Со проекцијата на филмот „Неочекувана среќа“ во режија на Вуди Ален и со доделување награди за најдобрите остварувања синоќа беше затворен 23-от Меѓународен фестивал на европски филм – „Синедејс“. Наградата „Златна ѕвезда“ или најдобар филм е за „Градот“ во режија на Амит Улман.

Како што информира Младинскиот културен центар (МКЦ), наградата ја додели жирито во состав Горјан Атанасов, филмски и тв монтажер, Ивица Димитријевиќ, актер и режисер, Мина Ѓукиќ, режисерка, Рохан Бери Крикмар, филмски продуцент и фестивалски селектор и Гентиан Кочи, филмски режисер.

Наградата „Сребрена ѕвезда“ за најдобра режија е за младиот израелски режисер Ноа Дебре и неговиот филм „Последните Евреи“ за, како што се наведува, неговиот необичен и темелен филмски стил додека ја раскажува нијансираната и напати смешна приказна за младиот Рубен Белиша.

[caption id="attachment_797970" align="alignnone" width="1440"] фото:: Младински културен центар[/caption]

Третата награда „Сина ѕвезда“ или наградата за најдобро сценарио е доделена на „Ширкоа: Утопија на лагите“ за импресивниот наратив на градење дистописки научно-фантастичнен свет.

Жирито во состав: Марија Димитрова, продуцентка, Андреас Јонсен, режисер и Бојана Андриќ, кинематограферка одлучија во селекцијата ЈИЕ (Југоисточна Европа) да ја доделат наградата „Златно сонце“ или награда за најдобар филм на турското остварување „Јурта“ во режија на Нехир Туна. Наградата се доделува за реалистичниот и артистички неприкосновен портрет на млад човек, кој расте меѓу два спротивставени света што се одраз на турското општество во минатиот век и денес.

Во оваа селекција, жирито одлучи да додели и специјално признание на филмот „78 дена“ во режија на Емилија Гашиќ, кое е посветено на животот на многу млади невини енерации кое беше ненадејно прекинато во текот на 78-дневното бомбардирање на Србија.

Ќе успееме, мора да го одржиме фестивалот и да ја водиме оваа наша борба за содржајни културни настани и случувања во нашево неверојатно пасивно, резигнирано и длабоко разочарано милје. Таму каде што сите гледаат очај, ние гледаме шанса за напад. Ќе дадеме гол, ќе одиме повторно на европско првенство, во културолошка смисла. И ова не е изјава на верба или надеж, туку длабока и вистинска определба – вели Маргарита Арсова, долгогодишен раководител на фестивалот.

Под слоганот „Викај ура“, во текот на седумдневниот филмски фестивал, публиката имаше можност да ужива во повеќе од 50 филмски остварување, со проекции под отворено небо во паркот зад МКЦ, но и во киното „Фросина“ и Кинотеката.

The post Турската продукција „Јурта“ и израелскиот филм „Градот“ прогласени за најдобри филмови на 23. „Синедејс“ appeared first on Република.

Македонската премиера на филмот „Живи и здрави“ на сценаристот и режисер Иван Мариновиќ, беше прикажана на Фестивалот на европски филм „Синедејс“.

Филмот е мнозински црногорски филм снимен во копродукција со уште пет држави. Партнери во филмската копродукција се „Адриатик вестерн“ од Црна Гора, „Сенс продукција“ од Србија, „Аналог вижн“ од Чешка, „Кинорама“ од Хрватска, „Круг филм“ од Македонија“ и „Спок филм“ од Словенија, а како копродуцент се појавува и Радиотелевизија Црна Гора. Од Македонија копродуцент е Дејан Крајчевски.

Два дена пред свадбата, Драгана, невестата, изјавува дека нема да се мажи, и покрај тоа што сѐ е подготвено. Лесо, немилосрдниот патријарх на семејството на младоженецот, ѝ нуди на бунтовната невеста „да ја истера проклетата свадбата и потоа оди каде сака“. Таа прифаќа. Момо, младоженецот, сѐ уште ја сака и се надева дека таа ќе остане...

Традиционалната црногорска свадба е со цела низа откачени ликови кои следат серија од апсурдни чекори, во комбинација со алкохол, пукање и динамит. Оваа весела фарса ќе ги изнесе на површина и нивните најлоши лични дилеми.

Режисерот Иван Мариновиќ истовремено е и продуцент на филмот, заедно со Марија Стојановиќ. Кинематографер е Доминик Истенич, а монтажата е на Михаил Рајх.

Во филмот играат Тихана Лазовиќ, Горан Славиќ, Момо Пичуриќ, Горан Богдан, Снежана Синовчиќ, Мирјана Јоковиќ, а и нашиот Никола Ристановски се појавува во една од епизодните улоги.

Музиката во филмот е на Тони Китановски. Токму овој наш музичар, синоќа во Паркот на МКЦ по премиерата го издвои Маринковиќ во своето обраќање велејќи дека треба да го чуваме, бидејќи е скапоцен.

Ова е втор филм на Мариновиќ. Снимањето на филмот траеше 33 дена, а се одвиваше на локации во Црна Гора, во градовите Херцег Нови и Игало, како и на полуостровот Луштица. Македонската премиера на долгометражниот игран филм „Живи и здрави“ се одржа на 16 јули, во рамки на програмата „МК во ЕУ“ на фестивалот на европски филм „Синедејс“, а ќе биде прикажан и на 6-то издание на Beach Film Festival под отворено небо, фестивал кој ќе се одржи од 17 до 23.јули во Охрид.

The post Македонска премиера на „Живи и здрави“ на „Синедејс“: Иван Маринковиќ, режисерот и сценарист на филмот допатува во Скопје и синоќа ја поздрави публиката во МКЦ appeared first on Република.

Најновиот филм на Вуди Ален, „Неочекувана среќа“ вечерва во паркот зад Младински културен центар (МКЦ) во 20,30 часот го затвора 23. издание на Фестивалот на европски филм „Синедејс“ кој почна на 11 јули.

Новиот филм на Вуди Ален е оригинален, забавен, длабински, неповторливо повторлив и што сè не, вели организаторот.

Фани и Жан се навидум совршен брачен пар. Обајцата се професионално остварени, живеат во прекрасен стан во ексклузивна населба во Париз и се чини дека се вљубени исто како и првиот ден. Но кога Фани случајно наидува на својот поранешен соученик, Алан, сосема го губи умот. Наскоро повторно се гледаат и почнуваат да стануваат сè поблиски и поблиски…

Според програмата, во 19,30 часот во кино „Фросина“ во МКЦ Living Music Project, а од 23 часот на платото пред МКЦ диџеј сет на Џано Куч Марко Иван Кочишки и Ѓорѓи Старделов.

Билетите за CINEDAYS ќе бидат по цена од 250 денари, за сите филмови.

The post „Неочекувана среќа“ на Вуди Ален го затвора 23. издание на „Синедејс“ appeared first on Република.

