Џихадистите и терористи со подршка од Турција го презедоа стратешкиот град Саракиб во северозападна Сирија од владините сили, соопшти Сириската опсерваторија за човекови права.

Саракиб е во покраината Идлиб, а со неговото заземање џихадистичките терористички групи ќе можат да го спречат приблужувањето на владините сили кон градот Алепо, кој исто така од вчера е под контрола на џихадистите.

Во борбите во северозападна Сирија во изминатите три дена загинале 27 цивили, меѓу кои осум деца, изјави претставник на ОН.

Бунтовниците блиски до ИСИС и Ал Каеда, предводени од исламистичката милитантна група Хајат Тахрир ал-Шам на 27 ноември извршија упад во десетина градови и села во северозападната провинција Алепо, која е под контрола на Владата на сирискиот претседател Башар ал Асад.

Сириската армија соопшти дека продолжува да се спротивставува на џихадистите, потенцирајќи оти нанела големи загуби на бунтовниците во руралните области на Алепо и Идлиб.

The post Џихадистите зазедоа уште еден град во северозападна Сирија appeared first on Република.

Турскиот претседател Реџеп Таип Ердоган порача дека не ја исклучува можноста за спроведување прекугранични воени операции во cеверна Сирија за да се заврши создавањето безбедносна зона од 30 километри.

Според турскиот лидер, нестабилноста во соседната земја и терористичките организации лоцирани на северот на Сирија претставуваат закана за безбедноста на Турција, а армијата, доколку е потребно, ќе спроведе прекугранични операции во северниот дел на Сирија против милитантите лоцирани таму.

Претседателот Ердоган претходно најави дека планира да го заврши создавањето на безбедносна зона со цел да се обезбеди контрола на дел од границата со Сирија долга шестотини километри и да се минимизираат заканите кои доаѓаат од нејзината територија.

Турција, исто така, ќе продолжи со напорите за обновување на односите со Сирија, кои беа прекинати во 2012 година, наведуваат медиумите.

The post Ердоган не ја исклучува можноста за турска воена операција во cеверна Сирија appeared first on Република.

Турскиот претседател Реџеп Таип Ердоган изјави дека и натаму се надева на можно помирување со сирискиот претседател Башар ал Асад за да се стави крај на децениската тензија меѓу двете соседни земји, јавија американските медиуми.

Говорејќи пред новинарите по неговото патување во Саудиска Арабија и Азербејџан, Ердоган порача дека нормализацијата на односите ќе помогне да се стабилизира Сирија и да се заштити нејзиниот „територијален интегритет“.

Се уште имам надеж за Асад. Се уште имам надеж дека можеме да се здружиме и да ги вратиме односите меѓу Сирија и Турција на вистинскиот пат, рече турскиот претседател.

Односите меѓу Анкара и Дамаск се затегнати од избувнувањето на сириската граѓанска војна, во 2011 година, кога Турција ги поддржа бунтовничките групи кои се обидоа да го соборат Асад, а Сирија ја обвини Турција за поттикнување нестабилност.

Турција неодамна побара помирување со Сирија за да одговори на безбедносните закани од групите поврзани со курдските милитанти долж нејзината јужна граница и да помогне да се обезбеди безбедно враќање на сириските бегалци.

Русија, која е меѓу најсилните сојузници на владата на Асад и има блиски врски со Турција, се залага двете земји да се вратат на дипломатските односи.

The post Ердоган се надева на помирување со сирискиот претседател Асад appeared first on Република.

Неколку земји членки на Унијата, предводени од Австрија и Италија, предлагаат Сирија да биде прогласена за „безбедна земја“, со што оние кои ќе побегнат од оваа држава повеќе не би можеле да добиваат статус на „лица под меѓународна заштита во ЕУ“, а би можело и да се иницира депортација на Сиријците кои се наоѓаат во блокот во нивната матична држава.

