Ништо од прозападните вредности на владата, Македонија ја претворија во Див запад. Ниту право владее, ниту правна држава имаме. Секојдневие станаа убиства, ликвидации, киднапирања, бегства од затвор, криминалот царува, а мафијашите наместо да одговараат пред законот се договараат со власта.

Затоа клучните криминалци имаат дрскост јавно да пукаат и да ја загрозуваат безбедноста на граѓаните. Оливер Спасовски како министер и Сашо Тасевски како директор на БЈБ се должни да им одговорат на граѓаните.

Прашуваме, дали Полицискиот началник, Музафер Каришиќ, човек од доверба на Спасовски и Тасевски, како член на комисијата за издавање на одобрение за оружје му дал дозвола за поседување на оружје на Шукри Асани, кој е осомничен за транспорт на кокаин? Како може криминалец од листата за безбедносен ризик да поседува дозвола за оружје? Ова е исто како на пироман да му дадеш канта со бензин и запалка и да го пуштиш сред шума-прашува ВМРО-ДПМНЕ.

Полицискиот началник Каришиќ е директно одговорен и поставен од страна на Спасовски и Тасевски. Неговите постапки не е можно да не биле дозволени од страна на овие двајца. Дали Спасовски и Тасевски свесно дозволуваат криминогени лица да шетаат слободно вооружени и дали со таквите лица имаат тајни договори и бизниси?

Јавноста мора да ги знае овие одговори, бидејќи безбедноста на граѓаните е загрозена.

The post Шукри Асани, осомничен за транспорт на кокаин, добил дозвола за поседување оружје? appeared first on Република.

Убиства, пукање, брутални ликвидации, исчезнати, киднапирани, крвави бегства од затвор, Македонија се претвори во мафијашки терен затоа што институциите наместо да го гонат криминалот тие шуруваат со него.Полицијата со Оливер Спасовски и со Сашо Тасевски се претвори во огранок на мафијата, обвинува Наум Стоилковски од ВМРО-ДПМНЕ.

Десната рака на директорот на БЈБ, Сашо Тасевски, началник на крим полицијата, Музафер Каришиќ е и член и претседател на комисијата за издавање одобрение за набавување на оружје.Оттука, Спасовски и Тасевски мора да одговорат:

Дали е можно одобрение за оружје полицијата да издаде на лицето Шукри Асани, според полицијата, осомничен за транспорт на кокаин, член на криминалната група од Грчец, меѓу првите десет за проверка на листата Безбеден град?-прашува Стоилковски.

Дали Шукри Асани, лице од листата за проверка, може да има одобрение за оружје од комисијата водена од Каришиќ?

Одобрил ли Каришиќ од МВР дозвола за оружје на криминалец од листата безбедносен ризик?

Дали одобрението за оружје по брза и скратена постапка, може да го добиено лице коешто не ги исполнува условите предвидени со закон, да добие одобрение за носење на оружје?

Како е возможно полицијата да формира комисија за да му се издаде дозвола за набавување на оружје некому којшто е на листата за проверки односно, некој којшто е во врвот на листата криминалци  со тежок криминал на реонот на град Скопје и коишто треба да се покриваат, следат и обработуваат согласно планот Безбеден град?

Уште повеќе, ако се знае дека токму Каришиќ го создал планот Безбеден град, како е возможно комисија водена токму од Музафер Каришиќ да издаде таква дозвола на лице во врвот на таа листа?

 

Каришиќ е човек близок на Тасевски и на Спасовски, началник на крим полиција, едновреме и началник на СВР Скопје.

Се додека институциите наместо да го гонат криминалот, тие шуруваат со него, Македонија ќе биде територија на мафијата и ќе ја потресуваат убиства, насилства, киднапирања и трговија со дрога.

https://www.youtube.com/watch?v=l4h3OsVSJZw&embeds_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

The post Полицијата со Оливер Спасовски и Сашо Тасевски се претвори во огранок на мафијата appeared first on Република.