Македонската премиера на долгометражниот игран филм „Живи и здрави“ на црногорскиот режисер Иван Мариновиќ ќе се одржи на 16 јули, во 20:30 часот, во рамки на програмата „МК во ЕУ“ на фестивалот на европски филм „Синедејс“ во Парк МКЦ.

Играниот филм „Живи и здрави“ на сценаристот и режисер Иван Мариновиќ е мнозински црногорски филм снимен во копродукција со уште пет држави. Партнери во филмската копродукција се „Адриатик вестерн“ од Црна Гора, „Сенс продукција“ од Србија, „Аналог вижн“ од Чешка, „Кинорама“ од Хрватска, „Круг филм“ од Македонија“ и „Спок филм“ од Словенија, а како копродуцент се појавува и Радио-телевизија Црна Гора.

Два дена пред свадбата, Драгана, невестата, изјавува дека нема да се мажи, и покрај тоа што сѐ е подготвено. Лесо, немилосрдниот патријарх на семејството на младоженецот, ѝ го нуди на бунтовната невеста следново: истерај ја проклетата свадбата и потоа оди каде сакаш. Таа прифаќа. Момо, младоженецот, сѐ уште ја сака и се надева дека таа ќе остане.

Традиционалната црногорска свадба е со цела низа откачени ликови кои следат серија од апсурдни чекори, во комбинација со алкохол, пукање и динамит. Оваа весела фарса ќе ги изнесе на површина и нивните најлоши лични дилеми.

На шестиот ден од овогодинешниот 23.CINEDAYS ќе ги погледнеме следниве филмови:

22:30 Body Odyssey dir. Grazia Tricarico (OC) МКЦ Парк- Дебитантскиот филм на Грација Трикарико е преамбициозна приказна за 40-годишен бодибилдер опседнат со совршенство. Приказната допира длабоко во психата на спортистот.

20:00 Skopje 1963 – 77’ Кинотека внатре

Документарен филм за еден од најтажните денови во историјата на Скопје. Како изгледало Скопје тие денови и како скопјани се организирале обидувајќи се да ги вратат нештата во нормален тек.

20:30 Forever hold your peace dir. Ivan Marinovic (MK/EU) МКЦ парк

- Црна Гора. Два дена пред свадба, црногорска традиционална. Невестата се предомислува. И тогаш почнува...

21:30 The Shrouds dir. David Cronenberg (G) кино Фросина

- Морничав, мрачен, но и смешен хорор, кој на некој начин е инспириран од смртта на сопругата на Кроненберг во 2017 година.

21:30 Spirit of Ecstasy dir. Helena Klotz (OC) Кинотека надвор

- Во овој свет во кој живееме, во кој доминира технолошкото забрзување и каде што општествениот статус е често директно поврзан со парите, „местото на луѓето на бојното поле на иднината" е во прашање.

19:30 Marcello Mio dir. Chrisrophe Honore (G) Кино Фросина

- Ќерката на славната италијанска филмска икона Марчело Мастројани облекува црн костум и се претвора во ликовите што татко ѝ ги игра во „8½“ и „La Dolce Vita“, внесувајќи забава во француските филмски кругови.

23:00 Cyril-Cyril (koncert) МКЦ парк

Сирил Сирил е швајцарско музичко дуо формирано од Сирил Јетеријан и Сирил Бонди. Нивниот звук претставува уникатен спој на фолк, психоделија и етно музика и создава хипнотичко и опојно искуство за слушателите. Музиката на дуото е под големо влијание на традиционалните северноафрикански и блискоисточни ритми, помешана со модерни електронски елементи и експериментални техники. Вокалот на Сирил Јетеријан, придружуван од низа инструменти како тапани, гитара и оргули, создава атмосфера налик на сон и транс. Настапите на дуото се познати по нивната енергија и интензитет, правејќи ги бенд што мора да го видите во живо.

Билетите за CINEDAYS ќе бидат по цена од 250 денари, за сите филмови.

The post Македонска премиера на долгометражниот игран филм „Живи и здрави“ денеска на „Синедејс“ appeared first on Република.

Седум филмови и концерт, се на вечерашната програма на 23.CINEDAYS. Прикажани ќе бидат „Beyond the blue border“, „The Battle of river Neretva“, „The Walk“, „Observing“, The Dreamers“, „The Substance“ и „78 days“, а концерт ќе одржи SIZ.

Локациите на проекциите се во и надвор од Кинотека, во МКЦ парк и во кино Фросина, а концертот на SIZ ќе биде во МКЦ парк.

Ова е музика на која танцувате и музика што ве тера да размислувате. Нема мрзеливи моменти. Ова е музика соголена до коска и експлодира од идеи. Нивните рифови ги прават да звучат како бендот за кој сонува Domino Records секоја вечер или за кои Франц Фердинанд би ги заменил сите нивни големи хитови или за кои Fire Engines би се вратиле од музичкиот гроб, наведуваат од CINEDAYS во најавата.

The post Седум филмови и концерт вечер на Синедејс appeared first on Република.

На четвртиот ден од овогодинешниот 23.CINEDAYS ќе ги погледнеме следниве филмови:

20:30 „ Dormitory режија“ Нехир Туна (SEE) МКЦ Парк
Дебито на турскиот реисер Нехир Туна покажува две страни на лошо образование, и тоа раскажано со огромна сила.

20:00 „Kozara“ – 124’ режија Вељко Булајиќ Кинотека внатре
Еден куп југословенски филмски легенди на едно место. Култниот филм „Козара“ како потсетување на големиот мајстор на спектаклот, Вељко Булајиќ.

19:30 „Caught by the Tides“ Zhangke Jie режија (G) Кино Фросина
Мајсторски поетски и пионерски спој на старото и новото, соочувајќи се со романтиката и животната борба во саканата, тешка Кина.

21:30 „Not-being“ Omnibus
(MK Short) Кино Фросина
Омнибус од четири кратки анимирани филмови инспирирани од четири песни од македонскиот поет Ацо Шопов: Долго доаѓање на огнот, Небиднина, Во сонот на црната жена и Грозомор.

21:30 „Schirkoa: In Lies we trust“ режија Ишан Шукла (OC) Кино Фросина
Анимирана дистописка научна фантастика, која ги комбинира основните елементи на поджанрот со источната духовност, што резултира со малку збркано, но несомнено импресивно деби за индискиот режисер Ишан Шукла.

21:30 „A nice jewish boy“ режија Ное Дебре (OC) Кинотека надвор
По реакциите во Франција за случувањата во Палестина, филмот мораше да ја одложи својата премиера поради опасност од антисемитизмот. Инаку филмот е урнебесна и потресна приказна за влегувањето во зрелоста и сите обврски што доаѓаат со неа.

Билетите за CINEDAYS ќе бидат по цена од 250 денари, за сите филмови.

The post Омнибус од четири кратки анимирани филмови инспирирани од четири песни од македонскиот поет Ацо Шопов денеска на „Синедејс“ appeared first on Република.

