вклучувајќи ги натпреварите во Монтреал и Вашингон, Кралица Елизабета, УНИСА и натпреварот за гудачи Шадт. Наградите на Мурешану ја вклучуваат и музичката награда Пресер, наградата Артур Фут од Музичката асоцијација Харвард, Pro Musicis International Award и грантот на New Music USA.

Сезоната 2023-2024 на г-ѓа Мурешану покрај настапите во Франција, Србија, Кајманските Острови, Република Молдавија, голем број на фестивали во Соединетите Држави, ја вклучува и Македонија и тоа со неколку концерти.

Како добитник на „Грантот Енеску“ од Романскиот културен институт, оваа година таа има тримесечна позиција како уметник во резиденција во Cité Internationale des Arts во Париз.

Мурешану неодамна ја доби престижната награда Фулбрајт (Fulbright) и наградата за независни стипендии, истражување и креативност од Универзитетот во Мериленд за нејзиниот проект „Infinite Strings“: создавање платформа дизајнирана да промовира музика за виолина од романски композитори. Таа е, исто така, добитник на тригодишниот грант „Големите предизвици“ од Националната научна фондација од Универзитетот во Мериленд за истражувањето „Музичко образование за сите преку вештачка интелигенција и дигитални хуманистички науки“.

Реномираната мултимедијална програма за соло виолина на Мурешану „Четири жици низ светот - која ја слави различноста на музичките култури низ целиот свет преку дела на композитори од пет континенти – сеуште предизвикува големо внимание кај публиката и критиката. Издадено како соло ЦД за виолина во 2018 година од етикетата Sono Luminus номинирана за Греми, ЦД-то беше наречено „illuminating release“ од Boston Globe.

Ирина е активен камерен музичар и солист и е член на Бостонското трио. Настапува на фестивали како што се Баргемјузик во Њујорк, фестивалот Рокпорт во Масачусетс, серијата концерти на Беј Чемберс во Мејн и Фестивалот Боудин, Колорадо Стрингс на музичкиот фестивал Планините и Сан Хуан, фестивалот на камерна музика во Мауи на Хаваи, музичкиот фестивал Реизенд во Холандија, белгискиот фестивал ван де Леи и фестивалот Rencontres des Musiciennes во Франција и островот Гвадалупе.

Таа е страствен изведувач на нова музика, со бројни дела напишани и посветени на неа. Нејзините најнови изданија вклучуваат „Ирина Мурешану ја свири Виолета Динеску“, и „Hybrd, Hints and Hooks“. Покрај тоа таа ги снимала  и Концертот за виолина на Томас Обое Ли (исто така посветен на неа), композиции од Елена Руер за ЦД-то на Avie Records „Lift“, вклучено на 13-те најдобри снимки за класична музика на Кит Пауерс за 2016 година итн.

Ирина Мурешану е вонреден професор на Факултетот за музика и придружниот факултет на Институтот за напредни компјутерски студии на Универзитетот во Мериленд, факултетите на Бостонскиот конзерваториум во Беркли и на музичките катедри на Харвард и МИТ. Таа има престижна диплома за уметник и доктор по музички науки од Конзерваториумот Њу Ингланд, каде студирала со легендарната француска виолинистка Мишел Оклер.

Мурешану свири на виолина на Џузепе Рока од 1849 година и на гудало на Етиен Пајеот.

The post Фантастичната виолинистка Ирина Мурешану повторно гостува во Скопје: На 22 јули заедно со ФАМЕ’С Институт Оркестарот настапува во Сули-ан appeared first on Република.

Промоцијата на книгата „Балкански вознеси“ од авторот Васил Тоциновски ќе се одржи во рамки на јубилејното 45. издание на манифестацијата „Скопско лето“ на 19 јули, (петок) со почеток во 12 часот во Градската кафеана „Пелистер“.

Промотори се проф. д-р Васил Дрвошанов и м-р Сашо Огненовски.

Книгата „Балкански вознеси“ на македонскиот писател и научен работник Васил Тоциновски, издание на „Академска мисла“ Скопје, претставува своевидно освежување. Во ова заитано и превртено време на конфликти, недоразбирања, разградувања и непочитување ги проследува, толкува и вреднува заедничките нешта кои ги зближуваат и творечки ги обединуваат балканските литерaтури. Книгата содржи дваесет текстови во кои низ архивски истражувања и нова документација се разгледуваат малку познати и се отвораат нови страници за одредени автори и дела, појави и пројави во македонската книжевност од еден подолг временски период, почнувајќи од втората половина на деветнаесеттиот век до денес.

