Британско-ирскиот комичар Џими Кар вчеравечер ја забавуваше публиката во Македонската филхармонија. Со два распродадени настапи, еден по друг, тој се покажа пред публиката во токму онакво светло како што се очекуваше – остар, провокативен, промислен и неверојатно забавен.

Тој е на Европска турнеја, претставувајќи го својот последен материјал на шеги и досетки. Познат по морбиден хумор и сатирични вицови, тој не ја разочара македонската публика. Во двочасовното шоу се претстави со актуелни теми од светската политика, домашни настани од лондонското секојдневие и фамилијарниот живот. Ја „чепна“ и Македонија и тукашното живеење покажувајќи дека си ја сработил домашната работа и направил истражување за интересите и културата на нашиот народ. Достоинствено ги прифати шегите дофрлени од македонската публика и знаеше да врати појако.

Секоја чест за организоторите на овој настан „Авалон“, што ѝ овозможија на македонската публика да види еден познат и актуелен комичар од светски калибар.

Џими Кар е меѓу најголемите британски телевизиски ѕвезди присутен на британските екрани во панел-шоуа што ги води. На македонскта публика ѝ е познат од неколкуте „Нетфликс“ изданија, а многу негови комични скечеви може да се најдат и на „Јутјуб“.

Двата настапи на Џими Кар во Скопје беа со месеци распродадени (уште пред летото), што е мошне невообичаено. (К.М.)

The post Остар, провокативен, промислен и неверојатно забавен, Џими Кар ја забавуваше публиката во Скопје appeared first on Република.

Вчера и завчера, „Лабораториум“ беше центарот на креативноста и иновациите, привлекувајќи повеќе од 1000 посетители на третиот Саем на креативни индустрии. Саемот беше домаќин на 50-тина изложувачи од различни креативни области, кои презентираа иновативни проекти, дигитални инсталации, виртуелна реалност, дизајн, рачни изработки и многу повеќе. Оваа година значително порасна бројот на пријавени изложувачи, што е доказ за зголемениот интерес и потенцијал на македонските креативни индустрии, и ја навести и ја потребата од негово проширување во иднина, како во времетраење, така и во концепт и простор.

Саемот продолжува да се развива како витална платформа за промоција на домашните бизниси, стартапи и индивидуалци во креативниот сектор.

Посетителите имаа можност да искусат иновативни достигнувања како што е „Рекреирање на иконите“ преку кој имаа можност да ги видат оживеаните ликови на Константин Миладинов, Милтон Манаки и Гоце Делчев со помош на вештачка интелигенција, да ја доживеат Хераклеја Линкестис во виртуелна реалност, како и да ги погледнат последните проекти и иновации на дал од средните училишта и факултети кои покажаа колку младите таленти се важни за иднината на креативните индустрии во земјава.

Особено внимание привлече специјално изработената соба инспирирана од видеоиграта „Необичната приказна на Брајан Фишер“, како и проектот „Човечка трага“ на белгиското студио „Висион Ноктурн“ понуди уникатно визуелно искуство. Едукативните работилници за стрип и предавањата за студенти дополнително го збогатија настанот, а панел-дискусиите и презентациите на вториот ден во рамките на Форумот на креативни индустрии ја поттикнаа свеста за важноста на креативниот сектор и иновациите како неизоставен дел за развој на креативната економија.

Повеќе од половина од посетителите беа млади луѓе — основци, средношколци и студенти, кои активно учествуваа во едукативните работилници и презентации. Работилниците за стрип под менторство на „Макстрипови“,инфлуенсерите за содржини и креативните индустрии под менторство на Димитар Јовевски, Вештачката интелигенција во пост-продукцијата водена од Бранко Ристовски, предавањето за новите технологии во дизајнот и развојот на видео игри на Карлос де Ваз Карваљо од Универзитетот „Политехнико“ од Порто и Употребата на проширена реалност во креативната работа водена од Петар Котевски беа само дел од богатата програма насочена кон развојот на нови вештини и инспирирање на следната генерација креативци.

