На панел дискусијата на тема „Што наследија општините“ организирана од ВМРО-ДПМНЕ пратеникот и член на извршниот комитет на партијата Миле Лефков истакна дека откако СДСМ е на власт во државата се гради една култура на неказнивост па затоа претходните градоначалници од редовите на СДСМ правеа сомнителни и коруптивни тендери.

Во Република на Македонија се гради една навистина култура на неказнивост на политички протекционизам и верувајте кога ние како опозиција говориме за корупцијата некој тоа ќе го сфати како единствен начин да се справите со политички опонент, меѓутоа, мора сите да разбереме дека функционирањето, перформансот и квалитетот на живеење во локалните самоуправи зависи од климата која што ја имаме во државата. Ако поставиме една клима на неказнивост се случува она што се случува, односно ги трпиме оние последици кои што ги трпиме. На пример кога објавуваме и кога ги објавивме криминалните и сомнителни тендери кои што се гледаат во Општина Бутел, во Општина Гази Баба, во Општина Кисела Вода каде што гледате еден метален столб во висина од 4 метра се продава за 9900 денари а во истата техничка документација имате 10 понуди под него во кои што го имаат тој метален столб од 5 метри и од 8 метри кој што чини само 1.8 денари. Е сега, првата работа кој секој би помислил е дека на овој начин алудираме на тоа што се оштетува буџетот а тоа е точно, меѓутоа ако ја погледнете корупцијата ќе видите дека никој не би дал понуда за метален столб од 5 метри од 1.8 денари ако не е сигурен дека градоначалникот нема да го нарача токму тој столб - изјави Лефков.

Според него ова значи дека од една страна со корупцијата имаме оштетување на буџетите, а од друга страна имаме оштетување и на приватниот сектор.

Значи од една страна со корупцијата имате оштетување на буџетите, тоа се овие табели кои што ги видовме, меѓутоа од друга страна вие имате оштетување на приватниот сектор. Па над 6500 компании и луѓе кои чесно и поштено работат не можат да функционираат во таква клима на корупција. Сега гледаме страшни полициски акции во државата во кои што угостители се апсат и се казнуваат. Ние луѓето кои што си работат чесно ги приморуваме да се иселуваат од државата.

 

Третата последица од криминалните тендери е неквалитетната изведба на капиталните проекти за кои што зборуваме, затоа што на крајот на денот вие можете да ги имате на хартија, меѓутоа во квалитет тоа воопшто не соодвествува на сумата за која што таа капитална инвестиција е изградена. Таа неказнивост има длабоки последици во Македонија. И сега, да не речете дека зборуваме за неказнивоста само на памет, еве јас сега ќе ви кажам и со бројки. Беше извештајот од јавното Обвинителство во Собрание и го разгледувавме за 2020-та година, а ќе ве потсетам дека 2020-та е година во која Македонија тоне на дното по корупција, 111-то место по индексот на корупција, на дното се наоѓаме по корупција.

 

Па се сеќавате дека владата започна спотови во кои што ги убедуваше граѓаните дека не се високите функционери за корупцијата туку граѓаните биле затоа што имале таква култура и нуделе поткуп. Кога ги погледнав извештаите за работата на јавното обвинителство, за еден јавен обвинител, 4 виши јавни обвинителства во државата, 22 основни јавни обвинителства, јавно Обвинителство за организиран криминал и корупција, дали знаете колку кривични дела имало во Македонија за делото поткуп по член 357 кое ќе ве потсетам дека е казниво и за обид, еве теоријата дека граѓаните давале поткуп да го видиме тоа и во пракса, дали знаете колку кривични дела имало во цела Македонија, овој цел систем кој што ви го набројав, само 4, едно кривично дело во вишо јавно Обвинителство во Скопје, едно кривично дело за поткуп од вишо јавно Обвинителство во Штип и две кривични дела во јавното обвинителство на организиран криминал и корупција, само 4 кривични дела за поткуп.

