Денеска на покана на Претседателот на Конфедерацијата на слободни синдикати, Благоја Ралповски и Претседателот на самостојниот Синдикат за образование, наука и култура (СОНК), Јаким Неделков, заменик-министерот за економија Марјан Ристески беше гостин на извршниот одбор на КСС каде разговараа на повеќе теми.

На средбата им го честитав историскиот договор со Владата каде од наредната плата вработените во образованието ќе добијат покачување од 5 проценти, од март дополнителни 7 проценти, и покачувањата ќе продолжат секоја година скалесто каде до 2028 година платите ќе пораснат за минимум 46 проценти. Ние сме пријатели на работниците и синдикатите, тука сме да разговараме и заедно да ги дискутираме сите прашања, како во рамки на министерството за економија и труд, така и преку Економско-социјалниот совет (ЕСС), посочи тој.

The post Ристески: Ние сме пријатели на работниците и синдикатите appeared first on Република.

Вредноста на Синдикалната минимална кошница за месец октомври 2024 година изнесува 61.249,00 денари, информираат од Сојузот на синдикати на Македонија. Со изнајмен стан од 60 м2 за октомври кошницата изнесува 76.624,00 денари.

Споредено со вредноста на синдикалната минимална кошница за септември 2024 година која изнесуваше 61.306,00 денари е намалена за 57,00 денари.

Значајно е да се нагласи дека мерката на Владата за ограничување на висината на маржите даде дел од посакуваниот резултат, но, поради алчноста за профит кај трговците што Државата мора да го заузда, тие, кога разбраа за намерата на Владата за оваа мерка ги зголемија цените на сите производи, а ова го потврдуваме и со растот на вредноста на делот за храна и пијалоци во Синдикалната минимална кошница за повеќе од 717 денари за минатиот месец септември, а во истата во делот ка храна и пијалоци во месец октомври 2024 година која изнесува 22.069,00 денари споредено со месец септември 2024 година ( 23.034,00 денари) е намалена за 965,00 денари, велат од ССМ.

Според нив, ова потврдува дека цените треба уште да се намалуваат, а нивното зголемување нема никаква поврзаност со економската логика, ниту пак со здравиот разум, туку, како што велат, има поврзаност само со алчноста која е се поизразена во Македонија.

Од ССМ сметаат дека при креирањето на мерките Владата треба да го вклучи синдикатот за тие да бидат подобри, имајќи предвид дека во последната мерка 47 категории на производи од 70, беа превземени од Синдикалната минимална кошница која ја подготвува ССМ, а за кои го имаат движењето на цените во секој месец од почетокот на годината. Од ССМ сметаат дека се потребни поголеми контроли и доколку е потребно и казни за несовесните трговци кои се богатат на грбот на работниците и граѓаните.

The post Минималната синдикална кошница за октомври изнесувала 61.249 денари appeared first on Република.

Синдикатите на петте државни универзитети со демант на изјавата на премиерот Талат Џафери кој на прес-конференција истакна дека немал време да ја почне постапката за потпишување колективен договор со петте државни универзитети оти партиските тела веќе го известиле дека ќе биде премиер, а и неговиот наследник, новиот претседател, Јован Митрески, имал рок од 14 дена, во кои не било возможно да ја заврши постапката.

„Во име на вистината, испраќаме демант на неколку наводи од денешната прес-конференција на техничкиот премиер Талат Џафери во врска со непотпишувањето на колективните договори на пет јавни универзитети.

Имено, Синдикатите на вработените на петте јавни универзитети, Универзитетт „Св. Климент Охридски“ – Битола, Универзитет „Гоце Делчев“ – Штип, Универзитетот во Тетово, Универзитетот „Мајка Тереза“ – Скопје, Универзитетот за информатички науки и технологии „Св. Апостол Павле“ -Охрид одговорно тврди дека целокупната документација за потпишување на Колективните договори уредно е доставена до претседателот на Собранието на Република Македонија, основач на Универзитетот во периодот од Мај 2023 година до Декември 2023, соодветно од страна на сите универзитети поединечно.

„Во однос на хронологијата, односно развојот на настаните околу (не)потпишувањето на колективните договори, ве потсетуваме и дека во почетокот на Декември мнозинството од овие пет јавни универзитети испратија предупредувачки писма до претседателот на Собранието на Република Македонија за потпишување на колективните договори. Значи, ги опоменавме дека веќе истекува моментот за потпишување на колективен договор. Во текот на месец февруари, оваа година, беше ставен во оперативна употреба Колективниот договор на Универзитетот „Св. Кирил и Методиј“ – Скопје и беа исплатени платите по новиот Колективен договор. Веднаш потоа сите пет синдикалниорганизации на јавните универзитети испративме барање за итен прием кај претседателот на Собранието. На 15.02.2024 година бевме примени од претседателот на Собранието, на средбата беше укажано дека ги имаме доставено сите документи и, дека, ако постоел проблем со документацијата, требало да се информира секоја синдикална организација. Во меѓувреме беше побаран и прием кај техничкиот премиер на РСМ, којшто требаше да се одржи на 02.03.2024 година, но истиот не се реализираше. Поради тоа на 04.03.2024 година се одржаа мирни протести, со дигнитет и достоинство. Ние не се занимаваме со политика“, се вели во напишаното.