Настанот го организираат здружението „Балкан синема ситис“ во соработка со Унијата на македонски организации во креативните индустрии УМПАКИ Скопје, а со поддршка од Министерството за култура и туризам и Британскиот совет.

The post Над 1.000 посетители беа дел од Третиот Саем на креативни индустрии во Скопје appeared first on Република.

Автобускиот сообраќај во Скопје денеска е нормализиран, потврди за МИА директорот на ЈСП „Скопје“, Драги Кушовски. Тој вели дека количините на нафта не се испорачани целосно, но испораката сега за сега е доволна.

Нормализиран е јавниот превоз денеска. Сите линии сообраќаат, исто како и претходно, односно исто како пред да се појави проблемот со недостиг на горивото. Сите автобуси кои се во возна состојба редовно сообраќаат, рече Кушовски.

Прашан дали се испорачани сите количини на нафта, тој одговори дека не се испорачани целосно количините, туку се испорачуваат сукцесивно. Сепак, напомена, испораката сега за сега е доволна.

Јавниот превоз во Скопје изминатите два дена беше редуциран поради недостиг на нафта, односно беа пуштени околу триесетина автобуси на Јавното сообраќајно претпријатие од кои 25 се на природен гас и уште неколку кои имаа резерви на нафта. Владата вчера на итна седница одлучи да прогласи кризна состојба и да му даде нафта за следните седум дена од државните резерви.

Кушовски синоќа за МИА потврди дека нафтата пристигнува во базните станици на претпријатието во Автокоманда и Ѓорче Петров и оти во текот на ноќта резервоарите на автобусите ќе бидат наполнети.

За денеска во 14:00/14:30 часот се најавени јавни протести поради состојбата со превозот во градот. Градоначалникот на Општина Шуто Оризари Курто Дудуш, ги повика сите жители на протест, а со барање за нормализирање на јавниот превоз излегоа и студентите од УКИМ кои ќе се приклучат на протестот што ќе се одржи пред бараките на Град Скопје.

The post Нормализиран автобускиот сообраќај во Скопје, нафтата се испорачува сукцесивно appeared first on Република.

Денеска јавниот превоз во Скопје, колабираше. Поради недостиг на гориво, повеќето автобуси останаа во гаража, а граѓаните ги опслужуваа само 25 автобуси, што беше причина на постојките да се чека и повеќе од час. Граѓаните револтирани, измрзнати, нервозни незнаеја како да стасаат на училиште, на работа или дома. И овој проблем не е актуелен само денеска. Напротив, утре најверојатно Скопје ќе остане без ниту еден автобус на терен, доколку автобусите не добијат нафта до вечер или утре изутрина, најавуваат од Независниот синдикат на возачи.

Револтирани се сите, па и студентите.

Универзитетско студентско собрание при Универзитетот ,,Св. Кирил и Методиј’’ во Скопје попладнево испрати соопштение во кое има голем број поплаки од состојбата во која се наоѓаат студентите поради нередовниот превоз. Претседателот на Универзитетското студентско собрание (УСС) на УКИМ, Александар Николоски бара итно воспоставување на редовните линии и враќање во нормала на функцијата на јавниот превоз и воведување на нови и ефикасни транспортни решенија. Нивните барања се упатени на адреса на градоначалничката Данела Арсовска и на Јавното сообраќајно претпријатие Скопје. Ако не се најде решение за јавниот превоз и над 28.000 студенти ќе излезат на протест и ќе им се приклучат на граѓаните кои веќе најавија дека во петок излегуваат на улица.

Данела Арсовска и и Јавно сообраќајно претпријатие Скопје, по спроведената анкета на која

одговорија над 3.150 студенти, 84% од нив во последните денови чекаат автобус повеќе од 15 минути, а 65,9% од нив, чекаат автобус над 20 минути. Дополнително, 93,4% од студентите не се задоволни од квалитетот на јавен градски превоз во градот, а 65,9% од истите воопшто не се задоволни од истиот. Затоа, по добиените бројни интерни поплаки од страна на студентите за време на одржување на колоквиумска недела и предавања при Универзитетот ,,Св. Кирил и Методиј’’ – Скопје и спроведената анкета за евидентната катастрофална положба во која што се наоѓа градскиот превоз, нередовност на линии, неисправност на автобуси, долго чекање на постојки, која секојдневно го нарушува студенскиот стандард“, се вели во реакцијата на УСС на УКИМ.

