Претседателот на ВМРО-ДПМН, Христијан Мицкоски во „Тема на денот“ во дневникот на Сител истакна дека дава поддршка на наставниот кадар, ги споделува нивните маки за остварување на своите права и посочи дека СОНК треба да одговори зошто имаат осцилации во нивното делување.

- Од една страна имате влада која е проблем и дефинирана како хибриден режим и е криминализирана и корумпирана. Од друга страна ги имате професорите, наставниците и вработените во градинките. Јас сум универзитетски професор и тие се мои колеги во суштина. Јас го споделувам нивниот живот, бидејќи истите маки ги имаме и јас и моите колеги. Истите маки со нискиот стандард, демотивираноста, притисокот кој го чувствуваат од власта и затоа ги поддржав и ќе ги поддржам безрезервно кога искрено ги бараат своите права, рече Мицкоски.

Мицкоски посочи дека никогаш не го нападнал водството на СОНК, туку прашува зошто имаа осцилација во ставовите пред и после состанокот во владата.

- Најпрвин велат го прекинуваме штрајкот па ќе ги слушнеме членовите, па членовите се произнесоа за продолжување на штрајкот и тие одлучија да бараат излезна стратегија во нешто што е спротивно на закон преку тој таканаречен медијатор кој доаѓа од кабинетот на министерката за труд и социјална политика, рече Мицкоски.

Мицкоски нагласи дека наставниците во неколку наврати кажуваа дека лошо живеат, им е потребно разбирање, примањата со кои располагаат се недоволни од први до први да се преживее.

- Неколку пати алармираа, а власта ги етикетираше и кога видоа дека работата отиде предалеку се обидоа со притисоци. Јас никогаш нема да ги етикетирам, туку како нивен колега секогаш ќе застанам до нив во остварување на своите права, изјави Мицкоски.

The post Мицкоски: Ги споделувам маките со просветниот кадар, водството на СОНК треба да одговори зошто имаат осцилации во нивното делување appeared first on Република.

Министерката за труд и социјална политика Јованка Тренчевска вечерва објави дека е избран медијаторот за спорот меѓу Министерството за образование и наука и Синдикатот за образование, наука и култура.

Според Тренчевска, наставниците од утре треба да се вратат на работа бидејќи штрајкот е ставен во мирување, а доколку тоа не го сторат, тогаш ќе се смета дека се неоправдано отсутни и ќе се постапи согласно Законот за работни односи, поточно може да изгубат работа или да биде покрената дициплинска постапка против нив.

Во изјава за телевизија 24, Тренчевска појасни дека се оди кон медијација во случај кога не може двете страни да најдат решение.

– Кога се пристапува кон мирно решавање на спорот, штрајкот се става во мирување. Советот на СОНК постапил согласно закон и кога е прифатена медијацијата, штрајкот се става во мирување. Ако не се вратат наставниците на работа и продолжуваат со штрајкот кој веќе е прекинат со одлука на СОНК, тогаш ќе си сносат одговорност согласно Законот за работни односи – може да изгубат работа, да биде покрената дициплинска постапка…., појасни Тренчевска.

Мидијаторот кој ќе го води спорот меѓу МОН и СОНК е Драгица Исаиловска- Митровска.

Според министерката Тренчевска, се работи за правничка по професија, со долго искуство.

– Таа е непристрасна, го знае правото, Законот за работни односи и законите за образование и има компетенции да биде помирувач. Со нејзината улога верувам дека ќе стигнеме до решение. Ќе има преставници на МОН, на СОНК и заедно со медијаторот ќе учевствуваат во преговорите, изјави Тренчевска.

The post Mинистерката за труд од позиција на власт им се закани на наставниците дека ќе ги избрка од работа ако не се вратат на настава appeared first on Република.

Власта изнајде начин да го скрши штрајкот, но не го скршија учителот, и протестите пред СОНК се доказ за тоа, смета Весна Јаневска, претседател на републичката комисија на ВМРО-ДПМНЕ за образование и наука во денешното гостување во емисијата Анализа на телевизија 24.