Во прилог на ваквата идеја австрискиот канцелар Карл Нехамер оцени дека тоа што околу 200.000 лица пребегале од Либан на сириска територија по избувнувањето на конфликтот меѓу Израел и Хезболах, претставува доказ дека „Сирија е безбедна држава“. - Сирија сега се третира како безбедна во многу сфери, рече Нехамер.

Група на европски лидери, предводени од италијанската премиерка Џорџа Мелони, пак, вршат притисок врз Брисел за нормализирање на врските со режимот на сирискиот претседател Башар Асад со што би се олеснило враќањето на сириските бегалци во ЕУ во Сирија.

Од друга страна повеќе меѓународни организации тврдат дека Сирија и натаму не е безбедна земја. Лани околу 180.000 Сиријци по првпат аплицирале за азил или привремен престој во ЕУ, што претставува значително зголемување во споредба со 2022 година, кога вакви барање поднеле околу 130.000 лица од Сирија.

Од оние Сиријци кои лани аплицирале за азил во ЕУ, позитивен одговор добиле околу 120.000 лица, со што тие остануваат најголема група на апликанти за меѓународна заштита во Унијата, пред Авганистанците со 67.170 и Венецуелците со 42.340.

Приливот на сириски бегалци во ЕУ се интензивира во 2015 година кога околу еден милион Сиријци се упатија кон Европа, а тогашната германски канцеларка Ангела Меркел прогласи „отворени врати“ за нивен прием во Унијата. Од тогаш кон ЕУ се упатија речиси 4,5 милиони Сиријци, што претставува околу една петтина од вкупната популација на Сирија пред почетокот на конфликтот, од кои до лани статус на „лица под меѓународна заштита“ во блокот добија околу 1,3 милиони.

Противниците на идејата за прогласување на Сирија за „безбедна држава“ посочуваат и дека во првите шест месеци од 2024 година над 90 отсто од сириските апликанти добиле статус на бегалци или лица по заштита во ЕУ, што, според нив, укажува дека „властите препознале оти тие би можеле да бидат изложени на значителен ризик доколку се вратат во нивната земја“.

Агенцијата за азил на Европската Унија (ЕУАА) една земја ја дефинира како безбедна доколку во неа се практикуваат демократски закони, а „политичките околности генерално и постојано не водат кон прогон, тортура, нехумано или понижувачко постапување или казнување или закана од неселективно насилство“.

Во последното упатство на ЕУАА за Сирија, од април годинава, се посочува на „закани од милитантни групи“, а Владата на Асад е наведена како „главен актер на прогон и нанесување сериозна штета во земјата“. Дополнително се оценува дека регионот на Алепо, најнаселената област во Сирија, „самото присуство на цивили“ би претставувало „реален ризик од сериозна штета“ и затоа останува основата за доделување на меѓународна заштита на лица од оваа земја

The post Дали ЕУ ќе ја прогласи Сирија за безбедна земја за да ги врати Сиријците дома? appeared first on Република.

Сирија сака да се приклучи на организацијата БРИКС и веќе поднела барање за прием, соопшти денеска сирискиот амбасадор во Русија, Башар Џафари.

Тој истакна дека неговата земја е многу заинтересирана да се приклучи кон организацијаата, пренесуваат руските медиуми.

Испративме писмено барање за прием во БРИКС“, рече сирискиот амбасадор на маргините на форумот „Северен Кавказ: Нови геостратешки можности“.

The post Сирија поднесе барање за членство во БРИКС appeared first on Република.

Службите за брза помош и медицинските установи во Сирија се ставени во 24-часовна подготвеност за да им пружат помош на граѓаните кои пристигнуваат од Либан, се наведува во соопштението на сириското Министерство за здравство.

-Во сите болници во провинциите што граничат со Либан, има наредба да се зголеми деноноќната подготвеност за давање каква било помош, се наведува во соопштението.

На граничните пунктови се испратени амбулантни возила за евакуација на повредените, заедно со лекарите специјалисти кои деноноќно дежураат на границата.