 

Како сега, ние ги гледаме податоците за сомнителни набавки во кои ви продаваат метални столбови од 5 и 8 метри за 1.8 денари и тоа го гледаат сите, затоа постои ЕСНЈ и тие податоци се јавни, а овој систем кој што сега го споменав ми е мака и да го повторувам меѓутоа да кажеме колкав државен апарат имаме од луѓе кои што трошат државни пари и државни средства а успеале да откријат само 4 вакви сторители. Овие податоци неги измислив јас, овие податоци се официјално стигнати како извештај од работата на јавните обвинителства во Република Македонија и истите се достапни на страната на Собрание -истакна пратеникот од редовите на ВМРО-ДПМНЕ Миле Лефков.

https://www.youtube.com/watch?v=3S24mnPp0CM&feature=youtu.be

The post Лефков: Градоначалниците на СДСМ преку тендери го оштетувале буџетот и приватниот сектор, кој не може да функционира во климаta на корупција која била наметната од власта appeared first on Република.

Промената на власта покажа токму дека граѓаните не беа задоволни од претходните локални власти и го дадоа мандатот на градоначалниците на ВМРО-ДПМНЕ токму од причина да се средат состојбите на локално ниво. Меѓутоа мене ме плаши фактот дека она што се затече на локално ниво е голема рефлексија на она што се случува на централно ниво. Кога зборувам на централно ниво, тоа е целокупниот буџет на Република Македонија којшто за мене и за идните генерации, јавно кажувам е во критична ситуација“ - истакна членот на ИК на ВМРО-ДПМНЕ, Маја Кадиевска Војновиќ на дискусија на тема „Што наследија општините“ во рамките на настанот „Промени што носат иднина“ - 100 дена градоначалници на ВМРО-ДПМНЕ.

Кадиевска Војновиќ исто така зборуваше и за тоа каква состојба наследија градоначалниците на ВМРО-ДПМНЕ во општините.

Кај општините наследивме раст на долгот, а исто ќе наследиме и кај централната власт. Наследивме високи доспеани, а не наплатени обврски кон добавувачи од јавен и приватен сектор. Истото важи и за општините и за централната влада. Наследивме високи расходи за разни трансфери, а тоа е една категорија во сива зона и треба да се гледа по конта каде се отидени парите, а во најголем дел на случаи може и иницира на некое незаконско трошење. Наследивме високи договорни услуги како на локално така и на централно ниво и договорни услуги се оние услуги каде што по сите меѓународни извештаи можеби може да се најде кај стои корупцијата во нашата држава - потенцираше Кадиевска Војновиќ.

Таа исто така истакна дека иако е пораснат долгот, ниту општините ниту централната влада имаа раст на капиталните инвестиции, а тоа значи дека долгот не се креираше за локален развој, ниту пак за развој на државата.

Има ниска наплата на сопствени даноци, пред се на данокот на имот како извор на приходи и ниска финансиска транспарентност и отчетност на општините. Сѐ ова заедно со енергетската криза којашто ги погоди не само домаќинствата и бизнисите, приватните бизниси и локалните власти, сето ова го стеснува просторот за капитални инвестиции, меѓутоа ова не значи дека не треба да се реализираат и не треба ВМРО-ДПМНЕ како одговорна политичка партија да бара механизми и начини да ги реализира сопствените ветени проекти - додаде Кадиевска Војновиќ.

The post Кадиевска Војновиќ: Иако енергетската криза го стеснува просторот за капитални инвестиции ВМРО-ДПМНЕ како одговорна партија ќе изнајде механизми за реализирање на ветеното appeared first on Република.

По преземањето на општините можеме да кажеме дека состојбата во општините укажува на едно лошо и недомаќинско работење, а во некои општини и спротивно на законот. Кога зборуваме за лошата состојба на општините ние можеме да отвориме многу теми, но ќе тргнам од тоа што е најважно, а тоа се буџетите на општините и тука можеме буџетот да го гледаме од два аспекта , односно неговата приходна и расходна страна - изјави потпретседателката на ВМРО-ДПМНЕ Гордана Димитриеска Кочоска на  панел дискусија „Што наследија општините“ во организација на ВМРО-ДПМНЕ по повод 100 дена локална власт.