Јаневска додаде дека ВМРО-ДПМНЕ и таа лично ги поддржуваат просветните работници во нивните барања, додавајќи дека со ова што министерката за труд и социјална политика Јованка Тренчевска им се заканува доколку не почнат со настава утре ќе бидат избркани од работа само дополнително им го крши достоинството и авторитетот.

ВМРО-ДПМНЕ и јас лично го поддржуваме штрајкот, па со кое право јас би им забранила да го искажат револт кој е многу длабок. Сметам дека власта е комплетно де реализирана и во овој момент ја носи најголемата штета во државата и за учениците затоа што сите знаеме на кои гранки ни е образованието, ако овие луѓе кои бараат за леб, знаете ли како се живее со 23.000 денари, со 2.500 денари покачување ниту парно, ниту струја не може да се плати, рече таа.

Значи они се борат со леб, со ова им се скрши достоинството и авторитетот. Дали ја слушнавте министерката што им рече ако не отидат утре на работа ќе бидат избркани од работа, па нели е тоа дополнителен притисок, праша Јаневска.

Јаневска нагласи дека во владеење на ВМРО-ДПМНЕ платите на наставниците се покачиле за 67 проценти највисоката, додека пак за 117 проценти за најниската плата во образованието.

Во владеењето на ВМРО-ДПМНЕ во тие 10 години е општо познато дека платите на наставниците беа покачени, највисоката за 67 проценти, а најниската за 117 проценти. Тоа е факт кој што постои и нема што да се дискутира. Значи СДСМ никогаш не може да го стигне ВМРО-ДПМНЕ, зошто да сакаа да им ги покачат платите ќе им ги дадеа тие 18 проценти, а немаше да им понуди понижувачки 12 проценти, потенцираше Јаневска.

The post Јаневска: Со одлуката за прекин на штрајкот и со заканите на Тренчевска дополнително се крши достоинството и авторитетот на наставниците appeared first on Република.

Незадоволни членови од Синдикатот за образование наука и култура попладнево пред седиштето на синдикатот бараат претседателот на СОНК Јаким Неделков да се обрати и да објасни зошто штрајкот е ставен во мирување.

– Денеска се ретерира без знаење на членството и се носи одлука за која членството не е информирано. Тука сме да изразиме револт. Ние сме базата, ние сме членството и должен е Неделков да дојде и да објасни зошто ја промени одлуката, велат насобраните членови на СОНК, кои бараат оставка од Неделков.

Посочуваат дека се дојдени спонтано и дека се чувствуваат изиграни од претседателот на синдикатот. Велат дека не им се важни процентите за зголемување на платите, туку колективните договори.

– Голем дел од членството ќе продолжи да ги бара своите права. Нас не ни се битни тие 18 отсто. Прва работа поради која тргнавме во штрајк е колективниот договор, велат тие.

Прашани дали ќе има утре настава, велат дека оние деца што ќе дојдат во училиште, нема да бидат вратени.

– Сите оние кои утре ќе дојдат во училиште, ќе бидат прифатени. Ние ќе бидеме во училиште, ако дојдат деца, ќе ги примиме. Ако треба ќе држиме и настава, порачаа дел од наставниците кои попладнево се собрани пред седиштето на СОНК.

Синдикатот на СОНК денеска го стави штрајкот во мирување по добиеното известување од Министерството за труд и социјална политика дека Министерството за образование и наука е подготвено преку мирно решавање на спорот да ги надмине разлките со СОНК

The post Се чувствуваат изиграно: Членови на СОНК бараат Неделков да објасни зошто штрајкот е ставен во мирување appeared first on Република.

Министерството за образование и наука ја поздравува денешната одлука наСОНК за мирување на штрајкот, која пред сé е во интерес на учениците и континуитетна процесот на образование и со која се обезбедува уставно загарантираното право на образование на децата.