Според последните податоци, од попладнево околу 5.000 Сиријци и Либанци пристигнале во Сирија од Либан поради израелските напади, додека уште околу 2.000 луѓе чекаат да влезат.

Вчера сириската радио станица Шам ФМ објави дека голем број луѓе се упатиле кон либанско-сириската граница во областа Ал Кусеир.

Според Ургентниот центар на либанското Министерство за здравство, како резултат на израелското бомбардирање на јужен и источен Либан, загинале 558 лица, а 1.835 се повредени.

The post Болниците во Сирија се префрлуваат на 24-часовна работа за да му помогнат на Либан appeared first on Република.

Новинарот Бакр Касим, дописник на француската новинска агенција „Франс Прес“, е уапсен во Сирија, во делот кој е под контрола на бунтовниците поддржани од Турција.

Новинарите и активистите го окарактеризираа апсењето на Касим како напад врз нив. Локалните власти засега не го коментираа инцидентот.

Касим, кој известувал и фотографирал за „Франс Прес“ и турската државна агенција „Анадолија“, беше уапсен вчера попладне во градот Ал Баб, во северната провинција Алепо.

Сириската опсерваторија за човекови права со седиште во Лондон соопшти дека Касим бил тепан при апсењето. Според оваа невладина организација, му биле претставени „повеќе обвиненија, вклучувајќи подготвување извештаи за печатот за неколку странки“.

Неговата сопруга Набиха Таха изјави дека го уапсиле властите поддржани од Турција во селото Хавар Килис, кое се наоѓа близу турската граница.

Локалната воена полиција ја задржала и Таха два часа, а потоа ја ослободиле по протестите на новинарите и локалното население.

Таха изјави дека Касим бил однесен на друга локација и дека во моментот нема информации за неговата состојба.

- Ги повикуваме локалните власти во северна Сирија веднаш да го ослободат нашиот дописник Бакр Касим и да му дозволат слободно да продолжи со својата работа, изјави уредничката на „Франс Прес“, Софи Хит.

Новинарите и активистите на северозападот на Сирија најавија дека денеска ќе организираат протест и ќе повикаат на ослободување на Касим и други новинари и активисти, кои според нив, се неправедно притворени.

The post Во Сирија уапсен дописник на АФП appeared first on Република.

Американските трупи во североисточна Сирија биле нападнати со беспилотно летало, информира американски официјален претставник. Според првичните извештаи нема повредени.

Тоа е втор напад во изминатите денови против американските сили на Блискиот Исток, додека регионот се подготвува за можен нов воен одговор од Иран и неговите сојузници по израелскиот атентат врз лидерот на Хамас во Техеран.

Исмаил Ханија, политичкиот лидер на Хамас поддржан од Иран, беше убиен во иранскиот главен град Техеран на 31 јули, напад што предизвика закани за одмазда од Иран против Израел, кој се бори против палестинската група во Газа.

Иран го обвини Израел за убиството. Израел не ја презеде одговорноста.

The post Aмерикански војници во Сирија нападнати со дрон, првични информации велат дека нема повредени appeared first on Република.

Претседателот на Турција, Реџеп Тајип Ердоган денеска изјави дека Анкара е подготвена за нормализирање на односите со Сирија.

Нема причина зошто да не се воспостават дипломатски односи. Со други зборови, ќе дејствуваме заедно во развивањето на соработката со Сирија, исто како што правевме во минатото, посочи Ердоган.

Тој додаде дека Турција нема за цел да се меша во внатрешните работи на Сирија.

На почетокот на месецот турскиот министер за одбрана Јашар Ѓулер изјави дека Анкара би можела да размисли за повлекување на војниците од сириска територија, а услов за тоа ќе биде безбедноста на границата на Турција.

Минатиот месец турскиот весник „Хуриет“ објави дека Вашингтон создава „мал Израел“ на границата со Турција со помош на милитантите на Курдската работничка партија (ПКК) во Сирија, додека меѓународната заедница е „преокупирана“ со конфликтите во Појасот Газа и во Украина. Турција ја обвинува Сирија за поддршка на ПКК. За Анкара ПКК и нејзините ограноци се главна закана за безбедноста на Турција.

