Синдикат на полиција во Македонија јавно ја дава својата безрезервна поддршка на министерот за внатрешни работи, Панче Тошковски.

Нивното соопштение го пренесуваме во продолжение:

Прв Министер за внатрешни работи кој јавно проговори за зголемување на професионалноста во Полицијата.

Прв Министер за внатрешни работи кој јавно проговори дека платите во МВР се на дното споредбено со другите професии.

Прв Министер за внатрешни работи кој јавно прозва дека професијата Полицаец е една од најпотценетите професии.

Прв Министер за внатрешни работи кој јавно призна дека за да имаме достоинствен полицаец истиот мора да има достоинствена плата.

Прв Министер за внатрешни работи кој јавно изјави дека е потребна итна реорганизација и промена на систематизацијата.

Министре Панче Тошковски, како Синдикат на полиција во Македонија поаѓајќи од фактот што токму за тоа се залагаме како Синдикат и од причина што јавно проговоривте за состојбата на платите во Полицијата дека се мали и недостоинствени, како Синдикат ЈА ДАВАМЕ БЕЗРЕЗЕРВНО НАШАТА ПОДРШКА.

Сметаме дека во иднина ќе останете доследен и за многу брзо време ќе почнете да го остварувате кажаното.

Уште еднаш се додека се борите за враќање на ПРОФЕСИОНАЛИЗМОТ ВО ПОЛИЦИЈАТА, ја имате нашата подршка.

The post СПМ: Прв пат во историјата имаме министер кој јавно проговори за малите плати во МВР, даваме безрезервна поддршка на Тошковски appeared first on Република.

Пораст на платите во приватниот и во јавниот сектор, минимална плата во износ од најмалку 450 евра во првите 100 дена од новата влада, исплата на трошоците за храна во висина од 20 проценти од просечната плата и исплата на трошоците за превоз, се дел од барањата што денеска Сојузот на синдикати ќе ги испорача на протестот организиран по повод Меѓународниот ден на трудот.

Синдикатот бара и ограничување на работата на определено време во исклучителни околности и на максимум една година, право на неработна сабота и зголемена контрола на прекувремената работа, намалување на полното работно време на 35-часовна работна недела и укинување на 72-часовната работна недела на стратешките проекти.

Протестот ќе почне пред Работничкиот дом, ќе продолжи пред Собранието и Стопанската комора и ќе заврши пред Владата.

Неколку години наназад протестите станаа заштитен знак на ССМ како начин на изразување на работничкото незадоволство од продолжувањето на практиката карактеристична за изминатиот период, а тоа е дека нашите социјални партнери, работодавачите и претставниците на законодавната и извршната власт немаат слух за проблемите на работниците и народот, туку единствено и исклучиво работат за своите интереси. Сведоци сме дека додека платите на работниците се зголемуваат минорно, со забавено темпо и несоодветно на инфлацијата и зголемените трошоци на живот или воопшто не се зголемуваат, функционерите си обезбедија пораст на платите од енормни и незаслужени 78 проценти, се наведува во Првомајскиот проглас на ССМ.

Оценка на ССМ е дека има зголемено кршење на работничките права, а новиот закон за работни односи не се носи веќе шест години, додека последнава година, како што посочуваат, воопшто не се работело на него, односно не биле одржани расправи за надминување на разликите во креирањето на законот меѓу социјалните партнери.

Од Синдикатот нагласуваат дека кај нив има над 10.000 обраќања за прекршени работнички права, а според ССМ, преседан е и тоа што измената на Законот за работни односи со која е воведена можноста за 72 часовна работна недела е направена без социјален дијалог и учество на ССМ како репрезентативен синдикат.

Според ССМ, атак на синдикализмот во државата е и пресудата на Врховниот суд со која после 18 години судски спор и повеќе од осум пресуди во корист на ССМ, се одзема Работничкиот дом.

На идната Влада, ние работниците и порачуваме дека партнерски треба да ги градиме меѓусебните односи со активно учество на синдикатите во креирањето на националните стратегии и политики и доследно почитување на работничките и граѓанските права, во спротивно ќе продолжи трендот на штрајкови и протести како единствен облик на синдикална борба за работничките права и интереси, се наведува во Промајскиот проглас на ССМ.

Меѓународниот ден на трудот се празнува секој 1 мај и е посветен на борбата за зачувување и унапредување на правата на работниците. Овој празник се одбележува во знак на почит кон жртвите на штрајкот што се одржал од 1 до 4 мај 1886 година во Чикаго, организиран со цел воведување на осумчасовен работен ден. Во знак на почит кон жртвите од штрајкот, Втората интернационала на Основачкиот конгрес во 1889 донесе декларација со која се повикуваат работниците од целиот свет на демонстрации на 1 мај со цел подобрување на својата положба.

Меѓународниот ден на трудот е државен празник во повеќе земји во светот. Во државава има статус на државен празник и до 2006 година се празнуваше два дена, а од 2007 година се празнува само на 1 мај.

The post Првомајски протест и барања до новата влада за Меѓународниот ден на трудот – 1 Мај appeared first on Република.

Со препорака на Државната комисија за спречување на корупција и подоцна со донесена одлука од страна на директорот на МКЦ, Арбен Шаќири, редовно ангажираните 30 лица по договор на дело остануваат без работа, со што се оневозможува понатамошното вршење на дејноста на Младинскиот културен центар Скопје, реагираа од Синдикатот на културата на Република Македонија (СКРМ).

Според синдикалците, одредени законски одредби или не се земени предвид, или истите погрешно се протолкувани, а кои треба да доведат до сосема поинаква препорака.

„Согласно Законот за буџетите, буџетот на единките корисници се состои од основен буџет, буџет на донации, буџет на заеми и буџет на самофинансирачки активности. Согласно Законот за сметководството за буџетите и буџетските корисници, признавањето на приходите и другите приливи, расходите и другите одливи содржани во главната книга на буџетите и на буџетските корисници се спроведува според сметководствено начело на парично искажување. Согласно член 18 став 4 од посочениот закон, приходи од член 18 став 1 од Законот за сметководството за буџетите и буџетските корисници се наплатените приходи остварени по видови и извори согласно со Законот за буџетите и Правилникот за класификација на приходите, како и приходите од самофинансирачки активности (сопствени приходи), приходи од кирии и закупнини, приходи од донации, приходи од кредити и позајмици и неданочни приходи“, соопштуваат од СКРМ.

