Со два бесплатни семинари од истакнати професори, СИТИ Колеџ, Европскиот кампус на Универзитетот Јорк ќе го организира отворениот ден на 11 ноември (понеделник) во Лабораториум од 12.00 до 16.00 часот. Семинарите ќе бидат на две теми, Гејмификација и Позитивна невропсихологија, а дополнително ќе се одржи и информативна сесија за академските програми и студии кои се нудат на СИТИ Колеџ.

„Гејмификација: Современ начин за ангажирање на вработените и клиентите“ е темата на еден од семинарите. Ќе го води Крис Лиасидис, вонреден професор на Катедрата за бизнис администрација и економија, а ќе адресира прашања како што е гејмификација, како функционира и каде може да се користи. Овој семинар ги демистифицира стратегиите што ги прифаќаат бизнисите и корпорациите во нивните напори да растат со користење на Gamification. Со анализа на механизмите и методологијата и со студија на случаи каде гејмификацијата е имплементирана, ќе одговори зошто Gamification може да се користи во секој бизнис, без разлика кои се целите.

Семинарот на д-р Калиопи Мегари на тема „Позитивна невропсихологија: Апликации во типични и клинички услови“ ќе се осврне на позитивната невропсихологија во невропсихолошките истражувања и практиката да го промовира когнитивното здравје преку различни стратегии. Д-р Калиопи Мегари е академски директор на постдипломските студии по клиничка психологија и клинички супервизор на Катедрата за психологија, на СИТИ Колеџ, Европскиот кампус на Универзитетот Јорк.

Се покануваат сите ученици и студенти кои се заинтересирани за бесплатно учество на Отворениот ден и кои сакаат дополнително да се информираат за академските програми и за можностите за студирање на Европскиот кампус на Универзитетот Јорк, да го пријават своето учество на линкот.

The post Бесплатни семинари од СИТИ Колеџ во Лабораториум appeared first on Република.

Европскиот кампус на Универзитетот Јорк, СИТИ Колеџ одржа средба на дипломци во Скопје со која уште еднаш покажа дека е најголемата заедница на дипломци од странска високообразовна институција во земјава. На средбата на која освен дипломците, беа присутни и претставници на академскиот кадар од СИТИ Колеџ, беше потенцирано значењето на институцијата во обезбедување квалитетна образовната опција за севкупен развој на општеството.

СИТИ Колеџ 35 години ги поддржува младите студенти и менаџери од Македонија преку можности за стипендирање за додипломски и постдипломски студии на оваа престижна високообразовна институција, беше истакнато на средбата.

Додека ја прославуваме нашата 35-годишнина, се радуваме на иднината со оптимизам и амбиција. Се стремиме да бидеме водечка институција во регионот и пошироко, обезбедувајќи извонредност во образованието, истражувањето и иновациите. Наша цел е да ги поттикнеме нашите студенти да станат глобални граѓани и лидери кои можат да се справат со предизвиците и можностите на 21 век. Создаваме трајно наследствои влијание што ќе им користи на генерациите што доаѓаат. За да се постигне оваа визија и цел, потребна ни е континуирана поддршка и партнерство меѓу нашите студенти и дипломци. Ги охрабруваме да се поврзат со своите колеги дипломци, да разменуваат искуства, да соработуваат на проекти и да ги слават нивните успеси. Затоа што тие не се само наше минато, туку и наша сегашност и наша иднина, рече д-р МегаклисПетмезас, заменик директорна Европскиот кампус на Универзитетот Јорк, СИТИ Колеџ.

Европскиот кампус на Универзитетот Јорк, СИТИ Колеџ, како интегриран ентитет на Универзитетот Јорк, претставува уникатна меѓународна институција која ги поврзува академските, истражувачките, националните и корпоративни мрежи низ целиот регион. Во Македонија има приближно 1500 дипломци до сегасо што се сочинуванајголемата заедница на дипломци од странска високообразовна институција во земјава.

СИТИ Колеџ го издвојува вредносното наследство што го создаваме изминативе 35 години и општествената улога што ја имаме преку овозможување квалитетно високо образование. Како единствена образовна институција веќе20 години ја спроведуваместипендиската програма за ЕМБА студии во соработка со државата, Борис Трајковски, програма што дава можности секоја година нашите млади кадри да се изградат во професионалци од меѓународни размери и што ја зајакнува билатералната соработка меѓу нашата земја и Република Грција. Во 2021 година официјално станавме Европски кампус на Универзитетот Јорк и остваривме соработка за дуални програми со Универзитетот од Стразбур. Со сите овие години создавање високопрофилирани и едуцирани индивидуалци, ја даваме нашата поддршка за развојот на општеството во кое живееме, економски и културен, истакна Марија Никовска, директор на канцеларијата во Скопје.

СИТИ Колеџ, Европскиот кампус на Универзитетот Јорк е лоциран во Солун, Грција, со академска мрежа воспоставена и распространета во уште 8 земји. Моментално имаактивни студенти од 60 држави и спроведува 38 различни програми. Станувајќи дел од Универзитетот Јорк добива статус на меѓународен кампус на овој универзитет и станува дел од заедницата на Универзитетот Јорк, водечката британска академска институција.

Денес, Европскиот кампус на Универзитетот Јорк, СИТИ Колеџ ги проширува можностите за студентска мобилност и за интернационализација и обезбедува можности за применето учење, со што целосно го менува студентското искуство нудејќи содржини кои го збогатуваат секој аспект од академскиот живот.

The post Европскиот кампус на Универзитетот Јорк СИТИ Колеџ има 1500 дипломци во Македонија appeared first on Република.