Уште еднаш, како што истакнуваат во демантот, сакаат да ја истакнат граѓанската димензија на синдикалниот активизам на синдикатите на вработените во петте јавни универзитети и дистанцирањето од какво било политичко влијание, особено ако се земе предвид предизборниот период во кој се одвива и овој синдикален напор, не по вина и избор на синдикатите, туку поради немање желба и волја на Собранието и на Владата да го потпишат колективниот договор и со останатите пет јавни универзитети поради непредвидените буџетски средства за реализација на истиот.

https://republika.mk/vesti/makedonija/dhaferi-za-protestite-na-pet-drzhavni-univerziteti-na-zakazhani-izbori-ne-se-potpishuvaat-kolektivni-dogovori/

The post Синдикатите на петте државни универзитети го демaнтираат Талат Џафери appeared first on Република.

Синдикатот на Клинички и Гранковиот синдикат денеска на прес-конференција побараа новиот министер за здравство да ги потпише анексите усвоени од Владата.

Претседателите на овие синдикати, Предраг Серафимовски и Љубиша Каранфиловски појаснија дека целта е да се информираат вработените во јавното здравство за активностите по потпишување на последниот анекс од 10 октомври, а по најавеното покачување на минималната плата од страна на Владата од месец март на 22.700 денари.

Во договор, ние формиравме тим заедно со Министерство за здравство за изработка на анекси за корекција на коефициентите на сите профили во здравството, динамика на исплата на истите. По неколку состаноци постигнавме договор со министерот за здравство, рече Серафимовски.

Како што беше кажано на прес-конференцијата, анекси се уште не се потпишани и тоа не е прифатливо за синдикатите.

Иако лицата кои работат со договор не се дел од синдикатот, како што рече Серафимовски, синдикатот ги поддржува. Правната служба на синдикатот, како што додаде, им стои на располагање за правна помош.

Бараме покачување на платите на сите профили. Бараме прием кај техничкиот премиер за трансформација на договорците од определено на неопределено време, разрешница со хаосот во паркирањето во кампус „Мајка Тереза”, наброја меѓу другото, Серафимовски.

The post Синдикати бараат новиот министер за здравство да ги потпише анексите усвоени од Влада appeared first on Република.

Работничките синдикати денеска стапија во тридневен штрајк во Финска во знак на протест против измените на законите за пазарот на труд и кратењето на социјалното осигурување, предложени од Владата на премиерот Петери Орпо.

Се очекува штрајкот сериозно да го наруши секојдневниот живот на Финците. Во рамки на тридневната акција затворени ќе бидат градинките и предучилишните установи, додека воздушниот сообраќај и поштенските услуги ќе бидат нарушени.

Покрај тоа, јавниот превоз нема да работи, а фабриките низ државата ќе бидат затворени. Националната авиокомпанија „Финер“ соопшти дека била принудена да откаже околу 550 летови.

Повеќето штрајкови се организирани од Централната организација на финските синдикати и Финската конфедерација на професионалци. Нивните членови велат дека мерките предложени од Владата на Орп ќе ја зголемат нееднаквоста во општеството, ќе ја ослабат позицијата на работниците и ќе им наштетат на тие со пониски примања и на невработените.

Синдикатите, меѓу другото, се против ограничувањето на правото на штрајк и кратењето на надоместоците за невработени. Финските медиуми јавуваат дека целта на синдикатот е да ја принуди Владата да започне разговори со работничките организации за предложените кратења на социјалното осигурување.

The post Во Финска штрајкуваат работничките синдикати appeared first on Република.

Законот и според СИГМА извештаите има недостаток во клучни работи, како што е Системот за наградување на перформанси (Performance appraisal system), кој наместо да го развијат го симплифицираат и субјективизираат.

По изборите реформската Влада на ВМРО-ДПМНЕ ќе направи сериозна трансформација во јавниот сектор која ќе резултира со среќни и успешни вработени, ефикасна јавна администрација и квалитетни услуги за граѓаните.

The post Андоновски: Законите не смее да се носат по скратена постапка со европско знаменце, без дебата, без вклученост на јавноста appeared first on Република.

Пратеничката група на ВМРО-ДПМНЕ и Коалицијата, упатува јавна покана и ги повикува на отворени и директни консултации сите заинтересирани синдикати, денес во 10:00 часот, во Собранието на Република Македонија.

Темата на оваа денешна работна средба и консултации, на која што ќе присуствува и дополнителниот заменик министер, Стефан Андоновски е поврзана со законите кои се на дневен ред на Комисијата за европски прашања.

Како најголема, најбројна и најодговорна пратеничка група во Собранието покажуваме одговорност и решителност, се со цел да помогнеме на синдикатите да се слушне нивниот глас и нивните барања. Ова е единствениот начин синдикатите да го искажат своето мислење и барања бидејќи мнозинството упорно одбива јавна расправа и дебата по законите и сака да ги протне набрзина. Токму затоа, нашата цел како пратеничката група на ВМРО-ДПМНЕ и Коалицијата е да ги преточиме барањата и забелешките на синдикатите во амандмани и официјални барања. Гласот и барањата на работниците мора да се слушне и не смее да биде заборавен, велат од партијата.

