Без вода денеска од 8:30 часот ќе бидат повеќе улици во Карпош 3, поради замена на затворачи од водоводна мрежа на улица „Љубљанска“.

Како што информираат од ЈП „Водовод и Канализација“ Скопје, прекинато водоснабдување до санирање на дефектот ќе имаат корисниците од улиците „Волгоградска“, „Разловечко востание“, „Воденска“, „Невеска“, „Трифун Бузлев“, „Желево“ и комплексот Сити мол.

The post Без вода „Сити мол“ и повеќе улици во Карпош 3 appeared first on Република.

В недела попладне се случи сообраќајка на раскрсницата кај Сити Мол и ул. Московска. Во неа учествуваа автомобил „Рено Твинго“ и мотоцикл.

Повредени се возачот на автомобилот и мотоциклистот а екипи за спасување со кран го креваа Твингото.

На ова раскрсница често се случуваат сообраќајни незгоди.

The post Проколната раскрсница: Кај Сити мол се судрија Рено Твинго и мотоцикл appeared first on Република.

Тешка сообраќајна несреќа се случи на булеварот „Партизанки одреди“ во Скопје, во непосредна близина на „Сити мол“. Автомобил изгубил контрола и се забил во столб во жардиниерите на средина од булеварот.

На лице место се излезени екипи од Брза помош, како и полициски екипи коишто вршат увид.

Оваа сообраќајќа се случила токму на местото каде што минатата година загина младата Викторија, а автомобилот завршил, практично во спомен плочата, подигната во нејзино сеќавање.

The post Автомобил се заби во столб кај „Сити мол“ токму на местото каде што загина Викторија appeared first on Република.

Апелација му ја зголеми казната на четири години затвор на возачот Јордан Ѓоргиев кој смртоносно ја прегази Викторија Николова на пешачкиот премин на раскрсницата кај „Сити мол“. Од судот за„А1он“ потврдуваат дека казната езголемена за една година, од првичнатаизречена која беше три години затвор.

Причините за зголемување на казната заедна година, детално ќе бидат образложени
во пресудата, која треба да биде јавно.

The post Oд три на четири години: Зголемена казната на возачот што ја усмрти Викторија кај „Сити Мол“ appeared first on Република.

Возачот кој ја стори сообраќајката кај „Сити мол“ призна вина. Tој пред судијката Љубинка Башевска рече дека се чувствува виновен. Нему му се суди за тешки дела против безбедноста на луѓето и имотот во сообраќајот.

„Се чувствувам виновен, многу се каам. Свесно го давам признанието. Никој не ме уценувал. Јасно ми е дека ќе следи санкција, дека ќе ги платам трошоците за постапката, како и имотно правните побарувања“, пренесе „А1он“.

The post Возачот на сообраќајката кај „Сити мол“ призна вина appeared first on Република.

Основниот Кривичен суд Скопје, во целост го одобрил обвинителниот акт за сообраќајната несреќа која се случи во близина на трговскиот центар Сити Мол во Скопје, на 20 јануари годинава.

Ја информираме јавноста дека советот за оценка на обвинителен акт, по одржана седница, донесе решение со кое приговорите се одбиваат, а актот против обвинетиот Ј.Ѓ., осомничен за кривичното дело Тешки дела против безбедноста на луѓето и имотот во сообраќајот од чл. 300 ст.2 в.в со чл. 297 ст.1 од КЗ, се одобрува во целост, велат од Кривичен суд.

Додаваат дека согласно АКМИС системот предметот ќе биде распределен на понатамошно постапување, а штом ќе биде насрочен термин за главна расправа од Судот информираат дека истиот ќе биде објавен на веб-страната на судот во делот „Календар на судења".

The post Одобрено обвинението за сообраќајката кај Сити мол appeared first on Република.

Првата сезона на најголемиот моден настан во метрополата ќе се одвива во трговскиот центар од 4 до 27 март. Учесници на фестивалот се реномирани дизајнери и брендови од земјата и странство, заедно со истакнати уметници и музичари како специјални гости во програмата.

Цел нареден месец градот Скопје ќе пулсира во ритамот на модата. Епицентар на случувањата е трговскиот центар Скопје Сити Мол, каде од овој петок (4 март) започнува првото издание на Скопски моден фестивал, нова забавна манифестација за сите љубители на убавиот дизајн, уметноста и музиката. Богатата програма на настанот е поделена во два посебни дела и брои над дваесет македонски и интернационални учесници.