Според нив, од овие законски одредби јасно произлегува дистинкцијата помеѓу доделените буџетски средства и приходите од самофинансирачки активности (сопствени приходи) со кои институцијата слободно може да располага заради остварување на своите активности и генерирање дополнителни приходи дури и по донесување на одлуката за распишување на избори, нешто кое, велат тие, го има вршено и МКЦ преку ангажирањето лица по договори за дело заради функционирањето на Киното Милениум, Планетариумот, Бифето и слично.

„Оттука, сметаме дека забраната за исплата на други исплати важи исклучиво за буџетските средства, а не и за располагањето со средствата обезбедени како сопствен приход“, нагласуваат од Синдикатот.

The post И во изборен процес треба да имаме живот и култура, реагира Синдикатот на култура appeared first on Република.

Синдикалната организација на Јавната установа Младински културен центар – МКЦ информира дека вчера се одржал состанок со цел да се најде решение на проблемот што настанал отако не им се продолжени договорите на триесетина повеќегодишни хонорарно ангажирани лица.

Синдикатот остварил правни консултации и ги информирал надлежните институции и органи и бара директорот на МКЦ да добие институционална препорака во која ќе се наведе дека хонорарците имаат право да бидат ангажирани и во изборниот период. Културата мора да продолжи, велат од сидикатот на МКЦ.

https://republika.mk/vesti/kultura/so-odluka-na-direktorot-beni-shakiri-od-mkts-otpushteni-30-honorartsi-zatvoreno-e-kafuleto-otkazhani-se-site-nastani-do-kraj-na-izborite/

На состанокот, вработените во ЈУ Младински културен центар како синдикална организација по консултација со правни лица, доставија барање до Државната комисија за спречување на корупција како најповикана институција, Градот Скопје, Министерството за култура, Советот на Град Скопје како и директорот и Управниот одбор на МКЦ со диференцијално толкување на спорниот член поради кој не беа продолжени договорите на хонорарно ангажираните лица во МКЦ, а поради кој е попречено нормалното функционирање на институцијата.

Синдикатот потсетува дека по препорака на Државната комисија за спречување на корупција за примена на член 8-а став 1 алинеја 3 од Изборниот законик, договорите на 30 лица кои беа хонорарно ангажирани Младинскиот културен центар Скопје не им се продолжени.

Со оглед на тоа дека со ваквата препорака и подоцна донесена одлука, редовно ангажираните 30 лица остануваат без работа и се оневозможува понатамошното вршење на дејноста на Младинскиот културен центар Скопје, должни сме да укажеме на одредени законски одредби кои или не се земени предвид или истите погрешно се протолкувани, а кои треба да доведат до сосема поинаква препорака“, наведува синдикатот на МКЦ во соопштението и го цитира тој дел од законот.

Согласно посочениот член 8-а став 1 алинеја 3 од Изборниот законик, изборот на претседател на Република Македонија, пратеници во Собранието на Република Македонија и изборот на Владата на Република Македонија согласно со резултатите од изборите, не може да се вршат исплаќања на плати, пензии, социјална помош или други исплати и материјални надоместоци од буџетски средства или од средства на јавните фондови кои не се редовни месечни исплати, односно сите едногодишни трансфери и исплати или еднократни трансфери од буџетски средства или од средства на јавни фондови ниту да се отуѓува државен капитал ниту да се потпишуваат колективни договори.

Меѓутоа, се нагласува понатаму, согласно Законот за буџетите, буџетот на единките корисници се состои од основен буџет, буџет на донации, буџет на заеми и буџет на самофинансирачки активности.

Согласно Законот за сметководството за буџетите и буџетските корисници, признавањето на приходите и другите приливи, расходите и другите одливи содржани во главната книга на буџетите и на буџетските корисници се спроведува според сметководствено начело на парично искажување. Согласно член 18 став 4 од посочениот закон, приходи од член 18 став 1 од Законот за сметководството за буџетите и буџетските корисници се наплатените приходи остварени по видови извори согласно со Законот за буџетите и Правилникот за класификација на приходите, како и приходите од самофинансирачки активности (сопствени приходи), приходи од кирии и закупнини, приходи од донации, приходи од кредити и позајмици и неданочни приходи.

Синдикатот потоа нагласува дека од овие законски одредби јасно произлегува дистинкцијата помеѓу доделените буџетски средства и приходите од самофинансирачки активности (сопствени приходи) со кои институцијата слободно може да располага заради остварување на своите активности и генерирање дополнителни приходи дури и по донесување на одлуката за распишување на избори, кое нешто го има вршено и Младинскиот културен центар преку ангажирањето лица по договори за дело заради функционирањето на киното Милениум, Планетариумот, бифето, програмата и слично.

„Оттука, сметаме дека забраната за исплата на други исплати важи исклучиво за буџетските средства, а не и за располагањето со средствата обезбедени како сопствен приход”, стои во барањето на Синдикалната организација на МКЦ доставена до надлежните институции, директорот и Управниот одбор на институцијата.

„Во барањето е наведен и фактот што одредбата со забрана за располагање на буџетски средства за време на изборниот процес е укината со Одлука на Уставниот суд на Република Македонија на 17.05.2017 година, каде меѓу другото, Уставниот суд вели дека законодавецот во ниту еден закон го нема дефинирано поимот ‘располагање со буџетски средства’. Законска дефиниција на поимот располагање со буџетски средства не е содржана ниту во Законот за буџетите, ниту во законите за извршување на буџетите што се донесуваат секоја година, ниту пак во други закони од финансиската област.