Тргнувајќи од итноста за заштита на јавниот интерес на граѓаните, правото на образование и последиците кои можат да настанат во случај кога овој процес е прекинат, а воедно земајќи ги предвид и барањата на СОНК, Министерството за образование и наука постапи согласно Законот за мирно решавање на работните спорови и во текот на денешниот ден упати барање до Министерството за труд и социјална политика за одредување на помирувач во овој процес.

Со оваа одлука,Министерството за образование и наука ја искажува спремноста за продолжување на процесот на преговори со социјалните партнери и изнаоѓање на најдоброто решение за сите во овој случај.

Министерството, односно Владата, се и ќе бидат партнери на синдикалните организации, преку обезбедување на социјален дијалог со цел унапредување на работничките права на граѓаните на Република Македонија и во тој процес сме отворени за континуирана соработка и размена на мислења и ставови, чија цел ќепридонесе кон подобри работни услови и мотивирани просветни работници, што ќе влијае и на зголемување на квалитетот на образованието.

The post Се огласи Министерството за обазование: Спремни сме за продолжување на преговорите appeared first on Република.

Синдикатот за образование, наука и култура го става штрајкот во мирување, а учениците   почнуваат со настава најверојатно од утре. Причина за ваквата одлука на СОНК е добиеното известување од Министерството за труд и социјална политика за мирно решевање на работните спорови.

Претседателот на СОНК, Јаким Неделков попладнево изјави дека по направените консултации со правни лица, донесена е одлука да се стави штрајкот во мирување додека трае решавањето на спорот.

[caption id="attachment_493823" align="alignnone" width="640"] (фото: МИА)[/caption]

Доколку не се договориме повторно ќе го активираме штрајкот-се закани Неделов.

Изрази надеж дека платите ќе бидат зголемени, дневниците за време на штрајкот нема да бидат скратени и дека колективните договори ќе бидат потпишани и утврдени со рокови.

The post Oд утре продолжува наставата во училиштата appeared first on Република.

Денеска ќе продолжи штрајкот на вработените во основното и средното образование. Новина е што  градинките пак ќе ги примаат децата од предучилишна возраст.

Синдикатот на образованието, науката и културата не попушти со барањето за зголемување на платите за 18,4% .

Штрајкот во градинките да биде во мирување што значи дека родителите ќе можат да ги носат децата.

[caption id="attachment_493823" align="alignnone" width="640"] (фото: МИА)[/caption]

Штрајкот во основното и средното образование и детските градинки почна на 11 април. СОНК веќе втор пат одбива владин предлог за зголемување на платите, бидејќи се уште не го постигнале тоа што го бараат. Владата првично предложи зголемување на платите од 10 проценти, а потоа на 12 отсто, но СОНК бара покачување од 18,4 проценти и усогласување на останатите плати со минималната плата и ќе го продолжи штрајкот се додека не се најде компромисно решение за двете страни.

По одлуката на СОНК, да продолжи штрајкот, реагираше министерот за образование и наука Јетон Шаќир, кој нагласи дека зборот на СОНК не издржал ниту едно деноноќие.

Тој, на неговиот Фејсбук профил посочи дека променетата одлука на синдикалното раководство е на штета на нашите млади, учениците од основните и средните училишта.

– Министерството за образование и наука цени дека премногу настава е изгубена досега и тоа мора да престане. Доволно голем е јазот во знаењето кој го создаде овој штрајк со целосно блокирање на работата на училиштата и тој повеќе не смее да се продлабочува, потенцираше Шаќири

СОНК пак на 4 мај пред Владата ќе одржи голем предупредувачки штрајк.

The post Учениците остануваат дома, градинките ќе примаат деца од предучилишна возраст appeared first on Република.

Премиерот Димитар Ковачевски на социјалните мрежи се огласи по состанокот со претставници на СОНК, на кој е договорено да прекине штрајкот, а вработените во образованието да добијат 12 проценти покачување на платите.