На третиот ден од овогодинешниот 23.CINEDAYS ќе ги погледнеме следниве филмови:

„Dolomite and Ash“ режија на Тома Селиванова (OC) во кино Фросина
Филм за сталинистичките репресии и огромната меѓугенерациска траума што тие ја предизвикале, и за евентуалните системски остатоци во денешна Русија.

5 кратки филмови на Wim Wenders во Кинотека внатре
„Same player shoots again“
„Silver city revisited“
„Room 666“
„Reverse angle/ Ein Brief Aus New York“

„Shattered Chains“ - Returning from ISIS режија Сибел Абдиу (MK Short) во МКЦ парк
„Скршени синџири“ е доку-драма која ја обработува трагичната приказна на две жени од Македонија, кои по игра на судбината се нашле во Сирија како дел од ИСИС - не по своја желба.
„Supermarket“ режија Немања Бечанович (SEE)
„Каде да се сними филм за Робинзон Крусо во 21 век? Најголемата иронија од сѐ е што тоа не е пуст остров, туку супермаркет во срцето на градот“ - вели режисерот Бечановиќ за оваа мрачна, но комична приказна.

„Brando with glass eye“ режија Антонис Цонис (SEE) во Кинотека
Еден актер се подготвува за студии на престижна актерска школа во Њујорк. По една неочекувана несреќа, ќе се најде во најдобрата животна ситуација за метод-глума: соочен со својата 'жртва' ќе мора да се внесе во улогата што случајно си ја наметнува.

„Only when i laugh“ режија Вања Јуранич (SEE) во кино Фросина
Тихана Лазовиќ и Славко Собин се апсолутно одлични во своите изведби, а филмот ве принудува да не ја свртите главата од еден од најголемите проблеми во земјава – семејното насилство.

„Bug“ режија Филип Момировски (MK Short) во МКЦ парк
Тања, невработена челистка ангажирана како тестер на софтвер за музички старт-ап, испробува паметен звучник, кој генерира музика врз основа на чувствата на слушателот. Работите тргнуваат во ужасен правец кога паметниот звучник одекнува со застрашувачки звуци среде ноќта.

„The city“ режија Амит Улман (OC)
Филмот го користи целиот пакет ноар/рап за да ја создаде и критикува сликата на израелското општество.

TURBO TRANS TURISTI (концерт) во МКЦ парк
Турбо Транс Туристи е експериментален панк бенд од Белград. „Ништа није страшно“ е втор албум на дуото ТТТ, објавен кон крајот на 2023 година. Нумерите имаат порадикален звук во однос на нивниот прв албум, „Лево или десно“, оправдувајќи го преминот од Туристи во Турбо Транс Туристи. Настапот во живо е нова димензија, каде што публиката ќе има можност да доживее сирова енергија, електронски звук, психоделични гитари, врескање и хорско пеење, придружени со нескротливите тапани на Игор Кузмановиќ (Невен, Набод).

Билетите за CINEDAYS ќе бидат по цена од 250 денари, за сите филмови.

The post Денеска на „Синедејс“: Пет кратки филмови на Вим Вендерс во Кинотека appeared first on Република.

На вториот ден од овогодинешниот 23.CINEDAYS ќе ги погледнеме следниве филмови.

„The most precious of Cargoes“ во режија на Микел Хазанавичиус во кино Фросина. Анимирана басна за Втората светска војна, адаптирана од романот на Жан-Клод Грумберг од 2019 година, која во еден дел станува батетичен ѕид во сликите на холокаустот, удавени во партитурата на Александар Деспла.

Следен филм е „Mavera“ dir. Батухан Ибрахим во МКЦ Парк. кој што претставува кратка трагична приказна за девојка по име Билјана. По смртта на татко ѝ, таа се обидува да ја продаде семејната куќа и да ѝ помогне на сестра си Вики да си замине од малиот град во потрага по подобра иднина. Но прво ќе мора да помине низ нефункционалниот бирократски лавиринт и да докаже дека татко ѝ навистина е мртов.

„Good Guys go to Heaven“ во режија на Раду Поткоава во МКЦ Парк. Филмот претставува надреална романтична комедија, која нуди избрзано размислување за последиците од нашиот избор и премногу сентиментален крај. Дан гине во сообраќајна несреќа. Пристига во Чистилиштето, чудно место на пуста плажа, каде што времето секогаш е топло, а пијалаците секогаш студени. Набрзо, открива дека не е сам, таму е и Лаура, девојката во која бил вљубен во средно. Ќе успеат ли двајцата најпосле да бидат заедно?

„Excursion“ во режија на Уна Гуњак, во кино Фросина. „Екскурзија“ е долгоочекуваното долгометражно деби на босанската режисерка Уна Гуњак, чиј краток филм „Кокошка“ ја освои Европската филмска награда во 2014 година. Инспириран од дамнешен вистински настан, филмот зборува за личната вистина на младите девојки и како тие управуваат со својата сексуалност и што навистина ги мотивира нивните постапки и желби. Нормите на општеството, неговите вредности и вечното насилство што го врши врз своите поединци (преку своите поединци) по една навидум несвесна тинејџерска игра.

„The seed of sacred fig“ dir Мохамад Расулоф во Кинотека. Филм на иранскиот дисидент-режисер Мохамад Расулоф, кој неодамна избега од Иран откако беше осуден на затвор и камшикување. Неговото појавување на премиерата на неговиот филм создаде еден од најемотивните моменти во неодамнешното издание на Кан. Снимена целосно тајно, приказната го следи брачниот пар од Техеран, кој сѐ повеќе е во војна со нивните прогресивно настроени млади ќерки за време на националните политички протести предводени од жени. Специјална награда на жирито во Кан.

„The Palace“ во режија на Роман Полански во МКЦ парк. Новиот филм на оскаровецот Полански ве носи во откачен хотел на најлошата забава на која сте биле. Да, и Џон Клиз е таму. Сместена во хотел на новогодишната ноќ во 1999 година, оваа комедија наоѓа место за Џон Клиз, Мики Рурк и Фани Ардан, но вие можеби ќе сакате да ги избегнете.

Билетите за CINEDAYS ќе бидат по цена од 250 денари, за сите филмови.

The post Проекции во кино „Фросина“, МКЦ Парк и во Кинотека на вториот ден од „Синедејс“ appeared first on Република.

И оваа година Cinedays во соработка со Кинотека имаат програма посветена на големите филмови и филмските доајени. Годинава се поклонуваме на филмовите на еден од најголемите југословенски режисер ВЕЉКО БУЛАЈИЌ.