Димитриеска Кочоска посочи дека во однос на приходната страна на буџетите, градоначалниците од СДСМ воопшто не се грижеле за прибирање на средства од данок на имот, како најзначаен сопствен извор за финансирање на општината, посочувајќи еден таков пример во дека една скопска општина каде што според податоците од Агенцијата за катастар на недвижности се гледа дека еден правен субјект данок на имот за 5000 метри квадратни ,а располага со 95 илјади метри квадратни.

Прво ќе се обидам да објаснам што се случувало во овие четири години кога зборуваме за приходната страна буџетот особено за данокот на имот. Зошто данокот на имот сакам да го продискутирам денес, од причина што тоа е најзначајниот сопствен извор на финансирање на општината. Значи не ги зборувам дотациите кои што општините ги добиваат од буџетот. Зборуваме за она што е одговорност на општините од аспект на прибирање и располагање со тие средства. Состојбата укажува дека градоначалниците комплетно во тие четири години не се грижеле за прибирањето на данокот на имот и ако ги погледнеме ситуациите и податоците од катастарот имаме општини во кои што метри квадратни на физички лица или правни лица кои што ги плаќаат кај данокот на имот, се многу повеќе во однос на решенијата на данок на имот. На пример има ситуација во една скопска општина каде што еден правен субјект плаќа данок на имот за 5000 метри квадратни, а располага со 95 илјади метри квадратни.

 

Ова може да не упати на два заклучока едниот е дека градоначалниците биле комплетно незаинтересирани, мрзеливи и не ги интересирало работење и прибирање на данок, а втората работа може да бидат и коруптивни извори нели зависно од тоа за колку пари станува збор, па да има ситуации каде што им проштеваат одредени даноци, односно не ги регистрираат и притоа можеби се договараат за поддршка во кампањи, или можеби пари кои што завршиле во џебовите на поедини луѓе во општината. Она што загрижува е тоа што неприбирањето на данокот на имот не ги става во подеднаква сите граѓани на таа општина. Затоа што од една страна вие имате жители кои што навремено си го плаќаат данокот на имот и имате жители или правни субјекти кои што не ги сервисираат своите обврски, а притоа во овие четири години градоначалниците воопшто ништо не преземале по однос на ова прашање - објасни Димитриеска Кочоска.

Според неа, во однос на расходната страна, буџетските средства континуирано се трошеле за непродуктивни цели односно како што рече трошени се средства за одредени јавни набавки, услуги и производи од нивната реална вредност.

Во однос на расходната страна за кое што ние во континуитет го зборуваме е трошењето за непродуктивни цели. Па така граѓаните во континуитет беа информирани дека имаме коруптивни јавни набавки, преплаќани се одредени тендери, значи трошени се многу повеќе пари од тоа што навистина одредена јавна набавка, услуга или производ вреди. И вие имате ситуација буџетите да се трошени комплетно ненаменски, односно наместо да се користат повеќе за капитални инвестиции, вие во ситуација имате градоначалници многу повеќе пари трошеле на некакви стоки и услуги кои што воопшто не го подобруваат квалитетот и живот на граѓаните - изјави Димитриеска Кочоска.

Таа потенцираше дека за градоначалниците од СДСМ мисловна именка биле и користење на средства од ЕУ фондовите, што според нејзе е огромна штета за граѓаните на тие општини.

За жал состојбата е алармантна и катастрофална во овој дел и имаме една слика каде што речиси и да нема готови проектни документации. Кога станува збор за користење на средства од ЕУ фондови можам комплетно да кажам дека тоа е како мисловна именка за нив, значи воопшто не се ни направил обид за користење на такви грантови од ЕУ фондовите, што сметам дека е огромна штета за граѓаните на тие општини - кажа Димитирриеска Кочоска.

Таа додаде дека о сето ова може да се заклучи дека градоначалниците на ВМРО-ДПМНЕ ја преземаа состојбата во општините со огромни долгови и тоа долгови направени за непродуктивни цели и имаме огромни обврски, па така буџетите во општините се пред време за 2022 година потрошени за сервисирање на вакви обврски.