The post Ердоган: Турција е подготвена да ги нормализира односите со Сирија appeared first on Република.

Ирачките безбедносни сили во Сирија убиле висок припадник на Исламската држава, одговорен за нападите врз ирачките владини сили, соопшти ирачката служба за национална безбедност.

Според соопштението, Абу Заинаб, државјанин на Ирак, бил убиен во сирискиот град Рака „во изминатите неколку дена“, во соработка со коалициските сили предводени од САД.

Коалицијата предводена од САД соработува со ирачките безбедносни сили и сириските сили предводени од Курдите во Сирија против остатоците од групата Исламска држава.

The post Ирачките сили убиле припадник на Исламската држава во Сирија appeared first on Република.

„Во никој случај ситуацијата не треба да се предизвикува да дојде до понатамошно влошување. Мора да се направи сè за Советот за безбедност на ОН да почне да функционира“, кажа Захарова.

Таа кажа дека не функционира не затоа што е застарен или затоа што Повелбата на ОН повеќе не е релевантна, туку затоа што постојат земји кои не дозволуваат нејзино користење.

„Што значи тоа? Тоа беше напад на конзуларен објект. Тоа е територија која го има целиот имунитет според Виенската конвенција“, истакна Захарова.

Политиката на Вашингтон доведе до актуелниот колапс на Блискиот Исток, каков што регионот не доживеал во поновата историја, истакна портпаролката на руската дипломатија.

„Се чини дека ова е уште една американска авантура која пропадна, како што пропадна таканаречениот проект „Украина“ во контекст на американското читање на иднината на оваа земја“, истакна Захарова.

The post Захарова: Советот за безбедност на ОН требаше да го осуди нападот на конзулатот во Сирија appeared first on Република.

Израел тврди дека во денешниот воздушен напад во Либан е убиен Али Абед Аксан Наим, заменик командант на ракетните единици на Хезболах, а во исто време го изврши најсмртоносниот напад врз Сирија во последните неколку месеци.

Тел Авив соопшти дека Аксан Наим е одговорен за извршување и планирање ракетни напади врз израелски цивили.

Во најголемата ескалација на конфликтот меѓу Хезболах и Израел од 2006 година, десетина израелски војници и неколку цивили беа убиени во северен Израел, додека речиси 270 борци на Хезболах и 50 цивили, вклучувајќи болничари, цивили и новинари беа убиени во израелските напади во јужен Либан, тврдат локални организации.

Информациите не можат независно да бидат проверени.

The post Израел изврши напади врз Либан и Сирија appeared first on Република.

Албанскиот терорист Абдул Рахман Беља, попознат како Калед ал Албани, е убиен во северна Сирија.Tерористот бил убиен од снајперист на сириската арапска армија во провинцијата Идлиб.

Беља беше еден од командантите на албанската група, која се бореше против сириската војска на северот на земјата.

Беља дојде во Сирија од  Македонија во 2013 година и се приклучи на албанската група основана од Абу Катада ал-Албани.

Тој прво се борел за Исламската држава, а потоа пребегнал во оперативната група Хајат Тахрир ал-Шам, исламистичка група која била создадена со „ребрендирање“ на Ал Нусра.

Провинцијата Идлиб се наоѓа на северозапад од Сирија, и е последното големо засолниште на џихадистичките групи во Сирија.

The post Албански терорист од Македонија загина во Сирија appeared first on Република.

Најмалку 34 лица, вклучувајќи и борци на проиранските милиции, загинаа во синоќешните американски воздушни напади во Ирак и Сирија, соопштија денеска властите во Багдад и во Дамаск, пренесува ДПА.

Ирачката влада ги оцени нападите како „еклатантната агресија“ во која загинале 16 лица, меѓу нив и цивили, а 25 се повредени.

