Ова двојство во менаџирањето на здравствените институции не е само на клиниките и на терцијално ниво и Здравствениот дом – Скопје што значи секундарното ниво го има сличниот проблем. Она што се случува со тоа менаџирање е нешто коешто наместо да продуцира ефективност, ефикасност и економичност креира за жал долгови кај најголем дел од јавното-здравствените институции, истакна доктор Синиша Стојаноски, пратеник во Собранието од редовите на ВМРО-ДПМНЕ на денешната дебата Здравствена платформа за иднина на тема Концепт за здравство што се одржува во Штип, говорејќи околу хаосот кој настанува со врзаните потписи на економските и медицинските директори на клиниките коишто неретко служат за трговија со влијание и за тоа како ВМРО-ДПМНЕ планира да го реши тој проблем.

Стојаноски додаде дека веројатно првичната причина на ваквиот тип на менаџирање била ефективност и економичност меѓутоа се случува спротивното.

Сега се поставува прашањето зошто се поставени овие менаџери. Веројатно првичната цел била да се корегираат долговите и да го имаме оној систем на ефективност и економичност, но за жал или проекциите на буџетот на секоја од тие институции не се прават како што треба иако постојат два менаџери или пак имаме недомаќинско работење или можеби е комбинација од едното и другото. Едниот од нив е лекар, а другиот економист и тука се случува голем проблем затоа што се поставуваат за менаџери економисти коишто се земени буквално од клупа и коишто немаат искуство во здравствениот сектор, а се поставени да менаџираат како резултат на тие коалициски договори - потенцираше Стојаноски.

Тој исто така додаде дека една од главните цели на програмата на ВМРО-ДПМНЕ покрај нулта корупција ќе биде и економичното и домаќинско работење на здравствените институции.

Она што ќе биде една од главните цели на програмата на ВМРО-ДПМНЕ ќе биде покрај нулта корупција и практицирање на оние протоколи, покрај запазување на кадровата политика и ставање на акцент на зајакнување на капацитетите на јавниот здравствен систем, едно економично и домаќинско работење и менаџирање со здравствените институции. Тоа ќе биде можеби и главниот чекор да имаме поквалитетно јавно здравство затоа што здравствениот сектор е буџетски корисник и не е некој кој што продуцира економска вредност која понатаму може да биде конвертирана во финансиски средства. Да тој дава услуги за да може понатаму населението здраво да ја извршува својата секојдневна обврска, меѓутоа треба да бидеме свесни дека само со домаќинско коешто ќе биде на тој начин што нема да има непотребни менаџери нема да има набавки коишто се сомнителни или коишто се на некаков начин круна на некаков коалициски договор, подвлече Стојаноски и додаде:

Функционирањето на терцијалното здравство зависи од примарното и секундарното. Превенцијата на примарното и селекцијата на пациенти кон терцијалното од страна на секундарното здравство ја дава функционалноста на терцијалниот здравствен систем. Таму услугите се најскапи. Вие треба таму да ги испратите оние пациенти коишто навистина треба да дојдат до терцијалното здравство. Онаа регионализација која што ја планираме не е случајна, туку за да го имаат истиот квалитет на услуга граѓаните во сите региони на Република Македонија. На тој начин ќе може навистина да се овозможи ефикасно, ефективно и економично функционирање на здравствените системи.

The post Стојаноски: Една од главните цели на програмата на ВМРО-ДПМНЕ ќе биде зајакнување на капацитетите на јавниот здравствен систем appeared first on Република.

Протоколите се нешто што е медицина основана на докази, а тоа го диктираат меѓународните стандарди или американските и европските асоцијации. Оној кој е задолжен за нивно спроведување е дел од системот, така што ова што сега го дискутираме лоцира дека станува збор за системски пропуст. Лекарите се водат по медицина основана на докази, но секогаш има и исклучоци, рече доктор Синиша Стојаноски кој е пратеник во Собранието од ВМРО-ДПМНЕ, претседател на Комисијата за здравство на денешната трибина во Виница посветена на скандалот „Диво месо“, а која е во рамки на кампањата „Важно е! Од тебе зависат промените“.

Оттука според доктор Стојаноски, одговорниот за спроведување на протоколи и процедури е на раководителот на институцијата, а таа институција е дел од системот за кој е одговорно Министерството за здравство, потоа и Фондот за здравство.

„Не можеме да ја бараме вината во некои кои не се дел од системот, или нефункционирање на КАТО системот, неспроведување на протоколите може лесно и прецизно да се лоцира. Не треба колегите од Клиниката за онкологија автоматски да се предмет на недоверба, бидејќи не се тие одговорни за она што го направила мала група на луѓе“, рече Стојаноски.

Доктор Стојаноски заклучи дека целата ситуација може лесно да реши, а не да се одолговлекува и да се создава целосна недоверба во здравството, во сиот медицински персонал.

„Одговорноста има и име и презиме и тоа лесно може да се лоцира ако надлежните чесно си ја завршат работата а така ќе покажеме и функционалност на целиот систем. Секој во системот ако функционира по правило и навремено ќе се знае кој е виновен за случајот Онкологија“, кажа Стојаноски.

The post Стојаноски: Одговорноста за случајот „Онкологија“ има и име и презиме, и може брзо да се реши, но системот кај нас очигледно не функционира appeared first on Република.