The post ВМРО-ДПМНЕ ги повикува синдикатите на средба во Собрание appeared first on Република.

Синдикатите реагираат на носењето на законот за јавна администрација кои по скратена постапка треба да бидат донесени во Собранието.

Синдикатите реагираат дека вакви важни закони за работничките права се носат по скратена постапка без почитување на стандардната процедура, без јавна расправа и социјален дијалог.

Доколку ваквиот закон помине, одговорноста ќе биде на тие што го донеле и на тој што го предложил, особено поради тоа што ваквиот Закон значи околу 2.500 денари помалку во џебот на вработените во јавниот сектор за кои се применува Законот за административни службеници што е недозволиво да се случи на крај на мандат, на неколку денови пред избори во Македонија, велат од Сојузот на синдикати на Македонија и од Синдикатот на УПОЗ.

Оттаму бараат Предлог-законот за административни службеници со кој се регулираат правата и интересите на дел од вработените во јавниот сектор, да ја помине целокупната законска процедура и да се овозможи преставник на ССМ да учествува во работата на собраниските комисии каде би се разгледале нивните забелешки и предлози.

Сојузот на синдикати на Македонија бара да се преземат напори за да им се помогне на работниците, претпријатијата и јавните служби да ја надминат кризата предизвикана од коронавирусот.

И од Конфедерацијата на слободни синдикати (КСС) бараат јавна дебата за ова предлог законско решение.

Не треба да се занемари фактот дека реформите во администрацијата се едно од клучните барања и фундаментална област во Преговарачката рамка со Европската комисија. Новата законска рамка требаше да го подобри управувањето со човечките ресурси низ целата администрација и да помогне да се обезбедат кадри, унапредувања и отпуштања по заслуги на сите нивоа, вклучувајќи ги и високите раководни структури. Со оглед на важноста на овој закон, очекувано беше дека ќе биде донесен во една широка јавна дебата, со вклучување на сите фактори кои што се засегнати од истите, а посебно синдикалните организации коишто ги застапуваат правата на вработените во јавниот сектор, велат од КСС.

Според КСС, не помалку битен е и фактот дека овие законски текстови не го имале поминато филтерот на Државната комисија за спречување на корупцијата која требала да даде препораки за непотизам и политичко влијание во регрутирањето на вработените во јавниот сектор....

- Последниите измени на текстот не беа ставени ниту на ЕНЕР, па нашето прво запознавање со овој предлог закон е од веб страницата на Собранието, посочуваат од КСС.

Предлог-законот за административни службеници, како дел од пакетот закони предлоежни од Министерството за информатичко општество и администрација, е на девен ред на собраниската Комисија за европски прашања, но седницата е презакажана за во 14 часот.

Пратеничката група на ВМРО-ДПМНЕ преку прес-конференција побара итен прекин на расправата и донесување на заклучок за одржување на јавна расправа во најбрз можен рок, на која, како што посочија, би биле присутни пратеници од опозицијата, претставници од синдикатите, професори, стручната фела и јавноста.

The post Синдикатите реагираат што законот за административни службеници се носи по скратена постапка, бараат јавна дебата appeared first on Република.

Реформата на основното образование ќе продолжи согласно предвидената динамика, затоа што ги дава очекуваните ефекти. Предизвици постојат и тие се надминуваат преку заеднички пристап, а во меѓувреме секоја добронамерна сугестија која би можела да го олесни спроведувањето и да ја подигне нејзината ефикасност и ефективност, е добредојдена.

Ова беше констатирано на денешната средба помеѓу највисоките претставници на Министерството за образование и наука, Бирото за развој на образованието и Самостојниот синдикат за образование, наука и култура, како и претставници на СОНК кои се дел од наставничката фела од областа на географијата и засегнати во оваа трета фаза од спроведувањето на планот за реформирање на основното образование.

На средбата беше потврдено дека реформата е добро конципирана и ќе продолжи да се спроведува со поддршка од сите засегнати страни, а почестите средби и дискусии можат да помогнат во надминувањето на предизвиците кои би можеле да се појават тековно.

Од страна на министерот за образование и наука Јетон Шаќири беше посочено дека ниту еден наставник нема да биде отпуштен од работа, ниту пак ќе добива помала плата поради интеграцијата на предмети која е предвидена со реформирањето. Секој просветен работник чиј предмет кој го предава се интегрира со други предмети од сродната наука, останува на своето работно место, ќе ја добива платата за полн фонд на часови, а дополнително заедно со СОНК ќе се изнајде и заедничко решение личните примања повторно, по трет пат во период од една година, да бидат значително зголемени.

МОН ги повикува сите други општествени чинители, а особено оние со моќ за политичко влијание, да дадат свој придонес во заложбите за унапредување на квалитетот на националниот образовен систем. Промените не може да се случат преку ноќ и со неосновани критики, туку напротив етапно и со конструктивно учество на сите засегнати страни и фактори.

The post МОН по средбата со синдикатите: Ниту еден наставник нема да биде отпуштен од работа appeared first on Република.

Мислам дека сме блиску до решение со синдикатите, ако продолжиме со овој интензитет, прашање на денови е кога ќе го заокружиме ова прашање, вели во интервју за МИА министерот за финансии Фатмир Бесими кој е директно вклучен во преговорите со синдикатите за зголемувањето на платите и за новата методологија на плати во јавниот сектор.