Оттаму го доставија следниот ултиматум кој ви го пренесуваме во целост:

Јавното Сообраќајно Претпријатие Скопје и градоначаlni;kata на град Скопје, Данела Арсовска до крајот на утрешниот ден 21.11.2024 да воспостават итна и неодложна редовност на автобуските линии и враќање во нормална функција на јавниот градски превоз во град Скопје со цел зачувување на интегритетот на студентите и студентскиот стандард. Доколку не се добие повратен одговор на ова барање и не се регулира сообраќајниот режим, како легитимно тело кое претставува над 28.000 студенти при Универзитетот ,,Св. Кирил и Методиј’’ во Скопје, Универзитетското студентско собрание ќе се приклучи масовно на организираниот протест во петок 22.11.2024 со цел изразување на огромното незадоволството од менаџирањето на Јавното Сообраќајно Претпријатие Скопје- Скопје.

Дополнително, испраќаме силен апел за воспоставување на нови и ефикасни транспортни решенија и конечно отпочнување на предвидените инфраструктурни проекти најавени од ваша страна и вашиот тим во градоначалничката предизборна програма, но и од страна на претходните градоначалници.

Конкретно, барањата се следните: продолжување и финализирање на проектот за Bus Rapid Transit, воведување на градска железница со искористување на постоечките капацитети и изградба на пруга до Аеродромот Скопје, отпочнување и финализирање на предвидените инфраструктурни проекти (Јужен Булевар, бул. Хрватска, бул. Србија, мостот кај Хотел Русија, продолжување на бул. Климент Охридски преку Вардар, под Кале до бул. Никола Карев, продолжување на бул. Илинден, Источна обиколница), набавка на нови автобуси и отворање на нови автобуски линии, надградба на велосипедската инфраструктура и промоција и поддршка на алтернативни видови на транспорт.

Доколку не можете да ги исполните ветувањата дадени во програмата, но и силните барања на граѓаните на вашиот Град, оставката секогаш е отворена опција“.

Градоначалникот на Општина Шуто Оризари, Курто Дудуш денеска преку соопштение упати поддршка до своите сограѓани за организација на голем сенароден протест пред просториите на Град Скопје, со цел изразување на незадоволството од нефункционирањето на јавниот сообраќаен превоз.

The post Доколку до изутрина нема нафта за автобусите, Скопје утре ќе остане без градски превоз appeared first on Република.

Кабинетот на косовскиот премиер, Албин Курти ја објави попладнево конечната агенда за заедничката средба на Владата на Косово и Владата на Македонија, што ќе се одржи утре во Приштина.

Како што јави дописникот на МИА од Приштина, од 10:30 до 10:45 часот се очекува пристигнување на делегациите, а потоа и на премиерите Албин Курти и Христијан Мицкоски.

По официјалната церемонија и заедничката фотографија, претседателите на двете влади се очекува да имаат билатерална средба од 11.20 до 11.50 часот.

По оваа средба ќе следат билатерални средби меѓу министрите (колеги) од двете влади, а потоа ќе се одржи меѓувладината седница, по што во 13 часот и 30 минути ќе бидат потпишани предвидените договори.

Заедничката прес-конференција на премиерите Курти и Мицкоски е предвидена за во 13:45 часот, по што агендата ќе биде затворена со службен ручек.

The post Објавена агендата на утрешната заедничка седница на владите на Косово и Македонија во Приштина appeared first on Република.

Во паркот Сарај е пуштен во употреба СТБ Детски велодром. Се простира на површина од 1.500 метри квадратни, како спортско-рекреативна содржина и нова локација атрактивна за љубителите на спортот во Скопје, информираат од Град Скопје.

