Вечерва во рамки на фестивалот Танц Фест 2023, во 21,30 часот во Македонскиот народен театар (МНТ) ќе се изведат кореографиите „Блокови“ на Дејан Битровски и „Место, многу посебно за неа“ на Адријана Данчевска, во продукција и изведба на Скопје танцовиот театар.

„Блокови“ на Битровски зборува за градење и рушење на врски и односи меѓу луѓето и општеството. Борбата на човекот и неговата мисла преточена во градење и рушење на ѕидови кои фигуративно го преставуваат менталниот склоп на општесвото и неговата поделеност. Тој како мотив зема и цитира еден стих од македонскиот пистаел Кочо Рацин кој вели "Кој ни замати извори бистри, извори на души чисти?". Битровски се потпишува како режисер и кореограф, Благој Мицевски како костимограф, музиката е на задолжен музичкиот продуцент Александар Гроздановси. Дизајн на постерот е на Елена Узуновски, настапуваат танчерите на Скопје танцовиот театар Анастасија Данчевска и Бобан Русески и студентите на Катедрата за современ танц при универзитетот „Гоце Делчев“: Стефани Шааршмит, Илина Костовска, Клара Христовска.

„Место, многу посебно за неа“ е кореографија во два дела која ја поставува жената во примарен фокус на сцена. Кореографијата и режијата се на Адијана Данчевска, музиката во првиот дел на претставата е „Болеро“ на Морис Равел, а во вториот дел музиката се изведува во живо, со музичарите: Виктор Филиповски и Ратко Даутовски и вокланиот солист Викторија Коцева.

Сценографијата ја осмислуваат Адријана Данчевска, Ивана Мојсовска, X Print и Матеа Мијановиќ. Костимите се на  Адријана Данчевска, реализирани од Весна Стефаноска. Дизајнер на плакат и видео е Ивана МојсовскаНастапуваат танчерите: Стефани Шааршмит, Клара Христова, Илина Костовска, Моника Шолевска, Сара Тасевска, Нина Петрушевска, Микаела Анџела Глигорова, Ангела Петровска.

Танц Фест Скопје е поддржан од Министерството за култура, Амбасадата на Кралството Холандија во Скопје, Амбасадата на САД во Скопје, УГД, Виталија, Бовин и мeдиумските партнери.

The post Вечерва на Танц фест „Блокови“ на Дејан Битровски и „Место, многу посебно за неа“ на Андријана Данчевска appeared first on Република.

Вечерва на сцената на Македонскиот народен театар (МНТ), во 20 часот  ќе се одбележи 18. роденден на Танц Фест Скопје. Во програмата, во короеграфијата „Котел“ на Рисимкин ќе настапат младите танчери: Сара Димовска, Јоана Благадуша, Андреј Димоски, Клара Цветковска, Емилија Милак, Викторија Коцева, Стефани Шааршмит, кои се школуваат на Катедрата за современ танц при Универзитетот „Гоце Делчев“, а кои, од годинава влегуваат во состав на Скопје танцовиот театар 2, како подмладок и нова креативна снага на современата танцова сцена кај нас.

Музиката за „Котел“ е на Тони Китановски, костимите на Благој Мицевски. Второто дело е „Go Figure It Out“ на Адријана Данчевска, музика Herzel-Glimmering Eyes, Sawf-Sand, а ќе настапат Дејан Битровски, Сара Димоска, Стефани Шааршмит, Андреј Димоски и Викторија Коцева.

За крај ќе се изведе претставата и „Идентитети - Историја на еден растегната сон“ на Рисимкин, со Скопје танцовиот театар, претставата која во Париз беше оценета како брилјантана, а Рисимкин како софистициран, авангарден кореограф. Музиката е на Тони Китановски, костимите на Благој Мицевски, а дизјан на сцена и светло на Матеа Мијановиќ. Ќе настапат Анастасија Данчевска, Сара Цветковска, Адријана Данчевска, Дејан Битровски, Бобан Русески, Викторија Коцева, Андреј Димоски, Стефани Шааршмит и Емилија Милак.