Има солидна клима, меѓусебна доверба, волја за решение, треба уште некои финеси да ги завршиме, истакнува Бесими, додавајќи дека е рационален оптимист.

Видео интервјутово целост ќе биде објавено утре.

The post Бесими: Мислам дека сме блиску до решение со синдикатите appeared first on Република.

Преговорите за зголемување на платите во јавниот сектор треба да продолжат утре во формат на работна група, откако на вчерашната седница на Економско-социјалниот совет не беше постигнат договор за методологијата за пораст на платите, но како што информираа синдикалните претставници има поместување од страна на Владата и Министерството за финансии во поглед на нивните предлози и забелешки.

Ставот на Владата е дека ќе поддржат кое било решение што ќе биде системско и одржливо за да ја зголеми ефикасноста, продуктивноста и ефективноста на јавниот сектор.

Предлогот  што го изнеле вчера синдикатите е инфлацијата која минатата година беше 14,2 проценти да биде основен параметар со кој ќе се зголемат платите во јавниот сектор, а сите да добијат процентуално зголемување на платите. Тие доставиле и предлог со кој бараат платите на избраните и именуваните лица да се вратат на ниво како пред одлуката на Уставниот суд и зголемувањето на нивните плати да биде исто како за другите вработени во јавниот сектор, информираше претседателот на Сојузот на синдикатите на Македонија Слободан Трендафилов.

Според Трендафилов, во прашање се нијанси, но, се уште се далеку од договор.

-Прифатлив е моделот од две и пол години за да добиеме методологија како во делот на минималната плата со тоа што ќе имаме просечна плата по коефициент на сложеност по истекот на две години, но како ССМ сметаме дека доколку од септември се случи тоа, да почне примената на Општиот колективен договор за јавен сектор, функционерските плати треба да се вратат на нивото пред одлуката на Уставниот суд и зголемувањето на платите да биде како за нив, така и за работниците, информира Трендафилов.

За претседателот на Синдикатот за образование, наука и култура (СОНК) Јаким Неделков формулата просечна плата по коефициент на сложеност на работно место е моделот што треба да се применува во наредниот период.

- Тоа што не интересира како СОНК и како Конфедерација на слободни синдикати е периодот на усогласување на платите. Не зборуваме за зголемување, туку за усогласување на плати. Тоа ние мораме оваа година да го компензираме за да дојдеме на исто ниво од лани. Во спротивно, секакво усогласување на плати под овие проценти би значело свесно уназадување на нашиот буџет. Тоа сигурно нема да го прифатиме и мора да го сработиме сето во текот на 2023 година, изјави Неделков

Според него, транзицискиот период на усогласување во 2024 и 2025 година би бил прифатлив кога ќе биде договорена динамиката за усогласување на платите согласно постоечките колективни договори.

Претседателот на Конфедерацијата на синдикални организации на Македонија (КСОМ) Марјан Ристески, пак, рече дека Владата понудила методологија и покачување на платите за 5,3 проценти, што истакна, е неприфатливо.

-Македонскиот работник го интересира да кажат колку сега во моментов ќе му се покачи плата. Тоа што се предлага за 2025 или за 2028 година, до тогаш можеби 30 отсто од тие ќе одат во пензија, другите ќе ја напуштат државата, за кого ќе важи оваа методологија, изјави денеска Ристески пред почетокот на седницата на Економско-социјалниот совет што се одржа во Владата.

Ристевски рече дека тие бараат конкретно да знаат колку ќе биде покачувањето за да можат да ги известат работниците точно колку плата ќе имаат во сите засегнати сектори.

Од Министерството за труд и социјална по седницата на ЕСС најавија дека дијалогот за пораст на платите во јавниот сектор продолжува, а целта е креирање на одржлив и праведен систем за сите.

Вицепремиерот за економски прашања Фатмир Битиќи е оптимист дека ќе се најде решение за методологијата за раст на платите во јавниот сектор, но порача дека тоа мора да биде системско и одржливо, не само во корист на вработените во јавниот сектор, туку и во полза на граѓаните кои добиваат јавни услуги.

За него е нејасно од каде се излезени 14-те проценти кои синдикатите бараат да бидат основен параметар за зголемувањето на платите.

Барањето платите на избраните и именуваните лица да се вратат на ниво како пред одлуката на Уставниот суд и зголемувањето на платите да биде како за работниците, така и за функционерите денеска е прв пат ставено на маса.

-Не знам од каде се излезени 14-те проценти. На Економско-социјалниот совет денеска, во помал состав, без работодавачите, зборувавме за методологијата за платите во јавниот сектор која се обидувавме да ја усогласиме. Методологија базира на просечната плата помножена со коефициент, со период на прилагодување за да дојдеме до тој модел. Секако, во среда продолжуваат разговорите во формат на работни групи и кое било решение што сметаме дека е системско и одржливо за да ја зголеми ефикасноста, продуктивноста и ефективноста на јавниот сектор, а тоа се задоволни граѓани од услугите од јавниот сектор, ќе го поддржиме. Сметам дека дискусијата за платите на функционерите,  1060 наспроти 136 000, не е работа на дискусија. Секако, решението што ќе го дадеме ќе биде аплицирано за сите, а што е тоа, ќе можеме да го кажеме кога ќе го постигнеме преку дијалог. Преку дијалог ќе дискутираме, прв пат денеска беше даден на маса таков предлог. Треба да видиме што значи тоа вистински. Има институции кои немаат синдикати и треба сеопфатно да се дискутира дали и каков модел би требало да аплицираме, нагласи Битиќи.