HOMAGE TO VELJKO BULAJIĆ
– The Battle on the River Neretva / Битката на Неретва (1969)
– Kozara / Козара (1962)
– Skopje 1963 / Скопје 1963 (1964)

Можеби најпознатиот и еден од наценетите југословенски филмски режисери, Вељко Булајиќ, е роден во 1928 година, во малото место Вилуси крај Никшиќ во Црна Гора. Неколку години подоцна, неговата фамилија се сели во Сараево. Во 1943 г. се придружува на партизанските чети во НОБ, а една година подоцна бива тешко повреден. Од 1946 живее во Загреб, каде што интензивно започнува да ја проучува филмската уметност. Како стипендист, запишува филмска режија на ценетиот институт Centro Sperimentale di Cinematografia во Рим. За време на студиите, работи и како асистент на филмовите на Федерико Фелини и Виторио де Сика. По враќањето во родната земја, му асистира на југословенскиот и хрватски филмаџија Ватрослав Мимица на филмот ВО ОЛУЈА. Режира и неколку краткометражни и документарни остварувања.

Дебитира како режисер на долгометражен игран филм со проектот ВОЗ БЕЗ ВОЗЕН РЕД. Во 1959 г., филмот беше прикажан на филмскиот фестивал во Пула, а беше и официјално селектиран на филмскиот фестивал во Кан. Креиран под очигледно влијание на италијанскиот неореализам и на американскиот вестерн, филмот на режисерски план се одликува со масовни сцени и со прецизна контрола на мизансценот. Влијанието на италијанската кинематографија и неореализмот е забележливо и во остварувањето ЗОВРИЕН ГРАД од 1961 година, добитник на наградата за најдобар филм и сценарио на фестивалот во Пула.

Медаља на фестивалот во Москва, и – се разбира – неговото светски познато дело БИТКАТА НА НЕРЕТВА, номиниран за престижната статуетка Оскар во категоријата за најдобар странски филм во 1969 година.

The post „Синедејс“ и Кинотека со програма посветена на големите филмски доајени: Од 11-17 јули се поклонуваме на филмовите на Вељко Булајиќ appeared first on Република.

Под годинешниот слоган „Како е? Викај ура“, денеска започнува 23. издание на меѓународниот фестивал на европски филм „CINEDAYS“, каде ќе бидат прикажани повеќе од 40 филмски наслови. Филмските вечери ќе се одржат во периодот од 11 до 17 јули, во паркот зад Младинскиот културен центар, во киното Фросина, како и летното кино на отворено во Кинотека.

Како што е наведено во соопштението од Младинскиот културен центар, натпреварувачката програма е селекција на Бернд Будер и се состои од македонски и интернационални филмови и копродукции кои се дел од Официјалната селекција, Гала програмата, SEE програма, МК Shorts (кратки филмови), Ретроспектива на филмови посветена на легендарниот југословенски режисер Вељко Булајиќ како и кратки филмови од култниот европски автор Вим Вендерс.

Во ГАЛА програмата, „CINEDAYS“ ги носи наградените филмски остварувања од овогодинешниот филмски фестивал од Кан, како што се филмовите на Кроненберг, Вуди Ален, Корали Фержо со Деми Мур во главна улога, последниот филм на иранскиот режисер Расулоф, потоа Оноре, Жанг Жи, Хазанавициус, Полански.

Од МКЦ велат „CINEDAYS“ е единствениот фестивал во Европа кој ја има таа привилегија да ги прикаже овие наслови директно по нивната премиера во Кан.

Овогодинешниот „CINEDAYS“ ќе го отвори македонскo-данската соработка на бендовите Ефтеркланг и Македониум бенд, кои својата концертна премиера ја имаа пред споменикот Македониум во Крушево во април минатата година, додека филмската премиера на фестивалот „CPH-DOX“ во Копенхаген на 23 март 2024 година.

Филмот ја заокржува истражувачката потрага на овој дански состав на прекрасен, непосреден и шармантен начин, преку патувачка турнеја низ Македонија. Во тој процес на регрутација на членови за новиот мета состав наречен „Ефтеркланг : Македониум бенд”, нивен водич и локална инспирација е уредникот на музичка програма во МКЦ, Владица Младеновски - Грга, кој е нивен пријател и посредник во целата авантура. Младински културен центар се јавува во улогата на продуцент, преку својата логистичка и организациска поддршка на целиот проект, се вели во дописот од МКЦ.

Додаваат дека во придружната програма ќе се реализира меѓународниот проект „LIVING MUSIC“, под водство на професката Дарија Андовска, во која студенти или тукушто дипломирани режисери и композитори од Европа работат заедно во резиденцијален проект за време на фестивалот и создаваат филмска музика која ќе ја изведат во живо.

Музичката програма на фестивалот под наслов „CINEmusic“ и оваа година носи изненадувања. Покрај свеченото отворање на фестивалот со ГАЛА концертот на „Efterklang: Makedonium band”, свој настап ќе имаат и регионалниот експериментален панк бенд „Turbo Trans Turisti“, скопскиот инди состав „СИЗ“ како и психоделичното музичко дуо „Cyril-Cyril“ од Швајцарија, стои во соопштението на МКЦ.

Билетите за фестивалот „CINEDAYS“ ќе бидат по цена од 250 денари на билетарниците на МКЦ и Кинотека, како и на линкот за онлајн продажба на билети на МКЦ, bileti.mkc.mk.

Фестивалот е финансиски поддржан од Град Скопје, Делегацијата на ЕУ преку програмата „EU Film Festivals”, Агенцијата за филм во партнерство со Публицис и Кинотеката на Република Македонија.

The post „Ефтеркланг: Македониум бенд“ го отвора вечерва „Синедејс“ appeared first on Република.

Оваа година во фокус на програмата на Cinedays Festival од 11 до 17 јули, се кратките остварувања на големиот европски режисер Вим Вендерс.

Same Player Shoots Again (1968)- Серија од пет снимки, секоја со различен третман на боја, каде што човек трча со митралез во рацете. На почетокот се движи брзо, но како што се ближи крајот, почнува да оди во цик-цак. Дали е повреден?

Silver City Revisited (1969)-Серија од десет снимки, во должина од три минути, на различни места во Минхен.

Room 666 (1982)- а време на 35. Кански филмски фестивал во 1982 година, Вим Вендерс поканил петнаесет колеги да разговараат за иднината на кинематографијата. Собата бр. 666 во хотелот „Мартинез“. Внатре камера, магнетофон и ливче со прашање: Дали филмот е јазик што е во опасност да исчезне, уметност што умира? Секој од нив бил сам во собата и имал единаесетина минути да одговори на прашањето.

Reverse Angle: Ein Brief aus New York (1982)-Носталгично сведоштво на Вим Вендерс за проблемите со кои се соочил додека работел на филмот „Хамет“ (1982) со Френсис Форд Копола и разликите меѓу процесот на снимање филмови во Европа и САД.

Оваа програма на екстремно ретки кратки филмови на Вендерс прикажува нов талент, кој веќе е исполнет со теми и расположенија што би одекнувале низ кариерата. Фасцинација од американската култура, сеприсутноста на поп музиката и окото за незадоволството од современиот живот во повоена Западна Германија: тука е Вендерс на неговите почетоци.

The post Кратките филмови на Вим Вендерс во фокусот на „Синедејс“ appeared first on Република.