Ковачевски порача:

Денеска низ отворен дијалог, постигнавме начелна заедничка согласност со СОНК за:

Зголемување на платите за 12% во основното и средното образование и во детската заштита;

Заедничка соработка за креирање на методологија за раст на платите која ќе е предмет и на општиот колективен договор;

Редовна исплата на регресот за годишен одмор, односно К-15, по потпишувањето на општиот колективен договор со јавниот сектор

Верувам дека дијалогот е единствениот начин за постигање договор, за децата сега е најважно да се вратат во училишните клупи. Очекувам овој договор да биде прифатен и потврден од страна на членството на СОНК утре, а веќе во среда на 27 април да продолжи наставата.

The post Ковачевски: Очекувам договорот со СОНК да биде потврден, штрајкот да заврши во среда appeared first on Република.

Владата и СОНК постигнаа согласност за зголемување на платите во основното и средното образование и во детската заштита. Денешниот договор вклучува согласност за почеток на наставата и почеток на работата на градинките од среда, 27 април, откако утрешниот ден претставниците на претседателството на СОНК и регионалните советници ќе ги информираат вработените во образованието и во детската заштита за постигнатиот договор - стои во соопштението од Влада.

Тие додаваат дека низ отворен дијалог, на состанокот со кој претседавал премиерот Димитар Ковачевски, и на кој учествувале министерот за образование и наука Јетон Шаќири и министерката за труд и социјална политика Јована Тренчевска, со СОНК претставен од претседателот Јаким Неделков, придружуван од членови на синдикатот и од Сузан Флокен, директорка на Европската конфедерација на синдикати за образование, била постигната согласност за покачување на платата во образованието и во детската заштита за 12%, кое ќе биде реализирано со ребалансот на Буџетот и започне да се применува со јулската плата.

Денешниот договор меѓу Владата и СОНК вклучува и заедничка соработка на креирањето на методологија за раст на платите која треба да биде завршена до крајот на оваа година и којашто ќе се применува од 2023 година, а која ќе е предмет и на општиот колективен договор. Владата и СОНК се договорија како предмет на усогласување на гранскиот колективен договор да биде вклучена и редовната исплата на регресот за годишен одмор, односно К-15, кој ќе започне да се исплаќа од 2023 година, откако претходно ќе биде потпишан општиот колективен договор со јавниот сектор - велат од Владата.

The post Влада: Од среда да продолжи наставата и работата на градинките appeared first on Република.

„Сојузот на средношколци го поздравува постигнатиот договор меѓу СОНК и Владата. Задоволни сме дека обете страни го послушаа нашиот апел и празничниот период го искористија да постигнат заеднички компромис”, објави Сојузот.

„Најраното можно враќање на учениците е во среда, што значи 10 загубени работни денови. Затоа го повикуваме членството на СОНК во најбрз можен рок да го одобри договорот. Бараме од Министерството за образование и наука Сојузот да биде вклучен во одлучувањата за надомествувањето на пропуштениот материјал“, пишува во реакцијата на Сојузот на средношколци.

The post Сојузот на средношколци го поздрави компромисот меѓу СОНК и Владата appeared first on Република.

Министерката за труд и социјална политика, Јована Тренчевска кажа дека државата нема да влезе во дополнителна инфлација со 12 процентното покачување на платите во образованието откако претходно изјави дека покачувањето на платите за повеќе од 10% ќе предизвика дополнителна инфлација во државата.

– Нема да влеземе во дополнителна инфлација затоа што во разговори со министерот за финансии и со премиерот 12% се процент кој нема да предизвика дополнителна инфлација и проблем на стабилноста на Буџетот на Владата, изјави министерката Тренчевска.

На прашање дали ќе се кратат пари од други места за покачување на платите во образованието министерката Тренчевска кажа дека ќе видат, но најверојатно нема да се кратат плати од други места.