Од сето изнесено, јасно е дека со забраната за располагање со буџетски средства предвидена не е и не може да биде опфатено располагањето со сопствените приходи, вклучувајќи ги и исплатите од сопствени средства по договорите за дело за физички лица кои континуирано помагаат за вршење на сопствените активности на Младинскиот културен центар од многу поодамна.

Заради избегнување далекусежни последици по Младинскиот културен центар кои може да се рефлектираат како целосно замирање на културно – забавниот живот на градот, кратење на можноста за извршување на редовните активности и обезбедување средства од овие активности, како и обезбедување минимална егзистенција за физичките лица кои веќе повеќе години се ангажирани врз основа на договори за дело, Синдикалната организација на МКЦ испрати барање за нова препорака до директорот каде ќе биде наведено дека Младинскиот културен центар Скопје има право да ги користи средствата обезбедени од сопствени приходи согласно свое наоѓање, односно за континуирано вршење на сопствените програмски активности и за време на предизборието, затоа што животот и за време на избори сепак тече“, се вели во соопштението и се изразува надеж дека со итна реакција од повиканите и надлежни институции, ќе се врати нормалното функционирање на МКЦ.

https://republika.mk/vesti/kultura/shakiri-po-izborite-honorartsite-ke-se-vratat-vo-mkts/

The post Од сопствените средства на МКЦ можат да се исплатат договорите на хонорарците, велат од Синдикатот appeared first on Република.

Вработените во МКЦ денеска на состанок на синдикалната организација ќе бараат решение за престанокот на активностите, откако директорот Арбен Шаќири доби известување од ДКСК дека додека трае изборниот процес противзаконски е потпишувањето нови договори со кои ќе се оштети буџетот, објави Телма телевизија.

Според извори на телевизијата, ваквата одлука на Шаќири покажува дека тој нема искуство за функцијата што ја врши, зашто договорите кои се прекинати не се поврзани со користењето буџетските средства, туку се однесуваат на соработници кои преку работата остваруваат приходи за МКЦ и од нив се исплаќаат.

Целиот текст овде.

The post Вработените во МКЦ денеска на состанок на синдикалната организација ќе бараат решение за престанокот на активностите appeared first on Република.

Македонскиот дипломатски синдикат повторно најостро реагира против растечкиот тренд на разбивање на професионалноста и внатрешните регулативи во Министерството за надворешни работи.

„По скандалозните именувања на партиски кадри во текот на минатата недела на клучни позиции во дипломатската мрежа, денес се соочуваме со нов „дипломатски бисер“. Имено, за Генерален конзул во Мелбурн се предлага целосно анонимна личност, на која единствена квалификација, според медиумите, е дека била дел од безбедносниот тим на Премиерот Ковачевски.

И покрај обидите за прикривање на информацијата за назначувањето на Г-ѓа Елена Брајковска за Генерален конзул, користејќи креативни флоскули од типот „нема таква точка на отворената седница“ иако овие одлуки се носат на затворени седници, денес именуваната веќе ги собира потребните потписи во МНР пред отпочнување на подготвителните процедури за упатување.

Веќе укажавме, Македонскиот дипломатски синдикат бил и ќе продолжи да биде последниот бедем и механизам за зачувување на угледот и професионалните стандарди во дипломатската служба. Затоа повикуваме за итна ревизија на овие упатувања и враќање на дипломатските стандарди во државата. На крајот, сеуште чекаме на одговор од министерот Османи за фрагрантното кршење на Законот за надворешни работи при упатувањето на Г-нот Мухаби Синани како Генерален конзул во Њуjорк. Пред да го добиеме одговорот, упатуваме на целосно читање на Законот, односно да се обрне внимание на член 5, од истата измена која беше наведена како основ за ова упатување (Сл. Весник 226/2015) со која се додава нов член 35-а кој гласи:

Член 35-а
Најмалку една третина од вкупниот број на шефови на дипломатско-конзуларни претставништва се именуваат од редот на дипломатско-конзуларните службеници со високи дипломатски звања во Министерството.

Со оглед на ова, прашуваме кое е дипломатското звање на Синани и дали се крши Законот за надворешни работи?“, се вели во реакцијата на Македонскиот дипломатски синдикат.

The post Македонски дипломатски синдикат: Нов „дипломатски бисер“, за Генерален конзул во Мелбурн се предлага целосно анонимна личност appeared first on Република.

Изјава на Миќо Стојановски, претседател на Синдикатот на вработените во ЈСП Скопје, кои од 9 часот изутринава стапија во штрајк поради неисплатена плата за декември. Членовите на Синдикатот ред просториите на град Скопје ќе го чекаат исходот од вонредната сендица на Советот на град Скопје, за исплата на субвенциите на ЈСП за декември, од што зависи дали ќе се нормализира одвивањето на јавниот градски превоз.

The post ВО ЖИВО: Изјава на претседателот на Синдикатот на вработените во ЈСП Скопје appeared first on Република.

Самостојниот синдикат на работници во здравството и социјална заштита од Република Српска даде поддршка за Независниот синдикат на здравствени работници при Конфедерацијата на синдикалните организации на Македонија (КСОМ).

Со поддршката изразена на социјалните мрежи, тие потсетуваат на некои од барањата на Независниот синдикат на здравствени работници - нов колективен договор, зголемување на платите за 30 отсто, бенефициран работен стаж, трансформација на работниот договор и зголемување на надоместокот во поглед на работата на местата со зголемен ризик - инфекции.

Националниот координатор на Независниот синдикат на здравствени работници, Боби Бојчевски повтори дека добро е што ќе има нови 1.117 вработувања во здравствениот сектор, но, предност да имаат тие кои работеле со години под договор на дело.

Бидејќи законот за трансформација веќе не постоел, ние и вработените што подолго работат со договор на дело, се плашиме, на јавните огласи, да не влезат на работа сосема други луѓе од надвор, наместо овие, кои со години работеле со договор на дело. Затоа, освен основните барања во конкурсот, диплома и лекарско, замолуваме до министерот, да има услов од доказ за работно ангажирање од над три или четири години за да не се вработуваат без искуство, кога веќе има луѓе со искуство, нагласи Бојчевски кон крајот на декември.

