Тежок вооружен инцидент се случил доцна попладнево во северниот албански град Скадар, во кој се убиени најмалку три лица, додека две се тешко повредени и се во животна опасност.

Идентитетот на сите жртви и околностите и мотивите за настанот не се познати, иако се поврзува со пресметка меѓу криминални групи. Се дознава дека две возила во движење пукале меѓу себе, при што во возило со хрватски регистарски таблички било пукано повеќе пати, а потоа удрило во бетонска ограда, објави АБЦ њуз.

Според истиот извор меѓу повредените е Арлинд Бушати (32), син на поранешниот кандидат за градоначалник од редовите на Демократската партија, Џемал Бушати.

На терен се големи полициски сили, како и возила на брза помош.

The post Масакр во Скадар, најмалку тројца убиени appeared first on Република.

Силен пожар избувнал попладнево во населбата „Ндоц Мази“ во Скадар, во близина на пазарот за користена облека.

Пламените јазици зафатија и неколку станови и изгореа 25 стопански единици.

Исто така, една жена е извадена на носилки поради задушување, објави Политико.ал.

На местото на настанот пристигнале бројни полициски и противпожарни единици кои интензивно работат на гаснење на пожарот.

The post Голем пожар во Скадар во Албанија appeared first on Република.

Во Националниот музеј на фотографии „Маруби“ во северниот албански град Скадар, на 21 јули ќе биде отворена изложба на дела на познатите браќа Манаки од Битола -филмаџиите кои го „набљудувале“ Балканот, објави музејот на Фејсбук.

Оваа активност се реализира во соработка со Државниот архив на Македонија - Одделение во Битола.

Според музејот добрата соработка „ќе ја донесе изложбата на делата на браќата Јанаки Манаки (1878-1954) и Милтон Манаки (1880-1964), чија колекција, чувана во Историскиот архив на Битола, содржи 6702 стаклени негативи, 1071 филмски ролни, 7041 фотографски отпечатоци, 3867 документи и 49 камери и други материјали.

Кинотеката на Македонија чува голем број филмови што ги реализирале со „Камера 300“, по што се познати и како основоположници на кинематографијата во Македонија. Изложбата посветува посебно внимание на подвижните популации, етнографските приближувања и слични ритуали на народите на Балканот, кои ги наоѓаме рефлектирани во патувањата на браќата Манаки во регионот, наведува музејот.

Оваа активност е една од повеќето во рамки на манифестацијата „КултАрт 2023", во организација на Министерството за култура на Албанија. Ќе биде отворена на 21 јули во 20 часот и ќе остане отворена до 5 ноември.

The post Во музејот „Маруби“ во Скадар ќе биде отворена изложба за браќата Манаки appeared first on Република.