Васил Тоциновски на триста страници во книгата „Балкански вознеси“ е во потрага на автори и дела, појави и пројави, процеси и состојби кои градат мостови на пријателство, почит, доверба и соработка меѓу народите и државите. Настрана од дипломатијата и историјата авторот системно и аргументирано открива нови и непознати страници од животот и делото на Андреја Д. Петкович и Кочо Рацин. Станува збор за текстови кои се читливи, интересни, разбирливи со убавините на стилот и јазикот со кои го идентификуваме авторскиот ракопис на Тоциновски.

The post Промоција на книга „Балкански вознеси“ на Скопско лето appeared first on Република.

„Алегории“ е насловот на изложбата на Игор По Трајков која во рамки на јубилејното 45. издание на манифестацијата „Скопско лето“ ќе биде отворена утре вечер, 18 јули, (четврток), во 20, 30ч. во Дом на култура „Кочо Рацин“.

Игор Поп Трајков е магистер по филмска и телевизиска режија, а од неодамна и доктор на науки по културни студии. Несомнено знаењето, повеќезначноста заземаат голем простор во неговото творештво, а особено во оваа изложба. Чувството за хумор е исто така важно кога треба да се оствари некаков сериозен опус- мисли Поп Трајков, а тоа е согледливо и во неговата последна самостојна изложба „Алегории“, каде тој го третира ова старо изразно средство на современ начин и со многу иронија.

Некои од интернационалните врвни моменти на Игор Поп Трајков:
- Повеќекратен учесник на Weather Photographer of the Year contest, на Royal Meteorological Society
- Во официјалната селекција на биеналниот натпревар за најдобар театарски постер Postercontest (2020) во Украина со неговиот дизајн за Шест степени на разделување од John Guare
- Преведување визуелна драматургија - сценографски елаборати, онлајн изложба на група сценографи од Скопје 2019, под менторство на Јан Папелбаум, сценографија за Дивата патка на Ибзен
- Grid, Window (дигитален колаж) на фестивалот Litterateur Rw Global Literature Conclave 2021 во Индија
- A Learning Child (дигитален колаж) во Immagine & Poesia Vol. 8 2022 (уметнички журнал, Италија)
- Mојата куќа (дигитален колаж) во About Place Journal 2022, САД
- Ние правиме деца (дигитален колаж). LATRODECTUS HESPERUS (дигитален витраж), Русокоса со друштво (дигитален цртеж) во Quadernetti Poetici бр. 21, 22 2022 (уметнички журнал, Италија)
- Дизајн за корица на Poetry Reading Online - An anthology from around the world 2022, (стихозбирка Швајцарија)
- Водената кучка, Одмарање (дигитални цртежи), Грант, Играј војна (дигитални слики) се објавени во REVISTA POÉTICA AZAHAR (2022/24) (уметнички журнал, Шпанија)

The post „Алегории“ – изложба на Игор Поп Трајков на „Скопско лето“ appeared first on Република.

Вечерва, на 16 јули (вторник) ќе се одржи театарска претстава „Пингвинот“ со почеток во 20 часот во Мултимедијалниот простор „Котур Кафе и Филм“. Претставата е во продукција на Театар „Златен Елец“ и се изведува во рамки на Скопско лето.

Станува збор за авторски проект на Тамара Стојановска и Лео Поповиќ, работен според текстови на Данкан Мекмилан, Џони Донахју и документарни материјали на Вернер Херцог.

„Пингвинот“ е интерактивна експериментална монодрама во која заедно со публиката ќе се потсетуваме на обичните мали моменти за кои вреди да се живее. Претставата е работена според авторски текстови на тимот, текстови на Данкан Мекмилан и Џони Донахjу и документарни материјали на Вернер Херцог. Со поврзување на сите овие материјали се фокусираме на теми околу менталното здравје, поточно депресијата и самоубиството и симболично ги поврзуваме сите овие интензивни чувства и со животинскиот свет и пингвините кои се едни од ретките животни кои што покажуваат знаци на депресија и суицид. Иако, сè уште не постои точен научен факт зошто пингвините во одреден момент се одлучуваат за таква постапка, не можеме, а да не чувствуваме поврзаност со овие животни кои можеби чувствуваат исто како нас. Претставата преку позитивни и комични моменти ја истражува комплексноста на тагата, генерациските трауми и растењето со депресивен родител. „Пингвинот“ ќе се надоградува со секоја нова изведба и интеракција со публиката и ќе отвора врата за дискусија и рушење на предрасудите за комплексноста на менталното здравје.