На 11 јули, во 20. 30 часот, фестивалот Синедејс ја најави македонската премиера на филмот „EFTERKLANG: MAKEDONIUM BAND”, во режија на Андреас Јонсен, а во продукција на МКЦ Скопје, Росфорт и Румракет од Данска.

Филмот ќе биде прикажан на свеченото отварање на 23 тото издание на фестивалот на европски филм CINEDAYS.

Музичкиот документарен филм “EFTERKLANG: MAKEDONIUM BAND”, кој се снимаше во текот на април 2023, претставува шармантен увид во дарежливата и културна размена која премостува граници, меѓу македонскиот музички свет и данскиот бенд Ефтеркланг. Идејата на ова комично и себеспознавачко патешествие е со цел составување на мега ансамбл и нивен заеднички перформанс пред споменикот “Македониум”, во чест на симболот на архитектонскиот споменик за слобода и независност. Бендот е сочинет од 22 музичари, од кои покрај данскиот состав Efterklang членува и Женскиот младински хор при МКЦ со 16 хористки, како и истакнатите музичари Стефче Стојковски, Дејан Спасовиќ, Дина Јашари, Ива Дамјановски, Мартина Баракоска и Јане Трајковски.

Фантастичните 2 распродадени проекции на најголемиот фестивал за документарен филм CPH:Dox во Копенхаген, Данска беа уште поголема мотивација да успееме во намерата и покрај прикажувањето на самиот филм, да го одржиме и концертот на целосниот состав на Efterklang: Makedonium Band веднаш по проекцијата! Во паркот зад МКЦ, повторно ќе ја реоживееме магијата која остана да лебди како ѕвездена прашина над македонското музичко небо. По концертот, свечено ќе се забавуваме и на диџеј сетот на Fitz from Earth или диџеј STROGO POP до раните утрински часови, најавуваат организаторите.

The post Македонската премиера на „FTERKLANG: MAKEDONIUM BAND” на 11 јули го отвора Синедејс appeared first on Република.

Со македонската премиера на „Бизнисот на задоволството“ на Гоце Цветановски, вечерва во паркот зад Младинскиот културен центар (МКЦ) во Скопје ќе биде затворено 22. издание на  Фестивалот на европскиот филм „Синедејс“. Филмот е прво долгометражно остварување на Цветановски.

Сценариото го започнав уште како студент во Париз, во 2002 година и не очекував дека филмот некогаш ќе го снимам. Кога се вратив во Македонија, повторно налетав на сценариото во една кутија и го препрочитав од љубопитност. Сфатив дека има добра подлога за филм и решив да го адаптирам за македонски услови, бидејќи во таа верзија, дејствието се случуваше во Париз. Одамна сакав да направам приказна во која давам коментар за некои социјално релевантни теми, а сето тоа да биде ненаметливо спакувано – вели Цветановски во пресрет на премиерата на филмот.

Филмот светската премиера ја имаше на Фестивалот „In the palace“ во Софија, каде ја доби наградата за најдобар филм.

Улогите ги толкуваат: Муса Исуфи, Слаѓана Вујошевиќ, Исмаил Касуми, Дамјан Цветановски и Елени Декидис.

Филмот „Бизнисот на задоволството“ е трилер – драма во која опседната со исчезнувањето на најдобрата пријателка, жртва на трговијата со жени, една новинарка подготвува тајна операција со цел да ја разоткрие криминалната мрежа. Но, како што нејзините соучесници се приближуваат до шефот, ситуацијата излегува од контрола и се борат да спасат жива глава.

Додека работиш филм, и ти самиот си во филм, ги преживуваш емоциите на сите ликови и заедно со нив тагуваш и се радуваш. Снимањето во пандемија беше дополнителен предизвик, но дури и тоа го паметам како позитивно искуство. Тогаш сфатив дека кога си фокусиран и посветен на она што го правиш, ништо не може да те запре. Не би сакал да заборавам ниту еден момент од снимањето, но би сакал да заборавам некои делови од пост-продукцијата, каде што се соочувавме со проблеми од техничка природа, кои се најголем непријател на креативноста, вели  Цветановски.

Сценариото, монтажата и режијата се на Гоце Цветановски, кинематографер на филмот е Фејми Даут. Продуцент на филмот е на Македонска крепост, заедно со A White River Films, City Star Production, Seven Image и 351 Studio. Филмот е поддржан од Агенцијата за филм.

https://republika.mk/vesti/kultura/dodeka-rabotish-film-i-ti-samiot-si-vo-film/

The post Со премиера на дебитантскиот долгометражен филм „Бизнисот на задоволството“ на Гоце Цветановски вечерва се затвора 22. издание на „Синедејс“ appeared first on Република.

Додека работиш филм, и ти самиот си во филм, ги преживуваш емоциите на сите ликови и заедно со нив тагуваш и се радуваш, вели режисерот Гоце Цветановски, чиј дебитантски долгометражен филм „Бизнисот на задоволството“ премиерно ќе биде прикажен утре, на 18 јули, на затворањето на 22. издание на Меѓународниот фестивал на европски филм „Синедејс“ во 21 часот во паркот зад Младнски културен центар (МКЦ).

Освен премиерата во паркот зад МКЦ ќе има и изложба на фотографии од филмот, од Маја Аргакијева и Марко Угарковиќ.

Приказната следи новинарка, која опседната со исчезнувањето на нејзината најдобра пријателка, подготвува тајна операција со цел да разоткрие мрежа за трговија со жени. Но, како што нејзините соучесници се приближуваат до шефот, ситуацијата излегува од контрола. Филмот ја третира темата на трговија со жени, од гледна точка на главните ликови кои се обидуваат да ја раскринкаат криминалната мрежа.

Жанрот е трилер, а сценариото е дизајнирано да го држи гледачот во неизвесност до самиот крај. Се обидов да вметнам што повеќе гламур и црн хумор во приказната, како контраст на сериозноста на темата, вели Цветановски во интервју за „Република“.

„Бизнисот на задоволството“ на Цветановски беше прогласен за најдобар филм на фестивалот „In the Palace“ во Софија, каде беше и светската премиера. Филмот се снимаше за време на пандемијата на ковид-19. Играат: Муса Исуфи, Слаѓана Вујошевиќ, Исмаил Касуми, Дамјан Цветановски, Осман Ахмети, Елени Декидис, Мендим Муртези, Егзона Салиху, Авни Далипи и Катерина Коцевска. Директор на фотографија е Фејми Даут, кој по успехот со „Медена земја“, првпат е кинематографер на долгометражен игран филм. Продуценти се Дритон Рамадани, Богдан Јончевски и Гоце Цветановски.

Иако првично беше најавено дека светската премиера на „Бизнисот на задоволството“ ќе биде на Фестивалот во Палм Бич, Цветановски решил да го повлече.

Филмот го повлеков од Палм Бич, поради тоа што во последен момент се откажаа кино проекциите и имаше само онлајн прикажувања. Сакав светската премиера да биде во кино сала и пред жива публика, па затоа одлучив да почекам селекција на друг фестивал, вели Цветановски.