The post Синдикат од Република Српска со поддршка за Независниот синдикат на здравствени работници при КСОМ appeared first on Република.

Министерот за внатрешни работи Оливер Спасовски, го потценува и не го почитува работното искуство на професионалците во МВР, а тоа е така бидејќи како партиско подобен за началник во Сообраќајна Полиција при СВР Скопје го поставил шоферот на поранешниот премиер - Зоран Заев, обвинува синдикатот на полицијата.

Имено ваквиот „избран кадар” не може да се случи во транспарентна постапка, туку само кога функционира тесно партиска и фамилијарна линија преку давање предност како и во овој случај кога е дадена поради спрегата помеѓу возач со поранешен премиер и воедно зет за ќерка на поранешниот директор на БЈБ - Лазе Велковски, пишуваат тие на Фејсбук.

Оттаму, тие го прашуваат Спасовски дали послушните партизирани комисии за унапредување и распоредување и ноќе работат ама со посебен терк од оној законскиот и дали се функционира на пример од кога ќе им се јави моќен функционер веднаш истите се должни да постапат по желби и амбиции на шофери и зетовци, а кој во МВР со функции се стекнуваат од само по некоја година работен стаж и без доволно работно искуство од позиција (помлад полицаец).

Бараме од Министерот за внатрешни работи да ни одговори, како стана началник на Сообраќајна Полиција во Скопје, (зетот) од скандалот со службено возило со кое се возеше ќерката на директорот на одмор во Грција (Евридики) и дали тој знае кој беше Возачот.

Непријатно е секојдневно да се слушаат обвинувања како кога се критикува полицијата за слободно шетање на криминалци со украдени возила низ центарот на Скопје, и по кое освен за ова сега и се повлекуваат многу други прашања од поради поставени неискусни избрани партиско подобни кадри, и кои секој може да ги види како по притискање на дугме истите функционираат, од бидејќи и се согледува кога по потреба и се активираат само кога некој друг тоа ќе го посака.

Да го потсетиме исто така врвното раководство на МВР, постојат законски постапки кои треба да бидат исполнети а кои шоферот/ зетот ги нема исполнето.

Понижувачки е за сите вработени да се гледа како се назначуваат и унапредуваат преку ноќ вакви кадри и во областа од безбедност на патниот сообраќај а кои како партиски послушници и самите незнаат што да работат, и кое се виде додека им се движат со украдени возила криминалци по центарот на Скопје!

Министерот Оливер Спасовски ветуваше професионализација на полицијата, но праксата да се унапредуваат лица без да ги исполнуваат условите кои ги налагаат систематизацијата и законите продолжува, стои во објавата на Синдикатот.

The post Синдикатот обвинува за вртоглав успех: Од шофер на Заев до началник на сообраќајна полиција appeared first on Република.

Македонија се наоѓа во тешка економска состојба со низок раст на стопанството и зголемени цени на производите и услугите. Од друга страна, македонските граѓани одвај успеваат да поминат месецот и да врзат крај со крај, платите им се ниски цените високи така што нивната куповна моќ е сериозно намалена. Тоа значи дека најголемиот процент од македонските граѓани со нивните пати не може да си ја дозволат синдикалната кошница со основни намирници услуги за нормално функционирање на нивните семејства.

Просечниот македонски граѓанин се повеќе осиромашува, и покрај тврдењата на властите дека ги покачува платите и дека ја зголемува нивата куповната моќ, а тоа може да се види секојдневно на улиците и според турканиците во нискобуџетните продажни места, односно маркетите. Ако некогаш тие продажни места беа резервирани само за пензионерите кои поради ниските износи на пензии можеа да си дозволат само таму да пазаруваат, сега таму може да се забележат и купувачи од таканаречената „средна класа“, за која прашање е и дали воопшто постои во Македонија.

Дека е тоа така, може да се види од секојдневните протести на разни синдикати и здруженија на граѓани кои изминатиов период го кренаа гласит и го изразија нивниот револт поради ниските примања.

Низ целиот летен период, наместо на имаат финансиски можности да одат на одмор, пензионерите во сите македонски градови го поминаа на улици протестирајќи, кои сеуште протестираат, барајќи линеарно покачување на пензиите за да можат да ги покријат основните месечни трошоци. Но, и покрај секојдневните барања и апели на пензионерите за повисоки пензии, нивните барања наидоа на глуви уши. Власта, како и за сите други кои бараат повисоки примања, се однесува како да не постојат.

Најтрагичен беше протестот на пензионерите во Штип, каде што тие со празни тегли го изразија својот револт, велејќи дека толку можеле да направат со пензиите кои ги добиле во септември месец.

Незадоволни од примањата се и вработените во судско обвинителската администрација, кои својот револт го изразуваат не само во форма на протест, туку сега веќе е во форма на штрајк, што значи дека ќе трпи целиот работен процес, а тие ќе обработуваат само итни предмети.

Протестираа и здравствените работници кои барат зголемување на платите за 30 проценти на докторите, медицинскиот персонал, јавната администрација во здравствените установи и на техничкиот персонал. Денеска пред Министерството за здравство пак, ќе протестира Независниот синдикат на здравствените работници со повторно барање за поголеми плати.

Административците бараат поголеми плати. Револтот кај нив се појави откако пролетва за 78% се зголемија платите на функционерите по одлуката на Уставниот суд, а дополнително ескалираше кога премиерот Ковачевски најави дека нема да се намалуваат функционерските плати, бидејќи според законот, примањата на судиите, обвинителите и правниците не смеат да се коригираат надолу.

Ако до сега протестирањата биле поединечни и секоја институција поединечно, преку своите синдикати, ги изразуваше нивното незадоволство и револт, како и барањата за покачување на платите, денеска тоа добива нова форма и денеска на голем протест пред Собранието излегуваат вработените од судската и обвинителската администрација, Фондот за здравство и Народниот правобранител.