За сите млади, за љубителите на спортски активности со велосипеди, ролери и скејтборд, достапен е велодромот каде ќе можат да уживаат во новите забавни содржини. Ја поздравуваме континуираната заложба на Стопанска банка Скопје, која во рамки на кампањата „Вози право, вози здраво“ како дел од своите општествено одговорни активности заедно со Град Скопје, реализираше уште еден проект значаен за граѓаните, се вели во соопштението.

Новиот велодром на децата и младите ќе им овозможи да учат возење велосипед и да се едуцираат во безбедна средина. Како што се наведува, како проект на Стопанска банка Скопје е реализиран со јавните претпријатија „Паркови и зеленило“ и „Улици и патишта“ и е резултат на повеќегодишната соработка на Град Скопје со Стопанска банка како општествено одговорна компанија.

The post Во паркот во Сарај пуштен во употреба Детски велодром appeared first on Република.

ТРИ вечер организира отворен настан со Франсеск Миралјес, еден од најчитаните странски автори кај нас, но и во светот. Неговите дела „Икигаи“, „Намасте“ и „Ичиго-ичие“ се продадени во неколку милиони примероци низ целиот свет.

Големата книжевна средба ќе се одржува во „Лабораториум“, од 19 часот, а влезот е отворен.

Миралјес ќе зборува за своите впечатоците и искуства од Индија, древната лулка на цивилизацијата, но и за впечатоците од Јапонија, од каде, како што наведува ТРИ, ја извлекол тајната на долговечноста.

Читателите ќе имаат можност да се сретнат со човекот кој истражувајќи за своите книги, истражи многу за себеси и допре до тајните на источните мудрости. Неговите согледувања и директното пренесување на дел од различните источни културни практики ткаат необичен книжевен мозаик, што му помага на современиот читател олеснето да издише и одново да се исполни со енергија и животен елан. Ве покануваме да дознаете повеќе за исцелувачката моќ на мантрата ОМ, отворено да позборуваме за страдањето, да се ослободиме од своето его, од стравот и вознемиреноста – заедно да го разбудиме својот творечки потенцијал, велат од ТРИ.

Миралјес досега има објавено неколку романи и книги од областа на филозофијата на живеењето, а од нив „Намасте“, „Ичиго-ичие“, „Ваби-саби“, „Икигаи“, „Посакувам да си тука“, „Барселона блуз“ и „Љубов со мали букви“ ги читавме во превод на ТРИ.

The post Шпанскиот автор Франсеск Миралјес гостува во Скопје appeared first on Република.

По повод одбележувањето на 80-годишнината од ослободувањето на Скопје, денеска, во 11 часот, на партизанските гробишта во Бутел, делегации од Град Скопје и од Собранието, ќе положат свежо цвеќе пред споменикот на ослободителите на градот.

Делегација од Град Скопје и собраниската делегација, во состав: Дијана Илиевска, Славјанка Петровска и Даниела Белимова, во 11:30 часот, ќе положат свежо цвеќе и пред споменикот на генерал Михајло Апостолски во Алејата на заслужните граѓани, а во 12:30 часот, пред споменикот на ослободителите на град Скопје пред Владата.

Свечена академија и доделување на 13-то Ноемвриската награда, ќе се одржи во 19 часот во Македонската Филхармонија. 

Во пресрет на обележувањето на 80-годишнината од ослободувањето, синоќа премиерот Христијан Мицкоски говореше на настан во организација на градскиот комитет на ВМРО-ДПМНЕ, насловен „Скопје се буди“. 

Како што е најавено, претседателот на Владата денеска ќе се обрати и на отворањето на меѓународниот научен собир „Антифашизмот помеѓу меморијата и заборавот“ во Музејот на македонската борба за самостојност.

Меѓународниот научен собир е организиран по повод 80 години од првото заседание на АСНОМ. Настанот е во организација на Институтот за национална историја, Универзитет „Св. Кирил и Методиј“ и Македонската академија на науките и уметноститe (МАНУ).

На денешен ден во 1944 година борците од 42. и 50. Народноослободителна дивизија на македонската војска и 16. Македонска бригада го ослободија Скопје од фашистичката окупација за време на Втората светска војна.