Изборот на музика се на Стојановска и Поповиќ.

Билетите се во продажба на karti.com.mk.

The post Театарската претстава „Пингвинот“ вечерва на Скопско лето appeared first on Република.

Во рамки на јубилејното 45. издание на манифестацијата „Скопско лето“ вечер ќе се одржи концерт на Елена Голомеова – сопран и Нита Груби – пијано.

Како што информира Дирекцијата за култура и уметност – Скопје, на концертот ќе бидат изведени повеќе дела, меѓу кои: Сцена на Џилда од Операта „Риголето“, Сцена на Жанет од Операта „Свадбата на Жанет“…

Концертот ќе се одржи во Културно-информативниот центар во Скопје, во Салон 19:19. Билетите се во продажба на karti.com.mk.

The post Концерт на Елена Голомеова и Нита Груби на 45. „Скопско лето“ appeared first on Република.

На јубилејното 45. издание на манифестацијата „Скопско лето“, вечерва (13.07.2024), ќе се одржи концерт на аматерскиот женски хор „ФРИДА“, со почеток во 20:30 часот во Музеј на македонската борба.

Диригент и уметнички раководител: Сузана Турунџиева

На програмата на концертот ќе бидат изведени светски хитови („Light of Life“, „Dance Me to the End of Love“, „Islands in the Stream“, „Sway“ и останати), како и обработка на македонски безвременски хитови („Свири ми свири“, „Еден бакнеж“, „Роза сина“, „Бакни ме нежно“, „Галебе мој тажен“, „Есенска роза“ и други). 

Во времетраење на целовечерниот концерт, на тема „ФРИДА КАЛО - уметност која непрестајно инспирира и мотивира“ ќе биде поставен изложбен штанд со рачни изработки, изработени од хористките и од Сузана Турунџиева, кои на самиот настан ќе се продаваат. Средствата кои ќе бидат соберени ќе бидат наменети на некоја „Фрида од нашето секојдневие која се соочува со здравствени предизвици“, а и се потребни за лекување.

The post Концерт на хорот „Фрида“ на „Скопско лето“ appeared first on Република.

Изложба и претстава за деца вечерва се на програмата на манифестацијата Скопско лето. Вo Музејот на град Скопје во 20.30 часот ќе биде отворена изложбата „Модерна традиција“ од Филип Фидановски. Гости на изложбата се Маријана Костојчиноска-Узунчева и кураторот на изложбата Јасминка Намичева.

Изложбата „Модерна традиција“ претставува спој на традиционалната грнчарија, која е автентична за македонската традиција, и нејзиното трансформирање во модерен визуелен стил со авторски пристап на уметникот. Со оваа изложба, се насочува внимание кон зачувувањето на традиционалниот грнчарски занает, кој е во ризик од исчезнување, и ја илустрира умешноста на авторот преку неговото сликарство во керамиката, кое се смета за една посебна и уникатна дисциплина во керамичката уметност. Фидановски ќе претстави повеќе традиционални садови кои сè уште се произведуваат, со задржан нивен облик и функција.

Претходно во 19 часот во Куршумли ан, продукцијата на Театар ХИТ од Скопје ќе ја изведе „Младиот чорбаџија“, во авторство и режија на Сашо Ристовски. Играат: Сашо Ристовски, Магдалена Ризова-Черних, Ема Давчева и Бранко Атанасов.

Претставата е работена според мотивите на делата на Марко Цепенков. Целта е на децата им се прикаже народното творештво преку театар.

Недостатокот од вакви театарски дела на театарската сцена ни даде ветер во грб за создавање на ваква театарска претстава. Преку оваа претстава не само што ќе ја доближи нашата традиција до децата, туку ќе укаже на многу клучни нешта кои се важни за нив, а тоа е однесувањето кон семејството, семејните вредности, кон околината која нè опкружува, почитта, хуманоста, градењето на карактерот – велат организаторите.

The post Вечерва на Скопско лето изложба и детска претстава appeared first on Република.