Вработените во Народниот правобранител пак, прв пат излегоа на протест во вторникот со барање за поголеми плати. Истакнаа дека имаат голем обем на работа, а нивните месечни примања во моментов заостануваат во однос на останатите независни регулаторни тела.

И додека синдикатите се на улица, слободно може да се констатира дека владата уво не ја боли, а премиерот Димитар Ковачевски си шета по регионот и светот. И не само тоа, додека македонските граѓани мака мачат да го поминат месецот, Ковачевски се весели по кафеани во регионот и пеејќи, ги забавува гостите, како што беше примерот од пред недела дена во Србија, каде што видно расположен, без никаква грижа за состојбите во Македонија, со чаша вино во рацете им пееше на гостите во српската кафеана во друштво на српскиот премиер Александар Вучиќ.

The post Владата уво не ја боли – Синдикатите на улица, Ковачевски по кафани appeared first on Република.

Струковиот синдикат на контролори на летање (ССКЛ) е повикан на средба во Министерството за транспорт и врски попладне во 17 часот, заедно со директорите на Македонска навигација М-НАВ, потврди за МИА претседателот на ССКЛ Александар Тасевски.

Средбата е во пресрет на штрајкот што Синдикатот го најави за утре од 11 до 17 часот, а во тек на кој нема да ги опслужува полетувањата и слетувањата на Меѓународниот аеродром Скопје и Аеродромот „Св. Апостол Павле“ во Охрид, додека услугите за прелетите над македонското небо ќе бидат намалени за половина од редовните.

-Од страна на двајцата нови директори има потполна поддршка и разбирање со желба да се надминат проблемите во насока на прифаќање на нашите барања, но претседателот на УО на М-НАВ Фахрудин Хамиди кој е единствен останат од претходната раководна структура, ги „поматува“ и нашите и желбите на другите двајца директори, изјави Тасевски за МИА.

Откако Синдикатот го најави штрајкот поради, како што информираше, „непрофесионално однесување од директорите во однос на вработувањата и внатрешните прераспоредувања, несоодветните услови за работа и опрема“, од М-НАВ ги отфрлија тврдењата, но завчера се одржа средба, но без позитивен исход.

Според Тасевски, и покрај ветувањата од директорите за нивните барања по средбата добиле текст кој не соодвестувал со договореното, а според М-НАВ, како што кажаа од Службата за односи со медиуми, останува Синдикатот да го потпише записникот од средбата, бидејќи раководството ги исполнило поставените барања.

Клучните барања на Синдикатот се во однос на постапките за вработување, бараат да нема вработувања на друг кадар освен контролори на летање и инженери и техничари, се додека не се направи нова систематизација што ќе биде базирана врз резултатите од студијата што ќе ја подготви консултантска фирма за што се потребни пет до шест месеци.

Струковиот синдикат на контролори на летање доби поддршка за штрајкот и од Здружението на контролори на летање.

The post Синдикатот на контролори на летање попладне на средба во Министерството за транспорт пред утрешниот штрајк appeared first on Република.

Струковиот синдикат на контролори на летање (ССКЛ) останува на претходно донесената одлука за реализација на штрајк утре од 11 до 17 часот и не се точни информациите дека штрајкот е ставен во мирување, информира во пишана изјава претседателот на ССКЛ Александар Тасевски.

Во тек штрајкот што ССКЛ го најави поради „непрофесионално однесување од директорите во однос на вработувањата и внатрешните прераспоредувања, несоодветните услови за работа и опрема“ во најавениот термин нема да се опслужуваат воздухоплови на Меѓународниот аеродорм Скопје и Аеродромот „Св. Апостол Павле“ во Охрид.

Тасевски укажува дека дезинформациите за наводна постигна спогодба поради која се става штрајкот во мирување ќе ги доведат во забуна патниците и авиокомпаниите, како и непотребен хаос при планирањето на летовите.

-Информациите кои беа испратени во текот на вчерашниот ден од страна на УО на М-НАВ, како што известија одредени медиуми, дека се прифатени барањата на ССКЛ и дека е постигната спогодба поради која се става најавениот штрајк за 12.10.2023 година во период од 11ч до 17 часот во мирување се тотална невистинити и дезинформација на јавноста која не само што ги доведува во забуна сите патници кои го планирале своето патување во текот на утрешниот ден, туку ги доведува во забуна и авиокомпаниите, а што дополнително ќе резултира со непотребен хаос поради неможност соодветно да ги испланираат засегнатите летови, наведува Тасевски.

Во УО на М-НАВ, според него, владее разединување од причина што, како што тврди „новите двајца директори кои се поставени во последните два-три месеци и го затекнаа хаосот кој е од поодамна, наспроти претседателот на УО на М-НАВ кој продолжува по стариот пат генерирајќи проблеми и за фирмата но и за новите директори“.

Додека едниве ни ветуваат професионализам и подобрување на состојбата во М-НАВ, претседателот на М-НАВ Фахрудин Хамиди, доставува нови барања за вработување на непотребни лица, во служби во кои веќе има превработеност, а се тоа позади грбот на останатите двајца директори кои на состанокот кој што беше одржан на 09.10.2023 година се изјаснија дека не се запознати со таквите барања за вработување, наведува Тасевски.

Тој и вчера во изјава за МИА рече дека нема промена во одлуката за штрајк и оти по завчерашната средба со УО ветувањата од директорите резултирале со текст кој не соодвестувал со договореното.

Доколку не го променат како договорни обврски кои ги преземаат и се согласуваат да ги реализираат, остануваме на одлуката за штрајк во четврток, рече Тасевски.

Од М-НАВ, пак, рекоа дека останува Синдикатот да ја каже дефинитивната одлука и да го потпише записникот од средбата , бидејќи раководството ги исполнило поставените барања.