Според него, синдикалците не бараат решение со аплицирање една методологија, туку велат „за помалку платените работни места да биде поголемо зголемувањето, за повеќе платените да биде помало“.

-Моделот денеска што го претставивме - споредбено, септември оваа година со септември лани, зголемувањето е далеку над процентот на инфлација што го имавме минатата година и затоа е тоа работа на дискусија. Ќе се разговара во среда, во четврток, во петок, за да се најде решение. Мислам дека ќе се најде решение, најдобро во овој момент за сите во јавниот сектор, но и за сите во државата, подвлече вицепремиерот Битиќи. 

Министерот за финансии Фатмир Бесими викендот на брифинг со медиумите кажа дека е свесен за социоекономскиот притисок, но оти капацитетите на Буџетот се веќе познати, за плати во јавниот сектор се одвојуваат  960 милиони евра,  а 10 проценти ќе значи речиси дополнителни 100 милиони евра.  - Затоа зборувам дека одиме кон решение, затоа ни треба транзициски период, рече Бесими.

Според соопштението од МТСП, на вчерашниот состанок социјалните партнери се договориле понатамошните преговори за методологијата за пораст на платите во јавниот сектор да се одвива во помала работна група составена од членовите на ЕСС која ќе работи зачестено, а ќе излезе со предлози до следната седница на ЕСС.

Средбата ќе се одржи во Министерството за финансии со почеток во 9 часот.

The post Платите во јавниот сектор утре ќе ги договора работна група од ЕСС, синдикатот бара покачување од 14,2 отсто appeared first on Република.

Претставниците на синдикатите изјавија дека на денешната седница на Економско-социјалниот совет не е постигнат договор со Владата за методологијата за усогласување на платите. Предлогот на синдикатите е инфлацијата која минатата година беше 14,5 проценти да биде основниот параметар со кој ќе се зголемат платите во јавниот сектор и сите да добијат процентуално зголемување на платите. Синдикатите бараат и враќање на платите на функционерите, а зголемувањето да биде исто за сите.

Тоа што ние предложивме е инфлацијата која минатата година беше 14,5 проценти да биде основниот параметар со кој ќе се зголемат платите во јавниот сектор, од најниската категорија на работно место до највисоката, претседател на државата, и сите да добиеме процентуално зголемување на платите, рече во изјава за медиумите претседателот на ССМ, Слободан Трендафилов.

Тој рече дека нијанси се во прашање, меѓутоа тие нијанси се навистина големи за навистина да се далеку од решение, но рече дека има поместување од „мртва точка“ од страна на Владата и Министерството за финансии во поглед на нивните предлози и забелешки.

The post Не се договорија со Владата: Синдикатите бараат инфлацијата да биде основниот параметар за усогласување на платите appeared first on Република.

Претставници на синдикатите за здравство утрово се на состанок кај министерот за здравство на која, според нивните информации, ќе се разговара за анексот на колективниот договор со кој се бара корекција на коефициентите за исплата на плати.

Од Кабинетот на министерот за здравство Фатмир Меџити синоќа нѐ повикаа на средба денеска во девет часот за да разговараме за текстот на анексот. Ќе видиме дали ќе се потпишува, изјави утрово за МИА, претседателот на Самостојниот синдикат на здравство, фармација и социјална заштита Љубиша Каранфиловски, кој заедно со потпретседателот на Синдикатот на Клинички центар, Предраг Серафимовски, ќе присуствува на средбата.

Станува збор, посочува Каранфиловски, за непотпишаниот анекс на колективниот договор. - Шест месеци го бараме ова и постојано се одлага, нагласи Каранфиловски за МИА.

Советот на Самостојниот синдикат на здравство, фармација и социјална заштита за денеска најави протест пред Министерството за здравство.

The post Министерот за здравство синоќа ги повикал на средба претставниците на синдикатите кои најавија за денеска протест appeared first on Република.

Синдикатите во Франција денеска повикаа на повторни протести во сабота против пензиската реформа што ја бара претседателот Емануел Макрон.

Синдикатите повикаа на протести во сабота, како и на 16 февруари и 7 март.

Ова е првпат од почетокот на протестите против зголемувањето на законската старосна граница за пензионирање од 62 на 64 години, синдикатите да повикаат на протест во текот на викенд.

- Во сабота, се надевам дека ќе биде ден за протести кој е погоден за семејствата, како и за луѓето од различни сфери, изјави генералниот секретар на ЦФДТ Лоран Берже.

Планирани се повеќе од 200 акции низ Франција, кои ќе соберат до 700.000 луѓе надвор од Париз, според француските власти.

Во вторникот се одржа протест со малку помал број собрани во однос на претходните собири кога имаше повеќе од милион луѓе, информира полицијата. Организаторите тогаш рекоа дека имало речиси двојно повеќе луѓе.