Сите овие работи не водат до заклучок дека градоначалниците на ВМРО-ДПМНЕ ја преземаа состојбата во општините со огромни долгови и тоа долгови направени за непродуктивни цели и имаме огромни обврски, па така буџетите во општините се пред време за 2022 година потрошени за сервисирање на вакви обврски. И дополнително на ова или во овој момент најтешко, тоа е состојбата со сметките односно цената на електричната енергија кое што го отежнува работењето - вели Димитриеска Кочоска.

https://www.youtube.com/watch?v=3S24mnPp0CM&feature=youtu.be

The post Дали разликата завршувала во кампањи или во нечиј џеб: Градоначалниците од СДСМ не наплаќале рамномерно данок на имот appeared first on Република.

Капиталните инвестиции се особено важни за секоја општина бидејќи истите имаат долгорочни ефекти. Реализираните капитални инвестиции влијаат позитивно на растот на секоја општина и позитивно во делот на подобрување на животот на жителите на општините, но доколку ги погледнеме податоците тие ни покажуваат дека претходните градоначалници од СДСМ не се не се грижеле доволно да го развијат локалниот економскиот развој, изјави Гоце Димоски на панел дискусија насловена „Што наследија општините“.

Тој потенцираше дека капиталните инвестиции за време на градоначалниците на СДСМ се разочарувачки, иако науката докажала јавните финансии преку капиталните инвестиции се погодно поле за соработка помеѓу локалната власт и приватниот сектор, а тоа значи дека се создаваат услови за успешен локален економски развој.

Димоски преку анализа на два периоди 2013-2016 споредено со 2018-2021 појасни што наследија општините, односно колку лоша реализација на капитални инвестиции имале градоначалниците од СДСМ.

Во Аеродром ако се погледне периодот 2013-2016 можеме да заклучиме дека вкупните расходи во тој период по глава на жител изнесувале 692 евра, додека пак капиталните расходи околу 146 евра по глава на жител односно реализацијата на капиталните инвестиции во тој период изнесувала околу 21% од вкупните расходи. Ако погледнеме 2018-2021 можеме да констатираме дека вкупните расходи се 744 евра по глава на жител, додека пак капиталните расходи за тој период само 95 евра, и тоа покажува дека се намалиле капиталните расходи во тој период - изјави Димоски.

Тој додаде дека во општина Босилово период 2013-2016 вкупните расходи по глава на жител изнесувале 575 евра, додека пак вкупните капитални расходи изнесувале 166 евра по глава на жител или тоа е околу 30% од вкупните расходи, додека пак 2018-2021 вкупните расходи се 576 евра по глава на жител, додека пак реализираните капитални инвестиции по глава на жител за тој период се 89 или само 15%.

Во општина Бутел за 2013-2016 вкупните расходи по глава на жител изнесувале 657 евра, додека пак капиталните расходи изнесуваат 132 евра, односно во тој периоди биле реализирани околу 20% капитални инвестиции од вкупните расходи во тој период. Додека за 2018-20121 констатираме дека вкупните расходи се зголемени на 838 евра по глава на жител што значи има зголемување, а пак капиталните расходи изнесуваат 127 евра по глава на жител или 15% - изјави Димоски.

Димоски за општина Кратово истакна дека за период 2013-2016 имала вкупни расходи од 1032 евра по глава на жител, додека пак капиталните расходи изнесувале 310 евра, а ако погледнеме 2018-2021 имаме скоро исти расходи околу 1010 евра по глава на жител, додека пак капиталните расходи се 169 евра по глава на жител што значи многу помалку.

За Град Скопје 2013-2016 вкупните расходи по глава на жител изнесуваат 369 евра, додека капиталните расходи се 170 евра по глава на жител, односно реализирани капитални инвестиции во Скопје се 30% од вкупните расходи на градот. Ако погледнеме 2018-2021 можеме да видиме дека вкупните расходи се 696 евра, односно дури се за 88% поголеми, но капиталните расходи се 191 евро или 17% од вкупните расходи - вели Димоски.

Тој нагласи дека врз основа на овие податоци можеме да констатираме дека учеството на капиталните инвестиции во однос на вкупните расходи се разочарувачки.