The post Тренчевска: Зголемувањето од 12% на платите во образованието нема да предизвика дополнителна инфлација appeared first on Република.

На новинарско прашање до кога СОНК си дава рок да донесе конечна одлука кога ќе започне наставата Неделков кажа дека би требало најдоцна до утре.

- До утре навечер треба да имаме резултати тоа значи дека до утре навечер ќе има сондажа на јавното мислење на членството како и органот на одлучување, а тоа е Советот на СОНК ќе заседава и ќе за донесе конечната одлука врз основа на изјаснувањето на нашето членство, кажа Неделков.

Претседателот на СОНК додава дека евентуално од среда учениците ќе се вратат во училиштата и вели дека дополнително ќе се разговара за продолжувањето на школската година.

https://republika.mk/vesti/makedonija/vladata-i-sonk-se-dogovorija/

The post Неделков: Евентуално од среда учениците ќе се вратат на настава appeared first on Република.

На образованието кое е потпорен столб на секое општество. Апсолутно не дозволувајте да ве користат, да ве гледаат како Ништо како што е досега. Видете во сите земји (па и Западни кон кои толку се стремите) и направете споредба меѓу стандардот и професорската плата!, наведува  во Фејсбук статус  Боби Мојсовски, пејач и дигитален маркетер.

И драги мои професори кои ме научивте да се борам, да успевам, да растам во кариера и постојано да учам за напредок – ве молам сега вие погледнете на нас – Milennials. Прст не би помрднале ако не не’ платат.

Од моето тригодишно искуство како дигитален маркетер, 8 годишно искуство како гејм девелопер и работа со многу странски клиенти надвор од Македонија, една работа што научив е да си го цените времето. ВРЕМЕТО е ПАРИ. Секоја работа, дури и НАЈМАЛА УСЛУГА (ај прати еден мејл) СЕ ПЛАЌА. Минутите неплатени кои ги земаат од вас се минути од животот, минути подалеку од вашата фамилија, вашите пријатели.

Додека учев маркетинг и продажба, научив уште една работа која ЗНАЕВ дека ќе ја искористат против вас:

Ќе ве обвинуваат, ќе удираат по вашата сентименталност, вашите чувства, онаму кај што најмногу боли само за да ве натераат да клекните. Гледајте низ превезот! Се’ е психологија. Ако нив им беше гајле за децата немаше да трошат толку пари на глупости како прибори за храна, патни трошоци и вазелини. Или пак сите други пари од даноци, “за патишта” кога регистрирате кола – а од тие пари ништо немаме видено (автопатот 100 години што се прави, а во Индија – 5 км. автопат во 24 часа – видете на Гугл).

Додека светот плаќа за најситна работа и за тоа што ви го трошат времето за вашата експертиза и знаење, кај нас ви трубат цело време “Парите не се се’ во животот” додека тие ја гледаат секоја можност да украдат нешто и да се здобијат со уште пари и среден финансиски живот.

Ако професорите не беа совесни, не ќе беа во оваа ситуација! Напротив, трпеа толку многу со години што мораше да пукне. Размислете! Сите поминуваме низ образованието! Професорите се тие што не само што ни го даваат знаењето туку не учат на вештини и навики кои ни овозможуваат подобар живот, иднина и не градат во успешни личности, посочува пејачот.

The post Ќе удрат кај што најмногу боли, ќе ве натерат да клекнете: Мојсовски ги крена на нозе наставниците appeared first on Република.

Сојузот на средношколците јавно ги повика Владата и Синдикатот за образование, наука и култура, што побрзо да склучат договор со цел намалување на штетата која ја трпат учениците.

Средношколците апелираат на интензивирање на преговорите меѓу власта и синдикатот, а бараат и да бидат вклучени во изнаоѓањето на решенија за надоместување на пропуштениот материјал.