Француската премиерка Елизабет Борн денеска повторно ја бранеше реформата за која расправаат пратениците во Долниот дом на Парламентот. Таа рече дека реформата има за цел да ја обезбеди иднината на пензискиот систем.

Сепак, француската Влада нема апсолутно мнозинство во парламентот за нејзината реформа да биде усвоена и затоа смета на поддршката на традиционалната десница, но оваа поддршка сè уште не е сигурна.

The post Синдикатите во Франција повикаа на протест во сабота против пензиските реформи appeared first on Република.

Синдикатите пријавија дека на 31 мај ќе се одржи генерален штрајк во целата земја.

Национален генерален штрајк во целата администрација, државни институции и јавни претпријатија, вклучително и железничката, ќе ја парализира цела Белгија на 31 мај на иницијатива на социјалистичкиот синдикат.

Синдикалните акции ќе се водат како одговор на општата влошена состојба во државата, како што најавија. Цените на основните производи и на енергијата постигнаа рекордни бројки по Ковид-19 и војната во Украина.

Не се прецизира сѐ уште какви акции ќе се преземат. На 30 и 31 мај во Брисел се одржува и вонреден самит на ЕУ, што дополнително ќе го парализира градот.

The post Белгиските синдикати најавија генерален штрајк за 31 мај appeared first on Република.

Ова е веста која осамна по порталите во Македонија и која најверојатно предизвика различни чувства и реакции помеѓу граѓаните на Македонија. Веднаш мора да потенцираме дека таквата констатација и наслов се сосема грешни и во најмала рака, еднострани. Зошто се поставува прашање: Каде грешат синдикатите? Каде е грешката? Доколку може да се смета за грешка, бидејќи секоја расправија, дијалог има две страни. А кога нема резултати, не се нагласува едната страна. Тоа е поттикнување на мислење и подривање на нетрпение. Согледувајќи ги целокуните состојби, во овој случај, најмногу личи на онаа старата “Кај што има сила, нема правдина.”, а во тој контекст во ниеден момент не се мисли на Синдикат. Зошто е тоа така?

Вака почнува реакцијата на Синдикатот на полицијата во Македонија, која ви ја пренесуваме во целост:

Па да тргнеме од една Европска гледна точка. Во многу, а можеби и во сите, Европски земји, постоењето и функционирањето на Синдикат е задолжително, без разлика дали тоа е во јавен или приватен сектор. Тоа им е регулирано со закон како одговор и почитување на Европската конвенција за човекови права во делот за права за слобода на здружување, во кој значаен дел има и Синдикалното здружување. Разликата во Македонија уште веднаш е воочлива- немаме закон за синдикати нити пак се почитува таа конвенција, најнапред од Владата, како краен работодавец, потоа од самите Министерства, а да не зборуваме во приватниот сектор каде синдикат е мисловна именка. И само затоа што “газдите” не дозволуваат. Во приватниот сектор и самата помисла на синдикат е ригорозна и “штетна по здравјето”. Пред некоја година постоеше таков предлог закон за синдикати, но за многу кратко време, исчезна и иницијативата, а и предлогот и со самото тоа и вољата за таков закон од народните избраници. Никој не се запрашал ни зошто ни како. Како да не постоело. Немање на воља за такво решение го остави работникот дирекно зависен од работодавецот и некои длабоко политизирани и запоседнати квази-организации кои сами себе се нарекуваат синдикати. Тука веќе навлегуваме во почетното нефункционирање на синдикална организација, а мора да се знае дека тоа е единствено на штета на работникот, на никој друг. Децении на назад, таквите полтронски здруженија, функционираа исклучиво на довербата на работниците, доверба заостаната од претходниот систем каде синдикат имаше и значеше нешто. Заради таквата доверба, синдикатот како поим, падна во една летаргична состојба која потоа прерасна во алатка на актуелните власти, за да се претвори во дополнителна финансиска каса и дувло на фотељаши. Тој контра еволутивен процес траеше со децении при што правата на работникот не само што не беа подобрувани или барем задржани на едно статус кво, туку беа изменети, избришани, одземени за на крај да се дојде до точка на вриење и будење на запоставената работничка класа. Тогаш се појавија гладните за власт поединци, кои гледајќи ја можноста за искористување на веќе наталожената нетрпеливост и крајно незадоволство на работникот, видоа “отскочна даска” за задоволување на свои лични интереси и формира синдикати. А пак власта, од стравот и фактот дека ќе им се случи будење на свеста и општа “Синдикална пролет”, побрза да ги врбува таквите поединци во своја корист заради контрола и од тоа меѓусебно разбирање се изродија нови олигарси, автократи како сакате наречете ги, но во никој случај Синдикалци. И повторно кој најмногу настрада од тоа? Работникот, кој друг. Овој пат не само што не доби ништо туку и потполно ја загуби довербата во оние што би требало да се борат за негова заштита. И како тоа да е малку, многу од нив останаа без работа, беа прогонувани од сопствените работодавачи па дури им беа монтирани и судски процеси. И тоа беше остварување на целта на газдите од приватниот сектор, но и јавниот сектор се ослободи од притисокот да мора да се грижи за работникот. Без синдикат во вистинска смисла на зборот, продолжија со остварување личните интереси и зголемување на ионака натрупаното богатство, без притоа некој да му застане на патот.
Но во Македонија секогаш имало и ќе има идеалисти и борци, па така дојде нов бран на синдикалци на кои веќе им дојде преку глава од се, кои не сакаа да ја напуштат оваа држава но и многу од нив немаа ни можност тоа да го сторат, било тоа да е од лични или други причини. И како по "дифолт", овој пат тие се соочија не само со огромниот притисок на актуелните власти, како своевремено така и денес, туку и со недовербата на работникот предизвикана од дотогашните, досегашните така речи, предавства и од државата и од синдикатите. Борбата на тој нов бран на синдикати се водеше на два фронта- со актуелната власт и со самиот работник. Со власта за да се афирмираат како заштитници на веќе уништениот концепт на заштита на работничките права, а со работникот за враќање на неговата доверба. А довербата на работникот во синдикатот е основната движечка сила на една сидикална организација. Без тоа не би постоел синдикат, а и со оглед на се она што претрпел работникот во Македонија во овие 30-тина години, кој би можел и да го криви за тоа? И со таква нарушена доверба, со секојдневни притисоци од власта, секојдневни опструкции, клевети од полтронските квази-синдикати, дојде момент кога работникот веќе не може ни да преживее во Македонија, па овие идеалисти се решија на најрадикални чекори во синдикалното работење- протести и штрајкови. Тука веќе е вклучен црвениот аларм кај властите кои досега мирно си ја остваруваа својата агенда но и кај полтронските здруженија, засегнати од губење на своите позиции и фотељи заради своето неделување и дејство со кое ги уништија сите права на работникот. Од овој момент почнува вистинското “покажување на заби” од страна на власта и нејзините послушници.