Договорено е роковите за пријавување кандидати за вработување да траат миниум 10 работни дена и соодветно да бидат информирани и членовите на синдикалните претставници, како и дека ќе се даде приоритет на неопходни вработувања на оперативниот персонал, како контролири на летање, инженери и техничари. Исто така, договорено е да се зголеми сумата за јавната набавка за консултантски услуги за анализа на систематизација на работните места, а рокот за пријавување да биде 15 работни дена. Исполнети се и барањата за реновирање на просториите на М-НАВ, односно да бидат активно вклучени во активностите, како и да се забрза целиот процес за отпочнување на тендерската постапка за што е издаден налог на вработените од секторот за воздухопловна навигација и Секторот за воздухопловна техника да изготват техничка спецификација. Проблемот со водоснабдувањето веќе е саниран, а преземени се дополнителни мерки за конечно решавање, изјавија за МИА од Секторот за односи со јавност во М-НАВ.

Струковиот синдикат на контролори на летање доби поддршка за штрајкот и од Здружението на контролори на летање.

The post Синдикат на контролори на летање: Штрајкот не е ставен во мирување, да не се доведуваат во забуна патниците и авиокомпаниите appeared first on Република.

Независниот синдикат на здравствените работници бара покачување на платата на здравствените работници за 30 проценти, нов колективен договор, бенефициран стаж на вработените во итна медицинска помош, рендген и психијатриските болници, додатокот за инфекција да се зголеми на 4 проценти и итна трансформација на договорите од определено, на неопределено време.

Националниот координатор на Независниот синдикат на здравствените работници при Конфедерација на синдикалните организации на Македонија (КСОМ), Боби Бојчевски, на прес-конференција посочи дека се во контакт со останатите синдикати од здравство за организирање протест и доколку по 20 септември нема одговор на нивните барања, ќе излезат на улица.

Здравствените работници се донесени на маргините на живеење и едноставно се дискриминирани. Здравството е дојдено на последната скалила на живеење. Затоа ќе повикаме сите заедно, сите сплотено да излеземе да си ги побараме правата за нормален живот во оваа држава. Повторно ќе пратиме известување до министерство и влада, ако нема одговор, не останува ништо друго, туку на улица, изјави Бојчевски.

Тој истакна дека просечната плата на околу 25 илјади здравствени работници во земјава е под просечната во државата, посочувајќи дека почетната платата на здравствените работници е 20 700, на докторите е од 32 до 35 илјади, а специјалистите максимум до 45 илјади.

„Белите мантили“ се со крај на трпение. „Белите мантили“ излегуваат на улица, нагласи Бојчевски.

Според него, не постоел полош колективен договор од моменталниот во здравството. Независниот синдикат има околу 2 500 членови и бараат да бидат присутни на разговорите.

На новинарско прашање дали Синдикатот ги поддржува протестите за Онкологија, Бојчевски изјави дека тие како Независен синдикат ги поддржуваат протестите, нагласувајќи дека и тој лично и други биле на протестите.

Утрешниот протест, исто така, го поддржуваме. Не може еден здравствен профитер, тие 10, 20, 30 луѓе да ги црнат другите 25 илјади вработени во здравствениот систем. Ние го осудуваме случајот, ги поддржуваме протестите и лично ќе бидеме присутни, изјави Бојчевски.

The post Здравствените работници бараат 30 проценти покачување на платите, во спротивно најавуваат излегување на улица и протести appeared first on Република.

Синдикатот на Медиумски Информативни Агенции (СМИА) го потсетува премиерот Димитар Ковачевски на ветувањето дадено во неодамнешното интервју за Медиумската информативна агенција (МИА) дека барањето за зголемување на платите на вработените ќе биде ставено на дневен ред на владина седница.

Во интервјуто дадено на 6 август, премиерот нагласува дека исклучително ја цени улогата и значењето на државната МИА и дека очекува прашањето за усогласувањето на платите на вработените да се реши брзо, на некоја од наредните владини седници. Од тие причини, бараме на следната седница, Владата да ја разгледа и и да ја усвои точката за зголемување на бодот и дополнително да се усогласи со покачувањето според Општиот колективен договор (ОКД), наведува во соопштение СМИА.

Барањето на менаџментот на МИА е покачувањето на бодот да биде 16,7 проценти, а синдикатот бара зголемување за 30 проценти како што тоа е направено во Министерството за финансии, Управата за јавни приходи, Царината.... Ваквото барање, посочува синдикатот, се темели на фактот што поради потпросечните плати, Агенцијата се соочува со одлив на кадар.

Синдикатот потсетува дека за барањето не се потребни дополнителни финансиски средства од Буџетот на државата бидејќи средствата се обезбедени во Буџетот на МИА.

Како Агенција која еден дел од средствата ги обезбедува од Буџетот, а согласно потпишаниот Општ колективен договор за јавен сектор, Би сакале да потсетиме и на одредбите од ОКД дека за вработените во јавниот сектор во септември ќе има зголемување на платите за 10 проценти, посочуваат од СМИА.

The post Барањето за зголемување на платите на вработените во МИА да биде ставено на владина седница, бара СМИА appeared first on Република.

Независниот синдикат на пожарникари укажува на недостатокот на професионални пожарникари во територијалните противпожарни единици во земјава. Оттаму посочуваат дека не е запазен законскиот минимум и просечната старост на вработените е околу 48 години.

Состојбата е алармантна имајќи предвид дека пополнетоста на единиците е некаде на 50 проценти од законскиот минимум, додека просечната старост на вработените во повеќе единици изнесува околу 48 што укажува на фактот дека ако ова прашање не се реши набрзо, некои од единиците во наредните 5 години ќе останат без соодветен кадар кој како поискусен би требало да ги едуцира во работата новите колеги, велат од Синдикатот.

Хроничниот недостаток на вработените, според Синдикатот, сериозно влијае врз квалитетот на извршување на акциите на спасување на животи и имот на граѓаните и претставува опасност по безбедноста и здравјето на пожарникарите кои се обидуваат да го надоместат недостатокот на персонал.

Доведени сме во ситуација ова обраќање да биде апел, односно директна замолница до Владата и другите надлежни институции ургентно да започнат со решавање на овој проблем, пред да биде доцна, се наведува во соопштението од Синдикатот.

The post Независниот синдикат на пожарникари бара вработување на нов кадар appeared first on Република.