Првиот викенд од март е резервиран за сценски спектакл со модни ревии и шоуа кои се закажани на 04.03 (петок), 05.03 (сабота) и 06.03 (недела) од 19 до 22 часот на првиот кат од Скопје Сити Мол. Ден подоцна, на 07.03 (понеделник) во 19 часот свечено ќе се отвори и тринеделниот изложбено-продажен салон во трговскиот центар, каде ексклузивно ќе можат да се погледнат и купат креациите на мнозинството фестивалски учесници.

Скопје Сити Мол, како главен партнер и покровител на Скопски моден фестивал, ја споделува визијата на организаторите за нова, поинаква и пред сè успешна модна приказна во метрополата. Скопје Сити Мол е единствениот трговски центар, не само во државата, туку и во регионот, што во моментот ги отвора вратите и дава максимална поддршка на сите припадници на независната креативна сцена, нудејќи им простор и цел спектар на можности да ги промовираат своите дела пред нашите посетители и пошироката публика, истакнуваат од менаџментот на SCM.

Познати имиња како Евгенија Зафировска, Стефанија Насеска, Емили Пишева Гоџирова, Моника Димова, Сара Реџиќ и Мирјана Јосифоска, односно брендовите KTN, Minnimal, Bella, Superstacy, La Dama, Minimal by Nana и SIGMA Jewelry ќе се запишат како првите учесници на Скопски моден фестивал, заедно со странските гости: STL Studios (Грција), Teja Jeglich (Словенија), Katerina Zoto (Албанија) и престижната школа Akademia Evolucion (Косово).

Специјално претставување во рамки на манифестацијата ќе имаат и уметниците Бојан Ковски и Методија Јованов - Excellent Kitsch, додека премиерните чекори на модната писта ќе ги направи и сосема нова генерација на модели од сите домашни агенции. Првата сезона на настанот е под слоганот „The Future was Present”, а официјално ќе започне со гала вечер во петок од 19 часот во Скопје Сити Мол.

The post Скопски моден фестивал премиерно во Сити Мол од 4 до 27 март appeared first on Република.

Утре од 12 до 13 часот ќе се одржи собир по мотото „Стоп за сообраќајното насилство“ на раскрсницата на булeварот Партизански одреди кај „Сити мол“ во Скопје. Ова следи по трагичната смрт на Викторија Николова која го изгуби животот во сообраќајна несреќа на 20 јануари годинава, на истата раскрсница. Собирот го организира момчето на Викторија, Леонид Даов, кој беше лесно повреден во истата сообраќајна несреќа.

Граѓаните ќе се соберат во знак на револт кон сообраќајното насилство и начинот на кој се третирани пешаците и сите учесници во сообраќајот кои се придржуваат до правилата. Според организаторот Даов, целта е да се стави крај на бeзобзирното возење по улиците и да се подигне свеста на учесниците во сообраќајот.

Ќе се одржи мирен, достоен и јавен собир каде што ќе оддадеме почит кон Викторија Николова како последна жртва во ваквото сообраќајно насилство, а воедно и ќе оддадеме почит кон сите жртви во вакви и слични сообраќајни несреќи, се наведува во најавата на Фејсбук.

The post Момчето на загинатата Викторија организира собир утре кај „Сити мол“ appeared first on Република.

Судија на претходна постапка вечерва донесе решение за изрекување мерка 30 дена притвор за 22- годишниот скопјанец, кој со возило Цитроен ја прегази 24- годишната радовишанка на прешачки премин кај Сити Мол.

„По произнесување на осомничениот во присуство на неговиот бранител во однос на предлогот на ЈО, судија на претходна постапка донесе решение со кое го прифати предлогот на ЈО и на осомничениот му определи мерка притвор во траење од 30 дена заради постоење на опасност од бегство, влијание на сведоци и можност да го повтори делото.“, соопштуваат од Обвинителството.