Имено, и јавно и лично се изрекуваат закани, се најавуваат и спроведуваат откази, се објавуваат лажни вести, медиумите блиски до власта со цел свој потенцијал ги извртуваат фактите и вистините за вината за кризата да падне на грбот на синдикатите, се објавуваат лични навредливи и омаловажувачки информации за организатори и учесници на протести и штрајкови, па дури и синдикати се бришат од евиденции и им се забранува синдикалната дејност. Апсурд до апсурд. Ноторно кршење на законски права, извртување на вистината, непочитување на колективни договори и уште што не. Со една реченица, таква антикампања против синдикалното движење, небаре се работи за најголем државен непријател. Но и тоа не им успева до крај, многу од работниците и синдикалците повторно излегуваат на улица во потрага по своите права.

Во таа такаречи конфузија, полтронските здруженија увидувајќи дека немаат друг излез, во содејство и со амин од власта, предлагаат Соломонски решенија за работникот и што е најважно, враќање на некои права кои работникот ги загубил баш заради нивното неработење. Истовремено и синхронизирано со своите полтрони, власта врши невиден мобинг и притисок врз членството на синдикатите, до таа мера што се вклучени сите партиски и лични ботови за заканите да допрат до секој еден учесник во протестите и штрајковите. Буквална војна на власта со сопствениот работник!!!

Не секој ментален склоп може да го издржи сето тоа. Не секој семеен човек или воопшто човек, може да биде рамнодушен на толку многу закани како на професионално, така и на лично ниво. Тоа веќе е главната причина заради која не успеаа протестите. Синдикатите никаде не згрешија, синдикалците не потфрлија. Власта и полтронските здруженија, барем навидум и привремено, успеаа да си ги заштитат сопствените интереси. Ако власта имаше воља за решавање на наталожените проблеми, немаше да биде важна нити репрезентативност, нити политичка определеност, нити финансиски импликации, туку во овој период од 10-тина месеци ќе изнајдеше било какво решение кое не е популистичко, штетно, навредливо и потценувачко за работникот. Бидејќи работникот е основната движечка сила на еден систем, основната единица мерка за економијата, работникот е најважниот сегмент на било која државно уредување. Кога станува збор за работникот, треба да се води војна,да. Но војна во која ќе биде победник оној кој ќе успее најповеќе да го мотивира и награди за што тој би вратил со зголемена продуктивност. А не војна во која по секоја цена ќе се уништува вољата, желбата, мотивацијата на работникот, а и самиот работник како човек и идентитет.

Заради ваквото деструктивно, деградирачко, штетно и контрапродуктивно делување на власта во содејство со своите полтронски здруженија не успева и не просперира и самата држава, а не било какви протести или штрајкови!!!

Затоа утре ќе се случи сценарио, однапред договорено, се на штета на работникот а се со цел да се уништи неговата вистинска сила која ја има.

Работникот заслужува ДОСТОИНСТВЕНА ПЛАТА а не трошки кои утре ќе се бараат а најверојатно предвреме договорено да се добијат !

The post Синдикалната пролет не ги даде резултатите, каде и дали грешат синдикатите? appeared first on Република.

Владата ќе остане посветена на изнаоѓање решенија за сите прашања што ги отворија синдикатите, истакнува во интервју за МИА, премиерот Димитар Ковачевски.

Во врска со барањето на синдикатите за зголемување на платите, тој истакнува дека евентуалните мерки од фискалната политика „не смеат да влијаат негативно на монетарната политика и да предизвикаат инфлација“.