„Учениците веќе имаат пропуштено цели две работни недели од редовниот образовен процес. Потсетуваме дека станува збор за генерација која веќе изгуби цела учебна година со неквалитетна онлајн настава, а дополнително пак и други две недели со продолжувањето на зимскиот распуст. Со ваквата поставеност на работите, средношколците веќе три години се вон нормалниот образовен процес“, велат од Сојузот на средношколците.

Според нив, и Владата и СОНК се одговорни за загубата на наставата во изминативе две недели, односно одговорни да најдат решение во интерес на средношколците. Средношколците прашуваат дали некој во земјава воопшто мисли на нив и нивните права и интереси и дали го слуша нивниот глас. Велат дека губењето на настава е особено проблематично за матурантите бидејќи кај многумина од нив има голема шанса да се пробијат државните рокови, кои пак негативно ќе им се одразат на амбициозните матуранти кои сакаат да студираат во странство. На пример, рокот за полагање на проектната задача истекува на 21 април, па затоа инсистираат на итно решавање на проблемот.

Нивна клучна заложба останува зголемување на буџетот за образованието како дел од бруто домашниот производ, т.е. да се одвојуваат 5 отсто од БДП за образование согласно со европскиот просек.

The post Средношколците до Влада и СОНК: Договорете се побрзо, ние трпиме штета! appeared first on Република.

Сѐ додека ве подбуцнуваат едни против други и успеваат во тоа, тие ќе ве владеат! - коментира професорката Весна Јаневска.

Просветните работници од основното и средното образование, како и воспитачките и негователките во детските градинки веќе 10 дена штрајкуваат. Ресорните министерства се закануваат дека нема да им бидат исплатени платите доколку не се вратат на работа.

The post Јаневска: Сѐ додека ве подбуцнуваат едни против други и успеваат во тоа, тие ќе ве владеат appeared first on Република.

СОНК денеска на прес-конференција соопшти дека донеле одлука дека заклучоците на вчерашната седница на Владата не водат кон решавање на проблемите.

-Се врши силен притисок врз штрајкувачите. Се спори правото на штрајк, се бара причина зошто е организиран и зошто е прекинат образовниот процес. СОНК не чувствува одговорност за прекинот на наставата, одговорот треба да се побара на друго место. Советот на СОНК констатира дека одредени министри ги заплашуваат наставниците. Законско право е исплата на плати при штрајк. Наставниците и воспитувачите да не се плашат, рече Јаким Неделков, претседател на СОНК.

Според него, понудените 10% зголемување на платите во образованието од Владата се бетонираат и не се остава простор по ова прашање.

-Советот на СОНК веднаш ќе го прекине штрајкот доколку Владата ги усогласи платите. Советот на СОНК бара интензивирање на преговорите. Конечниот договор ќе се регулира со спогодба меѓу двата социјални партнери. Штрајкот продолжува се додека не се договориме со надлежните по ова прашање, рече Неделков пред присутните новинари.

Владата вчера го задолжи Министерството за образование и наука, Министерството за труд и социјална политика и Министерството за финансии со ребалансот на Буџетот да предвидат средства за покачување на платите во основното, средното образование и детската заштита во висина од 10%.

The post СОНК не прифати 10% покачување на платите, штрајкот продолжува appeared first on Република.

Штрајкот во образованието продолжува и во наредните денови, а продолжуваат и преговорите на Самостојниот синдикат за образование, наука и култура (СОНК) со Министерството за образование и  наука (МОН). Членовите на СОНК во училиштата и детските градинки од понеделникот се во штрајк, поради барањето за зголемување на платите.

Претседателот на СОНК Јаким Неделков изјави дека очекуваат до вечерва односно утре до 12 часот да имаат понуда за да можат да ја дистрибуираат, да соберат повратни информации и евентуално Советот на СОНК да донесе одлука и да има време да се објави дека од понеделник ќе продолжи наставата или, како што рече, ќе кажат дека нема решение и Советот не ќе може да ја смени одлуката затоа што членството не ја прифаќа понудата и ќе мора да продолжи штрајкот.