Во рамки на вечерашната претстава, ќе се прочита македонската порака за Меѓународниот ден нa танцот, (Македоснки центар на ИТИ), која годинава ја напиша Олга Панго, балерина и кореограф, актуелна уметничка раководителка на Балетот при НОБ. Таа, во пораката, меѓудругото ни порачува:

Танцот е слобода со која се надминуваат најсложените и најтешките ситуации во животот. Танцот е толку возбудлив и забавен што ние кои се занимаваме со него сме среќни луѓе. Во времиња како овие, времиња на големи искушенија и транзиции, во ерата на пандемијата, единствениот спас е да се прочистуваме со нешта кои се возвишени: како танцот и уметноста воопшто. Танцот опстојувал, опстојува и ќе опстои независно од тоа колку општеството ќе ги поддржи оние кои го негуваат, се борат и живеат од него, со него и во него. Секојдневното присуство на танцот нè прави само посреќни и побезгрижни. Танцувајте колку можете повеќе. Користете го телото за убавина и естетика, така го зголемувате количеството на дух кој ни е потребен, за да опстоиме како единки и група во овие чудни времиња за битисување. Танцувајте секој ден, учете ги вашите деца да танцуваат и да бидат среќни. Помогнете им на постарите и немоќните да го придвижат своето тело за да се чувствуваат подобро.

The post Скопје танц фест слави 18. роденден во МНТ appeared first on Република.

Танцовата претстава „Само среќа“, по идеја на Томео Вержес, а во изведба на Сандрин Мејзонев, ќе биде изведена вечерва во 20 часот во Домот на армијата во Скопје, во рамките на фестивалот „Танц фест“.

Томео Вержес се бави со прашањето што значи да се биде жена? На кои кодекси, на каков социјален притисок треба да подлежат жените? Според Сандрин Мејзонев во ова дело таа „продира во територијата на жените преку нивните полиња на дејствување и средината во која тие се развиваат. „Само среќа“ го доведува во прашање условувањето на жените и нивниот еманципаторски потенцијал. Не постои желба да се исклучи некој дел од животно дејствување, туку желба да се фокусира вниманието на повеќеслојноста на функционирањето на животот на жената. Некои ќе определат за грижа за домот, за децата, оставајќи ги настрана сите облици на работа и други лични потреби.

Во ова соло, жена, во ритам на метроном, повторува и трансформира низа дневни гестови. Заробеник на ритамот што си го наметнува, на социјалната лудачка јакна, на имиџот, води битка напред-назад, игра со клишеата и гротеската до конечната победа.

„Томео Вержес најде убава сценска метафора за да го продлабочи прашањето и да ги преиспита очекуваните или посакуваните слики што ги држат жените на одреден пат.“ На таков пат се наоѓа изведувачката Сандрин Мејзонев: во ритамот на хипнотичкиот метроном чија каденца ја принудува да ја следи, таа повторува и преобразува збир на дневни движења. Таа се впушта во битка во која си игра со клишеа и говор на телото, почнувајќи од сликата на совршена жена до нејзината трансформација во воин.

Сандрин Мејзонев дипломира на Националниот конзерваториум за музика и танц во Лиони, каде се обучува во областа на изведба и педагогија на современиот танц. Активно настапува од 1992 година, во короеграфии на Енди Дегро, Кристијан Блејз, Абу Лагра, Јан Леро, Мохамед Шафик, Оливер Дибуа. Со Томео Вержес, почнува соработка во 2005 година.

Претставата е поддржана во рамките на програмата „Колекиција Зима - Пролет 2022“ на од Францускиот институт во Париз.

The post Вечерва на Танц Фест Скопје „Само среќа“ на Томео Вержес appeared first on Република.