В недела, на 12 мај во Скопје ќе се одржи 8. издание на „Халк Еко Скопје Трча 10 км“ на која ќе учествуваат 1.653 натпреварувачи од 16 земји. Стартот на трката ќе биде во 9 часот на булевар „Илинден“ во близина на Фонтана „Лотос“ и на истото место ќе биде и целта на трката. Ќе се трчаат 10 километри по булевар „Илинден“ , Ул. Никола Парапунов и по дел од булевар „Партизански одреди“.

Во периодот од 09:00 часот до 11:00 часот ќе има посебен сообраќаен режим на целата патека.

Церемонијата на доделување награди ќе започне по завршување на трката. На трката со 10 км, првите 5 места во машка и женска конкуренција ќе бидат парично наградени со вкупен награден фонд од 160.000 денари и дополнителни вредносни награди. Пехари ќе добијат и најдобо рангираните во старосни категории и најбрзите пријавени екипи.

Стартните броеви ќе може да се подигнат од СЦ Јане Сандански на 10 -11 мај од 11-18 часот.
Организатор на трката е Сојузот на спортови на Скопје, во соработка со А.К. Скопски Маратон, А.К.Работнички, додека покровител е Град Скопје.

Патеката на „Халк Еко Скопје Трча 10км“ е измерена и сертифицирана од страна на овластено лице од АИМС и Светска Атлетика.

The post В недела Скопје трча на 10 километри appeared first on Република.

Денеска започна пријавувањето за осмото издание на трката „Халк Еко Скопје Трча 10км“ кое ќе се одржи на 12 мај годинава. Пријавувањето ќе биде отворено до 30 април. Ако се пополни предвидениот број на учесници, пријавувањето ќе биде затворено и порано, соопшти организаторот.

Право на учество во трките имаат сите државјани на Република Македонија и странски државјани, од двата пола, а при самиот процес на пријавување, потребно е секој учесник да го одбере неговото таргет време со кое планира да ја заврши трката. Учесниците ќе бидат поделени во пет стартни боксови според таргет времето.

Стартот на трката ќе биде во 9 часот на булевар „Илинден“ во близина на Фонтана „Лотос“ и на истото место ќе биде и целта на трката. Ќе се трчаат 10 километри по булевар „Илинден“ и по дел од булевар „Партизански одреди“.

Церемонијата на доделување награди ќе започне по завршување на трката. На трката со 10 км, првите 5 места во машка и женска конкуренција ќе бидат парично наградени и највисоката парична награда ќе изнесува 30.000 денари.

Организатор на трката е Сојузот на спортови на Скопје, во соработка со АК Скопски Маратон, АК Работнички, додека покровител е Агенцијата за Млади и Спорт и Град Скопје.

Патеката на „Халк Еко Скопје Трча 10км“ е измерена и сертифицирана од страна на овластено лице од АИМС и Светска Атлетика.

The post Почна пријавувањето за атлетската трка на 10 километри „Скопје трча“ appeared first on Република.

Продолжува доминацијата на Дарио Ивановски на „ХалкЕко Скопје трча“ на 10 километри, кој по шести пат успеа да слави и да постави нов рекорд.

Нашиот атлетичар трката ја мина со време од 29:42 минути, на второто место се најде Џастин Фриман, со време од 32:03, а третото место му припадна на Атанас Анчевски со време од 32:36. Кај дамите, триумф на Билјана Кираџиева, со 37:48 минути, второто место го освои Mиљана Ристиќ со 41:27 минути и на третото место заврши Весна Кираџиева со 43:18 минути.

Оваа година на веќе традиционалната трка „Скопје трча“ учествуваа 1.300 натпреварувачи, а е во организација на Сојузот на спортови на Скопје и атлетскиот клуб Работнички, под покровителство на Град Скопје и Агенцијата за млади и спорт.

Пред 6 години, се јави потреба, поради преголема заинтересираност, да се организира и оваа трка, која е во склоп на Скопски Маратон. „Скопје трча“ почна како локална, а многу брзо прерасна во меѓународна трка. Со оваа трка, исто и како со другите кои се дел од Скопски маратон, секоја година докажуваме дека нашата земја има активно, спортско население. Ја користам оваа прилика да ги поздравам сите учесници на трката, а на оние најдобрите им честитам за постигнатите резултати, изјави Гордана Николовска од Сојуз на Спортови на Скопје.

The post Дарио Ивановски постави нов рекорд на „Скопје трча 10км“ appeared first on Република.