Возачот кој синоќа на Партизанска ја прегази 24 годишната Викторија Николова од Радовиш беше приведен во полициска станица. Како што информираат од МВР, по налог на обвинителството се проверува дали возел под дејство на алкохол или психотропни супстанци, како и брзина со која се движел и дали поминал на црвено... Сообраќајката се случи кај Сити Мол пред 20 часот, во моментот кога девојката преминувала улица на пешачки премин заедно со уште едно момче, автомобил „Цитроен“ управуван од 22 - годишник ја прегазил и ја фрлил неколку метри со што таа се здобила со повреди од кои починала на самото место.

Според засега неофицијалните информации, автомобилот кој ја удрил девојката претекнувал друг автомобил кој застанал на пешачкиот премин.

The post 30 дена притвор за возачот, која ја прегази 24- годишната Викторија Николова appeared first on Република.

Шок и револт денеска меѓу жителите на двете општини Конче и Радовиш каде живеело семејството на 24 – годишната Викторија Н., која синоќа почина на лице место, откако беше прегазена на пешачки премин кај Сити Мол во Скопје. Девојката била на шопинг во трговскиот центар со своето момче и друштвото. Кога тргнале да си одат, Викторија и нејзиното момче беа покосени од возилото тојота, со кое управувал 22-годишник од Скопје, објавува ММС.

Според информациите од сограѓаните на двајцата млади, целото друштво било на пешачкиот премин, но Викторија и нејзиното момче биле последни, кога врз нив налетало возилото. Неофицијално, возачот поминал на црвено.

Како што информира МВР, во несреќата патничко возило управувано од Ј.Ѓ. (1999) од Скопје, удрило во Л.Д. (1997) од Радовиш, кој е повреден и пренесен во ГОБ „8 Септември“ и В.Н. (1997) од Радовиш, која починала на местото.

Семејството на Викторија потекнува од селото Дедино, Општина Конче и веќе десетина години живеело во Радовиш. Викторија била средната од трите сестри и неодамна дипломирала.

Во Општина Конче ја бројат третата жртва во изминатите десетина – петнаесетина години на скопскиот асфалт. На ист начин, на пешачки премин биле прегазени уште две млади девојки од оваа oпштина. Граѓаните се револтирани, особено што млади луѓе ги губат животите во скопскиот сообраќаен хаос, каде не се почитуваат ни правила ни ред. Очекуваат брз одговор од институциите.

Погребот на Викторија се одржа денеска во Радовиш.

The post Шок и неверување во Конче и Радовиш по трагедијата: Викторија не е единствената која загинала на ваков начин на скопскиот асфалт appeared first on Република.

Сообраќајката вчера кај трговскиот центар „Сити мол“ ја потресе јавноста. Преминувањето на пешачки премин беше кобен за младата 24-годишна девојка од Радовиш која загина. Повреден е уште еден пешак исто од Радовиш кој е во болница. Во нив удри 22 годишен возач на автомобил „Цитроен“. Алсат дојде до информација дека станува збор за возач – почетник.

Според информациите, тој добил возачка дозвола само пред една година, но моќноста на возилото било во рамките на дозволеното за почетник. Од возачот е земен примерок од крв и урина за да се утврди дали бил под дејство на алкохол или дроги. Но, непосредно по несреќата семафорите на раскрсницата кај Сити мол воопшто не работеа, а потоа беше вклучено само жолтото светло.

Од обвинителството не кажуваат дали семафорите работеле и дали некој поминал на црвено светло.

Издадена е наредба за обезбедување на снимките од видео надзорот на местото каде се случи несреќата, наведоа од Обвинителството.

The post Притворен возачот од несреќата кај „Сити Мол“, лани добил возачка appeared first on Република.

Актерот Сашо Тасевски објави жесток статус на социјалните мрежи поради загинувањето на 24-годишнате девојка, која беше прегазена на пешачки премин кај Сити Мол во Скопје.

На говедото што ја прегази девојката на пешачки кај Сити Мол, рацете да му ги пресечете.

 

Ова е резултатот на вашето аминување на оние кои дивеат по Партизанска.

 

Шест месеци апелирам кај полицајци и на булеварот кај Настел во Карпош да стават семафори, радар додека не загинал некој, зашто тука говеда се тркаат и преку ден, а има пешачки, ама џабе.

 

И само продолжете да им давате условни казни на говедата што убиваат луѓе со бесни коли.

 

Башибозук полиција и судство. Се корумпирано.

 

Неизживеани копилиња со многу пари се курчат по булеварите како да не постојат пешаци и други во сообраќајот - реагира Тасевски.