Независниот синдикат на пожарникари укажува на недостатокот на професионални пожарникари во територијалните противпожарни единици во земјава. Оттаму посочуваат дека не е запазен законскиот минимум и просечната старост на вработените е околу 48 години.

Состојбата е алармантна имајќи предвид дека пополнетоста на единиците е некаде на 50 проценти од законскиот минимум, додека просечната старост на вработените во повеќе единици изнесува околу 48 што укажува на фактот дека ако ова прашање не се реши набрзо, некои од единиците во наредните 5 години ќе останат без соодветен кадар кој како поискусен би требало да ги едуцира во работата новите колеги, велат од Синдикатот.

Хроничниот недостаток на вработените, според Синдикатот, сериозно влијае врз квалитетот на извршување на акциите на спасување на животи и имот на граѓаните и претставува опасност по безбедноста и здравјето на пожарникарите кои се обидуваат да го надоместат недостатокот на персонал.

Доведени сме во ситуација ова обраќање да биде апел, односно директна замолница до Владата и другите надлежни институции ургентно да започнат со решавање на овој проблем, пред да биде доцна, се наведува во соопштението од Синдикатот.

The post Независниот синдикат на пожарникари бара вработување на нов кадар appeared first on Република.

За време на пресот што го одржа независниот синдикат на геријатрија пред министерството за информатичко општество и администрација се случи физички напад врз претседателот на независниот синдикат на полицијата Гоце Делчев од страна на Александра Дуковска која се представува како новинар, објави Телевизија 24. 

https://youtu.be/JYZwp9MKnQ4

Со зборовите кој си ти зошто ме следиш јас сум новинар кој си ти започа вербалната расправија по што прерасна во физички напад.

По инцидентот претседателот на независниот синдикат на полицијата постира на социјалните мрежи статус во кој вели:

Додека во цел свет НОВИНАРИТЕ се тие што се напаѓани, во Макдеонија Агресивна новинарка го нападна претседателот на независниот синдикат на полицијата. Го губи ли некој трпението и со физички напад се обидува да го заплашат независното синдикално постоење – пишува во статусот на фејсбук.

Самостојниот синдикат на новинари и здружението на новинари на Македонија порачаа дека треба да има нулта толеранција за секаков вид на насилство.

По повод денешниот инцидент во рамки на настанот на полициските синдикати ЗНМ заедно со ССНМ остро го осудуваат секој вид на насилство од која страна и да доаѓа. Повикуваме на смиреност на страстите, јавноста ја замолуваме да се воздржи од коментари и реакции и бараме проблемот да се реши институционално!

Ова не е прв испад на Дуковска пред некој ден влезе во вербална расправија и со министерот за економија Крешник Бектеши во владиниот медиа центар.После денешниот инцидент ја прашавме владата дали на Дуковска ќе и биде одземена акредитацијата за влез во Влада но не добивме одговор.

Од МВР пак велат дека инцидентот е регистриран кај нив, но не кажуваат дали и за што ќе се терети Дуковска во случајов. Инаку Дуковска беше меѓу приведените во собранието на 27 април кога толпа луѓе од протестите влегоа во законодавниот дом.

The post Новинарката што се скара со Бектеши физички го нападна претседателот на независниот полициски синдикат за време на прес конференција appeared first on Република.

Независниот синдикат на полицијата бара МВР да исплаќа надомест за прекувремената работа, а исто така обвинува дека се вршат прераспределување без да се внимава на постапката. За зголемувањето на платите, велат дека е недоволно.

Во МВР има вработено околу 11.500 вработени, а во последните пет години од страна на вработените против Министерството се покренати преку 16.000 судски постапки. Ова е така затоа што Министерството останало глуво со години на барањата на Независниот синдикат на полицијата, и понатаму не ја исплаќа хранарината за работата ноќе, не ја исплаќа минималната плата, прави погрешна пресметка во прекувремените часови, не уплаќа колективно здравствено осигурување што има обврска да го уплаќа…, изјави Мартин Ефремов на денешната прес-конференција на Независниот синдикат на полицијата.

Според него, втор суштински проблем во МВР што повторно се провлекува е проблемот со распоредувањето и унапредувањето на кадрите во Министерството.

The post Независен синдикат на полицијата бара исплата на парите за прекувремена работа appeared first on Република.

Со августовската плата да има усогласување со минималната, инаку можни се и протести, ова го истакна денеска на прес-конференција, претседателот на Синдикатот на Клинички центар, Предраг Серафимовски.

На иницијатива на министерот пред околу десетина дена, на состанокот во неговиот кабинет, се формира работна група за усогласување на платите. Според минималната плата, никој во државата не смее да има под минимална плата, 20.175 денари, кај нас тоа не е така. До четврта група на сложеност, луѓето кај нас, тие кои се најзагрозени групи, добиваат од 15.900 до некаде 17-18.000 плата. Тоа, според закон, е кривично дело - изјави Серафимовски.

Министерот за здравство Фатмир Меџити, како што додаде Серафимовски, им пружил поддршка.

Кажа дека пред стартот, во септември што ќе биде, 10 отсто покачување за јавниот сектор, за здравство, ќе се заложи да обезбеди финансии за никој да не стартува под минимална плата. Ние на таа работна група, заедно со претставници, експерти од фондот за здравство, од ССМ и наши претставници, ги усогласивме барањата, пуштени се уште во петокот, лично до министерот за здравство, до Фондот, до финансискиот директор на Фондот, Миле Сугарев и до ССМ. Ние бараме со августовската плата да се изврши тоа усогласување со минималната. Доколку тоа не се реши, пред покачувањето најавено во септември, ние ќе почнеме да ги користиме сите законски акти и прописи, тоа значи дека може да има приватни и колективни тужби до Фондот за здравство и до Министерството за здравство, а во согласност со членството, со консултации, може да почнат и протестите - нагласи Серафимовски.

Доктор Нико Беќаровски рече дека, „со оглед дека по една иницијатива што поттикна од лекарите како резултат на екстремното незадоволство, што беше наталожено во текот на изминативе месеци поради одлуките што се носеа, како што знаете, се формираше иницијативен одбор за формирање на нов лекарски синдикат“.