„Синдикатите бараат уште повеќе зголемување на платите. Ние нормално дека разговараме со нив, сите одлуки до сега беа носени низ социјалниот дијалог со синдикатите. Меѓутоа треба да ги имаме предвид сите аспекти на економијата, а ние сме во секојдневна комуникација и неделна координација со Народната банка, бидејќи не смееме да дозволиме одредени мерки коишто би се носеле од фискалната политика да влијаат негативно на монетарната политика и да ја подгреваат инфлацијата“, нагласува Ковачевски.

Тој потоа во разговорот со МИА потсетува за мерките кои биле досега преземени со цел ублажување на кризата.

„Јас знам дека нашите граѓани ја чувствуваат кризата, се работи за исклучително тешка економска криза. Ние сите ресурси ги имаме насочено кон справување со истата. Презедовме мерки за да ја одржуваме ликвидноста на компаниите и ликвидноста на енергетскиот сектор и како држава одлучивме 80 проценти од сметките за електрична енергија да ги субвенционираме, бидејќи сметаме дека не смее ценовниот шок да се прелее кај граѓаните. Само за споредба до колку не се тие мерки цената на електрична енергија, односно сметките за струја на граѓаните би биле за 2.150 денари повисоки, сметките за храна би биле повисоки за 1.500 денари месечно доколку не беа ограничувањата на маржите и намалувањето на ДДВ, а нафтените деривати би ги плаќале само основ на ДДВ, без намалувањето на акцизата, 300 денари повеќе и сметам дека граѓаните тоа го препознаваат“,вели Ковачевски.

The post Ковачевски: Разговараме со синдикатите, но потребно е решение кое нема да ја зголеми инфлацијата appeared first on Република.

Колку што треба да се инвестира во човечкиот капитал, толку треба да се прават и капитални инвестиции во установите, изјави министерката за култура Бисера Костадиновска-Стојчевска гостувајќи во „Утрински брифинг“.

Со репрезентативните синдикати од културата разговаравме за зголемувањето на платите во културниот сектор. Од нивна страна имаше предлог за кратење на капиталните инвестиции, но и за кратење на културната програма, нагласи Костадиновска-Стојчевска, додавајќи дека се во ред барањата на културните работници за раст на платите, но дека посакува солидарност во услови на кризите што ја зафатија државата.

The post Костадиновска-Стојчевска: Девет чувари биле пишани дека работеле во еден ист ден во музеј appeared first on Република.

Со протестен марш од паркингот кај хотелот „Вип“ до платото пред зградата на Владата Независниот синдикат за образование и наука (НСОН) и Независниот синдикат на полицијата (НСП) го искажаа барањето за усогласување на платите на вработените во секторите образование и полиција во пресметките со сега утврдениот повисок износ на минималната плата, согласно колективните договори. Никаде во регионот платите на вработените не се пониски од просечната плата во државата, беше речено на протестот и најавена е можноста да се инсталира камп пред Владата.

Претседателот на НСОН, Томислав Гиевски рече дека на протестот се појавија голем број на просветни работници револтирани поради нивната ниска потпросечна плата и поради начинот на кој што се одбегнува пресметката за плата повеќе од една деценија во секторот образование.

Ако во земјава сега минималната плата е утврдена на 18.000 денари, повикуваме и најавуваме во уште поголем број ќе излегуваме на протести доколку не се најде решениети просветниот работник да добие достоинствена плата согласно законите и согласно животниот стандард - рече Гиевски нагласувајќи дека очекува да се разбуди свеста кај Владата и дека платите конечно ќе се помрднат, потсетувајќи ја дека рокот што ѝ бил даден на Владата истекува денеска.

Можно е да се инсталира и камп за протестирање, кажаа присутните на протестот.

Почетната плата на наставник и на стручен соработник во секторот образование изнесува 24.800 денари, што е за околу 5.200 денари под моменталната просечна плата. Тоа е далеку под републичкиот просек и е недостоинствена плата за кадарот кој ги образува нашите деца - нагласи Гиевски и информира дека во регионот никаде платите на наставниците не се под просекот во државата.

The post Платите ни се мизерни, порачаа синдикатите во образованието и полицијата appeared first on Република.

По обелоденувањето на договорот за зголемување на минималната плата реагираа дел од синдикатите укажувајќи дека мора да се зголемат и останатите плати. Конфедерацијата на слободни синдикати остави простор до средината на март да се реши ова прашање, а во спротивно најави радикализирање на идните чекори.

За сабота предупредувачки протест веќе најавија независните синдикати на полицијата и на армијата кои бараат усогласување на платите во однос на новиот закон за минимална плата.

– Очекуваме дека оваа 2022 година после покачувањето на минималната плата од 15.174 денари на 18.000 денари, конечно Министерството за внатрешни работи ќе сфати дека усогласувањето на платата како што е предвидено од постоечките законски регулативи ќе го смета за вработените и со секое покачување на минималната плата ќе има и порамнување на платите. Не бараме ништо повеќе, бараме само почитување на законите кои се однесуваат за платите на вработените во полицијата, изјави вчера претседателот на Независниот синдикат на полицијата Гоце Делчев.

Доколку нема реакција од институциите по предупредувачкиот протест, од Независниот синдикат на професионални војници најавија дека војниците со шатори ќе протестираат пред Владата.

The post Синдикатитие со предупредување: Ако не се зголемат останатите плати следат протести appeared first on Република.