Со сечење на џиновската пастрамајлија синоќа почна 14.издание на штипска манифестацијата  „Пастрмалијада“. Штипјани, но и гостите од земјава уживаа во настапите на ДНК, хрватската пејачка Јелена Розга, оркестарот на маестралниот Џамбо Агушев, а за младите забавата продолжи со познати диџеи.

Оваа манифестација се одржува по две години пауза, за разлика од претходните години доминираа штандовите на винариите и пивниците, помал е бројот на штандови на ресторани, од причина што цела вечер се отворени и ја нудат пастрамајлијата во нивните објекти. На манифестацијата познатиот штипски гурмански бренд се продава по цена од 190 денари, додека во кафаните и ресторантите цената е повисока, но се нуди со нормалните количини на месо и страндраната големина на пастрамајлијата.

Манифестацијата продолжува и вечерва со настапите на Зоран Илиев, Куку Леле и Тони Цетински.

The post Штипската „Пастрмалијада“ продолжува вечерва со настап на Тони Цетински appeared first on Република.

Со традиционалното сечење на најголемата штипска пастрмајлија, по две години пауза, вечерва во Штип започна четиринаесеттата Штипска пастрмајлијада. Настанот ќе трае два дена, а цената што ја договорија угоститлите и општина Штип е 190 денари за една пастрмајлија.

Гостин на отворањето беше евроамбасадорот Дејвид Гир кој во изјава за медиумите рече дека многу му се допаднал настанот и особено штипската пастрмајлија.

-Чувствувам големо задоволство што сум тука денес во Штип за Пастрмајлијадата, рече Гир на македонски јазик.

-Ова е прекрасна македонска традиција и мислам дека ние во ЕУ ќе научиме нешто од ова и можеби и ние ќе имаме „Пастрмајлијада“ во Европската Унија, рече амбасадарот Гир.

Ѕвезди на манифестацијата се Тони Цетински и Јелена Розга.

Најголемата штипска пастрмајлија што вечерва беше пресечена е долга 2 метра на еден метар и 10 сантиметри и е печена како едно парче во најголемата штипска фурна, откри главниот готвач кој ја приготвил пастрмајлијата и додаде, како одговор на новинарско прашање, дека тајната за една пастрмајлија да биде штипска е да биде приготвена во Штип.

The post Отворена 14 Штипска пастрмајлијада, евроамбасадорот Гир сака да ја пренесе традицијата и во ЕУ appeared first on Република.