Поради сообраќајна незгода од 17:30 часот затворен за сообраќај е експресниот пат Штип – Радовиш. Сообраќајот се одвива по стариот пат, информираат од Авто-мото сојуз на Македонија.

Сообраќајот на останатите државните патишта се одвива непречено, по влажни коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Сообраќајот на автопатот Штип – Радовиш во прекин поради сообраќајна незгода appeared first on Република.

Едно лице загина, а две се повредени во несреќата што се сллучила вчера околу 14.30 часот на експресниот пат Штип–Радовиш.

Како што соопштува МВР, се случила сообраќајна несреќа помеѓу товарно возило „фолксваген крафтер“, со скопски регистарски ознаки, управувано од Ј.Ј.(30) од Скопје и товарно возило „цитроен берлинго“, со радовишки регистарски ознаки, управувано од М.В.(44) од Радовиш.

На местото на несреќата починал возачот М.В., а смрт констатирал лекар од Итната медицинска помош.

Со телесни повреди се здобиле возачот Ј.Ј. и сопатникот од истото возило А.Џ.(44) од Скопје, констатирани во Клиничката болница во Штип.

Извршен бил увид од Јавен обвинител и увидна екипа од СВР Штип.

The post Еден загинат и двајца повредени во судир на две комбиња на експресниот пат Штип–Радовиш appeared first on Република.