Багдад, исто така, негираше дека се координирал со САД за нападите и предупреди дека ваквите активности ќе ја доведат безбедносната ситуација во Ирак и во регионот на „работ на бездната“.

- Американската страна намерно се вклучи во измама и искривување на фактите, наведувајќи дека имало координација со ирачките власти за извршување на оваа агресија - неосновано тврдење направено за да го доведе во заблуда меѓународното јавно мислење и да ја избегне правната одговорност за овој чин, изјави портпарол на ирачката влада.

Ирак соопшти дека ќе го повика в.д. амабасадорот на САД во Багдад за да му врачи официјална протестна нота поради нападите.

Американските напади ги осуди и Иран. Спорее иранското Министерство за надворешни работи, „овие авантуристички напади само ќе доведат до поголема тензија и нестабилност во регионот“.

Техеран ги обвини САД дека се обидуваат да ги прикријат израелските воени злосторства во Газа. Ова беше „стратешка грешка“ на американската администрација и само дополнително ќе го вовлече Вашингтон во конфликтот меѓу Израел и Палестина, се вели во реакцијата на иранското МНР.

Американската војска во петокот соопшти дека нападнала повеќе од 85 цели во Сирија и Ирак, како одговор на нападот на проиранските милиции во кој загинаа тројца американски војници во Јордан минатата недела.

Според воените известувачи, во американските напади загинале најмалку 23 членови на милициите поддржани од Иран во Сирија.

Сириските власи соопштија дека „американската агресија“ оставила неодреден број цивили и војници мртви и предизвикала голема материјална штета.

Сириската државна новинска агенција САНА, повикувајќи се на Министерството за одбрана, објави дека областа која била цел на американските напади, е местото каде што сириската армија се бори против милитантите на Исламската држава.

- Оваа агресија нема никакво оправдување освен обид за слабеење на способностите на сириската армија и нејзините сојузници во борбата против тероризмот, се вели во соопштението на Министерството, што го пренесува САНА.

The post Најмалку 34 загинати во американските напади во Ирак и Сирија appeared first on Република.

Доцна синоќа на автопатот А1, Неготино – Градско, во близина на клучка Неготино, полициски службеници од Мобилната единица за компезаторни мерки во Одделот за гранични работи и миграции во Биро за јавна безбедност лишиле од слобода малолетник од с.Студеничани, скопско.

„При контрола во патничко возило „фиат стило“ со скопски регистарски ознаки, кое го управувал, биле пронајдени осум лица мигранти од Сирија, од кои еден малолетник.

На автопатот А1, во близина на локалитетот „Стоби“, друг тим на Мобилната единица ги лишиле од слобода Е.Д.(30) и 46-годишната Е.Ш., двајцата од Скопје. Тие се сомничат дека со патничко возило „фолксваген голф “ со скопски регистарски ознаки, кое го управувал Е.Д., биле претходница на возилото „фиат“ во кое се превезувале мигранти.

Лицата биле приведени во полициска станица, а мигрантите спроведени во прифатнo-транзитен центар за понатамошна постапка. По целосно документирање на случајот, во координација со јавен обвинител, против лицата ќе бидат поднесени соодветни пријави“, велат од МВР.

The post Малолетник од Студеничани шверцувал мигранти од Сирија appeared first on Република.

Мигрант од Сирија загина, а уште еден е поврден синоќа во сообраќајна несреќа во близина на Дојран, соопшти полицијата.

Во близина на Дојран, синоќа околу 20 часот, патничко моторно возило „крајслер“, излетало во провалија. Тоа, откако претходно не застанало на дадена наредба за запирање од страна на полициски службеници на раскрсница „Смоквица“ и на влез во Валандово, продолжило со движење, зголемувајќи ја брзината, соопшти Министерството за внатрешни работи.