The post Тасевски: Само продолжете да им давате условни казни на говедата што убиваат луѓе со бесни коли, башибозук полиција и судство appeared first on Република.

Министерството за внатрешни работи известува дека по насока на јавен обвинител кој ја води истрагата за сообраќајката кај Сити мол сторителот е приведен во полициска станица, земени се крв и урина за утврдување на тоа дали има присуство на алкохол и опојни дроги, што е стандардна процедура во вакви случаи.

Вчера после 19 часот на пешачки премин загина 24-годишна девојка, а зад воланот било 22-годишно момче.

Како што соопшти МВР во сообраќајна несреќа починала женско лице откако во неа удрило возило управувано од Ј.Ѓ. (22), кратко ни одговорија од МВР додека се уште се врши увид на лице место.

Во моментот кога девојката преминувала улица на пешачки премин, автомобил „Цитроен“ ја прегазил и ја фрлил неколку метри со што таа се здобила со смртни повреди.

Неофицијално, автомобилот кој ја удрил девојката претекнувал друг автомобил кој застанал на пешачкиот премин. Од МВР соопштија дека автомобилот удрил во две лица од Радовиш.

Л.Д. (1997) од Радовиш кој е повреден и пренесен во ГОБ 8-ми Септември и В.Н.1997 од Радовиш, која починала на лице место, рекоа од МВР.

The post МВР: По сообраќајката кај Сити мол сторителот е приведен во полициска станица appeared first on Република.

Актерот Жарко Димоски случајно бил сведок на трагедијата и дека момче констатирало смрт кај девојката. Таа загина на самото место, а момчето е повредено и пренесено во болница. Улиците низ главниот град ги нарече минско поле.

Toј раскажува што видел.

Бев случаен сведок кога еден млад дечко ја констатира смртта на девојката, слушнав крици што нема да ги заборавам цел живот! Улиците ни се како минско поле, ризик е да излезеш од дома, за жалење сме! - напиша Димоски.

https://republika.mk/vesti/crna-hronika/deteli-za-soobrakjajkata-pred-siti-mol-udril-direktno-vo-devojkata-dodeka-minuvala-na-peshachkiot-teloto-se-ushte-e-na-asfaltot/

The post Актерот ја видел трагедијата пред свои очи: Слушнав крици што нема да ги заборавам цел живот appeared first on Република.

Автомобилот кој ја прегазил претекнувал друг автомобил, кој застанал на пешачкиот премин. Полицијата е на терен врши увид на местото на несреќата, говорат очевидци за сообраќајката пред Сити Мол.

Повредено е уште едно момче на 24 години со кое починатата девојка заедно го минувале пешачкиот премин за да поминат кон Трговскиот центар.

The post Mомчето кое било со било со починатата девојка од Радовиш е во болница appeared first on Република.

Познати се првите детали од сообраќајката кај „Сити Мол“. Како што пренесува „Сител“, прегазената девојка поминувала на пешачки премин пред „Сити Мол“ кога на неа налетал со теренско возило „Цитроен“ 22 годишен возач.

Тој преминал на левата лента бидејќи пред него имало возило кои чекале на семафорот. Во тој момент налетал на девојката од Радовиш која била со некој пријател.

Потресните фотографии говорат за трагедијата а телото на починатата девојка се уште се наоѓа на булеварот бидејќи полицијата врши увид.

https://republika.mk/vesti/crna-hronika/devojka-pregazena-kaj-siti-mol-vo-nea-udril-22-godishnik/

The post Детали за сообраќајката пред „Сити Мол“: Удрил директно во девојката додека минувала на пешачкиот, телото се уште е на асфалтот appeared first on Република.

Девојка на 24-годишна возраст вечерва го загуби животот кај „Сити мол“ откако била прегазена од автомобил, информираат од МВР за „Фокус“.

Според првичните информации, во неа удрил 22-годишник, а повеќе информации се очекуваат во текот на утрешниот ден

https://republika.mk/vesti/crna-hronika/deteli-za-soobrakjajkata-pred-siti-mol-udril-direktno-vo-devojkata-dodeka-minuvala-na-peshachkiot-teloto-se-ushte-e-na-asfaltot/

The post Девојка прегазена кај „Сити Мол“, во неа удрил 22 годишник appeared first on Република.