The post Скопје одбележува 80 години од ослободувањето appeared first on Република.

Јавен обвинител од Основното јавно обвинителство Скопје донесе Наредба за спроведување истражна постапка против едно лице за кое доказите упатуваат на основано сомнение дека сторил кривични дела – Обљуба со злоупотреба на положбата од член 189 став 2 во врска со став 1 и Задоволување на полови страсти пред друг од член 190 став 3 од Кривичниот законик.

Осомничениот 59-годишник, во временскиот период од јуни 2023 година до средината на август годинава, во семејната куќа во Скопје, злоупотребувајќи ја својата положба во својство на крвен сродник во права линија – татко, ја наведувал да врши друго полово дејствие сопствената малолетна ќерка родена во 2010 година и истовремено вршел полови дејствија пред неа.

Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.

The post Татко во Скопје повеќе од една година ја силувал малолетната ќерка appeared first on Република.

Главниот град на Македонија утрово се најде на седмото место во светот по загаденост на воздухот, со индекс на загадување од 151, што го прави опасен за дишење.

Скопје во зимскиот период постојано руши рекорди во поглед на загадувањето, а ветувањата на градските власти за намалување на концентрацијата на честичките останува само на хартија.

The post Скопје на седмо место по загаденост во светот appeared first on Република.

Скопје ја доживеа најмагичната ноќ за оваа година – фасцинантното отворање на казиното „Gold Slot Club“, кое беше крунисано со извонреден перформанс на првото македонско кабаре шоу „Gold Felicia“.

Нашиот успех се должи на постојаното модернизирање во тек на светските трендови во нашето работење. Исклучително ни е важно да им понудиме незаборавна забава на нашите клиенти и токму затоа овациите на присутните на овој настан, што се одржа по повод отворањето на новото казино „Gold Slot Club “ во Скопје, беа потврда за нашите заложби. Неизмерно сме среќни што го постигнавме она кон кое целевме, нагласи Елена Трајчевска, маркетинг директор.

Присутните имаа можност да уживаат во брилијантната изведба на прекрасната Лаура и нејзиниот бенд и да освојат вредни награди.
Воодушевувачките изрази на лицата на присутните беа доказ за атрактивноста на новото место кое нуди посебно искуство и незаменливи моменти за сите посетители.

Сакаме луѓето да почувствуваат адреналин, да уживаат во раскошот што го создадовме само за нив и токму затоа сакавме ова отворање, што е предвесник на сите идни настани на ова место, да ја прикаже возбудата што ќе ја доживуваат посетителите, наведе Благој Наумовски, менаџер.

Новото казино се наоѓа на Качанички пат (Хасан Приштина 55) и отсега панатаму постојано ќе приредува изненадување за сите постетители.
Објектот е опремен со најмодерни апарати и ексклузивен ентериер што им овозможува на клиентите да се чувствуваат како да се наоѓаат во лулката на забавата – волшебниот Лас Вегас.
„Gold Slot Club “ е место што е создадено за оние кои имаат префинет вкус, знаат како да го уживаат животот и да создаваат незаборавни спомени.

https://www.youtube.com/watch?v=E2OoHkUiWd0

The post Скопје доби ново место кое ги поместува границите на возбудливата забава – се отвори „Gold Slot Club“ appeared first on Република.

Светската премиера на „Сношти минав” за тенор, гудачки оркестар и пијано од Дарија Андовска ќе се случи вечерва во Токио. Композицијата е напишана за нашиот светски реномиран тенор, Благој Нацоски, кој ќе ја изведе заедно со Tokyo Vranec Chamber Orchestra, под диригентската палка на нам веќе многу познатиот љубител на македонска музика, Казухиро Котецу, на концертот по повод 30 години дипломатски односи помеѓу Македонија и Јапонија.

Исто така вечерва, во Скопје е светската премиера на „Со маки сум се родила” за сопран, флејта и пијано од Дарија Андовска. Композицијата е напишана за Altus New Breath ансмблот, кој е на релација Франција – Македонија, а ќе ја изведат Гонца Богоромова-Краповски – сопран, Елена Стојческа – флејта и Маријана Николоска – пијано.

