За физички напад е обвинет 47-годишен маж од Минхен, откако со дрвена палка го претепал силувачот на својата 19-годишна ќерка.

Девојката била во пријателски односи со 37-годишникот неколку недели, како што пишува Билд. Кога ја поминале ноќта во станот на една од пријателките на мажот, тој наводно ја силувал и ја претепал. Наредното утро 19-годишната девојка успеала да побегне од станот, но мажот ја следел и ѝ се заканил со нож на улица.

Таа во паника му се јавила на својот татко кој живеел недалеку од населбата во која сѐ се случувало. Истиот четврток наутро, тој се возел со својот автомобил до квартот Берг ам Лаим и ја алармирал полицијата на пат до местото каде што го повикала неговата ќерка.

Кога стигнало до средба на таткото и силувачот на Креилерштрасе, ситуацијата ескалирала.

При оваа расправија, 47-годишникот неколку пати го удрил 37-годишниот со дрвената палка што ја носел“, соопшти полицијата.

The post Во Минхен: Татко со палка го претепал силувачот на 19-годишната ќерка appeared first on Република.

Полициски службеници од Оперативниот тим за потраги при СВР Скопје, на улицата „Лисец“ во Скопје, го лишиле од слобода С.М.(27) од Скопје.

Како што информираат од Министерството за внатрешни работи, тој бил осуден на затвор од 20 години за сторени кривични дела по член 186 (силување) и член 236 (тешка кражба) од Кривичниот законик, а бил баран со централна потерница а доиздржување на шест години и два месеци од казната.

Лицето ќе биде спроведено во казнено-поправната установа за доиздржување на казната.

The post Силувач од Скопје осуден на 20 години затвор фатен во Лисиче appeared first on Република.

Њујоршката порота го прогласи режисерот и сценарист награден со Оскар, Пол Хагис, одговорен за силување на публицистка во неговиот стан на Менхетен во 2013 година.

Судот му наложи плаќање на 7,5 милиони долари отштета во граѓанската постапка.

Пресудата е донесена по 15-дневното судење на државниот суд на Менхетен. Хејли Брист навела во тужбата од 2017 година дека Хагис, познат по сценаријата за филмовите „Million Dollar Baby“ и „Crash“ ја силувал откако ја присилил да му се придружи во неговиот стан по премиера на филм. Брист е една од четирите жени кои јавно го обвиниле Хагис за недолично сексуално однесување, но тој ги негирал ваквите обвиненија.

Адвокатката на Хагис рекла дека судењето не било фер бидејќи судијата дозволил изјави од други жени кои го обвиниле сценаристот, но никогаш не презеле ништо против него.

-Го употребија ова за да ја искриват вистината, да го убијат ликот на господин Хагис, да го отсликаат како чудовиште и ја користат стратегијата „каде има чад, има и оган“, рекла неговата адвокатка.

За потсетување, во јуни Хагис беше уапсен од страна на италијанските власти кои го држеа во притвор повеќе од 2 недели под обвинение за сексуално злоставување и нанесување тешки повреди.

The post Ќе плати голема отштета, но нема да лежи во затвор: Славниот добитник на Оскар силувал жена appeared first on Република.

Основното јавно обвинителство Прилеп донесе наредба за спроведување истражна постапка против едно лице, на возраст од 21 година, за кое постои основано сомнение дека сторило кривично дело – Силување од член 186 став 2 во врска со став 1 од Кривичниот законик.

Осомничениот, на 13 септември, во непосредна близина на мостот пред селото Селце, со употреба на сила и сериозна закана присилил на обљуба 15-годишно девојче. Додека оштетената се враќала од училиштето кон нејзиниот дом, осомничениот ја пресретнал и почнал да ја следи, движејќи се зад неа. Во еден момент се приближил и започнал да ја допира, насилно да ја трга и да ја влече по тревата. Ѝ се заканувал да не вика, бидејќи ќе им се случи нешто лошо на нејзините најблиски. Под мостот извршил обљуба врз девојчето, кое постојано се спротивставувало.

Надлежниот јавен обвинител до судијата на претходна постапка од Основниот суд во Прилеп поднесе предлог за определување мерка притвор за осомниченото лице. Судијата го прифати предлогот и со решение на осомничениот му определи притвор во траење до 30 дена.

The post Чекал 15-годишно девојче по училиште и ја силувал под мост: Притвор за силувач од Прилеп appeared first on Република.