Инаку за самиот процес на снимање, тој го памети како еден од највозбудливите авантури во животот.

[caption id="attachment_662199" align="alignnone" width="2560"] Слаѓана Вујошевиќ, фото: Марко Угарковиќ[/caption]

Додека работиш филм, и ти самиот си во филм, ги преживуваш емоциите на сите ликови и заедно со нив тагуваш и се радуваш. Снимањето во пандемија беше дополнителен предизвик, но дури и тоа го паметам како позитивно искуство. Тогаш сфатив дека кога си фокусиран и посветен на она што го правиш, ништо не може да те запре. Не би сакал да заборавам ниту еден момент од снимањето, но би сакал да заборавам некои делови од пост-продукцијата, каде што се соочувавме со проблеми од техничка природа, кои се најголем непријател на креативноста, објаснува Цветановски, кој е и сценарист на филмот.

Првично, работниот наслов на филмот беше „Денот на жената“.

Откако имавме затворени проекции во Кан и Берлин за професионална публика, заедно со дистрибутерите одлучивме дека ни треба попровокативен и поатрактивен наслов. И не само насловот, го сменивме и постерот и трејлерот. Според реакциите од публиката, испаѓа дека бевме во право, додава Цветановски.

[caption id="attachment_662200" align="alignnone" width="2560"] Муса Исуфи, Дамјан Цветановски и Исмаил Касуми. Фото: Маја Аргакијева[/caption]

Според Цветановски, имаат најави за прикажување на „Бизнисот на задоволството“ на неколку Фестивали, а филмот ќе биде прикажуван во наредните месеци во повеќе земји ширум светот.

Јас секогаш публиката ја ставам на прво место. А со таа публика, барем надвор од земјава, најмногу се остварува контакт токму преку филмските фестивали. Секој филмски фестивал си има своја специфичност и своја публика, и секоја селекција на фестивал е огромен успех. Точно е дека на некои фестивали селекцијата на филмови не е наменета за широката публика, но верувам дека секој автор сака неговиот филм да биде гледан и ценет од што поголем број гледачи, вели Цветановски.

[caption id="attachment_662185" align="alignnone" width="420"] Гоце Цветановски, режисер: Кога си фокусиран и посветен на она што го правиш, ништо не може да те запре / фото: Маја Аргакијева[/caption]

За добар филм треба култивирана публика, а денес е тешко таа публика да се извади од бункерот во кој е скриена пред налетот на тривијалноста. Го прашавме Цветановски дали се согласува со оваа констатација.

Последниве години доживеавме и преживеавме една ситуација која се граничи со научна фантастика, и која нè затвори сите нас во домовите и нè оддалечи едни од други. Но, од друга страна, ни даде и можност малку да застанеме, да го успориме ова модерно и пребрзо темпо на живеење, и да размислиме околу тоа што ни е важно во животот. Во таа смисла, се надевам дека публиката ќе се врати на културните настани кои можат целосно да се почувствуваат само како групно доживување: концерти, театарски претстави, и се разбира, кино проекции. Секако дека е поудобно и поефтино да се гледа филм во комфорот на сопствениот дом, но чувството е сосема поинакво кога го гледаш на големо платно, во темница, и во оптимални технички услови. Тривијалноста секогаш била и ќе биде опасност, но култивираната публика не смее да остане затворена во бункер, бидејќи животот е сега и овде, вели Цветановски.

Разговараше: Александра М. Бундалевска

фото: Маја Аргакијева и Марко Угарковиќ

The post Додека работиш филм, и ти самиот си во филм appeared first on Република.

Краткометражниот игран филм „Имиња“ во режија на Јане Спасиќ премиерно ќе биде прикажан вечер во 20:30 часот во рамки на 22-то издание на Фестивалот на европски филм „Синедејс“.

Филмот е во продукција на „Арт Проект Лаб“, кој се снимаше во јуни 2022 година во средното училиште „Лазар Танев” во Скопје.

Во филмот главните улоги ги играат Драгана Костадиновска, како и три деца актери Јаков Павлов, Георгиј Негриевски и Петар Царановиќ. Во епизодните улоги се појавуваат актерите Тамара Ристоска, Златко Митрески и Ангела Стојановска.

-Кога Марко и неговата мајка ќе пристигнат во прифатен центар за бегалци полн со деца, жени и стари луѓе, момчето запознава двајца другари, кои му објаснуваат дека е само прашање на време кога војниците ќе донесат кутија за чевли, полна со предметите на некој од нивните татковци, кои загинале во војната. Штом ќе се сместат во центарот, едно од децата му открива на Марко дека училницата во која се сместени е проколната: Смртта ќе ги посети оние чие презиме е на вратата и тие најверојатно ќе добијат кутија. Марко станува опседнат со звукот на војничкиот џип, кој ја носи кутијата од која сите се плашат и смислува план за да ја надитри смртта, се вели во најавата за содржината на филмот.

Директор на фотографија е Дејан Димески, сценографи се Срѓан Митровиќ и Михаил Пaнев, костимограф e Раде Василев, шминка и фризура Жанета Димитриевска. Дизајнот на звук е на Дарко Спасовски, а монтажер е Горјан Атанасов. Продуцент на филмот е Емилија Чочкова, која е и косценарист заедно со Саше Тасев и Огнен Георгиевски.

Филмот се реализираше со финансиска поддшка на Агенцијата за филм на Република Серверна Македонија, a снимањето освен од СУГС „Лазар Танев“ беше помогнато и од Круг филм, Дирекција за заштита и спасување, Министерство за одбрана, Генералштаб – Армија на РСМ, JЗУ СБГА „Мајка Тереза” – Чаир и Црвен крст – Социјално претпријатие Копче.

The post Премиера на краткометражниот игран филм „Имиња“ на „Синедејс“ appeared first on Република.

Вечерва во 20,30 часот во паркот зад Младнски културен центар (МКЦ) во програмата МК кратки ќе биде прикажен краткиот филм на Ангела Димеска, „Кутии“ во рамки на третиот ден на 22. Меѓународен фестивал на европски филм „Синедејс“ кој е во тек. Димеска, освен што е режисерка на „Кутии“ е авторка и на сценариото.

Во филмот главен лик е Даниела Ивановска, заедно со Билјана Јовановска, Филип Трајковиќ и Жаклина Стефковска. Кинематографер е Дејан Димески, костимографер на филмот е Емилија Ивановска Атанасовска, сценограф е Влатко Зафирковски, монтажер е Владимир Митревски, а продуцент – Огнен Антов.

Опасниот двоен живот на Лидија како продавачка на кутии за храна и препродавачка на дрога добива опасен пресврт кога фатална грешка ѝ го загрозува односот со нејзиниот наркобос, го става во опасност животот на ќерка ѝ и ризикува да ја изложи пред Никола, нејзиниот сопруг полицаец, е приказната која ја раскажува Димеска во „Кутии“.