Дарија Андовска е една од најплодните, најреномираните и најизведуваните македонски композитори на светските подиуми. Таа е редовен професор на Факултетот за музичка уметност – Скопје при УКИМ, каде моментално ја извршува функцијата декан.

The post Премиера на две композиции на Дарија Андовска во Токио и Скопје appeared first on Република.

Инспекторите за животна средина на Град Скопје денеска затекнаа и евидентираа лица во тек на исфрлање големи количини отпад, креирање дива депонија на приватен имот и нејзино палење, на територијата на општина Бутел, каде е затекнато огромна количина на отпад од метал, пластика и градежен шут, информираат од Град Скопје.

Оттаму велат дека за извршено кривично дело од страна на лицата С.М жител на општина Бутел и М.Д. државјанин на Косово, согласно членот 218 на Кривичниот законик, ќе поднесе кривична пријава за предизвикување значително оштетување на квалитетот на воздухот, водата и почвата, односно опасност за животот и здравјето на луѓето, дело казниво со затвор од четири до десет години.

На територијата на Скопје има вкупно 14 институции кои што во вакви ситуации имаат надлежност и обврска да постапуваат. Но, се досега единствено градот Скопје реагира, додека останатите не постапуваат иако за истото имаат законска обврска. За време на викендот инспекторите за животна средина на градот Скопје и комуналните инспектори имаат санкционирано со изречени казни над 20 сторители, се вели во денешното соопштение.

Од Градот Скопје потсетуваат дека годинава поднеле повеќе кривични пријави за исфрлање на опасен отпад и загрозување на животната средина, за кривична одговорност против сторители затекнати како исфрлаат опасен отпад, азбестни плочи и друг градежен отпад како случајот во општина Бутел каде затекнати лица истураа неколку тони отпад меѓу кои и опасен канцероген отпад во зелен појас со што се нагрдува градот и доведува во опасност на животот и здравјето на скопјани.

Апелираат до Владата на овој проблем да му пристапи сериозно, да реагира на пријавите на градот Скопје за поажурно контролирање на нелегалното исфрлање на отпад низ градот што е казниво и според Кривичниот законик, но и едновремено да ги ангажира и останатите надлежни институции, да започнат да постапуваат за детекција и санкционирање на сторителите.

The post Бутелчанец и Косовар направиле голема дива депонија и ја палеле appeared first on Република.

Министерството за внатрешни работи информира дека од 15 до 17 часот, во Скопје ќе има посебен режим на сообраќај.

Единицата за безбедност на патниот сообраќај ќе преземе мерки за посебен режим на сообраќајот во централното градско подрачје, поради одржување протестен марш од страна на коалиција за застапување на правата на лицата со хендикеп, појаснува Министерството за внатрешни работи.

Секторот за внатрешни работи – Скопје апелира граѓаните да ги почитуваат наредбите што ги издаваат полициските службеници.

The post Попладне посебен режим на сообраќај во Скопје appeared first on Република.

Ентероколити и овчи сипаници се двете најчести заразни заболувања евидентирани во септември, покажуваат податоците објавени во месечниот билтен на Институтот за јавно здравје (ИЈЗ), објавен попладнево.

Во текот на месец септември до ИЈЗ, пристигнати биле пријави за вкупно 796 заболени лица од акутни заразни заболувања – без Ковид-19, грип, туберкулоза, СИДА, АФП и хронични носителства на хепатит Б и Ц и ХИВ во Република Македонија, со вкупна инциденца од 43,3 на 100.000 жители.

– Вкупниот број на пријавени лица во месец септември е за 17,2 отсто помал во однос на претходниот месец август 2024 година. Во однос на месец септември 2023 година, се регистрира намалување на пријавените лица од акутни заразни заболувања за 9,9 проценти, додека во однос на аритметичката средина за десетгодишниот период, се регистрира намалување од 50,0 отсто, се наведува во извештајот.