При извршениот увид, констатирано е дека во возилото се превезувале 11 лица, мигранти од Сирија. Од нив, едно лице починало на местото на настанот, едно лице е пренесено во Комплекс клиники „Мајка Тереза“ во Скопје за укажување на лекарска помош. На останатите лица им била укажана лекарска помош во Општа болница Гевгелија, по што биле сместени во Прифатно- транзитниот центар Гевгелија за понатамошна постапка, појаснуваат од МВР.

Според кажаното од мигрантите, возачот на возилото, пред тоа да излета, ја отворил вратата и скокнал, по што се дал во бегство.

Увид бил извршен од јавен обвинител и увидна екипа од ОВР Валандово.

Се преземаат мерки за пронаоѓање на возачот и расчистување на случајот.

The post Загина мигрант кај Дојран, откако возачот бегал од полиција, па излетале во провалија appeared first on Република.

Американската воена база во близина на гасното поле Конико во Сирија била нападната со ракети.

Нафтеното поле Конико се наоѓа во провинцијата Деир ез-Зор во источна Сирија.

Портпаролот на движењето Јахја Сарија, претходно соопшти дека САД и Велика Британија во текот на ноќниот напад извршиле 73 удари во Јемен при што загинале пет луѓе.

The post Хутите ракетирале американска база во Сирија appeared first on Република.

Светската програма за храна на ОН (WFP) соопшти дека во јануари ќе ја прекине својата главна програма за помош на населението во Сирија, земја разурната од над децениската војна, каде што повеќе од 12 милиони луѓе немаат редовен пристап до храна.

Во последниве години, WFP ја намали својата поддршка за Сирија и соседните земји кои примија милиони Сиријци, бегајќи од 13-годишниот конфликт.

Хуманитарните агенции се борат да го пренасочат вниманието на светот кон Сирија, бидејќи има замор кај донаторите и намалени буџети.

WFP во јули годинава соопшти дека поради буџетските ограничувања мора да ја намали помошта за Сирија и неа место 5,5 милиони погодени лица ја добиваат само околу половина од наведената бројка.

Еден месец подоцна, агенцијата ја прекина помошта за сириските бегалци во Јордан.

WFP и Агенцијата на ОН за бегалци во ноември соопштија дека од следната година за една третина ќе го намалат бројот на сириски бегалци во Либан кои ќе добиваат финансиска помош.

Во својата најнова изјава во петокот, WFP истакна дека намалувањето на помошта се случува затоа што несигурноста во испораката на храна е „полоша од кога било“ и проценува дека тоа ќе влијае врз милиони луѓе.

Во последниот септемвриски извештај на агенцијата, се наведува дека 3,2 милиони Сиријци примаат помош преку нејзините програми

The post Сите ја заборавија: Нема веќе хумантитарна храна за Сирија appeared first on Република.

Израелските одбранбени сили (ИДФ) соопштија дека воени авиони извршиле напади врз „терористичката инфраструктура во Сирија“ како одговор на вчера истреланите ракети од Сирија кон Голанската висорамнина.

Не е прецизирано кои локации биле цел на нападот, пишува Тајмс оф Израел.

Голанската висорамнина е регион на Блискиот Исток кој зазема околу 1800 км2 и сега е под контрола на Израел, како директна последица од Шестдневната војна, а претходно бил под сириска контрола. ООН го смета регионот за „окупиран“ од страна на Израел, и „интегрален дел на Сирија“.

The post Израелски авиони извршија напади врз цели во Сирија appeared first on Република.

СВР Струмица поднесе кривична пријава против М.Д.(20) и З.Г.(20), двајцата од Косово, поради постоење основи на сомнение за сторено кривично дело „криумчарење мигранти“.

На 01.11.2023, првопријавениот изнајмил патничко возило „фолксваген туарег“ со косовски национални ознаки, со кое во близина на с.Негорци прифатиле седум мигранти од Сирија со цел да ги превезат кон Скопје, но притоа биле фатени од полициски службеници.

The post Државјани на Косово донеле мигранти од Сирија во Македонија appeared first on Република.