Љубовта кон блиските и лојалноста кон пријателите како и последиците кои можат да произлезат од желбата да се придонесе подобар живот на децата преку инволвираноста во нелегалните активности, се главните теми во „Кутии“, вели за „Република“ Димеска.

Таа вели дека не било лесно, но било возбудливо да се создадат женските ликови во филмот.

Сите тие се базирани и имаат во себе карактеристики од жени со кои што сум била опкружена, сум се сретнувала низ животот и сум имала шанса да ги гледам како функционираат и како се справуваат со своите предизвици. Преку создавањето на ликовите во 'Кутии' сакав да претставам женски карактери кои се малку поразлични од стереотипите кои сме навикнати да ги гледаме во нашите филмови и кои имаат повеќе слоеви и повеќе добри и лоши особини, вели Димеска.

Димеска, које е и сценаристка на филмовите кои ги режира, вели дека ѝ е важно таа да ја напише приказната, но не и пресудно, за да пренесе некоја приказна или идеја во филм.

Иако јас сум сценарист на моите кратки филмови, 'Перики' и 'Кутии', пишувањето е процес кој ми претставува поголем предизвик и скоро секогаш ми е потребно друг пар на очи, или мислење на сценарист и скрипт доктор кои ќе ми помогнат да излезам од мојот свет и да ја видам приказната на уште еден начин пред да ја создадам финалната верзија на сценариото. Токму затоа во иднина повеќе би сакала да соработувам со сценрист(к)и, со кои заедно би можеле да ги развиваме нашите идеи, додава Димеска.

Лидија и Марија, главните ликови во „Кутии“ во себе имаат истовремено и добри и лоши карактерни особини и не можат едноставно да се вметнат во некој постоечки шаблон, смета Димеска.

Станува збор за две жени, пријателки чии различни животни патишта ги имаат доведено да работат во истата нелегална професија. Двете имаат навлезено во оваа работа поради своето семејство, Лидија бидејќи сака да и помогне на својата ќерка, а Марија бидејќи не сака да ја разочара својата мајка, Жаки, додава Димеска.

На „Синедејс“ вечерва ќе се случи македонската премиера на „Кутии“. Има план за промоција на „Кутии“ по интернационалните фестивали и Димеска вели дека по домашна премиера „Кутии“ ќе има шанса да биде прикажан и во регионот, но и пошироко.

Димеска во моментов работи на уште еден краток филм кој е во многу рана фаза.

Се надевам дека тој проект ќе успееме да го оствариме оваа година. Долгометражен филм е секако во план и се надевам дека преку работата на кратките филмови ќе успеам да го стекнам потребното искуство да што поскоро го направам и мојот прв долгометражен филм, заврши Димеска.

The post Во „Кутии“ сакав да претставам женски карактери кои се малку поразлични од стереотипите кои сме навикнати да ги гледаме во нашите филмови, вели режисерката Ангела Димеска appeared first on Република.

Вториот ден на Меѓународниот фестивал на европски филм „Синедејс“ нуди богата програма. Филмовите ќе се прикажуваат во кино „Фросина“ во Младински културен центар (МКЦ), Кинотека и паркот позади МКЦ.

Во Кинотека во 15 часот „На едно ладно со Митко Панов“ - Мастер клас со режисерот Панов, а во 18 часот е закажана проекција на неговиот филм „Сведок“.

Во СЕЕ селекција во 20 часот е „Јавачи“, на режисерот Доменик Менцеј.

Во кино „Фросина“ во МКЦ „Еден тон сладолед“ (19 часот) на македонската режисерка Сандра Ѓеорѓиева. Филмот ја следи агониіата и борбата со грижата на совест на тинејџерот Ведран. Во обид да се ослободи од притисокот, го комплицира животот на Ева, млада самохрана мака на малата Софија. Со низа апсурдни ситуации проблемот станува сѐ поголем, посериозен може да тежи колку еден тон сладолед.

Во гала селекцијата во 19 часот „Паднати лисја“, по сценарио и режија на Аки Курисмаки.  Филмот е приказна за двајца осамени луѓе што случајно се среќаваат една ноќ во Хелсинки и се обидуваат да ја наідат првата, единствена и последна љубов на своіот живот. Патот кон оваа искрена цел е засенет од алкохолизмот на мажот, загубени телефонски броеви, тоа што не си знаат име ниту адреса, како и општата тенденција на животот да поставува пречки на патот на тие што си jа бараат среќата.

Во програмата МК кратки во 21 часот е „4891“ на режисерката Ивана Мирчевска.

Во СЕЕ селекција во 21,15 часот е филмот „Сте ја виделе ли оваа жена“ во режија на Матија Глуевиќ и Душан Зориќ.

Во официјалната селекција во МКЦ Парк во 20,30 часот ќе биде прикажан филмот „Граници на љубовта“ на режисерот Томаж Вински. Хана чувстввуа дека врската со Петар им запаѓа во криза, па решава да ја освежи преку споделување на свои еротски фантазии и скриени желби со него. Чекорот од зборови до дела е мал. Набрзо почнуваат да ја истражуваат сопствената интимност, пробувајќи искуства со други партнери и жестоко туркајќи ги границите и колку далеку можат да одат во љубовта и сексот. Меѓутоа таков експеримент со слободата може лесно да излезе од контрола.

The post Богата програма на вториот ден на „Синедејс“ appeared first on Република.

Со македонска премиера на „М“ на режисерот Вардан Тозија синоќа, во паркот зад Младонски културен центар (МКЦ) беше отворен 22. Меѓународен сестивал на европски филм „Синедејс“.

Овој филм го посветувам на тие неколку мои луѓе кои прерано заминаа и не дочекаа да ја видат премиерата. Се надевам дека од некаде гледаат и се смешкаат. Се надевам им е ок, рече Тозија по проекцијата на филмот.

Вардан Тозија е син на актерка Сабина Ајрула и режисерот и амбасадор Љупчо, и внук на филмскиот продуцент Горјан Тозија, кои починаа во период од неколку години.

Повеќе од илјада гледачи го следеа филмот „М“, бидејќи имаше две проекции - во паркот зад МКЦ и во киното „Фросина“.

„М“ е втор долгометражен филм на Тозија, по успешниот „Џган“ во 2016 година.

Тозија и Даријан Пејовски се автори на сценариото на „М“, кинематографер е Влатко Самоиловски, сценографијата е на Кирил Спасески-Кикич, костимите се на Андреа Кустовиќ и Николина Костаншек.

Улогите ги толкуваат: Матеј Сиваков, Александар Ничовски, Сашко Коцев, Тони Михајловски, Камка Тоциновска, Бојана Грегориќ Вејзовиќ, Оливер Митковски, Владимир Тулиев… Продуцент на „М“ е „Фокус покус филмс“ од Скопје во копродукција меѓу Хрватска, Косово, Луксембург и Франција.