Кај колегиве што се од Синдикатот на Клинички центар наидовме на разбирање и совпаѓање на најголем дел од иницијативите што ние ги предложивме како независен иницијативен одбор, така што, се договоривме за заедничка соработка. Се договоривме во склоп на постоечкиот синдикат да се формира, да се до-екипира т.н. „докторски одбор“, којшто понатаму ќе го носи името „Докторски одбор Хипократ“, каде ќе бидат вклучени сите членови, членовите кои што ќе изразат желба од иницијативниот одбор за формирање на независниот лекарски синдикат - појасни Беќаровски.

Тој, исто така, се осврна на платите во здравството.

Се дискутираше многу и околу дел на надлежностите што припаѓаат реално на Лекарската комора, Македонското лекарско друштво и Комората на сестри. За жал, во изминатиот период, посебно ние како лекари, дипломираните сестри се крајно незадоволни од нивната активност, така што се договоривме заедно со синдикатот, во најкраток период, некаде до почеток на септември, да се организира заеднички состанок со Лекарската комора, со Комората на сестри и со Македонското лекарско друштво, каде сите овие проблеми за што, ние, како иницијативен одбор, веќе пишувавме да се стават на маса, еднаш засекогаш да се разрешат. Да не биде волја на директорот дали нечие образование ќе биде признато или не, туку да постои автоматизам, како што постои во сите останати држави - рече тој.

Се зборувало и околу нивелирање на коефициентите.

Во моментов, ако ги споредиме коефициентиве што се на пример кај еден судија и кај еден доктор, заостануваме два до два и пол пати во однос на нивните плати. Прашуваме дали на оваа држава ѝ требаат само судии коишто ја вршат работата така како што ја вршат, или им требаат и лекари, додаде меѓу другото Беќаровски.

Според него, ако се нашле пари за судиите и функционерите, би требало да се најдат и за здравство.

Ако и овој пат повторно бидеме изиграни, на крај приказната ќе биде, сите коишто створиле некое име во државава, ќе преминеме во приватното здравство. Сите имаме понуди, секој момент можеме да преидеме, а младиве колеги ќе ја напуштат државата - подвлече Беќаровски.

Тој ја поздрави идејата, без согласност од Министерство за финансии да може да се потполнуваат испразнети места во здравството, нешто што Меџити го најави во вторникот на прес-конференција.

Тоа е добра идеја и ја поздравуваме, затоа што конкретно на мојата клиника, од 60 и нешто вработени во моментот, 17 се волонтери. Ако ја напуштат клиниката, токсиколошка лабораторија, државава ќе нема. Каде што има потреба, меѓутоа да се остави изборот на кадар да го направиме ние. Тоа да не значи, „утре ќе распишеме конкурси, ама од разни штабови ќе ви ги пратиме луѓето кои ќе бидат примени“. Со тоа, ќе направиме уште поголема грешка и уште поголемо трупање на персонал - нагласи Беќаровски.

The post Серафимовски: Со августовската плата да има усогласување со минималната, инаку можни се протести appeared first on Република.

Синдикатите и Владата денеска постигнаа договор за зголемување на платите и за методологијата за раст на платите во јавниот сектор. Платите во јавниот сектор од 1 септември ќе бидат зголемени за 10 отсто, а вработените ќе добијат 10.000 К-15.

Министерката за труд и социјална политика Јованка Тренчевска изјави дека е постигнат договор за потпишување на општиот колективен договор и за сите оние спорни прашања кои со месеци се разговараат со претствниците на синдикатите.

Договоривме дека новата методологија за прсметка на плати за вработените во јавниот сектор ќе започне од март 2025 година. Со сeптемвриската плата во 2023 година ќе биде покачувањето од 10 проценти на платите во јавниот сектор, К-15 до крајот на декември 2023 година во висина од 10.000 денари, а во општиот колективен договор ќе стои одредба за исплатата на К-15 од 2024 година да биде најмалку 30 проценти од висината на просечната плата во изминатата година, вели Тренечевска.

Работната група по интензивни средби и разговори денеска во Министерството за финансии го дефинираше моделот за раст на платите на вработените во јавната администрација.

Постигнато е системско и одржливо решение за пораст на платите за вработените во јавниот сектор. Предлогот, кој заеднички го утврдивме, со претставници на синдикатите, ќе биде доставен до Економско-социјалниот совет, кој на седница, која ќе се одржи наредните денови, треба да се потврди, истакна министерот Фатмир Бесими, кој заедно со вицепремиерот за економски прашања Фатмир Битиќи и министерката за труд и социјална политика Јована Тренчевска беа дел од работната група.

Како што додаде решението ги штити интересите на работниците, стандардот, но и истовремено ја следи продуктивноста на домашната економија.

Најзначајно е дека станува збор за решение постигнато преку дијалог, во кој градиме меѓусебна доверба, решение кое воспоставува систем на долг рок и гарантира раст на платите на сите вработените во јавниот сектор и заштита на стандардот на граѓаните, потенцира министерот Бесими.

Покрај 10% раст на платите од септември, во разговорите постигнато е и воведување нова методологија на плати со коефициент според просечната бруто плата од март 2025 година. Исто така, е договорено регресот за годишен одмор да се исплати во износ од 10.000 денари нето за 2023 година, а од 2024 година па понатаму договорено е во општиот колективен договор тој да изнесува најмалку 30% од просечната нето-плата.

Со цел имплементација на договореното во септември ќе се пристапи кон ребаланс на Буџетот.

Дијалогот за раст на платите се води во рамки на Економско-социјалниот совет, каде во изминатиот период на дневен ред беше потпишувањето Општ колективен договор за сите вработени во јавниот сектор, со цел да се воспостави системско решение кое ќе важи за сите подеднакво.

The post Платите во јавниот сектор во септември ќе се зголемат за 10 отсто, постигнат е договор меѓу Синдикатите и Владата appeared first on Република.