Можеме да заклучиме дека периодот 2018-2021 се карактеризира со тоа дека вкупните расходи се зголемувале, а за жал се помалку и помалку капитални инвестиции се реализирале. Односно тие градоначалници не се грижеле доволно да го развијат локалниот економскиот развој - заклучи Димоски.

Тој додаде дека Македонија за време на градоначалниците на СДСМ назадува по странски инвестиции иако секоја нова странска инвестиција ја подобрува економијата, обезбедува работни места, ги ангажира локалните компании за услуги и деловни соработници.

Ако погледнеме 2019 година Македонија успеала да привлече 3,2% од БДП од странски директни инвестиции, а ако тоа го споредиме со останатите држави од регионот може да видиме дека сме на дното и истото за 2020 кога е 1,9%, за споредба едно Косово им 4%, Србија 4,8%, а Црна Гора 11,1%. Приливот на странски инвестиции по глава на жител за првите 9 месеци од 2021 година се скромни 137 евра споредено со земјите од регионот сме на дното. Ова се должи на што оваа влада не покажа амбиција за поволни бизнис услови - изјави Димоски.

https://www.youtube.com/watch?v=3S24mnPp0CM

The post Димоски: Градоначалниците од СДСМ не се грижеле за локалниот развој, нивото на капитални инвестиции е разочарувачко ниско appeared first on Република.

Локалното прашање не може да се одвои од големите прашања кои што ја засегаат државата од причина што тоа што го затекнавме на локално ниво ја отсликува општата економска состојба и на национално ниво. Едно од основните прашања за положбата на локалната самоуправа во политичкиот систем е односот кој државата го има кон локалната самоуправа, односно локалната самоуправа не би можела да ги реализира своите надлежности од делокругот на своето работење доколку нема доволно финансиски средства од страна на државата. Но, поради тоа ние можеме да заклучиме дека денес локалната самоуправа е потисната и е ставена во втор план од страна на државата, вели портпаролката на ВМРО-ДПМНЕ и член на Извршниот комитет Марија Митева, на панел дискусија во организација на ВМРО-ДПМНЕ насловена „Што наследија општините“ по повод 100 дена отчет на локална власт.

Митева нагласи дека целта на денешната панел дискусија е транспарентно да се информира јавноста што точно наследија градоначалниците на ВМРО-ДПМНЕ од претходните на СДСМ, посочувајќи дека проблемите кои што ги детектирале нема само да ги зборуваат, туку ќе се обидат да ги решат се со цел да се донеси подобра иднина за сите граѓани.

Целта на панел дискусијата е да зборуваме отворено за граѓаните за тоа што наследија градоначалниците на ВМРО-ДПМНЕ по преземањето на функцијата. Кога ја биравме темата се водевме од два фактори односно две причини. Прво, затоа што ВМРО-ДПМНЕ како политичка партија освои најголем број на градоначалници на локалните избори и притоа се обврзавме на чесно, транспарентно и отворено работење кон граѓаните и второ ветивме дека проблемите кои што ќе ги детектираме или кои што ќе ги наследиме нема само да ги зборуваме, туку ќе се обидеме да ги претвориме во промени кои што ќе донесат подобра иднина - истакна Митева.

Таа потенцираше дека изминатиот период како партија алармирале и предупредувале како се однесувале претходните градоначалници од СДСМ во однос на финансиското работење и трошење на општинските буџетски пари за склучување на тендери во четири очи, како и злоупотреба на службената положба.

Како политичка партија целиот изминат период алармиравме, зборувавме и предупредувавме за бројни нерегуларности кои што се направени на локално ниво во однос на финансиското работење од страна на градоначалниците на СДСМ. Зборувавме за јавните набавки кои што се склучувани во четири очи по енормно високи цени, зборувавме за злоупотребата на службената положба од страна на функционерите и за бројни други нерегуларности. Но, од друга страна како политичка партија понудивме програма која ветуваше поинаков пристап во работењето со финансиите кои што општините ги имаат на располагање - порача Митева.

The post Митева: Градоначалниците од СДСМ правеле бројни нерегуларности во општините, склучувани се договори во четири очи по енормно високи цени appeared first on Република.