Благодарност до режисерот Тозија и продуцентот Дарко Попов кои ни овозможија Скопје вечерва да ја добие посакуваната фестивалска атмосфера и заедно со комплетната авторска и актерска екипа да го имаме ова задоволство. Ние како тим се трудиме вечерашниот фестивалски филмски шарм и содржина да ги одржиме низ целото издание на „Синедејс“ затоа што имаме одлична програма која витешки ја сработивме со драстично намален буџет. Се надевам дека годинешниов исклучок нема да биде практика, изјави  Маргарита Арсова програмски координатор на „Синедејс“ на отворањето.

[caption id="attachment_661133" align="alignnone" width="717"] Александар Ничовски, Сашко Коцев и Матеј Сиваков / Фото: МКЦ[/caption]

Под слоганот „Муви најт“, Скопје до 18 јули ќе живее во филмот на „Синедејс“, за жал со редуциран број на локации и филмови на репертоар, но доволно атрактивни да ги задоволи и најпребирливите филмофили.

[caption id="attachment_661131" align="alignnone" width="820"] Дарко Попов, продуцент/ Фото: МКЦ[/caption]

На годинашното издание на „Синедејс“ се најавени 40 филмови во неколку селекции, уникатни работилници, мастер клас и панел дискусија, како и неколку концерти.

Со македонска премиера на „Бизнисот на задоволството“ на режисерот Гоце Цветановски, на 18 јули се затвора годинашното издание на „Синедејс“.

Билетите за „Синедејс“ ќе бидат по цена од 200 денари, за сите филмови.

The post Овој филм го посветувам на неколку мои луѓе кои прерано заминаа, се надевам гледаат од некаде и се смешкаат, рече режисерот Вардан Тозија на премиерата на „М“ appeared first on Република.

Македонската премира на долгометражниот игран филм на Вардан Тозија - „М“, вечерва во паркот зад Младински културен центар (МКЦ) во Скопје во 21 часот ќе го отвори 22. издание на Фестивалот на европски филм „Синедејс“.

Поради огромното интересирање на публиката за премиерата на филмот „М“ ќе се организира втора проекција на филмот во кино „Фросина“ во МКЦ во 21,30 часот. Салата е климатизирана, сооопшти организаторот.

Во шесте фестивалски денови, од 13 до 18 јули, под слоганот „Муви најт“ ќе може да се погледнат повеќе од 40 филмски наслови од најновата европска филмска продукција, кратки филмови, ќе присуствуваат над 50 гости, ќе има три музички настани, а ќе се одржат и седум работилници. Новитет оваа година е Жирито на филмската критика, со очекување следната година да биде официјално акредитирано ФИПРЕСЦИ жири.

Наредниот вторник, на 18 јули фестивалот ќе го затвори премиерата на уште еден македонски филм - „Бизнисот на задоволството“ во режија на Гоце Цветановски.

Маргарита Арсова, програмски координатор на Синедејс, на најваната прес - конференција нагласи дека иако годинава е со исклучително намален буџет, Програмата и на овој „Синедејс“ е ремек-дело со филмска програма, која повторно, вели, директно ја увезуваме од Кан, како први од сите фестивали во Европа.

Она што е обединувачко за ова издание на фестивалот е компактната програма во која ќе погледнеме наслови на Вим Вендерс, Кен Лоуч, Нани Морети, Аки Каурисмаки, Франсоа Озон, Александар Сокуров... Новиот филм на Горан Столевски, а имаме и пет премиери на македонски кратки филмови. Поради буџетските рестрикции програмата е тесно селектирана на сметка на квантитетот за да извадиме што подобар квалитет, истакна меѓу другото Арсова.

Програмата ќе може да се проследи на две локации - во МКЦ и тоа во Кино Фросина, во МКЦ - паркот и во Џебното кино, како и во Кинотеката со проекции на отворено и на затворено.

На 22-то издание на Синедејс најавени се мастерклас на Митко Панов и прикажување на филмот „Сведок“, како и дополнителни два мастеркласа, на Јуре Матичич, програмски раководител на „Местни кино Домжале“ Словенија и гуруто за презентација и ‘пакување на филмови Габриеле Бруненмајер, која работи како независен консултант за Мидпоинт институтот.

Од работилниците - првата е именувана како „Self-Tape и онлајн-кастинг во дигиталната ера“, а ќе ја држи Луси Ленокс, наградувана кастинг-директорка. Втората работилница е „Основи на филмскиот јазик“, наменета за деца до 15 години, која ќе ја води Саша Станишиќ, дипломиран филмски и тв-режисер.

Во рамки на музичката програма на фестивалот предвидени се концерт на скопскиот бенд Културно-уметнички работници, кој неодамна го издаде својот седми албум, потоа Педро Кастиљо и белградскиот експериментален бенд Визељ.

Билетите за Синедејс ќе бидат по цена од 200 денари, за сите филмови.

https://republika.mk/vesti/kultura/filmot-denes-ne-mozhe-da-go-promeni-svetot-no-taa-ideja-e-silen-kreativen-dvigatel-za-eden-avtor/

The post Почнува „Синедејс“: За шест дена 40 филма од најновата европска продукција appeared first on Република.

Младинскиот култирен центар (МКЦ) соопшти дека поради огромното интересирање на публиката за премиерата на филмот „М“ на Вардар Тозија со кој ќе се отвори 22. издание на Фестивалот на европски филм „Синедејс“, ќе се организира втора проекција на филмот во кино „Фросина“ во МКЦ во 21,30 часот. Салата е климатизирана.

Отворањето на „Синедејс“ е закажано за утре, на 13 јули, во паркот зад МКЦ во 21 часот.

„М“ својата светска премиера ја имаше на Филмскиот фестивал во Кан, во рамки на маркетот за филмски професионалци и на Берлинскиот филмски фестивал. По премиерата на Синедејс од септември филмот го започнува својот киноприкажувачки и фестивалски живот.

„М“ е дистописка приказна за осумгодишниот Марко, кој живее со верување за заштитничките моќи на својата магична шума, не знаејќи за постоењето на светот надвор од неа. И покрај контролата на неговиот строг татко, детската љубопитност го води до преминување на границите“, изјавува режисерот Тозија.

Сценариото е потпишано од Вардан Тозија и Даријан Пејовски, кинематографер е Влатко Самоиловски, сценографијата е на Кирил Спасески-Кикич, костимите се на Андреа Кустовиќ и Николина Костаншек. Улогите ги толкуваат Матеј Сиваков, Александар Ничовски, Сашко Коцев, Тони Михајловски, Камка Тоциновска, Бојана Грегориќ Вејзовиќ, Оливер Митковски, Владимир Тулиев… Продуцент на „М“ е „Фокус покус филмс“ од Скопје во копродукција меѓу Хрватска, Косово, Луксембург и Франција.

Билетите се достапни на www.bileti.mkc.mk , а целосната програма, на www.cinedays.mk

The post Поради големо интересирање за премиерата на „М“ на „Синедејс“ МКЦ ќе организира втора проекција на филмот во „Фросина“ appeared first on Република.