Тој апелира што побрзо да се дојде до решение и да се врати нормалниот тек во училиштата и во градинките.

На прашањето која е црвената линија што членството односно СОНК може да си ја дозволи за да може штрајкот да сопре, Неделков нагласи дека не разговарале за црвена линија меѓутоа тоа не значи, подвлече, дека под 18,4 проценти нема ништо да прифатат.

– Колку ќе прифатиме, многу зависи од тоа колку ќе ни понудат. Ако биде симболично, тоа членството ќе го препознае и ќе сфати дека тоа е несериозен предлог, рече меѓу другото претседателот на СОНК синоќа во дневникот на Сител.

Неделков повтори дека продолжуваат преговорите со МОН, а за прекин на штрајкот и почеток на наставата, треба да одлучи членството само врз основа на конкретен предлог што би го прифатиле мнозинството од членовите на Синдикатот.

Синдикатот бара платите на вработените веднаш да бидат зголемени за 18,4 отсто согласно со порастот на минималната плата која од овој месец е 18.000 денари и, дополнително, таа да биде основица со која ќе се множат коефициентите на сложеност на работни места.

Линеарното зголемување на платите на национално ниво што го предлага Сојузот на синдикати, за СОНК, како што рече Неделков, е неприфатлив и паушален предлог.

Претседателот на СОНК изрази оптимизам вчера пред средбата со министерот за образование и наука Јетон Шаќири, на која се разговарало на повеќе теми за образовниот систем и за зголемување на платите, а по средбата информира дека не добиле конкретно ветување за висината на процентот за зголемени плати.

Министерот Шаќири на средбата истакнал дека се подготвени да го продолжат дијалогот, но без условувања и нереални барања, кои само ги отежнуваат преговорите.

За Шаќири, одлуката на СОНК за организирање генерален штрајк во образованието не само што не го надминува предизвикот, туку напротив, создава повеќе дополнителни проблеми. Тој апелираше до раководство на синдикатот да ја промени политиката на изразување незадоволство на ваков начин и да му даде можност на социјалниот дијалог.

– И вие како синдикална организација и ние како институции знаеме дека тоа е најдобрата опција за надминување на секоја ситуација во која постојат несогласувања, истакнал министерот за образование и наука Шаќири на состанокот со претставниците на СОНК.

На средбата, како што информираше претседателот на СОНК, повеќе се разговарало за тоа кога ќе продолжи наставата, како ќе се надополнат часовите и кои се последиците од штрајкот.

Министерот Шаќири, како што изјави Неделков по средбата, подвлекол дека ќе има зголемување на платите и дека се прават максимални напори од другите министерства да се пренасочат средства.

– Неговото уверување беше дека ќе има, меѓутоа и самиот не знае колку ќе има и затоа ниту тој сакаше да шпекулира, ниту ние не знаеме за колку средства се работи, изјави Неделков.

Според министерот Шаќири, секој нереализиран наставен ден поради штрајкот, значи продолжување на наставната година по 9-ти јуни.

– Ситуацијата би предизвикала и пролонгирање на сите претходно утврдени рокови за полагање на училишна матура, за уписи во средни училишта, но и во високообразовните установи во земјата и во странство. Исто така, неработењето на училиштата го оневозможува правото на околу 500 наставници да полагаат стручен испит како основа за понатамошно вработување на неопределено работно време, потенцирал министерот.

Во однос на надоместувањето на загубените денови во наставата во училиштата и одложувањето на сите рокови, уписи во средно и во високото образование, матури, после 10 јуни, според СОНК, тоа е цената што ја плаќаат и едната и другата страна и затоа не е потребно „тактизирање“. Според претседателот на СОНК, има повеќе варијанти, но најсоодветно решение е да нема продолжување на учебната година затоа што учениците не се виновни за ситуацијата.

The post Штрајкот во образованието продолжува, учебната година најверојатно нема да се продолжи appeared first on Република.