Во групата на сексуално и крвно преносливи инфекции без ХИВ/СИДА, регистрирани биле 13 заболени лица – пријавени се 11 случаи на вирусен хепатитис Б, по еден случај на сифилис и инфекции со хламидија.

Пријавени биле три потврдени случаи на ХИВ и два на СИДА во септември, лица кои припаѓаат на возрасната група од 20 до 49 години.

Во вкупниот број на пријавените случаи на вакцино-превентабилни болести, 84,4 отсто биле на голема кашлица, појаснуваат од ИЈЗ, како резултат на тековната епидемија на територијата на град Скопје, Куманово и на Тетово.

Во Република Македонија во текот на месец септември, пријавени биле вкупно 288 случаи на Ковид-19. Во текот на месецот, регистрирани биле пет починати лица асоцирани со Ковид-19, сите од возрасната група над 60 години.

Пријавени биле два смртни случаја од акутно заразно заболување – без Ковид-19, грип, туберкулоза, СИДА, АФП и хронични носителства на хепатит Б и Ц и ХИВ. Првиот регистриран смртен случај во месец септември е од бактериски менингит. Се работи за 74-годишно женско лице од Тетово. Кај пациентот, покрај основната болест, регистриран е и коморбидитет. Вториот регистриран смртен случај е од енцефалитис предизвикан од west nile вирусот (WNV). Се работи за 78-годишно машко лице од Кочани кај кое симптомите на заболувањето започнале на 9 септември, а во КИБФС било хоспитализирано следниот ден.

Во текот на месец септември, пристигнати се 10 пријави за заразни заболувања кај странски државјани кои престојувале во државава.

The post Во Скопје, Куманово и Тетово има најмногу пријавени случаи на голема кашлица appeared first on Република.

Бугарскиот претседател Румен Радев смета дека нема потреба од посредништво во разговорите меѓу Скопје и Софија, за продоложувањето на преговорите на земјава, јави БТА.

На прашањето да даде коментар на изјавата на премиерот Христијан Мицкоски дека е подготвен да води преговори со бугарскиот претседател, Радев рече дека отсекогаш бил отворен за дијалог, но, според него, треба да се прави разлика меѓу дијалог и преговори.

- Преговорите меѓу Бугарија и Македонија завршија во јули 2022 година, кога двете земји го потпишаа билатералниот протокол за договорот за добрососедство. Ако зборуваме за дијалог, тој треба да се води меѓу Македонија и Европската комисија и тоа врз основа на прифатената Преговорачка рамка за Македонија, која со консензус, едногласно е усвоена од сите земји членки на ЕУ и е прифатена од Владата на Македонија, рече Радев во изјава за бугарски медиуми.

Според него, работите се и повеќе од јасни и дека Македонија треба да ги исполни барањата поставени од Европската Унија, а Бугарија, како што рече, може да помага во тој процес.

-И ќе повторам по којзнае кој пат, ние сме подготвени и ние треба да помогнеме. Тоа е нашата одговорност, и тоа да помагаме Македонија побрзо и поефективно да ги исполни условите запишани во двостраниот протокол и во Преговарачката рамка, така што би можеле посигурно да чекорат по европскиот пат, изјави бугарскиот поретседател.

The post Радев: Нема потреба од посредништво меѓу Скопје и Софија, Македонија треба да води разговор со Брисел appeared first on Република.

Скопје од 6 до 11 декември ќе биде домаќин на Европскиот шампионат во брз и блиц шах, објави Европската шаховска федерација.

Европското првенство во брз шах ќе биде прво на распоредот и ќе се одржи на 7 и 8 декември, по што на програмата следуваат Европскиот блиц шаховски шампионат, на 9 декември и следниот ден Европскиот Фишер шаховски шампиона.

Вкупниот награден фонд изнесува 47.000 евра, а шаховските партии ќе се играат во скопскиот хотел „Континентал‘.

The post Скопје во декември домаќин на Европското првенство во брз и блиц шах appeared first on Република.

Стрип центарот на Македонија од Велес го завршува имплементирањето на циклус од 5 (пет) изложби,како дел од Грантот “All we are saying is GIVE INCLUSION A CHANCE!“. Овој грант е дел од вториот повик отворен повик за предлози за Младинскиот меѓукултурен уметнички фонд во рамки на програмата „Градиме нови мостови“ на Мисијата на ОБСЕ во Скопје.

Завршната изложба ќе се организира на 10.10.2024 (четврток ) со почеток во 12,30 во просториите на Европската куќа во Скопје.

На изложбите ќе се изложат најдобрите дела од наградниот стрип конкурс на иста тема .Да потсетиме дека на истиот се јавија 263 млади автори од различни етнички и географски средини. Воедно, дел од учесниците на овој конкурс учествуваа на неколкудневна стрип работилница во с, Нежилово, Велешко кадешто ги усовршија и доработија своите стрип дела . Исто така ќе се промовира и соодветниот каталог каде се објавени стриповите, со претставување и на самите автори, нивните училишта и ментори,како и доделат допломи и сертифати за учество на ученици,професори-ментори и училишта

The post Стрип изложба во Скопје „ Да ѝ дадеме шанса на инклузијата“ appeared first on Република.

Министерот за животна средина, Изет Меџити, денеска најави нови мерки за справување со аерозагадувањето, вклучувајќи проширување на мрежата на централно греење во Скопје и воведување шест еколошки автобуси за ЈСП. Исто така, тој истакна дека целата држава ќе биде гасифицирана во рамките на долгорочниот план за намалување на загадувањето.

Во тек е имплементација на проектот ЕУ за чист воздух, во кој Европската делегација во нашата држава вложува 10 милиони евра за 4 града во државата што во изминатиот период забележаа најголеми скокови на концентрација на загадување на воздухот – Скопје, Куманово, Тетово и Битола. Со проектот ќе се делува на намалување на загадувањето од системите за греење со замена на стари неефикасни котли во 70 јавни установи, ќе се донираат 6 еколошки автобуси на Град Скопје, ќе се засадат зелени појаси и ќе поддржи создавање на предуслови за проширување на централното греење во Скопје со изработка на студија и набавка на инструменти за анализа на тешки метали во концентрациите на ПМ за Централната лабораторија – рече Меџити.

Меџити нагласи дека проблемот со аерозагадувањето не може да се реши со една мерка, туку бара континуиран пристап и повеќе различни активности за постигнување долгорочни резултати.

The post Шест нови еколошки автобуси и гасификација на Скопје, најави министерот за животна средина Меџити appeared first on Република.

Премиерата на комедијата „Жени во црвено“ во Македонија ќе се одржи на 9 октомври во 19 часот на сцената на Националната опера и балет во Скопје.

Претставата, која ја носи JEС Продукција од Скопје, ги обединува на сцената неповторливите актерки Олга Одановиќ, Дубравка Мијатовиќ, Анастасија Мандиќ и Сена Ѓоровиќ, под режија на Бојана Лазовиќ.

Претставата раскажува за четири жени кои се наоѓаат во комична, но истовремено и сериозна ситуација. Поранешната стјуардеса Тамара и нејзината сестра Нора, која е невработена, се соочуваат со финансиски тешкотии и неможност да го платат својот станбен кредит. Динка, службеничка од банката, доаѓа со намера да го конфискува имотот, но се соочува со неочекуван отпор од сестрите. За да го задржат својот дом, тие преземаат драстични чекори, додека надвор од нивната зграда полицијата и специјалните единици го заоструваат конфликтот. Во меѓувреме, на местото на настанот пристигнува полицајката Анѓа, со свој личен проблем.

Комедијата „Жени во црвено“ на комичен начин ги обработува темите на долгови, финансиски кризи и животните предизвици, истовремено потсетувајќи на важноста од солидарноста, пријателството и заедничкото справување со проблемите.

Текстот е на Давор Шпишиќ, режијата на Бојана Лазовиќ, сценографија и костимографија на Јелена Стокуќа, а музиката на Ирена Поповиќ Драговиќ.

The post Српската комедија „Жени во црвено“ гостува во Скопје на 9 октомври appeared first on Република.